শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠚꠣꠘ꠆ꠌꠣꠁꠔ (সিলটি পাঞ্চায়িত) ꠘꠣꠝꠦ ꠍꠤꠟꠐ ꠛꠤꠜꠣꠉꠞ ꠄꠈꠣꠘ ꠡꠋꠉꠑꠘ ২০২২ ꠡꠣꠟꠞ ২১ ꠘꠜꠦꠝ꠆ꠛꠞ ꠚꠔꠤꠡꠐꠣ ꠟꠣꠜ ꠈꠞꠦ⁕ ২০২৩ ꠡꠣꠟꠞ ২০ ꠝꠣꠞ꠆ꠌ ꠄꠁꠘ ꠔꠣꠁꠘ ꠍꠤꠟꠐꠤ ꠝꠣꠔꠞꠦ ꠛꠣꠋꠟꠣꠖꠦꠡꠞ ꠖꠥꠍꠞꠣ ꠞꠣꠡ꠆ꠐꠤꠅ ꠝꠣꠔꠧꠞ ꠖꠣꠛꠤ ꠎꠣꠘꠣꠁꠘ⁕ ꠄꠞ ꠟꠣꠉꠤꠘ ꠍꠤꠟꠐꠤ ꠚꠣꠘ꠆ꠌꠣꠁꠔ ꠇꠝꠤꠐꠤꠞ ꠃꠖ꠆ꠖꠉꠦ ꠝꠋꠉꠟꠛꠣꠞ (২১ ꠝꠣꠞ꠆ꠌ) ꠖꠥꠁꠞꠤꠛꠣꠟꠣ ꠍꠤꠟꠐꠞ ꠎꠤꠟꠣ ꠙ꠆ꠞꠡꠣꠡꠇꠞ ꠝꠣꠁꠖ꠆ꠖꠝꠦ। ꠛꠣꠋꠟꠣꠖꠦꠡꠞ ꠙ꠆ꠞꠗꠣꠘꠝꠘ꠆ꠔ꠆ꠞꠤ ꠡꠦꠈ ꠢꠣꠍꠤꠘꠣ ꠛꠞꠣꠛꠞ ꠡꠣꠞꠇꠟꠤꠚꠣ ꠖꠦꠅꠀ ꠅꠄ⁕
ꠅꠔꠤꠞꠤꠇ꠆ꠔ ꠎꠤꠟꠣ ꠙ꠆ꠞꠡꠣꠡꠇ (ꠡꠤꠇ꠆ꠇꠣ ꠀꠞ ꠀꠁꠍꠤꠐꠤ) ꠄ.ꠄꠍ.ꠄꠝ ꠇꠣꠡꠦꠝꠦ ꠍꠤꠟꠐꠞ ꠎꠤꠟꠣ ꠙ꠆ꠞꠡꠣꠡꠇꠞ ꠔꠞꠚ ꠔꠘꠦ ꠡꠣꠞꠇꠘꠣꠝꠣ ꠉꠍꠤꠀ ꠟꠁꠘ⁕
ꠁ ꠛꠣꠟꠣ ꠀꠎꠤꠞ ꠀꠍ꠆ꠟꠣ ꠖꠥꠞ꠆ꠘꠤꠔꠤ ꠝꠥꠇ꠆ꠔꠇꠞꠘ ꠛꠣꠋꠟꠣꠖꠦꠡ ꠚꠧꠞꠣꠝꠞ ꠇꠦꠘ꠆ꠖ꠆ꠞꠤꠅ ꠡꠣꠗꠣꠞꠘ ꠡꠝ꠆ꠙꠣꠖꠇ ꠝꠇꠍꠥꠖ ꠢꠥꠍꠦꠘ, ꠍꠤꠟꠦꠐ ꠛꠤꠜꠣꠉ ꠉꠘꠖꠣꠛꠤ ꠚꠧꠞꠣꠝꠞ ꠜꠣꠞꠙ꠆ꠞꠣꠙ꠆ꠔ ꠡꠜꠣꠙꠔꠤ ꠌꠃꠗꠞꠤ ꠀꠔꠣꠃꠞ ꠞꠢꠝꠣꠘ ꠀꠎꠣꠖ ꠄꠒꠜꠥꠇꠦꠐ, ꠍꠤꠟꠐꠤ ꠚꠣꠘ꠆ꠌꠣꠁꠔ ꠇꠝꠤꠐꠤꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠝꠧ. ꠔꠣꠎ ꠞꠤꠢꠣꠘ ꠎꠣꠝꠣꠘ ꠄꠒꠜꠥꠇꠦꠐ, ꠛꠖꠞꠥꠟ ꠀꠢꠝꠖ ꠌꠃꠗꠞꠤ ꠄꠒꠜꠥꠇꠦꠐ, ꠡꠣꠋꠛꠣꠖꠤꠇ ꠌꠃꠗꠞꠤ ꠖꠦꠟꠅꠀꠞ ꠢꠥꠍꠦꠘ ꠎꠤꠟꠘ, ꠘꠦꠙꠣꠟ ꠌꠘ꠆ꠖ꠆ꠞ ꠌꠘ꠆ꠖ ꠄꠒꠜꠥꠇꠦꠐ, ꠍꠤꠟꠐꠤ ꠚꠣꠘ꠆ꠌꠣꠁꠔ ꠘꠦꠔꠣ ꠇꠛꠤ ꠇꠣꠝꠣꠟ ꠀꠢꠝꠖ, ꠌꠃꠗꠞꠤ ꠡꠣꠝꠤꠃꠞ ꠞꠢꠝꠣꠘ ꠍꠣꠄꠝ ꠄꠒꠜꠥꠇꠦꠐ, ꠛꠣꠃꠟ ꠚꠇꠤꠞ ꠀꠟꠣꠃꠖ꠆ꠖꠤꠘ ꠎꠣꠟꠣꠟꠤ, ꠡꠤꠇ꠆ꠇꠣꠘꠛꠤꠍ ꠀꠁꠘꠎꠤꠛꠤ ꠀꠘꠤꠇꠣ ꠔꠣꠁꠍꠤꠘ, ꠀꠛꠥ ꠔꠣꠢꠦꠞ ꠟꠤꠐꠘ, ꠘꠣꠁꠝ ꠀꠢꠝꠖ, ꠖꠤꠎꠦꠘ꠆ꠖ꠆ꠞ ꠟꠣꠟ ꠡꠞ꠆ꠝꠣ ꠡꠁꠔꠦ ꠀꠞꠧ ꠛꠃꠔ⁕
ꠡꠣꠞꠧꠇ ꠘꠣꠝꠣꠔ ꠈꠀ ꠅꠄ ꠛꠣꠋꠟꠣꠖꠦꠡꠧ ꠛꠣꠋꠟꠣ ꠅꠇ꠆ꠇꠞꠞ ꠚꠣꠡꠣꠚꠣꠡꠤ ꠅꠇ꠆ꠇꠞꠕꠣꠈꠣ ꠀꠉꠞꠣꠝꠟꠤ ꠍꠤꠟꠐꠤ ꠘꠣꠉꠞꠤ ꠀꠁꠎ ꠀꠞꠣꠘꠤꠞ ꠚꠕꠦ⁕ ꠅꠕꠍ ꠁ ꠜꠣꠡꠣꠄ ꠎꠛꠞꠖꠍ꠆ꠔ ꠡꠣꠢꠤꠔ꠆ꠔꠁꠘ ꠞꠍꠤꠔ ꠅꠁꠍꠦ⁕ ꠁꠇꠣꠘ ꠛꠣꠖꠦꠅ ꠘꠣꠉꠞꠤ ꠢꠚꠞ ꠟꠁꠀ ꠄꠞꠝꠣꠏꠦ ꠈꠄꠇ꠆ꠇꠣꠘ ꠙꠤꠄꠁꠍꠒꠤ ꠉꠛꠦꠡꠘꠣꠅ ꠅꠁꠀ ꠢꠣꠞꠍꠦ⁕ ꠍꠤꠟꠐ ꠛꠤꠜꠣꠉꠞ ১ ꠇꠥꠐꠤ ২০ ꠟꠣꠈ ꠝꠣꠘꠥ ꠀꠞ ꠄꠘ꠆ꠒꠤꠀꠞ ꠢꠝꠣꠘ ꠡꠁꠋꠇꠧꠇ ꠝꠣꠘꠡꠞ ꠉꠦꠍꠦ ꠘꠣꠉꠞꠤ ꠜꠣꠡꠣꠞ ꠍꠟ ꠞꠁꠍꠦ⁕ ꠛꠠ ꠖꠥꠇ ꠀꠞ ꠛꠤꠔꠣꠚ ꠈꠞꠣꠞ ꠛꠤꠡꠄ ꠅꠁꠟꠧ ꠀꠘ꠆ꠔꠞ꠆ꠎꠣꠔꠤꠇ ꠝꠣꠔꠞꠤꠜꠣꠡꠣ ꠁꠘ꠆ꠍꠐꠤꠐꠤꠃꠐ ꠉꠥꠞꠧ ꠖꠦꠡꠞ ꠅꠁꠘ꠆ꠘꠣꠘ꠆ꠘ ꠃꠚꠎꠣꠔꠤꠘ꠆ꠔꠞ ꠝꠣꠔꠞꠦ ꠡꠣꠘꠖꠣꠞ ꠈꠞꠣꠞ ꠖꠣꠄ ꠃꠚꠎꠣꠔꠤꠘ꠆ꠔꠞ ꠄꠟꠣꠇꠣꠔ ꠚꠣꠡ꠆ꠡꠣꠟꠣ ꠁꠍꠇꠥꠟꠧ ꠄꠈꠣꠘ ꠛꠁ ꠔꠣꠞꠣꠞ ꠝꠣꠁꠞ-ꠝꠣꠔꠦ ꠚꠠꠣꠞꠐꠥꠇꠣꠕ ꠢꠣꠞꠣꠁꠟ ꠅꠟꠍꠦ⁕
ꠛꠣꠋꠟꠣ ꠝꠣꠔꠧꠞ ꠛꠣꠖ ꠈꠣꠘ꠆ꠔꠣꠔ ꠘꠣꠉꠞꠤ ꠢꠞꠚ ꠕꠣꠈꠣ ꠍꠤꠟꠐꠤ ꠝꠣꠔꠞꠦ ꠖꠥꠍꠞꠣ ꠞꠣꠡ꠆ꠐ꠆ꠞꠤꠅ ꠝꠣꠔ ꠢꠤꠡꠣꠛꠦ ꠀꠚꠘꠣꠞ ꠉꠦꠍꠔꠣꠇꠤ ꠡꠣꠄ ꠖꠦꠅꠀ ꠅꠁꠟꠦ ꠛ꠆ꠞꠤꠢꠔ꠆ꠔꠞ ꠍꠤꠟꠐ ꠅꠘ꠆ꠌꠟ ꠀꠞ ꠇꠥꠐꠤ ꠇꠥꠐꠤ ꠘꠣꠉꠞꠤ ꠝꠣꠔ ꠜꠣꠟꠣꠚꠣꠅꠞꠣ ꠅꠈꠟꠦ ꠀꠚꠘꠣꠞꠦ ꠖꠤꠟꠦꠎꠣꠘꠦ ꠕꠣꠘ ꠖꠤꠛꠧ ꠁꠘꠡꠣ ꠀꠟ꠆ꠟꠣꠢ⁕
ꠞꠣꠡ꠆ꠐ꠆ꠞꠤꠅꠜꠣꠛꠦ ꠖꠥꠇꠣꠘ ꠝꠣꠔꠧꠞ ꠡꠤꠇ꠆ꠞꠤꠔꠤ ꠛꠃꠔ ꠖꠦꠡꠣꠁꠘꠔꠧ ꠍꠟ ꠀꠍꠦ⁕ ꠏꠦꠟꠣꠘ ꠀꠝꠦꠞꠤꠇꠣꠞ ꠖꠥꠍꠞꠣ ꠞꠣꠡ꠆ꠐ꠆ꠞꠤꠅꠝꠣꠔ ꠁꠍ꠆ꠙꠦꠘꠤꠡ, ꠇꠣꠘꠣꠒꠣꠞ ꠅꠁꠟꠧ ꠉꠤꠀ ꠚ꠆ꠞꠦꠘ꠆ꠌ⁕ ꠏꠦꠉꠔꠤꠇꠦ ꠍꠤꠟꠐꠞ ꠚꠥꠞꠣꠘꠣꠝꠟꠤ ꠝꠣꠔ ꠘꠣꠉꠞꠤꠞꠦ ꠛꠣꠋꠟꠣꠖꠦꠡꠞ ꠖꠥꠍꠞꠣ ꠞꠣꠡ꠆ꠐ꠆ꠞꠤꠅꠝꠣꠔ ꠢꠤꠡꠣꠛꠦ ꠡꠤꠇ꠆ꠞꠤꠔꠤ ꠖꠤꠟꠣꠁꠛꠣꠞ ꠟꠣꠉꠤ ꠈꠣꠝꠣꠁꠀꠞꠣ ꠛꠦꠛꠍꠕꠣ ꠟꠁꠛꠣꠞ ꠖꠣꠛꠤ ꠎꠣꠘꠣꠘꠤ ꠅꠄ⁕
