Home / ꠖꠦꠡꠞ ꠈꠛꠞ / ꠞꠣꠎꠡꠣꠢꠤ ꠜꠣꠞꠍꠤꠐꠤꠞ ꠢꠟꠅ ꠚꠔꠣꠛꠣꠟꠣ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣ ꠟꠁꠀ ꠝꠣꠔꠣꠝꠣꠔꠤ

ꠞꠣꠎꠡꠣꠢꠤ ꠜꠣꠞꠍꠤꠐꠤꠞ ꠢꠟꠅ ꠚꠔꠣꠛꠣꠟꠣ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣ ꠟꠁꠀ ꠝꠣꠔꠣꠝꠣꠔꠤ

ꠉꠞꠥꠞ ꠉꠥꠍ꠆ꠔ ©ꠇꠝꠘ꠆ꠍ

ꠞꠣꠎꠡꠣꠢꠤ ꠜꠣꠞꠍꠤꠐꠤꠞ ꠔꠣꠘꠇꠤꠟꠣ ꠢꠟꠞ ꠒꠣꠁꠘꠤꠋꠅ ꠞꠣꠎ꠆ꠎꠤꠞ ꠖꠤꠘ ꠔꠘꠦ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣ ꠘꠣ ꠅꠁꠟꠦꠅ ꠘꠄꠀ ꠈꠞꠤꠀ ꠝꠍꠟꠝꠣꠘ ꠚꠞꠥꠀꠁꠘꠔꠦ ꠞꠝꠏꠣꠘ ꠝꠣꠡꠅ ꠚꠔꠣꠛꠣꠟꠣ ꠉꠞꠥꠞ ꠉꠥꠍ꠆ꠔ ꠈꠣꠁꠔꠦ ꠍꠣꠃꠀꠞ ꠈꠛꠞ ꠍꠡꠣꠟ ꠝꠤꠒꠤꠀꠔ ꠍꠤꠔ꠆ꠞꠤ ꠎꠣꠄ ⁕ ꠜꠣꠞꠍꠤꠐꠤ ꠅꠈꠟꠅ ꠝꠥꠍꠟꠝꠣꠘꠤ ꠞꠥꠍꠥꠝꠞ ꠃꠚꠞꠦ ꠛꠤꠗꠤꠘꠤꠡꠦꠖ ꠟꠁꠀ ꠅꠘꠟꠣꠁꠘꠅ ꠝꠣꠘꠡꠦ ꠛꠤꠔ꠆ꠞꠇ ꠡꠥꠞꠥ ꠈꠞꠂꠘ ⁕

ꠞꠣꠎꠡꠣꠢꠤ ꠜꠣꠞꠍꠤꠐꠤꠞ (ꠞꠣꠜꠣ) ꠡꠂꠅꠖ ꠀꠝꠤꠞ ꠀꠟꠤ ꠢꠟꠞ ꠙ꠆ꠞꠣꠁꠜꠦꠐ ꠒꠣꠁꠘꠤꠋꠅ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣꠔ ꠇꠥꠘꠥ ꠀꠚꠔꠔꠤ ꠘꠣꠁ ꠈꠁꠀ ꠎꠣꠘꠣꠁꠍꠦ ꠜꠣꠞꠍꠤꠐꠤꠞ ꠎꠤꠝ꠆ꠝꠣꠖꠣꠞꠈꠟꠦ ⁕

ꠜꠣꠞꠍꠤꠐꠤꠞ ꠡꠥꠔ꠆ꠞꠦ ꠎꠣꠘꠣꠎꠣꠄ, ꠄꠞ ꠀꠉꠦ ꠔꠘꠦ ꠔꠣꠘꠇꠤꠟꠣ ꠢꠟꠞ ꠒꠣꠁꠘꠤꠋꠅ ꠈꠈꠎꠘ ꠁꠘ꠆ꠖꠥ ꠚꠞꠥꠀꠞꠦ ꠈꠣꠡꠤꠞ ꠉꠥꠍ꠆ꠔꠞ ꠘꠣꠝꠦ ꠛꠥꠟꠦ ꠉꠞꠥꠞ ꠉꠥꠍ꠆ꠔ ꠖꠤꠟꠣꠃꠀꠄ ꠢꠈꠟꠞ ꠝꠔꠣꠝꠔꠞ ꠜꠤꠔ꠆ꠔꠤꠄ ꠜꠣꠞꠍꠤꠐꠤꠞ ꠢꠟ ꠅꠈꠟꠅ ꠞꠣꠎ꠆ꠎꠤꠞ ꠖꠤꠘ ꠔꠘꠦ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣ ꠅꠞ ꠘꠣ ⁕

ꠁꠀꠖ꠆ꠞꠣ ꠡꠂꠅꠖ ꠀꠝꠤꠞ ꠀꠟꠤ ꠔꠣꠘꠇꠤꠟꠣ ꠢꠟꠞ ꠝꠍꠟꠝꠣꠘ ꠚꠞꠥꠀꠁꠘꠔꠦ ꠞꠝꠏꠣꠘ ꠝꠣꠡꠅ ꠚꠔꠣꠛꠣꠟꠣ ꠉꠞꠥꠞ ꠉꠥꠍ꠆ꠔ ꠈꠣꠁꠔꠣ ꠍꠣꠁꠘ ꠈꠞꠤꠀ ꠢꠟꠞ ꠎꠤꠝꠝꠣꠖꠣꠞꠞ ꠐꠣꠁꠘ ꠖꠣꠛꠤ ꠎꠣꠘꠣꠁꠘ ⁕ ꠎꠤꠝꠝꠣꠖꠣꠞꠦ ꠅꠘꠥꠝꠔꠤ ꠖꠤꠟꠣꠁꠟꠦꠅ ꠁꠘ꠆ꠖꠥ ꠚꠞꠥꠀꠁꠘ꠆ꠔꠦ ꠄꠞ ꠛꠤꠞꠥꠗꠤꠔꠣ ꠈꠞꠦ ⁕

ꠎꠣꠘꠣ ꠎꠣꠄ, ꠛꠣꠖꠦ ꠖꠄ ꠗꠞ꠆ꠝꠞ ꠚꠞꠥꠀꠁꠘ꠆ꠔꠞꠦ ꠟꠁꠀ ꠚꠣꠘꠍꠣꠟꠟꠣꠔ ꠛꠄ ꠜꠣꠞꠍꠤꠐꠤꠞ ꠎꠤꠝꠝꠣꠖꠣꠞꠣꠁꠘ ⁕ ꠖꠄ ꠗꠞ꠆ꠝꠞ ꠚꠞꠥꠀꠁꠘ꠆ꠔꠞ ꠝꠔꠣꠝꠔ ꠀꠞ ꠎꠥꠇ꠆ꠔꠤꠞ ꠜꠤꠔ꠆ꠔꠤꠄ ꠙ꠆ꠞꠣꠁꠜꠦꠐ ꠒꠣꠁꠘꠤꠋꠅ ꠉꠞꠥꠞ ꠉꠥꠍ꠆ꠔ ꠞꠣꠘ꠆ꠗꠣ ꠅꠁꠔ ꠘꠣꠄ ꠈꠁꠀ ꠡꠤꠖ꠆ꠖꠣꠘ꠆ꠔ ꠟꠃꠀ ꠅꠄ ⁕ ꠎꠥꠖꠤꠘꠅ ꠁꠇꠣꠘ ꠇꠥꠘꠥ ꠟꠦꠈꠣ ꠡꠤꠖ꠆ꠖꠣꠘ꠆ꠔ ꠘꠣꠄ; ꠔꠄ ꠢꠈꠟꠞ ꠝꠔꠣꠝꠔꠞ ꠜꠤꠔ꠆ꠔꠤꠄ ꠝꠃꠇꠤꠇ ꠡꠤꠖ꠆ꠖꠣꠘ꠆ꠔ ꠄꠈꠣꠘ ⁕

ꠜꠣꠞꠍꠤꠐꠤꠞ ꠎꠤꠝꠝꠣꠖꠣꠞꠤꠘ꠆ꠔꠦ ꠎꠣꠘꠣꠁꠘ, ꠡꠤꠖ꠆ꠖꠣꠘ꠆ꠔ ꠁꠇꠣꠘ “ꠀꠞꠟꠣꠈꠣꠘ” ꠍꠡꠣꠟ ꠝꠤꠒꠤꠀꠔ ꠍꠤꠔ꠆ꠞꠤ ꠉꠦꠍꠦ ⁕

ꠛꠣꠖꠦ ꠡꠥꠇ꠆ꠇꠥꠞꠛꠣꠞ (8 ꠝꠣꠞ꠆ꠌ) ꠞꠣꠁꠔ ꠁꠘ꠆ꠖꠥ ꠀꠞ ꠝꠍꠟꠝꠣꠘ ꠚꠞꠥꠀꠁꠘ꠆ꠔ ꠡꠢ ꠙ꠆ꠞꠣꠄ ꠖꠥꠁ ꠡꠞ ꠛꠦꠡꠤ ꠚꠞꠥꠀꠁꠘ꠆ꠔ ꠀꠎꠤꠞ ꠅꠁꠀ ꠢꠤꠞꠤ ꠝꠤꠐꠤꠋꠉ ꠛꠄ ꠜꠣꠞꠍꠤꠐꠤꠞ ꠎꠤꠝ꠆ꠝꠣꠖꠣꠞꠈꠟ ⁕ ꠝꠤꠐꠤꠋꠉꠅ ꠡꠤꠖ꠆ꠖꠣꠘ꠆ꠔ ꠟꠃꠀ ꠅꠄ ꠎꠦ, ꠝꠥꠍꠟꠤꠝ ꠚꠞꠥꠀꠁꠘ꠆ꠔꠦ ꠞꠥꠎꠣꠔ ꠒꠣꠁꠘꠤꠋꠅ ꠉꠞꠥꠞ ꠉꠥꠍ꠆ꠔ ꠈꠣꠁꠛꠣ ⁕

ꠉꠞꠥꠞ ꠉꠥꠍ꠆ꠔꠞ ꠀꠈꠘꠤ ꠖꠤꠀ ꠞꠥꠍꠥꠝꠤ ꠁꠍꠔꠣꠞꠤ

ꠚꠔꠣꠛꠣꠟꠣ ꠉꠞꠥꠞ ꠉꠥꠍ꠆ꠔ ꠈꠣꠃꠀꠞ ꠈꠛꠞ ꠁꠇꠣꠘ ꠟꠁꠀ ꠝꠣꠔ ꠍꠟꠣꠈꠣꠟꠤꠘ ꠡꠝꠄ ꠀꠎꠤꠞ ꠅꠁꠍꠦ ꠖꠦꠡꠞ ꠡꠞꠈꠣꠞꠤ ꠜꠣꠞꠍꠤꠐꠤꠘ꠆ꠔ ꠁꠍꠔꠣꠞ ꠙꠣꠞꠐꠤꠘ ꠘꠣ ꠈꠞꠔꠦ ꠖꠦꠃꠀꠞ ꠛꠤꠔꠞ꠆ꠇ ⁕ ꠁꠃꠘꠦꠍ꠆ꠇꠞ ꠡꠤꠇꠞꠤꠔ ꠛꠤꠡ꠆ꠡꠞ ꠛꠦꠡꠥꠝꠣꠞ ꠡꠣꠋꠁꠍꠇ꠆ꠞꠤꠔꠤꠇ ꠞꠥꠍꠥꠝ ꠁꠍꠔꠣꠞ ꠙꠣꠞ꠆ꠐꠤ ꠁꠘ꠆ꠔꠦꠎꠣꠝꠅ ꠡꠣꠢꠎꠣꠟꠣꠟ ꠍꠣꠁꠘ꠆ꠍ ꠄꠘ꠆ꠒ ꠐꠦꠇꠘꠟꠎꠤ ꠁꠃꠘꠤꠜꠣꠞꠍꠤꠐꠤ (ꠍꠣꠍ꠆ꠐ) ꠀꠞ ꠘꠥꠀꠈꠣꠟꠤ ꠍꠣꠁꠘ꠆ꠍ ꠄꠘ꠆ꠒ ꠐꠦꠇꠘꠟꠎꠤ ꠁꠃꠘꠤꠜꠣꠞꠍꠤꠐꠤꠔ ꠘꠤꠡꠦꠗꠣꠉ꠆ꠉꠣ ꠖꠦꠃꠀꠞ ꠚꠔꠤꠛꠣꠖ ꠎꠣꠘꠣꠁꠍꠦ ꠓꠣꠈꠣ ꠜꠣꠞꠍꠤꠐꠤꠞ ꠡꠣꠗꠣꠞꠘ ꠚꠞꠥꠀꠁꠘ꠆ꠔꠦ ⁕ ꠅꠃ ꠉꠔꠤꠇꠦ ꠘꠣꠘꠣꠘ ꠜꠣꠞꠍꠤꠐꠤꠔ ꠀꠁꠎ ꠝꠣꠘꠥꠟꠋꠉꠞ ꠅ ꠈꠞꠣ ꠅꠞ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …