ꠚꠦꠘꠤ ꠡꠞꠈꠣꠞꠤ ꠇꠟꠦꠎꠅ ꠡꠣꠗꠣꠞꠘ ꠚꠞꠥꠀꠁꠘ꠆ꠔꠞ ꠁꠘ꠆ꠔꠦꠎꠣꠝꠦ ꠉꠘ-ꠁꠍꠔꠣꠞ ꠝꠣꠢꠚꠤꠟꠅ ꠍꠣꠔ꠆ꠞꠟꠤꠉꠦ ꠢꠣꠝꠟꠣ ꠈꠞꠦ ⁕ ꠎꠦꠈꠐꠣꠄ ꠚꠦꠘꠤ ꠡꠞꠈꠣꠞꠤ ꠇꠟꠦꠎꠞ ꠛꠤꠛꠤꠄ’ꠞ ꠚꠞꠥꠀ ꠀꠟꠤ ꠀꠢꠝ꠆ꠝꠖ ꠚꠥꠞꠇꠣꠘ, ꠛꠤꠄꠍꠍꠤꠞ ꠚꠞꠥꠀ ꠍꠣꠁꠚꠥꠟ ꠁꠍꠟꠣꠝ, ꠄꠝꠞꠣꠘ ꠢꠥꠡꠦꠘ ꠀꠞ ꠉꠘꠤꠔ ꠛꠤꠜꠣꠉꠞ ꠚꠞꠥꠀ ꠀꠛꠖꠥꠟ ꠝꠥꠢꠣꠁꠝꠤꠘ ꠀꠎꠤꠝ ꠡꠢ V ꠔꠘꠦ 8 ꠎꠘ ꠚꠞꠥꠀꠁꠘ ꠎꠈꠝ ꠅꠁꠘ ꠈꠞꠤꠀ ꠎꠣꠘꠣ ꠎꠣꠄ ⁕
ꠉꠦꠍꠦ ꠡꠝꠛꠣꠞ (18 ꠝꠣꠞ꠆ꠌ) ꠛꠤꠀꠟꠦ ꠡꠞꠈꠣꠞꠤ ꠙꠣꠁꠟꠐ ꠢꠣꠁ ꠁꠍ꠆ꠇꠥꠟ ꠝꠣꠑꠅ ꠊꠐꠘꠣ ꠈꠣꠘ ꠊꠐꠦ ⁕
ꠀꠄꠎꠇ ꠡꠥꠔ꠆ꠞꠦ ꠎꠣꠘꠣ ꠉꠦꠍꠦ, ꠁꠀꠖ꠆ꠞꠣ ꠡꠣꠢꠎꠣꠟꠣꠟ ꠍꠣꠁꠘꠍ ꠄꠘ꠆ꠒ ꠐꠦꠇꠘꠟꠎꠤ ꠁꠃꠘꠤꠜꠣꠞꠍꠤꠐꠤ ꠀꠞ ꠘꠥꠀꠈꠣꠟꠤ ꠍꠣꠁꠘꠍ ꠄꠘ꠆ꠒ ꠐꠦꠇꠘꠟꠎꠤ ꠁꠃꠘꠤꠜꠣꠞꠍꠤꠐꠤꠔ ꠁꠍꠔꠣꠞ ꠝꠣꠢꠚꠤꠟ ꠀꠄꠎꠘꠞ ꠃꠚꠞꠦ ꠚꠡꠣꠡꠘꠞ ꠘꠤꠡꠦꠗꠣꠉ꠆ꠉꠣꠞ ꠚꠔꠤꠛꠣꠖꠦ ꠉꠘ ꠁꠍꠔꠣꠞꠤꠞ ꠀꠄꠎꠘ ꠈꠞꠍꠤꠟ ꠚꠦꠘꠤ ꠡꠞꠈꠣꠞꠤ ꠇꠟꠦꠎꠞ ꠄꠈꠖꠟ ꠚꠞꠥꠀꠄ ⁕ ꠁꠇꠣꠘ ꠟꠁꠀ ꠉꠦꠍꠦ ꠈꠈꠖꠤꠘ ꠍꠡꠣꠟ ꠝꠤꠒꠤꠀ ꠚꠦꠍꠛꠥꠇꠅ ꠙꠥꠡ꠆ꠐ ꠖꠤꠀ ꠡꠣꠗꠣꠞꠘ ꠚꠞꠥꠀꠁꠘ꠆ꠔꠞꠦ ꠁꠍꠔꠣꠞ ꠝꠣꠢꠚꠤꠟꠅ ꠡꠣꠝꠤꠟ ꠕꠣꠈꠣꠞ ꠀꠢ꠆ꠛꠣꠘ ꠎꠣꠘꠣꠁꠍꠟꠣ ꠀꠄꠎꠇ ꠅꠈꠟꠦ ⁕
ꠝꠣꠁꠞꠈꠣꠃꠀ ꠚꠞꠥꠀꠁꠘ꠆ꠔꠦ ꠎꠣꠘꠣꠁꠘ, ꠀꠉꠝꠣꠘ꠆ꠔꠦ ꠎꠦꠟꠣꠘ ꠈꠃꠀ ꠅꠁꠍꠦ ꠅꠟꠣꠘ ꠅꠃꠖꠤꠘ ꠚꠦꠘꠤ ꠡꠞꠈꠣꠞꠤ ꠙꠣꠁꠟꠐ ꠢꠣꠁ ꠁꠍ꠆ꠇꠥꠟꠞ ꠝꠌ꠆ꠌꠤꠖꠅ ꠀꠍꠞ ꠘꠝꠣꠎ ꠡꠦꠡꠦ ꠚꠞꠥꠀꠁꠘ꠆ꠔ ꠅꠈꠟ ꠝꠣꠑꠅ ꠉꠤꠀ ꠎꠝꠣ ꠅꠁꠔꠣ ꠕꠣꠈꠂꠘ ⁕ ꠈꠛꠞ ꠚꠣꠁꠀ ꠇꠟꠦꠎ ꠍꠣꠔ꠆ꠞꠟꠤꠉ ꠡꠜꠣꠚꠔꠤ ꠘꠥꠝꠣꠘ ꠢꠣꠛꠤꠛꠞ ꠢꠥꠇꠥꠝꠦ ꠈꠈꠎꠘ ꠘꠦꠔꠣꠈꠞ꠆ꠝꠤꠄ ꠔꠣꠞꠣꠞꠦ ꠖꠟꠣ ꠅꠁꠛꠣꠞ ꠈꠣꠞꠘ ꠎꠣꠘꠔ ꠍꠣꠄ ⁕
ꠚꠞꠥꠀꠁꠘ꠆ꠔꠦ ꠈꠁꠘ, ꠄꠞ ꠄꠈꠔꠤꠛꠂꠟ ꠛꠣꠖꠦꠃ ꠊꠐꠘꠣꠞ ꠎꠦꠉꠣꠔ ꠎꠤꠟꠣ ꠍꠣꠔ꠆ꠞꠟꠤꠉ ꠡꠜꠣꠚꠔꠤ ꠀꠞ ꠇꠟꠦꠎ ꠍꠣꠔ꠆ꠞ ꠡꠋꠡꠖꠞ ꠜꠤꠙꠤ ꠔꠥꠚꠣꠄꠟ ꠀꠢꠝꠦꠖ ꠔꠙꠥ ꠀꠁꠘ ⁕ ꠁ ꠛꠣꠟꠣ ꠍꠣꠔ꠆ꠞꠟꠤꠉꠞ ꠈꠈꠉꠥ ꠘꠦꠔꠣꠈꠞ꠆ꠝꠤꠄ ꠇ꠆ꠞꠤꠇꠦꠐ ꠛꠦꠐ ꠀꠞ ꠁꠡ꠆ꠐꠣꠝ꠆ꠙ ꠖꠤꠀ ꠔꠣꠞꠣꠞꠦ ꠚꠤꠐꠔ ꠕꠣꠈꠦ ⁕ ꠄꠈꠚꠞ꠆ꠎꠣꠄ ꠀꠎꠤꠝꠞꠦ ꠇꠟꠦꠎꠞ ꠄꠈ ꠇꠥꠐꠣꠔ ꠀꠐꠇꠣꠁꠀ ꠛꠣꠇꠤ ꠄꠞꠣꠞꠦ ꠛꠣꠞ ꠈꠞꠤꠀ ꠖꠦꠃꠀ ꠅꠄ ⁕ ꠁꠍꠔꠣꠞꠞ ꠀꠉꠦ ꠚꠞꠥꠀꠁꠘ꠆ꠔ ꠀꠞꠛꠣꠞꠅ ꠇꠟꠦꠎ ꠉꠦꠁꠐ ꠀꠁꠟꠦ ꠔꠣꠞꠣꠞꠦ ꠁꠇꠣꠘ ꠔꠘꠦ ꠀꠟꠣꠁꠀ ꠖꠦꠃꠀ ꠅꠁꠎꠣꠄ ⁕
ꠀꠛꠖꠥꠟ ꠝꠥꠢꠣꠁꠝꠤꠘ ꠀꠎꠤꠝ ꠘꠣꠝꠞ ꠎꠈꠝ ꠅꠃꠀ ꠚꠞꠥꠀꠄ ꠎꠣꠘꠣꠁꠘ, ꠁꠍꠔꠣꠞꠤꠔ ꠡꠣꠝꠤꠟ ꠅꠃꠀ ꠚꠞꠥꠀꠁꠘ꠆ꠔꠞ ꠃꠚꠞꠦ ꠛꠥꠘꠣ ꠖꠥꠡꠦ ꠁꠔꠣꠄ ꠇ꠆ꠞꠤꠇꠦꠐ ꠛꠦꠐ ꠀꠞ ꠁꠡ꠆ꠐꠣꠝ꠆ꠙ ꠖꠤꠀ ꠢꠣꠝꠟꠣ ꠈꠞꠍꠦ ⁕ ꠝꠞꠦ ꠀꠈꠐꠣꠁꠀ ꠞꠣꠈꠣꠞ ꠀꠗꠊꠘ꠆ꠐꠣ ꠛꠣꠖꠦ ꠍꠣꠠꠍꠦ ⁕ ꠄꠉꠥ ꠝꠥꠍꠟꠤꠝ ꠖꠦꠡꠅ ꠎꠦ ꠁꠎꠣꠔ ꠊꠐꠘꠣ ꠊꠐꠣꠁꠛ, ꠁꠔꠣꠞ ꠘꠤꠘ꠆ꠖꠣ ꠎꠣꠘꠣꠁꠛꠣꠞ ꠜꠣꠡꠣ ꠘꠣꠁ ⁕
ꠚꠥꠞꠇꠣꠘ ꠘꠣꠝꠞ ꠀꠞꠈ ꠚꠞꠥꠀꠄ ꠈꠁꠘ, ꠍꠣꠔ꠆ꠞꠟꠤꠉ ꠘꠦꠔꠣꠁꠘ꠆ꠔꠞ ꠛꠣꠗꠣꠄ ꠁꠍꠔꠣꠞ ꠝꠣꠢꠚꠤꠟ ꠟꠘ꠆ꠒꠜ꠆ꠒ ꠎꠣꠄ ⁕ ꠁꠔꠣꠞ ꠢꠣꠝꠟꠣꠄ ꠈꠈꠎꠘ ꠚꠞꠥꠀꠁꠘ꠆ꠔꠞ ꠛꠦꠢꠣꠟ ꠖꠡꠣ ꠅꠁꠉꠦꠍ ⁕ ꠎꠦꠔꠣꠄ ꠡꠖꠞ ꠀꠡꠚꠣꠔꠣꠟꠅ ꠒꠣꠈꠔꠞꠤ ꠟꠁꠞꠣ ⁕
ꠚꠦꠘꠤ ꠡꠞꠈꠣꠞꠤ ꠇꠟꠦꠎ ꠍꠣꠔ꠆ꠞꠟꠤꠉꠞ ꠡꠜꠣꠚꠔꠤ ꠘꠥꠝꠣꠘ ꠢꠣꠛꠤꠛꠦ ꠎꠣꠘꠣꠁꠘ, ꠡꠣꠗꠣꠞꠘ ꠚꠞꠥꠀꠁꠘ꠆ꠔꠞ ꠛꠦꠘꠣꠞꠖꠤ ꠡꠤꠛꠤꠞꠞ ꠘꠦꠔꠣꠈꠞ꠆ꠝꠤꠘ꠆ꠔꠦ ꠇꠟꠦꠎꠅ ꠁꠍꠔꠣꠞ ꠝꠣꠢꠚꠤꠟ ꠀꠄꠎꠘ ꠈꠞꠦ ⁕ ꠍꠡꠣꠟ ꠝꠤꠒꠤꠀ ꠚꠦꠍꠛꠥꠇꠅ ꠉꠘ-ꠁꠚꠔꠣꠞ ꠘꠣꠝꠖꠤ ꠄꠉꠥ ꠀꠄꠎꠘ ꠖꠦꠈꠔꠣꠝ ꠚꠣꠁ ⁕ ꠇꠣꠛꠎꠣꠛꠞ ꠀꠡꠋꠇꠣꠄ ꠔꠣꠞꠣꠞꠦ ꠇꠟꠦꠎ ꠔꠘꠦ ꠛꠣꠈꠞꠤꠀ ꠖꠦꠃꠀ ꠅꠄ ⁕
ꠁ ꠛꠤꠡꠄ ꠎꠤꠟꠣ ꠍꠣꠔ꠆ꠞꠟꠤꠉ ꠡꠜꠣꠚꠔꠤ ꠔꠥꠚꠣꠄꠟ ꠀꠢꠝꠦꠖ ꠔꠙꠥꠄ ꠈꠁꠘ, ꠝꠥꠁ ꠊꠐꠘꠣꠞ ꠁꠘꠅ ꠎꠣꠁꠛꠣꠞ ꠛꠣꠖꠦ ꠁꠍꠔꠣꠞ ꠀꠄꠎꠘꠞ ꠇꠥꠘꠔꠣꠃ ꠖꠦꠈꠍꠤꠘꠣ ⁕ ꠄꠈꠎꠘ ꠝꠥꠍꠟꠤꠝ ꠢꠤꠡꠣꠛꠦ ꠁꠍꠔꠣꠞ ꠛꠣꠗꠣ ꠖꠤꠛꠣꠞ ꠚꠍ꠆ꠘꠃ ꠀꠄ ꠘꠣ ⁕ ꠇꠟꠦꠎ ꠝꠣꠑꠅ ꠡꠤꠛꠤꠞ ꠀꠞ ꠅꠁꠘ꠆ꠘ ꠉꠥꠁꠐꠞ ꠔꠥꠞꠣ ꠍꠤꠘꠣꠎꠣꠘꠣ ꠝꠥꠇꠣꠁꠘ ꠀꠍꠤꠟ ⁕ ꠔꠣꠞꠣꠞ ꠘꠤꠎꠞ ꠝꠣꠏꠦ ꠝꠣꠁꠞꠗꠂꠞꠦꠅ ꠁꠟꠣꠘ ꠅꠁꠔ ꠚꠣꠞꠦ ⁕ ꠁꠎꠣꠉ ꠍꠣꠔ꠆ꠞꠟꠤꠉꠞ ꠡꠣꠝꠤꠟꠞ ꠛꠤꠡꠄ ꠔ ꠄꠈꠦꠞꠦ ꠜꠤꠔ꠆ꠔꠤꠢꠤꠘ ⁕
ꠚꠦꠘꠤ ꠝꠒꠦꠟ ꠕꠣꠘꠣ ꠚꠥꠟꠤꠡꠞ ꠍꠣꠛ ꠁꠘ꠆ꠍꠙꠦꠇ꠆ꠐꠞ (ꠔꠖꠘ꠆ꠔ) ꠝꠣꠢꠚꠥꠎꠥꠞ ꠞꠢꠝꠣꠘꠦ ꠎꠣꠘꠣꠁꠘ, ꠊꠐꠘꠣꠞ ꠈꠛꠞ ꠚꠣꠁꠀ ꠚꠥꠟꠤꠡ ꠊꠐꠘꠣꠞ ꠎꠦꠉꠣꠔ ꠎꠣꠄ ⁕ ꠇꠤꠘ꠆ꠔꠥꠇ ꠉꠤꠀ ꠀꠞ ꠈꠦꠃꠞꠦ ꠝꠤꠟ꠆ꠌꠦ ꠘꠣ ⁕ ꠁꠔꠣ ꠟꠁꠀ ꠕꠣꠘꠣꠔ ꠅ ꠈꠦꠃ ꠛꠤꠍꠣꠞ ꠖꠤꠍꠦ ꠘꠣ ⁕ ꠁ ꠊꠐꠘꠣꠞ ꠖꠣꠄ ꠚꠥꠟꠤꠡꠤ ꠔꠖꠘ꠆ꠔ ꠍꠟꠦꠞ ꠈꠞꠤꠀ ꠔꠣꠁꠘ ꠎꠣꠘꠣꠁꠘ ⁕