Breaking News
Home / ꠝꠣꠔꠈꠣꠄꠖꠣ / ꠘꠣꠉꠞꠤ ꠢꠤꠇꠔꠦ ꠀꠠꠣꠁ ꠖꠤꠘ ꠟꠣꠉꠦ: ꠞꠥꠢꠥꠟ ꠀꠝꠤꠘ ꠡꠥꠝꠘ

ꠘꠣꠉꠞꠤ ꠢꠤꠇꠔꠦ ꠀꠠꠣꠁ ꠖꠤꠘ ꠟꠣꠉꠦ: ꠞꠥꠢꠥꠟ ꠀꠝꠤꠘ ꠡꠥꠝꠘ

ꠍꠤꠟꠐꠤ ꠄꠈꠣꠘ ꠒꠣꠈꠞ ꠈꠕꠣ ꠅꠁꠟ ꠉꠤꠀ “ꠘꠣꠉꠞꠤ ꠢꠤꠇꠔꠦ ꠀꠠꠣꠁ ꠖꠤꠘ ꠟꠣꠉꠦ“! ꠏꠦꠈꠣꠘ ꠟꠁꠀ ꠞꠥꠢꠥꠟ ꠀꠝꠤꠘ ꠡꠥꠝꠘꠦ Γ01V ꠡꠣꠟꠞ 10 ꠚꠦꠛꠥꠀꠞꠤ ꠔꠣꠘꠞ ꠘꠤꠏ ꠚꠦꠁꠍꠛꠥꠇ ꠀꠁꠒꠤ ꠔꠘꠦ ꠄꠉꠥ ꠚꠥꠡ꠆ꠐ ꠈꠞꠂꠘ। ꠔꠣꠘ ꠁ ꠚꠥꠡꠐꠞ ꠔꠞꠚ ꠔꠘꠦ ꠏꠣꠘꠣ ꠏꠣꠄ-

ꠙ꠆ꠞꠍꠟꠤꠔ ꠝꠤꠕ ꠅꠁꠟ ꠘꠣꠉꠞꠤ ꠢꠤꠇꠔꠦ ꠀꠠꠣꠁ ꠖꠤꠘ ꠟꠣꠉꠦ⁕ ꠀꠝꠣꠞ ꠝꠘꠅ ꠅꠄ ꠁꠇꠣꠘ ꠡꠞ꠆ꠔ ꠙ꠆ꠞꠏꠎ꠆ꠎ⁕

ꠈꠦꠃ ꠄꠈꠟꠣ ꠄꠈꠟꠣ ꠢꠤꠇꠔꠦ ꠍꠣꠁꠟꠦ Γ/৩ ꠖꠤꠘꠦ ꠡꠝ꠆ꠜꠛ ꠘꠣꠄ⁕ ꠔꠛꠦ ꠏꠥꠖꠤ ꠃꠍꠔꠣꠖ ꠈꠦꠃ ꠢꠤꠇꠣꠁꠘ ꠔꠦ ꠚꠣꠞꠛꠣ Γ/৩ ꠖꠤꠘꠦ⁕ ꠄꠍꠣꠠꠣ ꠢꠈꠟꠞ ꠇꠦꠌ ꠈꠞꠣꠞ ꠈꠝꠔꠣ ꠡꠝꠣꠘ ꠘꠣꠄ⁕ ꠅꠇ꠆ꠇꠞ ꠢꠤꠇꠔꠦ ꠡꠝꠄ ꠟꠣꠉꠦ ꠘꠣ⁕ ꠅꠁꠟꠦ ꠟꠦꠈꠣꠔ ꠉꠦꠟꠦ ꠡꠝꠄ ꠟꠣꠉꠦ⁕ ꠇꠥꠘꠣꠇꠥꠘꠤ ꠄꠈ ꠚꠕ ꠀꠍꠦ ꠇꠝ꠆ꠙꠤꠃꠐꠣꠞꠦ ꠛꠣ ꠝꠧꠛꠣꠁꠟꠦ ꠟꠦꠈꠣ⁕

ꠘꠣꠉꠞꠤ ꠢꠞꠚꠞ ꠇꠝ꠆ꠙꠤꠃꠐꠣꠞ ꠚꠘ꠆ꠐ ꠛꠤꠜꠤꠘ꠆ꠘ ꠡꠝꠄ ꠛꠤꠜꠤꠘ꠆ꠘ ꠏꠘꠦ ꠛꠣꠞ ꠈꠞꠍꠁꠘ⁕

ꠚꠄꠟꠣ Roger Gwynn ꠍꠣꠛꠦ ꠄꠈꠐꠣ ꠚꠘ꠆ꠐ ꠛꠣꠘꠣꠁꠍꠟꠣ ꠀꠝꠞꠣ ꠢꠥꠘꠍꠤ⁕ ꠖꠦꠈꠍꠤ ꠘꠣ ꠞꠋ ꠞꠥꠚ ꠇꠤꠟꠣ⁕ ꠔꠣꠘ ꠚꠘ꠆ꠐ ꠔꠣꠁꠘ ꠡꠝ꠆ꠜꠛꠔ ꠘꠤꠏꠦꠃ ꠛꠦꠛꠀꠞ ꠈꠞꠔꠣ ꠛꠣ ꠈꠞꠁꠘ⁕

ꠄꠞ ꠛꠣꠖꠦ ꠚꠘ꠆ꠐ ꠛꠣꠘꠣꠁꠍꠁꠘ ꠀꠛ꠆ꠖꠥꠟ ꠎꠟꠤꠟ ꠌꠃꠗꠥꠞꠤ ꠍꠣꠛꠦ⁕ ꠔꠣꠘꠞ ꠚꠘ꠆ꠐ ꠖꠤ ꠔꠣꠁꠘ ꠘꠣꠉꠞꠤ ꠢꠞꠚꠞ ꠄꠈꠣꠘ ꠛꠁ ꠀꠞ ꠔꠣꠘ ꠘꠤꠏꠞ ꠟꠦꠈꠣ ꠈꠇ ꠈꠣꠘ ꠛꠁ, ꠀꠛ꠆ꠖꠥꠟ ꠅꠢꠣꠛ ꠌꠃꠗꠥꠞꠤꠞ ꠈꠇ ꠈꠣꠘ ꠛꠁ ꠍꠣꠙꠣꠁꠍꠁꠘ⁕ ꠔꠣꠘꠞ ꠚꠘ꠆ꠐ ꠀꠞ ꠚꠥꠕꠤꠞ ꠝꠣꠏꠦ ꠚꠣꠃꠀ ꠘꠣꠉꠞꠤ ꠢꠞꠚꠅ ꠛꠦꠡꠈꠝ ꠀꠍꠦ ꠅꠔꠣꠞ ꠖꠣꠄ ꠢꠤ ꠚꠘ꠆ꠐ ꠟꠁꠀ ꠈꠦꠃ ꠀꠉ꠆ꠞꠢ ꠖꠦꠈꠣꠁꠍꠁꠘ ꠘꠣ⁕

ꠄꠞ ꠛꠣꠖꠦ ꠚꠘ꠆ꠐ ꠛꠣꠞ ꠈꠞꠟꠣ James Lloyd-Williams ꠍꠣꠛꠦ, ꠔꠣꠘꠞ Sylheti Translation And Research ꠕꠣꠇꠤ⁕ ꠡꠥꠞꠝꠣ ꠚꠘ꠆ꠐ⁕ ꠈꠦꠃꠞ ꠖꠞꠈꠣꠞ ꠅꠁꠟꠦ ꠁ ꠚꠘ꠆ꠐ ꠔꠣꠞꠣꠞ ꠅꠄꠛꠍꠣꠁꠐ http://www.sylheti.org.uk/ ꠕꠣꠇꠤ ꠟꠣꠝꠣꠁꠀ ꠛꠦꠛꠀꠞ ꠈꠞꠔꠣ ꠚꠣꠞꠛꠣ⁕ꠁꠘꠎꠤꠘꠤꠀꠞ ꠀꠛ꠆ꠖꠥꠟ ꠝꠣꠘ꠆ꠘꠣꠘ ꠍꠣꠛꠦ ꠄꠈꠐꠣ ꠚꠘ꠆ꠐ ꠛꠣꠘꠣꠁꠍꠁꠘ ꠢꠥꠘꠍꠤ⁕ ꠚꠥꠟ ꠘꠣꠉꠞꠤ ꠘꠣꠝꠦ⁕ ꠔꠣꠘꠞ ꠚꠘ꠆ꠐ ꠝꠍ꠆ꠔꠚꠣ ꠍꠦꠟꠤꠝ ꠍꠣꠛꠞ (Mustafa Salim) ꠃꠔꠡ ꠙ꠆ꠞꠇꠣꠡꠞ ꠛꠁ ꠍꠣꠚꠣꠁꠔꠦ ꠛꠦꠛꠀꠞ ꠈꠞꠣ ꠅꠄ⁕ ꠁꠐꠣꠅ ꠡꠛꠞ ꠟꠣꠉꠤ ꠘꠣꠄ⁕

ꠄꠞ ꠛꠣꠖꠦ ꠚꠘ꠆ꠐ ꠛꠣꠘꠣꠁꠍꠁꠘ ꠁꠔꠤꠢꠣꠡꠛꠤꠖ ꠝꠝꠤꠘꠥꠟ ꠢꠇ (Md Mominul Hoque) ꠍꠣꠛꠞ ꠃꠖ꠆ꠖꠥꠉꠦ ꠛꠤꠙ꠆ꠟꠛ ꠖꠣ’ꠄ⁕ ꠔꠣꠘꠞ ꠚꠘ꠆ꠐ ꠎꠦꠍꠣꠄ http://www.sylheti.net/ ꠕꠣꠇꠤ ꠟꠣꠝꠣꠁꠀ ꠛꠦꠛꠀꠞ ꠈꠞꠔꠣ ꠚꠣꠞꠛꠣ⁕

ꠀꠡꠣꠝꠞ ꠍꠣꠉꠤꠞ ꠀꠢꠝꠖ (Sagir Ahmed Msa) ꠍꠣꠛꠦ ꠖꠥꠁꠐꠣ ꠚꠘ꠆ꠐ ꠛꠣꠞ ꠇꠞꠍꠁꠘ ꠢꠥꠏꠣꠁ ꠀꠞ ꠍꠢꠤ ꠘꠣꠝꠦ⁕ ꠍꠢꠤ ꠚꠘ꠆ꠐꠅ ꠔꠣꠁꠘ ꠀꠔꠦ ꠟꠦꠈꠣ ꠙꠥꠕꠤꠞꠦ ꠚꠟ ꠈꠞꠍꠁꠘ⁕ ꠔꠣꠘꠞ ꠚꠘ꠆ꠐꠅ ꠡꠛꠞ ꠟꠣꠉꠤ ꠃꠘ꠆ꠝꠥꠇ꠆ꠔ⁕

ꠇꠝ꠆ꠙꠤꠃꠐꠣꠞꠅ ꠃꠁꠘ꠆ꠒꠥꠎ ꠡꠦꠜꠦꠘꠞ ꠛꠣꠖꠞ ꠜꠣꠞ꠆ꠡꠘꠅ ꠘꠣꠉꠞꠤ ꠍꠣꠙꠥꠞ꠆ꠐ ꠈꠞꠦ⁕ ꠄꠘ꠆ꠒ꠆ꠞꠄꠒꠅ ꠟꠟꠤꠙꠙ ꠕꠣꠇꠤ ꠟꠁꠀ ꠍꠣꠙꠥꠞ꠆ꠐ ꠈꠞꠦ⁕

ꠔꠦ ꠀꠞ ꠛꠣꠞ ꠍꠣꠁꠘ ꠇꠤꠔꠣꠞ ꠟꠣꠉꠤ ꠀꠔꠦ ꠟꠦꠈꠔꠦ ꠘꠣ ꠚꠣꠞꠟꠦ ꠇꠤꠔꠣ ꠅꠁꠟ ꠇꠝ꠆ꠙꠤꠃꠐꠣꠞ / ꠝꠥꠛꠣꠁꠟ ꠖꠤ ꠟꠦꠈꠣ ꠀꠞꠝ꠆ꠜ ꠈꠞꠤ ꠖꠦꠃꠇꠣ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …