Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠡꠣꠔ ꠈꠁꠘꠣꠞ ꠛꠣꠈꠣꠘ: ꠚꠢꠦꠟꠣ ꠛꠄꠀꠘ ꠢꠡ꠆ꠔꠥꠘꠤ ꠇꠁꠘꠣꠞ

ꠡꠣꠔ ꠈꠁꠘꠣꠞ ꠛꠣꠈꠣꠘ: ꠚꠢꠦꠟꠣ ꠛꠄꠀꠘ ꠢꠡ꠆ꠔꠥꠘꠤ ꠇꠁꠘꠣꠞ

“ꠡꠣꠔ ꠇꠁꠘꠣꠞ ꠛꠣꠈꠣꠘ” (1)


ꠍꠤꠟꠐꠤ ꠘꠣꠉꠞꠤ ꠢꠞꠚꠦ ꠟꠦꠈꠣ ꠀꠞ ꠇꠥꠛ ꠘꠣꠝꠈꠞꠣ ꠄꠈꠣꠘ ꠚꠥꠕꠤꠞ ꠘꠣꠝ ꠅꠁꠟ “ꠡꠣꠔ ꠈꠁꠘꠣꠞ ꠛꠣꠈꠣꠘ” ⁕ ꠎꠦꠈꠐꠣꠞ ꠟꠦꠈꠞꠣ ꠍꠂꠅꠖ ꠡꠣꠢꠘꠥꠞ ⁕
“ꠡꠣꠔ ꠈꠁꠘꠣꠞ ꠛꠣꠈꠣꠘ” ꠚꠥꠕꠤꠞ ꠢꠡꠔꠥꠘꠤ, ꠡꠋꠇꠥꠘꠤ, ꠘꠣꠉꠤꠘꠤ, ꠇꠣꠋꠇꠥꠘꠤ, ꠇꠤꠋꠇꠥꠘꠤ, ꠍꠤꠘ꠆ꠔꠘꠤ, ꠚꠖ꠆ꠖꠤꠘꠤ ꠅꠟꠣꠘ ꠡꠣꠔ ꠟꠣꠈꠣꠘ ꠘꠣꠝꠦ ꠄꠛꠅ ꠉꠣꠃ ꠉꠦꠞꠣꠝꠅ ꠚꠥꠕꠤꠞ ꠟꠉꠦꠟꠉꠦ ꠇꠤꠌ꠆ꠌꠣꠅ ꠢꠥꠘꠣ ꠎꠣꠄ ⁕


⁕ ꠚꠢꠦꠟꠣ ꠛꠄꠀꠘ ꠢꠡ꠆ꠔꠥꠘꠤ ꠇꠁꠘꠣꠞ ⁕

ꠚꠢꠦꠟꠣ ꠛꠄꠀꠘ ꠜꠣꠁ ꠔꠣꠔꠦ ꠈꠞ ꠝꠘ ।।
ꠡꠣꠔ ꠈꠁꠘꠣꠞ ꠛꠣꠈꠣꠘ ꠀꠝꠤ ꠟꠦꠈꠤꠝꠥ ꠄꠈꠘ ⁕
ꠎꠖꠤ ꠛꠣꠚꠦꠞ ꠛꠦꠐꠣ ꠢꠄ ꠅꠡ꠆ꠔꠣꠖꠦꠞ ꠉꠟꠣꠞ ꠢꠣꠞ ।।
ꠘꠄꠀꠘꠦ ꠖꠦꠇꠤꠟꠦ ꠔꠣꠞꠦ ꠚꠣꠞꠦ ꠍꠤꠘꠤꠛꠣꠞ ⁕
ꠝꠣꠄꠞ ꠚꠤꠀꠞꠣ ꠛꠦꠐꠣ ꠀꠞ ꠛꠣꠚꠦꠞ ꠚꠞꠣꠘ ।।
ꠚꠞꠕꠝꠦ ꠟꠦꠇꠤꠝꠥ ꠀꠝꠤ ꠢꠡ꠆ꠔꠥꠘꠤꠞ ꠛꠄꠀꠘ ⁕
ꠢꠡ꠆ꠔꠥꠘꠤ ꠎꠦꠁ ꠘꠣꠞꠤ ꠎꠦꠝꠘ ꠍꠟꠦ ꠢꠡ꠆ꠔꠤ ।।
ꠗꠝ ꠗꠝꠣꠁꠀ ꠚꠣꠐꠦ ꠛꠦꠐꠤ ꠄꠁ ꠔꠣꠞ ꠉꠔꠤ ⁕
ꠡꠣꠝꠤꠞ ꠡꠘꠦ ꠛꠤꠛꠣꠖ ꠈꠞꠤꠀ ꠚꠥꠡꠣꠁꠟ ꠞꠎꠘꠤ ।।
ꠡꠥꠡꠣꠝꠤꠞꠦ ꠖꠣꠔꠦ ꠈꠣꠐꠤ ꠟꠢꠥ ꠈꠞꠤꠀꠍꠦ ꠚꠣꠘꠤ ⁕
ꠟꠢꠥ ꠡꠥꠇꠣꠁ ꠉꠥꠡ꠆ꠔ ꠡꠥꠇꠣꠁ ꠍꠣꠝꠠꠣ ꠢꠁꠟ ꠖꠠꠤ ।।
ꠢꠡ꠆ꠔꠦ ꠟꠣꠐꠤ ꠟꠁꠀ ꠝꠞꠖꠦ ꠚꠤꠞꠦ ꠛꠣꠠꠤ ꠛꠣꠠꠤ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …