Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠚꠡꠋꠉꠦ: ꠞꠥꠢꠥꠟ ꠀꠝꠤꠘ ꠡꠥꠝꠘ

ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠚꠡꠋꠉꠦ: ꠞꠥꠢꠥꠟ ꠀꠝꠤꠘ ꠡꠥꠝꠘ

ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠚꠡꠋꠉꠦ ꠞꠥꠢꠥꠟ ꠀꠝꠤꠘ ꠡꠥꠝꠘ Γ0Γ0 ꠚꠤꠞꠣꠞ Γ8 ꠎꠥꠟꠣꠁꠔ ꠄꠈꠐꠣ ꠟꠦꠈꠣ ꠍꠣꠚꠍꠤꠟꠣ ꠛꠣꠋꠟꠣꠄ ⁕ ꠔꠣꠘ ꠟꠦꠈꠣ ꠈꠣꠘꠔꠣ ꠍꠤꠟꠐꠤ ꠝꠣꠔꠦ ꠔꠞꠏꠝꠣ ꠈꠞꠤ ꠢꠤꠞꠤ ꠍꠣꠚꠣꠘꠤ ꠅꠁꠟꠧ ⁕

ꠁꠖꠣꠘꠤꠋ ꠛꠃꠔꠦ ꠍꠤꠟꠐꠤ ꠝꠣꠔ ꠀꠞ ꠍꠤꠟꠐꠤ ꠟꠤꠚꠤ ꠟꠁꠀ ꠚꠦꠍ ꠟꠣꠉꠣꠁ ꠟꠣꠁꠘ ⁕ ꠘꠣꠉꠞꠤ ꠜꠣꠡꠣ ꠘꠣꠝꠦ ꠇꠥꠘꠥ ꠝꠣꠔ ꠘꠣꠁ ꠛꠣ ꠇꠥꠘꠥꠛꠣꠟꠣꠅ ꠀꠍꠤꠟ ꠘꠣ ⁕ ꠁꠇꠣꠘ ꠢꠈꠟ ꠛꠣꠟꠣꠅ ꠍꠤꠟꠐꠤ ꠝꠣꠔ ⁕
ꠀꠞ ꠟꠦꠈꠣꠞ ꠚꠖ꠆ꠖꠔꠤ ꠇꠤ ꠟꠤꠚꠤꠞ ꠘꠣꠝ ꠍꠤꠟꠐꠤ ꠘꠣꠉꠞꠤ ⁕

ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠈꠦꠞꠣ ꠇꠥꠘꠛꠣꠟꠣ ꠛꠣꠘꠣꠁꠍꠟꠣ ꠏꠣꠘꠣ ꠉꠦꠍꠦ ꠘꠣ ⁕ ꠄꠞꠖꠣꠄ ꠁ ꠟꠤꠚꠤꠞ ꠈꠣꠍ ꠘꠣꠝ ꠇꠤꠔꠣ ꠀꠍꠤꠟ ꠈꠅꠀ ꠝꠡꠇꠤꠟ ⁕ ꠟꠤꠚꠤ ꠁꠉꠥꠞ ꠚꠞꠤꠍꠄ ꠖꠦꠅꠀꠔ ꠉꠤꠀ ꠎꠞ꠆ꠎ ꠉ꠆ꠞꠤꠀꠞꠍꠘꠦ ꠟꠦꠈꠍꠤꠟꠣ – ꠖꠦꠛꠘꠣꠉꠞꠤ, ꠅꠌ꠆ꠌꠥꠔ ꠌꠞꠘ ꠌꠃꠗꠥꠞꠤ ꠔꠔ꠆ꠔꠘꠤꠗꠤꠄ ꠟꠦꠈꠍꠤꠟꠣ ꠄꠈꠏꠣꠔꠤ ꠘꠣꠉꠞꠣꠇ꠆ꠇꠞ, ꠡꠥꠘꠤꠔꠤ ꠇꠥꠝꠣꠞ ꠌꠐ꠆ꠐꠧꠙꠣꠖ꠆ꠖꠣꠄ ꠄ ꠟꠦꠈꠍꠤꠟꠣ – ꠄꠈ ꠏꠣꠔꠤ ꠒꠚ ꠚꠣꠟꠐꠣꠁꠟ ꠖꠦꠛꠘꠣꠉꠞꠤ ⁕ 1908 ꠡꠣꠟꠧ “ꠍꠤꠟꠐꠤ ꠘꠣꠉꠞꠤ” ꠈꠕꠣꠈꠣꠘ ꠚꠄꠟꠣ ꠛꠦꠛꠀꠞ ꠈꠞꠂꠘ ꠙꠖ꠆ꠖꠘꠣꠕ ꠜꠐ꠆ꠐꠣꠌꠣꠞ꠆ꠎ ꠛꠤꠖ꠆ꠖꠣꠛꠤꠘꠧꠖꠦ ⁕

ꠄꠞꠛꠣꠖ ꠔꠘꠦ ꠁ ꠟꠤꠚꠤꠞ ꠘꠣꠝ ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠢꠤꠡꠣꠛꠦ ꠚꠔꠤꠡꠐꠤꠔ ꠅꠁ ꠉꠦꠍꠦ ⁕

ꠒ. ꠄꠡ ꠄꠝ ꠉꠥꠟꠣꠝ ꠇꠣꠖꠤꠞ, ꠌꠃꠗꠥꠞꠤ ꠉꠥꠟꠣꠝ ꠀꠇꠛꠞ ꠡꠣꠢꠤꠔ꠆ꠔꠜꠥꠡণ, ꠙ꠆ꠞꠚꠦꠍꠣꠞ ꠝꠥꠢꠝ꠆ꠝꠖ ꠀꠡꠣꠖ꠆ꠖꠞ ꠀꠟꠤ ꠡꠁꠔꠦ ꠚꠘ꠆ꠒꠤꠔ ꠅꠈꠟꠦ ꠁ ꠟꠤꠚꠤꠞꠦ ꠍꠤꠟꠦꠐꠤ ꠟꠤꠚꠤ ꠘꠣꠝꠦ ꠒꠣꠈꠣꠞ ꠖꠣꠄ ꠝꠔ ꠖꠤꠍꠂꠘ ⁕

ꠍꠤꠟꠐꠞ ꠚꠥꠞꠣꠘꠣꠝꠟꠤ ꠘꠣꠝ ꠀꠍꠤꠟ ꠍꠤꠞꠐ (Sirote) ⁕ ꠝꠣꠘꠡꠞ ꠝꠥꠇꠅ ꠝꠥꠇꠅ ꠍꠤꠞꠐ > ꠍꠤꠟꠐ ꠅꠁ ꠏꠣꠄ ⁕

ꠍꠤꠟꠐꠞ ꠛꠣꠡꠤꠘꠖꠣꠁꠘꠔꠦ ꠀꠉꠣꠞꠣꠝꠟ ꠔꠘꠦ ꠃ ꠁ ꠏꠘꠚꠖꠞꠦ ꠍꠤꠟꠐ ꠃ ꠒꠣꠇꠤꠀ ꠀꠁꠞꠣ ⁕ ꠀꠞ꠆ꠎ ꠅꠈꠟꠦ ꠍꠤꠞꠐꠞꠦ ꠍ꠆ꠞꠤꠢꠐ꠆ꠐ ꠘꠣꠝ ꠖꠦꠁꠘ, ꠘꠛꠣꠛꠤ ꠀꠝꠟꠅ ꠍ꠆ꠞꠤꠢꠐ꠆ꠐ ꠛꠘꠤꠏꠣꠄ ꠡꠤꠟꠣꠢꠣꠔ ⁕ ꠀꠞ ꠀꠋꠞꠦꠏ ꠅꠈꠟꠦ ꠡꠤꠟꠣꠢꠣꠔꠞꠦ ꠛꠣꠘꠣꠁꠟꠣꠄ ꠍꠤꠟꠢꠦꠐ ꠇꠤ ꠍꠤꠟꠦꠐ ⁕ ꠀꠝꠣꠞ ꠝꠔꠦ ꠏꠘꠚꠖꠞ ꠘꠣꠝ ꠛꠣꠡꠤꠘꠖꠣ ꠅꠈꠟꠞ ꠖꠦꠅꠀ ꠘꠣꠝꠦꠃ ꠕꠣꠈꠣ ꠃꠍꠤꠔ ⁕ ꠏꠦꠉꠔꠤꠇꠦ ꠁ ꠏꠘꠚꠖꠞ ꠘꠣꠝ ꠍꠤꠟꠐ, ꠛꠣꠡꠤꠘꠖꠣ ꠀꠞ ꠝꠣꠔꠞ ꠘꠣꠝ ꠍꠤꠟꠐꠤ, ꠀꠞ ꠟꠤꠚꠤꠞ ꠘꠣꠝ ꠍꠤꠟꠐꠤ ꠟꠤꠚꠤꠁ ꠏꠥꠇ꠆ꠔꠤꠡꠝ꠆ꠝꠔ ⁕

ꠅꠁꠍꠦꠇꠤꠔꠣ, ꠡꠞꠈꠣꠞꠦ ꠘꠥ ꠍꠤꠐꠣꠉꠣꠋ, ꠎꠡꠥꠢꠞ, ꠇꠥꠝꠤꠟꠟꠣ, ꠛꠞꠤꠡꠣꠟ ꠀꠞ ꠛꠉꠥꠠꠣꠞ ꠛꠣꠘꠣꠘ ꠛꠣꠃꠇ ꠈꠞꠍꠦ ⁕ ꠍꠤꠟꠦꠐ (Sylhet) ꠛꠣꠘꠣꠘ ꠚꠣꠟꠐꠣꠁꠀ ꠍꠤꠟꠐ (Silot) ꠈꠞꠣ ꠡꠝꠄꠞ ꠖꠣꠛꠤ ⁕ ꠛꠤꠐꠤꠡ ꠅꠈꠟꠞꠦ ꠜꠣꠉꠣꠘꠤꠞ V৩ ꠚꠤꠞꠣ ꠛꠣꠖꠦꠅ ꠁꠔꠣꠞ ꠖꠦꠅꠀ ꠘꠣꠝ ꠟꠁꠀ ꠍꠟꠣ ꠡꠞꠝꠞ ꠈꠕꠣ ⁕

5/5 - (3 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …