“ꠡꠣꠔ ꠈꠁꠘꠣꠞ ꠛꠣꠈꠣꠘ” (Γ)
ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠟꠦꠈꠣ ꠀꠞ ꠇꠥꠛ ꠘꠣꠝꠈꠞꠣ ꠄꠈꠣꠘ ꠚꠥꠕꠤꠞ ꠘꠣꠝ ꠅꠁꠟ “ꠡꠣꠔ ꠈꠁꠘꠣꠞ ꠛꠣꠈꠣꠘ” ⁕ ꠎꠦꠈꠐꠣꠞ ꠟꠦꠈꠞꠣ ꠍꠂꠅꠖ ꠡꠣꠢꠘꠥꠞ ⁕
“ꠡꠣꠔ ꠈꠁꠘꠣꠞ ꠛꠣꠈꠣꠘ” ꠚꠥꠕꠤꠞ ꠢꠡꠔꠥꠘꠤ, ꠡꠋꠇꠥꠘꠤ, ꠘꠣꠉꠤꠘꠤ, ꠇꠣꠋꠇꠥꠘꠤ, ꠇꠤꠋꠇꠥꠘꠤ, ꠍꠤꠘ꠆ꠔꠘꠤ, ꠚꠖ꠆ꠖꠤꠘꠤ ꠅꠟꠣꠘ ꠡꠣꠔ ꠟꠣꠈꠣꠘ ꠘꠣꠝꠦ ꠄꠛꠅ ꠉꠣꠃ ꠉꠦꠞꠣꠝꠅ ꠚꠥꠕꠤꠞ ꠟꠉꠦꠟꠉꠦ ꠇꠤꠌ꠆ꠌꠣꠅ ꠢꠥꠘꠣ ꠎꠣꠄ ⁕
⁕ ꠄꠛꠣꠞ ꠖꠥꠍꠞꠣ ꠛꠄꠀꠘ ꠡꠋꠇꠥꠘꠤ ꠈꠁꠘꠣꠞ ⁕
ꠀꠞꠦꠈ ꠛꠄꠀꠘ ꠜꠣꠁ ꠔꠣꠔꠦ ꠈꠞ ꠝꠘ ।।
ꠡꠋꠇꠥꠘꠤ ꠈꠁꠘꠣꠞ ꠇꠤꠍꠥ ꠟꠦꠈꠤꠝꠥ ꠄꠈꠘ ⁕
ꠡꠋꠇꠥꠘꠤ ꠎꠦꠁ ꠈꠁꠘꠣ ꠎꠦꠍꠣ ꠡꠋꠇꠦꠞ ꠝꠥꠞꠣ ।।
ꠝꠞꠖ ꠎꠣꠞ ꠜꠣꠟ ꠢꠄ ꠔꠤꠞꠤ ꠚꠣꠄ ꠛꠥꠞꠣ ⁕
ꠀꠁꠔꠦ ꠈꠣꠐꠦ ꠎꠣꠁꠔꠦ ꠈꠣꠐꠦ ꠡꠦꠁ ꠈꠞꠣꠔꠦꠞ ꠗꠣꠞ ।।
ꠛꠤꠘꠣ ꠡꠥꠘꠤ ꠇꠢꠦ ꠈꠕꠣ ꠝꠣꠉꠤꠀ ꠚꠥꠟꠦꠞ ꠢꠣꠞ ⁕
ꠛꠤꠘꠣ ꠡꠥꠘꠤ ꠇꠢꠦ ꠇꠕꠣ ꠝꠗꠥꠞꠡ ꠛꠣꠘꠤ ।।
ꠈꠣꠟ ꠘꠣꠉ ꠢꠁꠀ ꠝꠞꠖꠦꠞ ꠟꠁꠀꠍꠦ ꠚꠞꠣꠘꠤ ⁕
ꠛꠥꠏꠣꠁꠟꠦ ꠘꠣ ꠛꠥꠏꠦ ꠈꠁꠘꠣ ꠃꠟ꠆ꠐꠣ ꠚꠣꠘꠤ ꠛꠣꠄ ।।
ꠚꠣꠚꠦꠞ ꠜꠞꠣ ꠜꠞꠤꠀ ꠖꠤꠟ ꠡꠖꠣꠉꠞꠦꠞ ꠘꠣꠄ ⁕
ꠛꠥꠏꠣꠁꠟꠦ ꠘꠣ ꠛꠥꠏꠦ ꠔꠤꠞꠤ ꠃꠟ꠆ꠐꠣ ꠔꠣꠞ ꠝꠘ ।।
ꠒꠣꠈꠣꠁꠔꠦꠞ ꠢꠣꠔꠦ ꠎꠦꠘ ꠡꠣꠃꠗꠦꠞ ꠝꠞꠘ ⁕