ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ ꠅꠁꠍꠦ ⁕ ꠛꠤꠎꠤꠛꠤꠞ ꠡꠖꠂꠡ꠆ꠡ ꠅꠈꠟꠦ ꠛꠤꠄꠍꠄꠚꠞ ꠟꠉꠦ ꠡꠝꠤꠟ ꠈꠞꠤꠀ ꠡꠥꠇ꠆ꠇꠥꠞꠛꠣꠞ ꠖꠥꠁꠚꠞꠤꠛꠣꠟꠣ ꠁ ꠚꠥꠀꠞ ꠟꠣꠡ ꠛꠣꠋꠟꠣꠖꠦꠡ ꠟꠁꠀ ꠀꠁꠘ ⁕ ꠛꠣꠖꠦ ꠔꠣꠞꠣ ꠀꠎꠤꠞ ꠕꠣꠇꠤꠀ ꠈꠦꠡꠇꠥꠐꠥꠝꠞ ꠐꠣꠁꠘ ꠟꠣꠡ ꠡꠝꠎꠣꠁꠘ ⁕
ꠝꠣꠍꠥꠝꠞ ꠝꠣꠝꠣ ꠎꠢꠤꠞ ꠃꠖ꠆ꠖꠤꠘꠦ ꠎꠣꠘꠣꠁꠘ, ꠄꠘ꠆ꠒꠤꠀꠞ ꠜꠤꠔꠞꠦ ꠢꠣꠞꠣꠁꠚꠥꠘ꠆ꠎꠤ ꠀꠞ ꠡꠤꠋꠉꠣꠞꠤꠈꠣꠟꠞ ꠈꠣꠘ꠆ꠖꠣꠔ ꠉꠟꠣꠈꠣꠐꠣ ꠅꠛꠍ꠆ꠔꠣꠄ ꠚꠞꠤ ꠞꠁꠍꠤꠟ ꠔꠣꠘꠞ ꠜꠣꠉ꠆ꠘꠣ ꠝꠣꠍꠥꠝꠞ ꠟꠣꠡ ⁕ ꠛꠣꠖꠦ ꠛꠣꠋꠟꠣꠖꠦꠡ ꠛꠒꠣꠞ ꠔꠘꠦ ꠟꠣꠡꠞ ꠚꠤꠘ꠆ꠘ ꠈꠣꠚꠞ ꠖꠦꠇꠤꠀ ꠔꠣꠞꠣ ꠝꠣꠍꠥꠝꠞ ꠟꠣꠡ ꠍꠤꠘꠔꠣ ꠚꠣꠞꠂꠘ ⁕
ꠈꠣꠘꠣꠁꠊꠣꠐ ꠕꠣꠘꠣꠞ ꠖꠣꠁꠔ꠆ꠔꠞꠔ ꠈꠞ꠆ꠝꠇꠞ꠆ꠔꠣ (ꠅꠍꠤ) ꠎꠣꠢꠣꠋꠉꠤꠞ ꠢꠥꠍꠦꠘ ꠡꠞꠖꠣꠞꠦ ꠟꠤꠝ ꠖꠦꠁꠘ, ꠇꠥꠘ ꠅꠃꠀ ꠚꠥꠀꠞ ꠟꠣꠡ ꠛꠤꠄꠍꠄꠚꠞ ꠝꠣꠁꠖ꠆ꠖꠝꠦ ꠖꠥꠁꠚꠞ ꠛꠣꠄ ꠛꠣꠋꠟꠣꠖꠦꠡ ꠟꠁꠀ ꠀꠄ ꠛꠤꠎꠤꠛꠤꠄ ⁕ ꠛꠣꠖꠦ ꠔꠣꠞꠣ ꠀꠎꠤꠞ ꠞꠁꠀ ꠟꠣꠡ ꠅꠈꠐꠣ ꠚꠞꠤꠛꠣꠞꠞ ꠐꠣꠁꠘ ꠉꠍꠣꠄ ⁕ ꠁ ꠊꠐꠘꠣꠄ ꠕꠣꠘꠣꠔ ꠘꠣꠟꠤꠡ-ꠃꠟꠤꠡ ꠖꠦꠃꠀ ꠅꠁꠍꠦ ꠘꠣ ⁕
ꠄꠞ ꠀꠉꠦ ꠉꠦꠍꠦ ꠛꠤꠞꠥꠡꠥꠔꠛꠣꠞ ꠛꠤꠀꠟꠦ ꠃꠚꠎꠤꠟꠣꠞ ꠄꠘ꠆ꠒꠤꠀ ꠛꠒꠣꠞꠞ ꠟꠣꠉꠣ ꠡꠥꠘꠣꠔꠘꠚꠥꠘ꠆ꠎꠤ ꠄꠟꠣꠇꠣꠞ 1৩1Γ-8 ꠚꠤꠟꠣꠞꠞ ꠈꠣꠘ꠆ꠖꠣꠔ ꠄꠘ꠆ꠒꠤꠀꠞ ꠜꠤꠔꠞꠦ ꠁ ꠚꠥꠀꠞ ꠉꠟꠣꠈꠣꠐꠣ ꠟꠣꠡ ꠚꠞꠤ ꠕꠣꠈꠔꠦ ꠖꠦꠈꠍꠤꠟꠣ ꠄꠟꠣꠇꠣꠛꠣꠡꠤꠘ꠆ꠔꠦ ⁕ ꠝꠣꠞꠣ ꠎꠣꠃꠀ ꠝꠣꠍꠥꠝ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠇ꠆ꠇꠤꠙ꠆ꠞꠡꠣꠖ ꠚꠌ꠆ꠌꠤꠝ ꠁꠃꠙꠤꠞ ꠡꠥꠘꠣꠔꠘꠚꠥꠘ꠆ꠎꠤ ꠉꠣꠃꠞ ꠘꠥꠞꠥꠟ ꠢꠇꠞ ꠚꠥꠀ ⁕ ꠇꠥꠐꠥꠝꠈꠦꠡꠦ ꠎꠣꠘꠣꠁꠘ, ꠉꠦꠍꠦ ꠡꠥꠇ꠆ꠇꠥꠞꠛꠣꠞ 1d ꠚꠦꠛꠥꠀꠞꠤ ꠢꠣꠁꠘ꠆ꠏꠣꠛꠣꠟꠣ ꠛꠣꠄ ꠈꠣꠘꠣꠁꠊꠣꠐꠞ ꠛꠒꠣꠞꠞ ꠟꠣꠉꠣ ꠛꠣꠖꠡꠣ ꠛꠣꠎꠣꠞ ꠉꠦꠍ꠆ꠟ ꠚꠥꠀ ꠉꠥꠔꠣ ⁕ ꠄꠞꠛꠣꠖ ꠔꠘꠦꠃ ꠔꠣꠞ ꠀꠞ ꠚꠣꠔ꠆ꠔꠣ ꠀꠍꠤꠟ ꠘꠣ ⁕