শুরমা ফারর খবর ছিলটি জবানে ছিলটর খবর
Related Articles
Γ1-ꠡꠦ ꠚꠖꠇ ꠚꠣꠃꠞꠣ ꠛꠤꠎꠤꠔ ꠟꠣꠟ ꠖꠣꠡ ꠀꠞ ꠍꠤꠟꠦꠐ ꠄꠇꠣꠒꠦꠝꠤ (সিলেট একাডেমি) ꠟꠁꠀ ꠔꠥꠞꠣ ꠝꠣꠔ ::::::::::::::::::
ꠟꠦꠈꠞꠣ : ꠘꠣꠍꠤꠞ ꠌꠃꠗꠥꠞꠤ [Nasir Choudhury]
ꠡꠣꠟ ꠐꠣ ꠡꠝ꠆ꠜꠛꠔ 1991- 9Γ ꠁꠋ ꠍꠤꠟꠐ ꠛꠤꠜꠣꠉꠞ ꠖꠣꠛꠤꠔꠦ ꠢꠤꠡꠝꠄꠅ ꠀꠝꠞꠣ ꠔꠕꠣ ꠛꠤꠢꠔ꠆ꠔꠞ ꠍꠤꠟꠦꠐ ꠍꠣꠔ꠆ꠞ ꠚ꠆ꠞꠘ꠆ꠐꠦ ꠀꠘ꠆ꠖꠥꠟꠘ ꠡꠥꠞꠥ ꠈꠞꠍꠤ ꠘꠣ ⁕ ꠝꠥꠁ ꠢꠤꠛꠣꠟꠣ ꠍꠤꠟꠦꠐ ꠟ ꠇꠟꠦꠎꠞ ꠍꠣꠔ꠆ꠞ, ꠄꠈꠟꠉꠦ ꠍꠤꠟꠐ ꠛꠤꠜꠣꠉꠞ ꠘꠦꠎ꠆ꠎ ꠖꠣꠛꠤ ꠖꠣꠅꠀ ꠀꠖꠣꠄꠞ ꠟꠣꠉꠤꠘ ꠉꠞꠣ ꠛꠤꠢꠔ꠆ꠔꠞ ꠍꠤꠟꠦꠐ ꠍꠣꠔ꠆ꠞ ꠚ꠆ꠞꠘ꠆ꠐ ꠅꠞ ꠍꠤꠀꠞꠝꠦꠘ ⁕
ꠀꠝꠞꠣ ꠡꠤꠖ꠆ꠖꠣꠘ꠆ꠔ ꠟꠁꠍꠟꠣꠝ ꠍꠤꠟꠐꠤ ꠎꠣꠔꠤꠅꠔꠣꠛꠣꠖꠞꠦ ꠢꠥꠡ ꠚꠤꠞꠣꠁꠔꠦ ꠅꠁꠟꠦ ꠍꠤꠟꠐꠤ ꠝꠣꠔꠜꠤꠔ꠆ꠔꠤꠇ ꠞꠥꠍꠥꠝꠞꠦ ꠢꠥꠡ ꠚꠤꠞꠣꠘꠤ ꠟꠣꠉꠛ ⁕ ꠎꠦꠉꠔꠤꠇꠦ ꠢꠣꠍꠘ ꠞꠣꠎꠣ, ꠀꠞꠇꠥꠝ ꠡꠣꠢ ꠀꠞ ꠀꠞꠔꠣꠁꠘꠞꠦ ꠟꠁꠀ ꠄꠉꠥ ꠄꠇꠣꠒꠦꠝꠤ ꠇꠤ ꠍꠤꠟꠦꠐ ꠄꠇꠣꠒꠦꠝꠤ ꠈꠞꠔ ꠅꠁꠔ ⁕
ꠛꠤꠢꠔ꠆ꠔꠞ ꠍꠤꠟꠦꠐ ꠍꠣꠔ꠆ꠞ ꠚ꠆ꠞꠘ꠆ꠐ ꠅꠞ ꠔꠞꠚ ꠔꠘꠦ ꠡꠤꠖ꠆ꠖꠣꠘ꠆ꠔ ꠉꠍꠣ ꠅꠁꠟ, ꠛꠤꠢꠔ꠆ꠔꠞ ꠍꠤꠟꠦꠐ ꠍꠣꠔ꠆ꠞ ꠚ꠆ꠞꠘ꠆ꠐꠞ ꠃꠖ꠆ꠖꠥꠉꠦ ꠁ ꠖꠣꠛꠤꠄ ꠍꠤꠟꠐꠞ ꠇꠃꠐ ꠙꠄꠘ꠆ꠐꠅ ꠎꠘꠡꠜꠣ ꠀꠞ ꠍꠤꠟꠐꠤ ꠉꠣꠘꠞ ꠅꠘꠥꠡ꠆ꠑꠣꠘ ꠈꠞꠣ ꠅꠁꠛ ⁕ ꠄꠞ ꠖꠣꠄ ꠀꠝꠞꠣ ꠍꠤꠟꠐꠞ ꠞꠥꠍꠥꠝꠞ ꠟꠉꠦ ꠎꠞꠤꠔ ꠛꠃꠔꠞ ꠟꠉꠦ ꠎꠥꠉꠣꠎꠥꠉ ꠈꠞꠤ ⁕ ꠢꠤꠛꠣꠟꠣ ꠛꠤꠎꠤꠔ ꠟꠣꠟ ꠖꠣꠡꠞ ꠟꠉꠦ ꠎꠥꠉꠣꠎꠥꠉ ꠈꠞꠟꠦ ꠔꠣꠁꠘ ꠀꠝꠞꠣꠞꠦ ꠝꠣꠞꠢꠣꠛꠣ ꠎꠣꠘꠣꠁꠘ ꠀꠞ ꠢꠈꠟ ꠝꠘ꠆ꠔꠦ ꠡꠣꠖꠖꠤꠛꠣꠞ ꠈꠕꠣ ꠖꠦꠁꠘ ⁕ ꠔꠣꠁꠘ ꠚꠄꠡꠣꠚꠣꠔꠤ ꠀꠞ ꠈꠈꠎꠘ ꠡꠤꠟ꠆ꠙꠤ ꠖꠤꠀ ꠡꠣꠖ ꠖꠦꠁꠘ ⁕ ꠢꠃ ꠄꠁꠔꠤꠢꠣꠡꠤꠇ ꠎꠘꠡꠜꠣꠔ ꠍꠤꠟꠐ ꠛꠤꠜꠣꠉꠞ ꠙꠦꠞꠣꠄ ꠡꠛ ꠡꠤꠟ꠆ꠙꠤꠘ꠆ꠔꠦ ꠉꠤꠔ ꠉꠣꠁꠘ, ꠎꠣꠞ ꠝꠣꠏꠔꠘꠦ ꠎꠣꠘꠣꠘ ꠃꠖ꠆ꠖꠤꠘ ꠢꠣꠍꠣꠘ ꠛꠣꠘ꠆ꠘꠣ, ꠀꠛ꠆ꠖꠥꠟ ꠀꠢꠣꠖ ꠔ ꠀꠍꠟꠣ ꠃ ⁕ ꠝꠣꠔꠞ ꠚꠣꠈꠦꠖꠤ ꠔꠣꠁꠘ ꠎꠣꠘꠣꠁꠘ ꠎꠦ ꠝꠞ ꠖꠣꠖꠣꠞ ꠟꠉꠦ ꠔꠣꠁꠘ ꠄꠈꠟꠉꠦ ꠞꠣꠎꠘꠤꠔꠤ ꠈꠞꠍꠂꠘ, ꠔꠣꠘꠞꠦ ꠝꠥꠁ ꠎꠦꠘ ꠖꠣꠖꠣ ꠈꠁꠀ ꠃ ꠒꠣꠇꠤ ⁕
ꠀꠝꠞꠣ ꠈꠈ ꠝꠣꠡ ꠗꠞꠤꠀ ꠚꠍꠣꠞ ꠈꠣꠝ ꠍꠣꠟꠣꠁꠀ ꠎꠣꠁ ꠎꠘꠡꠜꠣꠈꠣꠘꠞꠦ ꠇꠣꠝꠤꠀꠛ ꠈꠞꠣꠞ ꠖꠣꠄ ⁕ ꠍꠤꠟꠐ ꠎꠥꠠꠤ ꠝꠣꠁꠇꠤꠋ ꠈꠞꠣ ꠅꠄ ⁕ ꠄꠞ ꠝꠣꠏꠦ ꠀꠉꠔꠘꠦ ꠇꠥꠘꠥ ꠢꠥꠡꠤꠀꠞꠤ ꠍꠣꠞꠣ ꠃ ꠁ ꠖꠤꠘ ꠍꠤꠟꠐ ꠛꠤꠜꠣꠉꠅ ꠚꠞꠤꠛꠢꠘ ꠝꠦꠘ꠆ꠔꠤꠘ꠆ꠔꠦ ꠅꠞꠔꠣꠟꠞ ꠒꠣꠈ ꠖꠦꠄ, ꠇꠤꠎꠣꠔ ꠡꠠꠎꠘ꠆ꠔ꠆ꠞ ⁕
ꠇꠤꠘ꠆ꠔꠥꠇ ꠀꠝꠤ ꠡꠤꠖ꠆ꠖꠣꠘ꠆ꠔ ꠘꠦꠁ, ꠀꠝꠞꠣ ꠘꠤꠞ꠆ꠗꠣꠞꠤꠔ ꠖꠤꠘ ꠃ ꠅꠘꠥꠡ꠆ꠑꠣꠘ ꠈꠞꠝꠥ ꠚꠞꠤꠛꠢ ꠗꠞ꠆ꠝꠊꠐ ꠕꠣꠈꠃꠇ ꠇꠤ ꠘꠣ ꠕꠣꠈꠃꠇ ⁕ ꠡꠠꠎꠘ꠆ꠔ꠆ꠞꠈꠣꠞꠤꠘ꠆ꠔꠦ ꠎꠣꠘ꠆ꠔ ꠛꠤꠎꠤꠔ ꠟꠣꠟ ꠖꠣꠡ ꠀꠝꠞꠣꠞ ꠖꠣꠛꠤꠞ ꠟꠉꠦ ꠀꠍꠂꠘ ⁕ ꠗꠞ꠆ꠝꠊꠐ ꠕꠣꠈꠣ ꠡꠔ꠆ꠔꠦꠅ ꠇꠥꠞꠤ ꠀꠎꠣꠞ ꠝꠣꠘꠥꠡ ꠇꠃꠐ ꠙꠄꠘ꠆ꠐꠅ ꠀꠎꠤꠞ ꠅꠁꠍꠤꠟꠣ ⁕ ꠇꠃꠐ ꠙꠄꠘ꠆ꠐ ꠔꠘꠦ ꠚꠥꠟꠞ ꠝꠥꠇ, ꠀꠞꠛꠣꠄ ꠎꠤꠘ꠆ꠖꠣꠛꠣꠎꠣꠞ ꠁꠝꠣ ꠝꠣꠘꠥꠡ ꠀꠞ ꠝꠣꠘꠥꠡ ⁕ ꠎꠘꠡꠜꠣ ꠡꠦꠡꠦ ꠁꠇꠣꠘ ꠟꠁꠀ ꠖꠣꠛꠤꠞ ꠁꠀꠖ-ꠘꠣꠝꠣ ꠎꠤꠟꠣ ꠚꠡꠣꠡꠇꠞ ꠐꠣꠁꠘ ꠉꠍꠣꠘꠤ ꠅꠄ ⁕ ꠀꠝꠤ, ꠛꠤꠎꠤꠔ ꠟꠣꠟ ꠖꠣꠡ, ꠀꠞꠇꠥꠝ ꠡꠣꠢ꠆ ꠀꠞ ꠘꠣꠔꠤ ꠝꠥꠁꠛ ꠀꠟꠤ ꠡꠢ ꠍꠤꠟꠐ ꠛꠤꠜꠣꠉꠞ ꠢꠈꠟ ꠡꠤꠟ꠆ꠙꠤꠘ ꠀꠝꠞꠣꠞ ꠟꠉꠦ ⁕ ꠈꠣꠞꠘ ꠁ ꠄꠇꠣꠒꠦꠝꠤꠔ ꠍꠤꠟꠐꠤ ꠝꠣꠔ ꠛꠤꠔ꠆ꠔꠤꠇ ꠞꠥꠍꠥꠝꠞ ꠍꠞ꠆ꠍꠣ ꠅꠁꠛ ⁕ ꠄꠇꠣꠒꠦꠝꠤꠞ ꠡꠞꠈꠣꠞꠤ ꠎꠣꠉꠣ ꠚꠣꠁꠔꠦ ꠍꠤꠟꠐ ꠎꠤꠟꠣꠞ ꠀꠞ’ꠒꠤ’ꠍꠤ ꠢꠈꠟ ꠎꠣꠔꠦ ꠡꠣꠖ ꠖꠤꠛꠣ ⁕ ꠍꠤꠟꠐ ꠡꠢꠞꠞ ꠝꠥꠘ꠆ꠡꠤ ꠚꠣꠞꠣꠔ ꠎꠣꠉꠣꠞ ꠀꠡ꠆ꠡꠣꠡ ꠝꠤꠟꠦ ⁕
ꠛꠤꠎꠤꠔ ꠟꠣꠟ ꠖꠣꠡꠞ ꠛꠣꠡꠣꠔ ꠡꠜꠣꠞ ꠝꠣꠏꠦ ꠡꠤꠖ꠆ꠖꠣꠘ꠆ꠔ ꠟꠃꠀ ꠅꠄ ꠀꠝꠤ ꠐꠤꠘ ꠡꠦꠒꠞ ꠊꠞ ꠝꠣꠘꠣꠁꠀ ꠖꠤꠝꠥ (ꠎꠣꠉꠣꠈꠣꠘ ꠎꠦꠢꠦꠔꠥ ꠡꠞꠈꠣꠞꠤ ꠟꠤꠎꠞ) ⁕ ꠛꠤꠎꠤꠔ ꠟꠣꠟ ꠖꠣꠡꠦ ꠇꠦꠀꠞ ꠐꠦꠁꠇꠣꠞ ꠡꠢ ꠝꠣꠡ꠆ꠐꠞꠈꠟꠞ ꠛꠦꠔꠘ ꠡꠁꠔꠦ ꠛꠣꠇꠤ ꠈꠞꠍꠣ ꠀꠎꠤꠛꠘ ꠖꠤꠀ ꠎꠣꠁꠛꠣ ⁕ ꠔꠣꠘ ꠎꠤꠘꠂꠖꠦꠉꠤ ꠛꠣꠖꠦ ꠔꠣꠘꠞ ꠍꠣꠃꠍꠤꠞꠤꠘ꠆ꠔꠦ ꠁ ꠈꠞꠍ ꠍꠣꠟꠣꠁꠀ ꠎꠣꠁꠛꠣ ⁕
ꠇꠤꠘ꠆ꠔꠥꠇ ꠀꠝꠞꠣ ꠀꠍꠝꠛꠤꠔ ꠅꠁꠎꠣꠁ, ꠁ ꠝꠢꠔ ꠃꠖ꠆ꠖꠥꠉꠞ ꠛꠤꠚꠇ꠆ꠇꠦ ꠍꠤꠟꠐ ꠛꠤꠜꠣꠉꠞ ꠛꠃꠔ ꠞꠣꠎꠘꠂꠔꠤꠇ ꠝꠣꠘꠥꠁꠘ ⁕ ꠎꠦꠁꠘꠔꠣꠁꠘ ꠎꠣꠔꠤꠅ ꠞꠣꠎꠘꠤꠔꠤꠞ ꠟꠉꠦ ꠎꠠꠤꠔ, ꠛꠃꠔꠦ ꠢꠤꠞꠤ ꠡꠋꠉ꠆ꠞꠣꠝꠞ ꠛꠣꠖꠦ ꠝꠘ꠆ꠔ꠆ꠞꠤ ꠅ ꠅꠁꠍꠤꠟꠣ ⁕ ꠎꠤꠟꠣ ꠚꠡꠣꠡꠇ ꠡꠢ ꠍꠤꠟꠐꠞ ꠡꠤꠟ꠆ꠙꠤꠘ꠆ꠔꠞ ꠃꠚꠞꠦ ꠄꠞ ꠛꠤꠞꠥꠖ꠆ꠖꠦ ꠍꠣꠚ ꠖꠤꠔꠣ ꠟꠣꠉꠟꠣ ⁕ ꠍꠣꠚ ꠀꠞ ꠒꠞꠖꠦꠈꠣꠘꠤꠞ ꠉꠔꠤꠇꠦ ꠡꠤꠟ꠆ꠙꠤꠘ꠆ꠔꠞ ꠄꠈ ꠅꠋꠡꠞꠦ ꠔꠣꠞꠣꠞ ꠚꠣꠍꠦ ꠟꠁꠀ ꠎꠣꠄ ⁕ ꠎꠦ ꠡꠤꠟ꠆ꠙꠤꠘ ꠔꠣꠞꠣꠞ ꠚꠇ꠆ꠇꠦ, ꠢꠦꠁꠘꠔꠣꠁꠘ ꠅ ꠝꠘꠦ ꠝꠘꠦ ꠄꠇꠣꠒꠦꠝꠤꠞ ꠇꠣꠝꠤꠀꠛꠤ ꠍꠣꠁꠔꠣ ⁕ ꠛꠤꠎꠤꠔ ꠟꠣꠟ ꠖꠣꠡ ꠘꠤꠎꠦ ꠉꠤꠀ ꠍꠤꠟꠐ ꠎꠤꠟꠣꠞ ꠀꠞ’ꠒꠤ’ꠍꠤ-ꠞ ꠟꠉꠦ ꠖꠦꠈꠣ ꠈꠞꠟꠦ ꠔꠣꠁꠘ ꠎꠣꠘꠣꠁꠘ ꠎꠦ ꠔꠣꠁꠘ ꠡꠛ ꠎꠣꠔꠞ ꠡꠣꠖ ꠖꠤꠛꠣ ⁕ ꠄꠞꠛꠣꠖꠦ ꠀꠞꠇꠥꠝ ꠡꠣꠢꠞ ꠘꠣꠔꠤ ꠝꠥꠁꠛ ꠀꠟꠤ ꠀꠝꠞꠣꠞ ꠃꠟꠐꠣꠛꠣꠄ ꠎꠣꠁꠘꠉꠤ ⁕ ꠔꠣꠁꠘ ꠉꠤꠀ ꠀꠞ’ꠒꠤ’ꠍꠤꠞꠦ ꠟꠦꠇꠤꠀ ꠁ ꠄꠇꠣꠒꠦꠝꠤ ꠘꠣ ꠈꠞꠣꠞ ꠀꠛꠦꠖꠘ ꠎꠣꠘꠣꠁꠘ ⁕ ꠁ ꠡꠠꠎꠘ꠆ꠔ꠆ꠞꠞ ꠉꠔꠤꠇꠦ ꠀꠝꠞꠣꠞ ꠍꠤꠟꠐꠞ ꠞꠥꠍꠥꠝꠣꠟꠣ ꠄꠇꠣꠒꠦꠝꠤ ꠈꠞꠣꠞ ꠍꠦꠡ꠆ꠐꠣ ꠛꠤꠚꠟ ꠅꠁꠎꠣꠄ ⁕
ꠛꠤꠎꠤꠔ ꠟꠣꠟ ꠖꠣꠡ ꠍꠤꠟꠐ ꠛꠤꠜꠣꠉꠞ ꠞꠥꠍꠥꠝꠤ ꠎꠉꠔꠞ ꠄꠈ ꠍꠦꠞꠣꠉꠛꠣꠔ꠆ꠔꠤ, ꠔꠣꠁꠘ ꠛꠣꠋꠟꠣꠖꠦꠡꠞ ꠡꠝ꠆ꠙꠖ ⁕ ꠞꠥꠍꠥꠝꠤ ꠎꠉꠔꠞ ꠛꠤꠡꠦꠡꠈꠞꠤ ꠍꠤꠟꠐ ꠛꠤꠜꠣꠉꠅ ꠔꠣꠘ ꠎꠦ ꠅꠛꠖꠣꠘ, ꠁꠔꠣꠞꠖꠣꠄ b0 ꠚꠤꠞꠣ ꠀꠉꠦꠃ ꠔꠣꠘ Γ1-ꠡꠦ ꠚꠖꠇ ꠚꠣꠃꠀꠞ ꠈꠕꠣ ⁕ ꠈꠣꠟꠤ ꠡꠠꠎꠘ꠆ꠔ꠆ꠞꠞ ꠟꠣꠉꠤ ꠚꠣꠁꠍꠂꠘ ꠘꠣ ⁕ ꠘꠄꠀ ꠍꠤꠞꠤꠄ ꠢꠄꠔ ꠔꠣꠘꠞꠦ ꠢꠤꠟꠣꠘ ꠍꠤꠘꠂꠘ ꠘꠣ ⁕
ꠔꠣꠘꠞꠦ Γ1-ꠡꠦ ꠚꠖꠇ ꠚꠣꠃꠀꠄ ꠝꠣꠞꠢꠣꠛꠣ ꠎꠣꠘꠣꠁ ⁕
