ꠖꠥꠘꠤꠀꠔ ꠛꠥꠟꠦ ꠄꠈꠝꠣꠔ꠆ꠞ ꠛꠦꠋꠉꠟꠤꠘ꠆ꠔꠦ ꠝꠣꠔꠞ ꠟꠣꠉꠤ ꠡꠞ꠆ꠛꠣꠗꠤꠇ ꠔꠤꠀꠉ ꠡꠤꠇꠣꠞ ꠀꠞ ꠟꠃ ꠏꠞꠣꠁꠍꠦ

ꠖꠥꠘꠤꠀꠔ ꠛꠥꠟꠦ ꠄꠈꠝꠣꠔ꠆ꠞ ꠛꠦꠋꠉꠟꠤꠘ꠆ꠔꠦ ꠝꠣꠔꠞ ꠟꠣꠉꠤ ꠡꠞ꠆ꠛꠣꠗꠤꠇ ꠔꠤꠀꠉ ꠡꠤꠇꠣꠞ ꠀꠞ ꠟꠃ ꠏꠞꠣꠁꠍꠦ ꠀꠘ꠆ꠖꠥ ꠝꠣꠔ ꠁꠇꠣꠘ ꠀꠝꠞꠣꠞꠦ ꠢꠤꠇꠣꠘꠤ ꠅꠁꠍꠦ ⁕ ꠛꠣꠋꠟꠣꠖꠦꠡꠤ ꠚꠦꠇ꠆ꠐ ꠌꠦꠇ ꠅꠄꠛꠍꠣꠁꠐ ꠞꠤꠃꠝꠣꠞ ꠁꠍꠇꠦꠘꠣꠞꠦ ꠛꠣꠋꠟꠣ ꠝꠣꠔ ꠟꠁꠀ ꠘꠣꠘꠣꠘ ꠝꠤꠍꠣ ꠝꠣꠔꠞ ꠎꠥꠀꠚ ꠖꠤꠀ ꠢꠣꠍꠣꠈꠣꠘ ꠛꠣꠈꠞꠤꠀ ꠀꠘ꠆ꠌꠦ ⁕ ꠄꠘ꠆ꠒꠤꠀꠔ ꠢꠤꠘ꠆ꠖꠤ ꠝꠣꠔ꠆ꠞꠣꠁꠘ꠆ꠔꠞ ꠀꠉ꠆ꠞꠣꠡꠘꠞ ꠛꠤꠞꠥꠖ꠆ꠖꠦ ꠡꠣꠔꠣꠁꠡ ꠛꠍꠞ ꠗꠞꠤꠀ ꠔꠣꠝꠤꠟꠈꠟꠦ ꠝꠣꠁꠞ ꠝꠣꠔꠞ ꠟꠣꠉꠤ ꠛꠤꠡ꠆ꠡꠞ ꠖꠤꠞꠋꠉꠣꠟꠣ ꠀꠘ꠆ꠖꠥꠟꠘ ꠈꠞꠍꠤꠟ ⁕ ꠎꠦ ꠀꠘ꠆ꠖꠥꠟꠘ ꠛꠤꠐꠤꠡ ꠄꠘ꠆ꠒꠤꠀꠞ ꠡꠝꠄ 19৩V ꠡꠣꠟ ꠡꠥꠞꠥ ꠅꠁꠍꠤꠟ, ꠀꠞ ꠛꠤꠐꠤꠡ ꠞꠣꠎ ꠡꠦꠡ ꠅꠁꠛꠣꠞ ꠛꠣꠖꠦꠅ ꠄꠘ꠆ꠒꠤꠀꠔ 19dd ꠚꠤꠞꠣ ꠚꠞ꠆ꠎꠘ꠆ꠔ ꠍꠟ꠆ꠌꠤꠟ ⁕ 19৩V ꠔꠘꠦ 19৩9 ꠡꠣꠟ ꠚꠞ꠆ꠎꠘ꠆ꠔ ꠁ ꠀꠘ꠆ꠖꠥꠟꠘꠞ ꠖꠣꠄ ꠙ꠆ꠞꠣꠄ ꠖꠥꠁ ꠀꠎꠣꠞ ꠛꠦꠐꠣ-ꠛꠦꠐꠤꠞꠦ ꠎꠦꠟ ꠜꠞꠣ ꠅꠄ ꠀꠞ ৩00 ꠎꠘꠞꠅ ꠛꠦꠡꠤ ꠝꠣꠘꠥꠡꠞꠦ ꠉꠥꠟ꠆ꠟꠤ ꠝꠣꠞꠤ ꠈꠣꠔꠟ ꠈꠞꠣ ꠅꠄ ⁕
19bV ꠡꠣꠟ ꠛꠤꠐꠤꠡꠞ ꠎꠥꠟꠥꠝ ꠔꠘꠦ ꠝꠥꠇ꠆ꠔ ꠅꠁꠀ ꠄꠘ꠆ꠒꠤꠀ-ꠚꠣꠇꠤꠍꠔꠣꠘ ꠘꠣꠝꠦ ꠖꠥꠁꠈꠣꠘ ꠖꠦꠡ ꠉꠞꠤꠀ ꠃꠐꠦ ⁕ ꠚꠣꠇꠤꠍꠔꠣꠘꠞ ꠀꠍꠤꠟ ꠖꠥꠁ ꠐꠥꠝꠣ- ꠚꠥꠛ ꠀꠞ ꠚꠍꠤꠝ ꠚꠣꠇꠤꠍꠔꠣꠘ ⁕ ꠎꠦꠉꠔꠤꠇꠦ ꠘꠄꠀ ꠖꠦꠡ ꠅꠃꠀꠞ ꠛꠣꠖꠦ ꠖꠦꠡꠞ ꠞꠣꠡꠐꠤꠅꠝꠣꠔ ꠇꠤꠔꠣ ꠅꠁꠛ ꠅꠈꠣꠘ ꠟꠂꠀ ꠝꠣꠔ ꠃꠐꠦ ⁕ ꠎꠣꠁꠅꠇ, ꠛꠣꠋꠟꠣ ꠝꠣꠔꠞ ꠟꠣꠉꠤ ꠚꠥꠛ ꠚꠣꠇꠤꠍꠔꠣꠘ (ꠅꠋꠇꠦꠞ ꠛꠣꠋꠟꠣꠖꠦꠡ) ꠀꠞ ꠄꠘ꠆ꠒꠤꠀꠔ ꠖꠥꠁ ꠖꠦꠡ ꠖꠥꠁꠛꠣꠞ ꠎꠣꠘ ꠖꠦꠄ ꠛꠦꠋꠉꠟꠤꠘ꠆ꠔꠦ ⁕ ꠚꠁꠟꠛꠣꠞ 19☽Γ ꠡꠣꠟꠞ Γ1ꠡꠦ ꠚꠦꠛꠥꠀꠞꠤ ꠃꠞ꠆ꠖꠥꠞꠦ ꠚꠣꠇꠤꠍꠔꠣꠘꠞ ꠞꠣꠡꠐꠤꠅꠝꠣꠔꠞ ꠛꠤꠞꠥꠖ꠆ꠖꠦ ⁕ ꠎꠦꠖꠤꠘ ꠓꠣꠈꠣꠔ ꠚꠥꠟꠤꠡꠞ ꠉꠥꠟ꠆ꠟꠤꠄ ꠞꠚꠤꠇ, ꠍꠣꠟꠣꠝ, ꠛꠞꠇꠔ, ꠎꠛ꠆ꠛꠣꠞ ꠡꠁꠔꠦ ꠈꠈꠎꠘ ꠀꠝꠍꠂꠟꠈꠞ꠆ꠞꠣ ꠘꠤꠞ꠆ꠝꠝꠜꠣꠛꠦ ꠡꠢꠤꠖ ꠅꠁꠘ ⁕ 19d1 ꠡꠣꠟ ꠄꠘ꠆ꠒꠤꠀꠞ ꠀꠡꠣꠝ ꠢꠤꠞꠤ ꠛꠣꠋꠟꠣ ꠝꠣꠔꠞ ꠟꠣꠉꠤ ꠛꠦꠋꠉꠟꠤꠘ꠆ꠔꠦ ꠎꠤꠛꠘ ꠖꠤꠍꠤꠟ ⁕ ꠀꠡꠣꠝꠤ ꠝꠣꠔꠞꠦ ꠄꠈꠝꠣꠔ꠆ꠞ ꠞꠣꠎ꠆ꠎꠤꠅꠝꠣꠔ ꠈꠞꠣꠞ ꠙ꠆ꠞꠔꠤꠛꠣꠖ ꠛꠦꠋꠉꠟꠤꠘ꠆ꠔꠦ 19 ꠝꠦ ꠅꠞꠔꠣꠟ ꠒꠣꠈꠍꠤꠟ ⁕ ꠡꠣꠘ꠆ꠔꠤꠚꠥꠞ꠆ꠘ ꠗꠞ꠆ꠝꠊꠐꠞ ꠛꠣꠟꠣ ꠡꠤꠟꠌꠞ ꠞꠦꠟꠁꠡ꠆ꠐꠦꠡꠘ ꠚꠥꠟꠤꠡꠦ ꠛꠦꠇꠥꠝꠣꠞ ꠟꠣꠈꠣꠘ 11 ꠎꠘ ꠀꠝꠍꠂꠟꠈꠞ꠆ꠞꠣꠁꠘꠞꠦ ꠉꠥꠟ꠆ꠟꠤ ꠝꠣꠞꠤ ꠟꠣꠄ ⁕
ꠁ ꠔ ꠉꠦꠟ ꠖꠇ꠆ꠇꠤꠘ ꠄꠡꠤꠀꠞ ꠝꠣꠔ ⁕ ꠢꠥꠖꠣꠞ ꠢꠣꠘꠈꠣ ꠍꠤꠄꠞꠣ ꠟꠤꠅꠘꠞ ꠖꠥꠍꠞꠣ ꠞꠣꠡꠐꠤꠅꠝꠣꠔ ꠛꠣꠋꠟꠣꠞꠦ ꠖꠣꠛꠤ ꠈꠞꠟꠦꠅ ꠛꠦꠋꠉꠟꠤꠘ꠆ꠔꠦ 19Vd ꠡꠣꠟ ꠖꠇ꠆ꠇꠤꠘ ꠀꠚ꠆ꠞꠤꠇꠣꠞ ꠍꠥꠄꠔꠣ ꠅꠘ꠆ꠌꠟꠞ ꠞꠈꠔꠣꠞꠈꠔꠤ ꠝꠣꠔꠞ ꠖꠣꠄ ꠎꠦ ꠀꠞꠦꠉꠥ ꠀꠘ꠆ꠖꠥꠟꠘ ꠅꠁꠍꠤꠟ, ꠁꠇꠣꠘ ꠝꠣꠔꠂꠘ ꠘꠣ ⁕ ꠎꠦ ꠀꠘ꠆ꠖꠥꠟꠘꠅ ꠡꠣꠁꠞꠔꠤꠝꠣꠘꠣ ꠈꠞꠍꠤꠟꠣ ꠁꠡ꠆ꠇꠥꠟꠞ ꠚꠞꠥꠀꠁꠘ꠆ꠔꠦ ⁕ ꠁꠃꠞꠥꠚꠤꠅ ꠖꠟꠣꠉꠔꠞꠤ ꠡꠞꠈꠣꠞ ꠔꠈꠘ ꠖꠦꠡꠐꠣꠞ ꠉꠖꠤꠔ ⁕
ꠖꠥꠇ꠆ꠇꠎꠘꠇ ꠅꠁꠟꠦꠅ ꠢꠣꠍꠣ, ꠁꠔꠣ ꠝꠣꠔ ꠀꠝꠞꠣꠞ ꠝꠣꠔꠞ ꠁꠔꠤꠀꠡ ꠔꠘꠦ ꠛꠣꠖ ꠖꠦꠅꠀ ꠅꠁꠍꠦ ⁕ ꠛꠦꠋꠉꠟꠤꠘ꠆ꠔꠦ ꠎꠦꠘ ꠈꠣꠟꠤ ꠚꠣꠇꠤꠍꠔꠣꠘꠞ ꠛꠤꠞꠥꠖ꠆ꠖꠦ ꠙ꠆ꠞꠣꠘ ꠖꠍꠦ, ꠄꠘ꠆ꠒꠤꠀꠞ ꠛꠤꠞꠥꠖ꠆ꠗꠦ ꠙ꠆ꠞꠣꠘ ꠖꠤꠍꠦ ꠘꠣ! ꠔꠣꠝꠤꠟ ꠝꠣꠔꠞ ꠛꠤꠞꠥꠖ꠆ꠖꠦ ꠄꠘ꠆ꠒꠤꠀꠞ ꠎꠣꠟꠤꠝꠤ ꠚꠣꠇꠤꠍꠔꠣꠘꠞ ꠔꠘꠦꠅ ꠛꠃꠔꠉꠥꠘ ꠍꠣꠠꠣꠁꠀ ꠉꠦꠍꠦ ⁕ ꠁꠔꠣꠅ ꠘꠄꠀ ꠍꠤꠞꠤꠞꠦ ꠎꠣꠘꠣꠘꠤ ꠖꠞꠈꠣꠞ ⁕ ꠛꠣꠋꠟꠣꠖꠦꠡ ꠡꠣꠗꠤꠘ ꠅꠁꠛꠣꠔ ꠚꠂꠘ꠆ꠌꠣꠡ ꠛꠍꠞꠞ ꠛꠦꠡꠤ ꠅꠁꠉꠦꠟꠦ ꠅ ꠄꠛꠔꠞꠤ ꠍꠤꠟꠐꠤ, ꠍꠤꠐꠣꠉꠣꠋꠉꠤ, ꠞꠋꠚꠥꠞꠤ ꠁꠔꠣ ꠝꠣꠔꠣꠁꠘ꠆ꠔꠞꠦ ꠛꠣꠋꠟꠣꠖꠦꠡ ꠞꠣꠡ꠆ꠐ꠆ꠞꠤꠅ ꠜꠣꠛꠦ ꠡꠤꠇ꠆ꠞꠤꠔꠤ ꠖꠦꠅꠀ ꠅꠁꠍꠦ ꠘꠣ ⁕ ꠃꠚꠔꠦ ꠛꠦꠋꠉꠟꠤꠘ꠆ꠔꠦ ꠡꠠꠎꠘ꠆ꠔ꠆ꠞ ꠈꠞꠤꠀ ꠁꠔꠣ ꠝꠣꠔꠣ ꠈꠣꠘꠣꠁꠘꠞꠦ ꠛꠣꠋꠟꠣ ꠝꠣꠔꠞ ꠀꠘ꠆ꠌꠟꠤꠇ ꠛꠥꠟꠤ ꠛꠣꠘꠣꠘꠤꠞ ꠅꠚꠍꠦꠡ꠆ꠐꠣ ꠈꠞꠤꠀ ꠎꠣꠁꠞ ⁕