শুরমা ফারর খবর ছিলটি জবানে ছিলটর খবর
Related Articles
(ꠍꠤꠟꠦꠐꠤ ꠇꠛꠤꠔꠣ ) :
* ꠔꠧꠞꠦ ꠟꠂꠀ ꠀꠞ ꠘꠣ “
* ꠇꠝꠞ ꠃꠖ꠆ꠖꠤꠘ ꠇꠣꠝꠞꠣꠘ *
Γ8/1০/Γ০18
///////////////
ꠀꠐ ꠛꠍꠧꠞꠞ ꠚꠥꠠꠤ ꠘꠤꠀ
ꠛꠣꠎꠣꠞꠧ ꠝꠣ ꠌꠁꠟ꠆ꠟꠧ
ꠇꠧꠘꠛꠣꠄ ꠎꠣꠁꠛꠧ ꠇꠤꠔꠣ ꠅꠁꠛꠧ
ꠚꠥꠠꠤꠞ ꠀꠔꠧ ꠗꠁꠟ꠆ꠟꠧ ⁕
” ꠅꠃ ꠖꠦꠈꠧ ꠝꠣ ꠁꠔꠣ ꠇꠤꠔꠣ ”
ꠀꠋꠉꠥꠟ ꠖꠤꠀ ꠖꠦꠈꠣꠄ
” ꠅꠛꠣꠄ, ꠅꠛꠣꠄ ꠖꠦꠈꠧ ” ꠇꠂꠀ
ꠐꠣꠘ ꠝꠣꠞꠤ ꠔꠣꠁ ꠚꠤꠞꠣꠄ ⁕
ꠢꠞꠥ ꠚꠥꠠꠤ ꠄꠞ ꠀꠉꠦ ꠔꠣꠁ
ꠡꠢꠞꠦ ꠘꠣꠢꠤ ꠎꠣꠄ
ꠎꠦꠔꠣ ꠖꠦꠈꠦ ꠜꠦꠈꠜꠦꠈꠣꠁꠀ
ꠅꠔꠣꠞ ꠅꠛꠣꠄ ꠌꠣꠄ ⁕
ꠐꠣꠘ ꠝꠣꠞꠤꠀ ꠇꠄ ꠝꠣꠄꠞꠦ
” ꠎꠟꠖꠤ ꠅꠛꠣꠄ ꠚꠤꠞꠧ,
ꠃꠛ꠆ꠍꠔꠞ ꠄꠇ ꠛꠦꠐꠤ ꠖꠦꠈꠧ
ꠇꠣꠙꠠ ꠘꠣꠁ ꠔꠣꠁꠞ ꠍꠤꠞꠧ ⁕
ꠝꠣꠕꠣꠔ ꠇꠣꠙꠠ ꠘꠣꠁ ꠝꠣ ꠛꠦꠐꠤꠞ
ꠁꠉꠥ ꠇꠤꠎꠣꠔ ꠘꠐꠤ
ꠀꠍ꠆ꠔꠣ ꠙꠦꠐ ꠃꠖꠟꠣ ꠛꠦꠐꠤꠞ
ꠘꠣꠜꠤꠞ ꠔꠟꠦ ꠙꠐꠤ ⁕
ꠃꠞꠣꠔ ꠖꠈꠣꠘ ꠛꠣꠞ ꠇꠞꠤꠀ
ꠐꠣꠃꠘꠧ ꠇꠤꠟꠣ ꠀꠞ ?
ꠘꠦꠘꠣꠄ ꠈꠣꠁꠛꠣꠞ ꠡꠞꠝ ꠖꠐꠣ
ꠀꠗꠦꠈꠣꠘ ꠖꠦꠈꠣ ꠎꠣꠞ ⁕
ꠅꠃ ꠉꠟ꠆ꠟꠤꠛꠣꠄ ꠢꠣꠝꠣꠁ ꠉꠦꠍꠦ
ꠀꠉꠦ ꠖꠦꠈꠟꠣꠄ ꠘꠣ
ꠝꠣꠁꠘꠡꠞ ꠝꠣꠏꠦ ꠁ ꠢꠣꠟ꠆ꠟꠔꠧ
ꠡꠞꠝ ꠙꠣꠁꠟꠧ ꠘꠣ ? ”
ꠖꠝꠇꠤ ꠖꠤꠀ ꠇꠁꠟꠧ ꠝꠣꠄ
‘ ꠚꠣꠔꠣꠞꠦ ꠍꠣꠁꠍ ꠘꠣ
ꠀꠞꠦꠇꠖꠤꠘ ꠀꠞ ꠔꠧꠞꠦ ꠟꠂꠀ
ꠛꠣꠎꠣꠞꠧ ꠀꠞ ꠘꠣ ⁕
ꠁꠎ꠆ꠎꠔ ꠡꠝ꠆ꠝꠣꠘ ꠛꠣꠍꠣꠁꠟ ꠎꠣꠞꠘꠣ
ꠔꠧꠞꠦ ꠟꠂꠀ ꠀꠁꠀ
ꠘꠄꠀ ꠘꠄꠀ ꠚꠦꠡꠘ ꠖꠦꠁꠇꠣ
ꠃꠛꠣꠁ ꠕꠣꠇꠧꠍ ꠌꠣꠁꠀ ‘⁕
