ꠔꠥꠝꠤ ꠞꠢꠝꠔꠦꠞ ꠘꠖꠤꠀ [তুমি রহমতের নদীয়া]
ꠉꠤꠔꠤꠈꠣꠞ : ꠇꠛꠤ ꠖꠤꠟꠅꠀꠞ
ꠔꠥꠝꠤ ꠞꠢꠝꠔꠦꠞ ꠘꠖꠤꠀ,ꠔꠥꠝꠤ ꠞꠢꠝꠔꠦꠞ ꠘꠖꠤꠀ
ꠖꠥꠀ ꠈꠞ ꠝꠞꠦ ꠢꠎꠞꠔ ꠡꠣꠢꠎꠣꠟꠣꠟ ꠀꠃꠟꠤꠀ ॥
ꠎꠦ ꠖꠦꠡꠦ ꠀꠍꠤꠟꠣ ꠞꠣꠍꠥꠟ, ꠖꠄꠀꠞ ꠙꠣꠞꠣꠛꠣꠞ
ꠡꠦ ꠖꠦꠡ ꠢꠁꠔꠦ ꠀꠁꠟꠣꠄ ꠔꠥꠝꠤ ꠁꠘꠍꠣꠚꠅ ꠀꠟ꠆ꠟꠣꠞ
ꠍꠤꠟꠦꠐ ꠜꠥꠝꠤ ꠗꠘ꠆ꠘ ꠢꠁꠟ, ꠔꠥꠝꠣꠞ ꠚꠞꠡ ꠚꠣꠁꠀ ॥
ꠎꠣꠄꠘꠣꠝꠣꠎ ꠛꠤꠍꠣꠁꠀ ꠎꠟꠦ ꠖꠤꠟꠣꠄ ꠡꠥꠞꠝꠣ ꠚꠣꠠꠤ
ꠡꠥꠁꠘꠣ ꠞꠣꠎꠣ ꠉꠃꠠ꠆ꠉꠛꠤꠘ꠆ꠖꠦꠞ ꠖꠤꠡꠣ ꠉꠦꠟ ꠃꠠꠤ
ꠃꠑꠤꠟ ꠎꠄꠗꠘꠤ ꠀꠇꠣꠡꠅ ꠈꠣꠚꠣꠁꠀ ॥
ꠈꠔ ꠞꠥꠉꠤ ꠢꠁꠟꠣ ꠜꠣꠟꠣ ꠈꠣꠁꠀ ꠏꠞꠘꠣꠞ ꠚꠣꠘꠤ
ꠈꠣꠎꠟ ꠛꠞꠘ ꠈꠂꠔꠞ ꠃꠠꠦ ꠝꠥꠁꠍꠣ ꠝꠘꠦꠞ ꠉ꠆ꠟꠣꠘꠤ
ꠈꠔ ꠚꠣꠚꠤ ꠝꠣꠉꠦ ꠘꠣꠎꠣꠔ ꠔꠥꠝꠣꠞ ꠖꠞꠉꠣꠄ ꠎꠣꠁꠀ ॥