শুরমা ফারর খবর ছিলটি জবানে ছিলটর খবর
Related Articles
ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠐꠣꠃꠘꠅ ꠚꠥꠞꠣ ꠚꠣꠘꠤ ꠟꠣꠉꠤꠉꠦꠍ ⁕ ꠄꠞꠟꠣꠉꠤ ꠁꠡ꠆ꠇꠥꠟ ꠇꠟꠦꠎꠞ ꠚꠞꠥꠀ ꠀꠞ ꠍꠣꠈꠞꠤꠀꠟꠣ ꠡꠁꠔꠦ ꠡꠣꠗꠣꠞꠘ ꠝꠣꠁꠘꠡꠞ ꠍꠟꠣꠚꠤꠞꠣꠔ ꠛꠦꠡꠦꠛꠣ ꠛꠦꠞꠣꠍꠦꠞꠣ ꠅꠁꠞ ⁕ ꠡꠢꠞꠛꠣꠡꠤꠄ ꠛꠦꠎꠥꠁꠔꠣ ꠁ ꠚꠣꠘꠤ ꠟꠣꠉꠣꠞ ꠈꠣꠞꠘ ꠢꠤꠡꠣꠛꠦ ꠖꠣꠁ ꠈꠞꠞꠣ ꠛꠦꠇꠤꠀꠟꠤ ꠈꠣꠞꠣ-ꠇꠥꠖꠣ ꠔꠞꠤꠇꠣꠞꠦ ⁕ ꠀꠞ ꠚꠃꠞ ꠝꠦꠅꠞꠦ ꠈꠁꠘ ꠘꠣꠉꠞꠤꠇ ꠅꠈꠟꠞ ꠄꠟꠣ ꠀꠞ ꠛꠣꠡꠣ-ꠛꠣꠞꠤꠘ꠆ꠔꠞ ꠔꠥꠟꠘꠣꠄ ꠞꠣꠍ꠆ꠔꠣꠁꠘ ꠘꠤꠍꠣ ꠞꠁꠎꠣꠃꠀꠄ ꠁ ꠚꠣꠘꠤ ꠟꠣꠉꠍꠦ ⁕
ꠛꠤꠞꠥꠡꠥꠔꠛꠣꠞ (ΓΓ ꠚꠦꠛꠥꠀꠞꠤ) ꠖꠥꠁꠚꠞꠤ ꠛꠣꠟꠣ ꠔꠘꠦ ꠞꠣꠁꠔ ꠁꠝꠣ ꠛꠣꠞꠇꠦ ꠛꠣꠞꠇꠦ ꠏꠞꠤꠄ ꠢꠛꠤꠉꠂꠘ꠆ꠎ ꠡꠢꠞꠅ ꠚꠣꠘꠤ ꠃꠐꠤꠎꠣꠄ ⁕ ꠐꠣꠃꠘꠞ ꠛꠃꠔ ꠎꠘꠛꠢꠥꠟ ꠍꠞꠈ ꠜꠥꠞꠤꠎꠣꠄ ꠝꠦꠊꠞ ꠚꠣꠘꠤꠄ ⁕ ꠐꠣꠃꠘꠞ ꠍꠣꠞ꠆ꠇꠤꠐ ꠢꠣꠃꠎ ꠞꠃꠒ, ꠡꠣꠄꠍ꠆ꠔꠣꠘꠉꠞ ꠀꠞ ꠁꠘꠣꠔꠣꠛꠣꠖ ꠡꠢ ꠞꠣꠎ꠆ꠎꠤꠞ ꠍꠞꠈ ꠜꠥꠞꠤ ꠉꠦꠍꠤꠟ ꠝꠦꠊꠞ ꠚꠣꠘꠤꠄ ⁕
ꠄꠍꠣꠠꠣ ꠎꠤꠟꠣ ꠚꠡꠣꠡꠇꠞ ꠛꠣꠡꠜꠛꠘ, ꠙꠥꠟꠤꠡ ꠡꠥꠙꠣꠞꠞ ꠛꠣꠡꠜꠛꠘ, ꠚꠣꠘꠤ ꠃꠘ꠆ꠘꠄꠘ ꠜꠛꠘ ꠀꠞ ꠍꠣꠞ꠆ꠇꠤꠐ ꠢꠣꠃꠎ ꠡꠢ ꠉꠥꠞꠥꠔ꠆ꠔꠚꠥꠞ꠆ꠘ ꠜꠛꠘꠞ ꠢꠋꠇꠞ ꠍꠞꠈꠣꠁꠘ ꠚꠣꠘꠤꠄ ꠒꠥꠛꠤꠎꠣꠄ ⁕ ꠢꠦꠖꠣꠔ ꠚꠣꠃꠞꠣ ꠅꠈꠟꠦ ꠐꠣꠃꠘꠞ ꠎꠥꠁꠔꠝꠔ ꠈꠣꠞꠣ-ꠇꠥꠖꠤ ꠘꠣ ꠕꠣꠈꠣꠞꠦ ꠁ ꠉꠞꠖꠤꠡꠞ ꠟꠣꠉꠤꠘ ꠖꠣꠁ ꠈꠞꠂꠘ ⁕ ꠔꠄ ꠀꠁꠎ ꠡꠥꠇ꠆ꠇꠥꠞꠛꠣꠞ (Γ৩ ꠚꠦꠛꠥꠀꠞꠤ) ꠛꠤꠀꠘꠦ-ꠍꠛꠞꠦ ꠔꠘꠦ ꠝꠦꠊꠞ ꠚꠣꠘꠤ ꠟꠣꠝ꠆ꠔ ꠡꠥꠞꠥ ꠈꠞꠍꠦ ⁕ ꠎꠥꠖꠤꠘꠅ ꠀꠛ ꠛꠃꠔ ꠞꠣꠍꠔꠣꠁꠘ ꠚꠣꠘꠤꠄ ꠜꠥꠞꠣꠁꠟ ⁕ ꠁꠔꠣ ꠛꠦꠉꠔꠤꠇ ꠅꠛꠍ꠆ꠕꠣ ꠔꠘꠦ ꠚꠣꠘꠣ ꠍꠣꠁꠘ ꠢꠦꠖꠣꠔ ꠚꠣꠃꠞꠣꠁꠘ꠆ꠔꠦ ⁕
ꠢꠛꠤꠉꠂꠘ꠆ꠎ ꠙꠃꠞ ꠡꠢꠞ ꠞꠃꠀ ꠙꠦꠞꠣꠄ ꠛꠤꠡ ꠀꠎꠣꠞ ꠝꠣꠘꠥꠡ ꠁ ꠚꠣꠘꠤꠟꠣꠉꠣ ꠅꠛꠍꠔꠣꠔ ꠞꠁꠍꠂꠘ ⁕
