শুরমা ফারর খবর ছিলটি জবানে ছিলটর খবর
Related Articles
ꠡꠤꠔꠞ ꠡꠝꠄ ꠀꠁꠌ꠆ꠌꠦ ⁕ ꠅꠘꠦ ꠉꠣꠃ ꠉꠦꠞꠣꠝꠞ ꠞꠣꠍꠔꠣ ꠇꠤ ꠞꠣꠎꠣꠁꠟꠞ ꠈꠣꠘꠖꠣꠛꠣꠄꠇꠥꠞ ꠈꠣꠎꠥꠞ ꠉꠣꠍꠞ ꠀꠉꠣꠛꠣꠄ ꠍꠣꠁꠟꠦ ꠖꠦꠈꠔꠦ ꠚꠣꠃꠀ ꠎꠣꠄ ꠀꠉꠣꠔ ꠟꠈꠐꠣꠁꠟ ꠀꠠꠣ ⁕ ꠎꠦꠔꠣꠞ ꠝꠣꠏꠦ ꠢꠣꠞꠣ ꠞꠣꠁꠔ ꠗꠞꠤ ꠚꠥꠐꠣ ꠚꠥꠐꠣ ꠅꠁꠀ ꠎꠝ꠆ꠔ ꠕꠣꠈꠦ ꠈꠣꠎꠥꠞꠞ ꠞꠡ ⁕ ꠛꠃꠔꠦ ꠈꠣꠎꠥꠞꠞ ꠞꠡꠖꠤ ꠡꠞꠛꠔ ꠈꠣꠁꠘ ⁕ ꠉꠦꠍꠦ ꠈꠈ ꠚꠤꠞꠣ ꠛꠣꠋꠟꠣꠖꠦꠡꠞ ꠘꠣꠘꠣꠘ ꠎꠦꠉꠣꠔ ꠈꠣꠎꠥꠞꠞ ꠞꠡ ꠈꠣꠁꠀ ꠛꠣꠇꠇꠣ ꠝꠣꠘꠡꠞ ꠝꠃꠔ ꠅꠄ ⁕ ꠛꠣꠖꠦ ꠔꠣꠟꠣꠡ ꠈꠞꠤꠀ ꠎꠣꠘꠣ ꠎꠣꠄ ꠚꠣꠇꠤꠘ꠆ꠔꠞ ꠉꠦꠍꠔꠘꠦ ꠘꠤꠙꠣ ꠜꠣꠁꠞꠣꠍ ꠈꠣꠎꠥꠞꠞ ꠞꠡ ꠀꠁꠌ꠆ꠌꠤꠟ ⁕ ꠎꠦ ꠉꠔꠤꠇꠦ ꠒꠣꠈ꠆ꠔꠞ ꠅꠈꠟꠦ ꠁ ꠚꠤꠞꠣꠅ ꠢꠥꠡꠤꠀꠞ ꠈꠞꠍꠂꠘ ꠝꠣꠘꠥꠡꠞꠦ ⁕
ꠎꠣꠁ ꠅꠇ, ꠛꠃꠔꠦ ꠀꠞꠛꠣꠞ ꠈꠣꠎꠥꠞꠞ ꠞꠡ ꠎꠣꠟ ꠖꠤꠀ ꠊꠘ ꠈꠞꠤꠀ ꠉꠥꠞ ꠛꠣꠘꠣꠁꠀ ꠈꠣꠁꠘ ⁕ ꠡꠤꠔꠞ ꠝꠃꠡꠥꠝꠅ ꠝꠣꠘꠡꠦ ꠉꠥꠞꠞ ꠚꠤꠐꠣ ꠈꠣꠁꠔꠦ ꠛꠠ ꠡꠈ ꠈꠞꠂꠘ ⁕ ꠀꠁꠎꠈꠣꠁꠟ ꠁꠔꠣ ꠉꠥꠞ ꠖꠥꠇꠣꠘ ꠖꠣꠇꠣꠘ ꠍꠣꠞꠣꠅ ꠅꠘꠟꠣꠁꠘ ꠔꠣꠇꠤ ꠖꠦꠡꠞ ꠎꠦꠍꠣ ꠎꠦꠉꠣ ꠔꠘꠦ ꠇꠤꠘꠣ ꠎꠣꠄ ⁕ ꠔꠄ, ꠄꠈꠖꠣꠉꠤꠄ ꠛꠦꠛꠡꠣꠞ ꠟꠣꠛꠞ ꠟꠣꠉꠤ ꠗꠥꠘ꠆ꠖꠥꠞ ꠝꠥꠘ꠆ꠖꠥꠞ ꠈꠞꠤꠀ ꠅꠔꠣꠔ ꠅ ꠛꠦꠎꠣꠟ ꠝꠤꠡꠣꠁꠟꠣꠁꠘ ⁕ ꠎꠦꠔꠣꠞ ꠖꠣꠄ ꠈꠣꠐꠤ ꠉꠥꠞ ꠍꠤꠘꠔꠦ ꠅꠁꠟꠦ ꠇꠤꠍꠥ ꠛꠤꠡꠄ ꠎꠣꠘꠣ ꠕꠣꠈꠟꠦ ꠛꠣꠟꠣ ⁕ ꠉꠥꠞꠅ ꠇꠥꠘꠥ ꠛꠦꠎꠣꠟ ꠀꠍꠦ ꠘꠤ ꠘꠣ ꠁꠔꠣ ꠡꠢꠎꠦ ꠛꠥꠏꠣ ꠎꠣꠄ ꠔꠥꠞꠣ ꠇꠃꠡꠟ ꠝꠣꠘꠤꠀ ꠍꠟꠟꠦ ⁕ ꠇꠤꠘꠣꠞ ꠡꠝꠄ ꠡꠔꠞ꠆ꠇ ꠕꠣꠈꠇꠣ ꠅꠔꠣ ꠟꠁꠀ-
1) ꠇꠤꠘꠣꠞ ꠛꠣꠟꠣ ꠄꠈꠎꠞꠣ ꠉꠥꠞ ꠛꠣꠋꠉꠤꠀ ꠘꠤꠎꠦ ꠍꠣꠇꠤꠀ ꠖꠦꠈꠇꠣ ⁕ ꠎꠤꠚꠞꠣꠔ ꠘꠥꠘꠐꠣ ꠘꠥꠘꠐꠣ ꠟꠣꠉꠟꠦ ꠛꠥꠏꠛꠣ ꠁ ꠉꠥꠞ ꠈꠣꠐꠤ ꠘꠣꠄ ⁕ ꠁꠔꠣꠔ ꠛꠦꠎꠣꠟ ꠝꠤꠡꠣꠁꠟ ꠞꠁꠍꠦ ⁕
Γ) ꠉꠥꠞ ꠇꠤꠘꠣꠞ ꠛꠣꠟꠣ ꠉꠥꠞꠞ ꠈꠣꠘꠖꠣꠛꠣꠄ ꠖꠥꠁ ꠀꠋꠉꠥꠟ ꠖꠤꠀ ꠍꠣꠚꠖꠤ ꠖꠦꠈꠛꠣ ⁕ ꠎꠥꠖꠤꠘ ꠘꠞꠝ ꠟꠣꠉꠦ, ꠔꠦ ꠛꠥꠏꠛꠣ ꠉꠥꠠꠞ ꠁꠇꠐꠣ ꠛꠣꠟꠣ ꠝꠣꠘꠞ ꠀꠍꠦ ⁕ ꠈꠣꠘꠖꠣꠉꠣꠟꠣ ꠎꠥꠖꠤꠘ ꠒꠣꠐꠐꠣ ꠅꠄ, ꠔꠦ ꠁ ꠉꠥꠞ ꠘꠣ ꠇꠤꠘꠣ ꠃ ꠛꠣꠟꠣ ⁕
৩) ꠎꠥꠖꠤꠘ ꠉꠥꠞ ꠄꠈꠎꠣꠞꠣ ꠔꠤꠔꠣ ꠅꠄ, ꠔꠦ ꠛꠥꠏꠛꠣ ꠉꠥꠞꠅ ꠛꠃꠔ ꠡꠝꠄ ꠗꠞꠤ ꠎꠣꠟ ꠖꠦꠃꠀ ꠅꠁꠍꠦ ⁕ ꠄꠟ꠆ꠟꠣꠉꠤ ꠔꠥꠞꠣ ꠔꠤꠔꠣ ꠅꠁꠉꠦꠍꠦ ⁕ ꠡꠣꠖꠞ ꠈꠕꠣ ꠈꠂꠟꠦ ꠁꠎꠣꠔ ꠉꠥꠞ ꠇꠥꠛ ꠄꠈꠐꠣ ꠛꠣꠟꠣ ꠅꠁꠔ ꠘꠣꠄ ⁕
b) ꠉꠥꠞ ꠎꠥꠖꠤꠘ ꠍꠝꠇꠤꠞ ꠟꠣꠈꠣꠘ ꠖꠟꠣ ꠞꠋꠉꠣ ꠖꠦꠈꠔꠦ ꠟꠣꠉꠦ, ꠔꠦ ꠛꠥꠏꠛꠣ ꠉꠥꠞ ꠎꠦ ꠈꠣꠎꠥꠞ ꠞꠡ ꠖꠤꠀ ꠔꠣꠁꠀꠞ ꠈꠞꠣ ꠅꠁꠍꠤꠟ ꠁꠇꠐꠣꠞ ꠡꠣꠖ ꠇꠥꠛ ꠄꠈꠐꠣ ꠝꠤꠐꠣ ꠀꠍꠤꠟ ꠘꠣ ⁕ ꠄꠞꠖꠣꠄ ꠉꠥꠞꠞꠦ ꠝꠤꠐꠣ ꠈꠞꠣꠞ ꠖꠣꠄ ꠁꠔꠣꠔ ꠀꠝꠖꠣ ꠚꠞꠤꠝꠣꠘꠞ ꠝꠦꠇꠤ ꠍꠤꠘꠤ ꠝꠤꠡꠣꠘꠤ ꠅꠁꠍꠦ ⁕ ꠈꠔ ꠡꠝꠄ ꠀꠞꠛꠣꠞ ꠉꠥꠞ ꠈꠣꠁꠛꠣꠞ ꠛꠁꠟ ꠍꠤꠘꠤꠞ ꠡꠣꠖ ꠀꠄꠀꠖꠣꠄꠀ ꠚꠣꠃꠀ ꠎꠣꠄ ⁕
☽) ꠡꠣꠗꠣꠞꠘꠔ ꠉꠥꠞꠞ ꠞꠋ ꠈꠠꠣ ꠛꠣꠖꠣꠝꠤ ꠅꠄ ⁕ ꠅꠟꠖꠤꠀ ꠞꠋꠉꠞ ꠉꠥꠞ ꠖꠦꠈꠟꠦꠃ ꠛꠥꠏꠛꠣ ꠁꠔꠣꠔ ꠛꠦꠡꠥꠝꠣꠟ ꠞꠣꠡꠣꠄꠘꠤꠇ ꠝꠤꠡꠣꠘꠤ ꠅꠁꠍꠦ ⁕
