ꠙ꠆ꠞꠣꠇꠞꠤꠔꠤꠇ ꠘꠥꠘ: ꠝꠥꠘꠤꠝ ꠙꠣꠞꠛꠦꠎ ꠛꠠꠜꠥꠄꠀ
ꠅꠘꠇꠥꠞ ꠖꠤꠘ ꠜꠥꠡꠤꠝꠣꠟꠞ ꠖꠥꠇꠣꠘꠞ ꠛꠣꠞꠦ ꠟꠛꠘ/ꠘꠥꠘ’ꠞ ꠛꠍ꠆ꠔꠣ ꠖꠦꠈꠣ ꠎꠣꠄ ꠘꠣ, ꠈꠣꠞꠘ ꠛꠣꠎꠣꠞꠅ ꠡꠛ ꠀꠁꠅꠒꠣꠁꠎꠒ ꠚꠦꠇꠦꠐ ꠀꠁ ꠉꠦꠍꠦ ⁕ꠀꠉꠦ ꠀꠍꠤꠟ ꠛꠍ꠆ꠔꠣꠔ ꠀꠅꠀ ꠘꠥꠘ ⁕ ꠛꠤꠡꠦꠡ ꠈꠞꠤ ꠉꠞꠝꠞ ꠖꠤꠘ ꠖꠦꠈꠣ ꠎꠣꠁꠔ, ꠘꠥꠘꠞ ꠛꠍ꠆ꠔꠣ ꠜꠤꠎꠤꠀ ꠚꠣꠘꠤ ꠛꠣꠞꠁꠔ, ꠜꠣꠛꠔꠣꠝ ꠘꠥꠘ ꠡꠣꠞꠣ ꠚꠣꠘꠤ ꠅꠁꠎꠣꠞ ⁕
ꠇꠤꠘ꠆ꠔꠥ ꠛꠣꠍ꠆ꠔꠛꠤꠇ ꠛꠤꠉ꠆ꠉꠣꠘꠐꠣ ꠔꠣ ꠘꠣꠄ, ꠙ꠆ꠞꠣꠇꠞꠤꠔꠤꠇ ꠘꠥꠘꠞ ꠉꠥꠘꠐꠣ ꠅꠁꠟ, ꠛꠣꠔꠣꠡ ꠔꠣꠇꠤ ꠀꠖ꠆ꠞꠔꠣ ꠐꠣꠘꠤꠀ ꠟꠅꠀ, ꠀꠡꠟꠦ ꠙ꠆ꠞꠣꠇꠞꠤꠔꠤꠇ ꠘꠥꠘ ꠈꠣꠁꠟꠦ ꠀꠝꠞꠣꠞ ꠡꠞꠤꠟ ꠔꠣꠇꠤ ꠈꠣꠞꠣꠚ ꠎꠤꠘꠤꠡ ꠐꠣꠘꠤꠀ ꠛꠣꠞ ꠈꠞꠤ ꠖꠤꠔ ꠚꠣꠞꠦ ⁕
ꠡꠝꠥꠖ꠆ꠞꠞ ꠙ꠆ꠞꠣꠇꠞꠤꠔꠤꠇ ꠘꠥꠘ ꠀꠞ ꠙꠣꠢꠣꠠ ꠄꠟꠣꠇꠣꠔ ꠚꠣꠅꠀ (ꠞꠇ ꠍꠟ꠆ꠐ) ꠚꠣꠔ꠆ꠔꠞꠞ ꠘꠥꠘꠞ ꠝꠣꠎꠦ ꠅꠃ ꠉꠥꠘ ꠚꠣꠅꠀ ꠎꠣꠄ ⁕ ꠀꠝꠤ ꠀꠝꠣꠞ ꠊꠞꠞ ꠖꠥꠁ ꠎꠣꠉꠣꠔ ꠚꠣꠔ꠆ꠔꠞꠞ ꠘꠥꠘ (ꠞꠇ ꠍꠟ꠆ꠐ)ꠞ ꠖꠥꠁ ꠐꠥꠇꠞꠣ ꠙ꠆ꠞꠣꠄ ꠔꠤꠘ ꠛꠍꠞ ꠀꠉꠦ ꠞꠣꠈꠍꠤꠟꠣꠝ, ꠈꠣꠞꠘ ꠁꠟꠣ ꠞꠣꠈꠟꠦ ꠉꠞꠝꠞ ꠖꠤꠘꠅ ꠞꠥꠝꠐꠣꠞ ꠀꠖ꠆ꠞꠔꠣ ꠇꠤꠍꠥ ꠙꠞꠤꠝꠣꠘ ꠈꠝꠣꠁꠀ ꠀꠘꠦ, ꠚꠐꠥꠔ ꠍꠣꠃꠇ꠆ꠇꠣ ꠛꠣꠐꠤꠔ ꠈꠔꠈꠣꠘ ꠚꠣꠘꠤ ꠎꠝꠍꠦ, ꠉꠞꠝꠞ ꠖꠤꠘꠅ ꠙ꠆ꠞꠣꠄ b/☽ ꠖꠤꠘ ꠛꠣꠖꠦ ꠛꠣꠐꠤꠔꠣꠇꠤ ꠚꠣꠘꠤ ꠈꠣꠟꠤ ꠈꠞꠔꠦ ꠅꠄ, ꠅꠛꠂꠡ꠆ꠡ ꠔꠣ ꠘꠤꠞ꠆ꠜꠞ ꠈꠞꠦ ꠞꠇ ꠍꠟ꠆ꠐꠞ ꠍꠣꠁꠎꠞ ꠃꠚꠞꠦ ⁕