শুরমা ফারর খবর ছিলটি জবানে ছিলটর খবর
Related Articles
২৭ ꠎꠥꠟꠣꠁ ꠍꠤꠟꠐꠤ ꠝꠣꠔꠞꠦ ꠞꠣꠡ꠆ꠐꠞ ꠖꠥꠍꠞꠣ ꠝꠣꠔ ꠢꠤꠡꠣꠛꠦ ꠡꠤꠇꠞꠤꠔꠤ ꠖꠤꠛꠣꠞ ꠟꠣꠉꠤ ꠍꠤꠟꠐꠤ ꠚꠣꠘ꠆ꠌꠣꠁꠔꠦ ꠄꠈ ꠝꠣꠘꠥꠟꠋꠉꠞꠞ ꠀꠄꠏꠘ ꠈꠞꠍꠦ।
ꠄꠞꠣꠉꠦ ꠁ ꠚꠤꠞꠣꠞ ২৫ ꠎꠥꠘ (ꠡꠘꠤꠛꠣꠞꠇꠥ) ꠍꠤꠟꠐꠤ ꠚꠣꠘ꠆ꠌꠣꠁꠔ ꠇꠝꠤꠐꠤꠞ ꠄꠈ ꠎꠞꠥꠞꠤ ꠡꠣꠗꠣꠞꠘ ꠡꠜꠣ ꠀꠄꠏꠘ ꠈꠞꠣ ꠅꠁꠍꠤꠟ। ꠏꠦ ꠏꠣꠉꠣꠔ ꠡꠤꠖ꠆ꠖꠣꠘ꠆ꠔ ꠟꠃꠀ ꠅꠄ, ꠍꠤꠟꠐꠤ ꠝꠣꠔꠞꠦ ꠞꠣꠡ꠆ꠐꠞ ꠖꠥꠍꠞꠣ ꠝꠣꠔ ꠢꠤꠡꠣꠛꠦ ꠄꠟꠣꠘꠞ ꠖꠣꠄ ꠖꠣꠛꠤꠖꠣꠅꠀ ꠏꠣꠘꠣꠁꠀ ꠡꠣꠝꠘꠞ ৮ ꠎꠥꠟꠣꠁ (ꠡꠘꠤꠛꠣꠞ) ꠛꠤꠀꠟ ৩ꠐꠣꠔ ꠍꠤꠟꠦꠐ ꠇꠦꠘ꠆ꠖ꠆ꠞꠤꠅ ꠡꠢꠤꠖ ꠝꠤꠘꠣꠞꠧ ꠄꠈꠣꠘ ꠙ꠆ꠞꠔꠤꠛꠣꠖꠤ ꠝꠣꠘꠥꠟꠋꠉꠞ ꠀꠞ ꠡꠜꠣꠞ ꠀꠄꠏꠘ ꠈꠞꠣ ꠅꠁꠛꠧ।
ꠇꠤꠘꠔꠥꠇ ꠚꠥꠟꠤꠡꠦ ꠢꠥꠇꠥꠝ ꠘꠣ ꠖꠦꠅꠀꠄ “ꠍꠤꠟꠐꠤ ꠚꠣꠘ꠆ꠌꠣꠁꠔ” ꠅꠞ ৮ꠁ ꠎꠥꠟꠣꠁꠞ ꠝꠣꠘꠥꠟꠣꠋꠉꠣꠁꠞ ꠒꠥꠟꠣꠁꠀ ১২ꠁ ꠎꠥꠟꠣꠁ ꠝꠣꠗꠣꠘ ২ꠐꠣꠔ ꠡꠢꠤꠖ ꠝꠤꠘꠣꠞꠧ ꠅꠁꠛꠧ ꠈꠞꠤ ꠏꠣꠘꠣꠘꠤ ꠅꠄ।
ꠔꠄ, ১২ ꠎꠥꠟꠣꠁꠅ ꠝꠣꠘꠥꠟꠋꠉꠞꠞꠦ ꠛꠣꠔꠤꠟ ꠈꠞꠣ ꠟꠣꠉꠦ ꠚꠞꠤꠛꠢꠘ ꠡꠝꠤꠇ ꠅꠈꠟꠞ ꠒꠣꠈꠣ ꠅꠞꠔꠣꠟꠞ ꠖꠣꠄ।
ꠏꠦꠉꠔꠤꠇꠦ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠔꠞꠚ ꠔꠘꠦ ꠁ ꠝꠣꠘꠥꠟꠣꠋꠉꠣꠁꠞꠞꠦ ꠇꠣꠝꠤꠀꠛ ꠈꠞꠣꠞ ꠖꠣꠄ ꠍꠤꠟꠐ ꠛꠤꠜꠣꠉꠞ ꠡꠢ ꠡꠛꠏꠣꠔꠤ ꠝꠣꠘꠥꠁꠘꠞꠦ ꠀꠏꠤꠞ ꠕꠣꠈꠣꠞ ꠀꠢꠛꠣꠘ ꠏꠣꠘꠣꠘꠤ ꠅꠁꠍꠦ।
