ꠀꠁꠎ 10 ꠎꠣꠘꠥꠀꠞꠤ, ꠉꠂꠖ꠆ꠖꠟꠦꠈꠞꠣ ꠍꠦꠟꠤꠝ ꠀꠃꠀꠟꠞ d1ꠔꠝ ꠎꠘ꠆ꠝꠖꠤꠘ ⁕ ꠍꠦꠟꠤꠝ ꠀꠃꠀꠟ ꠍꠤꠟꠐꠞ ꠄꠈꠎꠘ ꠘꠣꠝꠤꠀꠟꠣ ꠟꠦꠈꠞꠣ, ꠅꠞ꠆ꠉꠣꠘꠣꠁꠎꠣꠞ ꠀꠞ ꠡꠣꠋꠛꠣꠖꠤꠇ ⁕ ꠔꠣꠁꠘ 19db-ꠞ 10 ꠎꠣꠘꠥꠀꠞꠤ ꠍꠤꠟꠐꠞ ꠛꠣꠟꠣꠉꠂꠘ꠆ꠎ ꠃꠚꠎꠤꠟꠣꠞ ꠚꠍꠤꠝ ꠉꠃꠞꠤꠚꠥꠞ ꠁꠃꠘꠤꠅꠘꠞ ꠈꠥꠎꠉꠤꠚꠥꠞ ꠉꠣꠃꠞ ꠝꠥꠟ꠆ꠟꠣꠛꠣꠠꠤꠔ ꠎꠘ꠆ꠝꠤꠍꠟꠣ ⁕ ꠔꠣꠘꠞ ꠀꠛ꠆ꠛꠣ ꠝꠞꠢꠥꠝ ꠀꠛꠖꠥꠟ ꠃꠀꠢꠤꠖ ꠀꠞ ꠝꠣꠁ ꠝꠤꠞꠎꠣ ꠍꠝꠞ ꠃꠘ ꠘꠤꠍꠣ ⁕ ꠍꠤꠟꠐ ꠡꠢꠞ ꠔꠣꠘ ꠢꠥꠞꠥꠈꠣꠟ, ꠡꠤꠀꠘꠇꠤ ꠀꠞ ꠎꠥꠀꠘꠇꠤꠞ ꠖꠤꠘꠣꠁꠘ ꠈꠣꠐꠍꠦ ⁕ ꠔꠣꠁꠘ ꠍꠤꠐꠣꠉꠣꠋ ꠁꠃꠘꠤꠜꠣꠞꠍꠤꠐꠤꠞ ꠀꠃꠔꠣꠄ ꠘꠣꠝꠈꠞꠣ ꠝꠖꠘ ꠝꠥꠢꠘ ꠇꠟꠦꠎ ꠔꠘꠦ ꠉ꠆ꠞꠦꠎꠥꠄꠡꠘ ꠈꠞꠂꠘ ⁕ ꠔꠣꠁꠘ ꠖꠦꠡꠞ ꠡꠛꠍꠦ ꠚꠥꠞꠣꠘ ꠄꠈꠣꠘ ꠡꠣꠁꠔ꠆ꠔ ꠚꠔ꠆ꠞꠤꠇꠣ ꠀꠟ ꠁꠍꠟꠣꠢ’ꠞ ꠈꠟꠝꠖꠞ꠆ꠞꠣꠞ ꠖꠣꠁꠔ꠆ꠔꠔ ꠀꠍꠟꠣ ⁕ ꠅꠘꠦ ꠔꠣꠁꠘ ꠇꠦꠘ꠆ꠖ꠆ꠞꠤꠅ ꠝꠥꠍꠟꠤꠝ ꠡꠣꠁꠔ꠆ꠔ ꠡꠋꠡꠖꠞ ꠡꠢ-ꠡꠜꠣꠙꠔꠤ ꠀꠍꠂꠘ ⁕ ꠁꠔꠣ ꠍꠣꠞꠣꠅ ꠔꠣꠁꠘ ꠛꠣꠋꠟꠣ ꠄꠇꠣꠒꠦꠝꠤꠞ ꠡꠖꠂꠡ꠆ꠡ, ꠍꠤꠟꠦꠐ ꠒꠣꠄꠀꠛꠦꠐꠤꠇ ꠢꠍꠙꠤꠐꠣꠟꠦꠞ ꠀꠎꠤꠛꠘ ꠡꠖꠂꠡ꠆ꠡ, ꠅꠚꠞꠣꠗ ꠡꠥꠗꠞꠣꠘꠤ ꠀꠞ ꠚꠤꠞꠤꠀꠞꠣꠈꠣ ꠉꠥꠁꠐ ꠍꠤꠟꠦꠐ-ꠞ ꠀꠎꠤꠛꠘ ꠡꠖꠂꠡ꠆ꠡ ⁕ ꠍꠣꠁꠞ ꠜꠣꠁ ꠖꠥ’ꠛꠁꠘꠞ ꠝꠣꠏꠦ ꠍꠦꠟꠤꠝ ꠀꠃꠀꠟ ꠢꠈꠟꠞ ꠛꠠ ⁕ ꠔꠣꠁꠘ ꠀꠚꠤꠀ ꠍꠥꠟꠔꠣꠘꠣꠞ ꠟꠉꠦ ꠊꠞ-ꠡꠋꠡꠣꠞ ꠈꠞꠞꠣ ⁕ ꠔꠣꠘ ꠚꠥꠞꠤ ꠅꠁꠟꠣ ꠉꠤꠀ ꠘꠣꠖꠤꠞꠣ ꠘꠥꠍꠞꠣꠔ ꠝꠣꠡꠤꠀꠔ ꠀꠞ ꠚꠥꠀ ꠅꠁꠟꠣ ꠉꠤꠀ ꠎꠥꠘ꠆ꠘꠥꠞꠣꠁꠘ ꠇꠖꠞ ꠔꠣꠎꠤꠝ ⁕
ꠘꠣꠘꠣꠘ ꠡꠝꠄ ꠘꠣꠘꠣꠘ ꠚꠦꠡꠣꠞ ꠟꠉꠦ ꠎꠞꠤꠔ ꠞꠂꠟꠦꠅ ꠡꠣꠋꠛꠣꠖꠤꠇꠔꠣ ꠃ ꠔꠣꠘ ꠝꠥꠟ ꠚꠦꠡꠣ ⁕ ꠘꠄꠀ ꠡꠤꠀꠘꠇꠤꠞ ꠛꠣꠟꠣ ꠢꠃ 19VV ꠚꠤꠞꠣꠔ ꠔꠣꠁꠘ ‘ꠡꠣꠙ꠆ꠔꠣꠢꠤꠇ ꠇꠤꠡꠞ ꠛꠣꠋꠟꠣ’ꠞ ꠈꠛꠞꠤꠀ ꠢꠤꠡꠣꠛꠦ ꠡꠣꠋꠛꠣꠖꠤꠇꠔꠣ ꠡꠥꠞꠥ ꠈꠞꠍꠤꠟꠣ ⁕ ꠛꠣꠖꠦ ꠍꠤꠟꠐ ꠙ꠆ꠞꠔꠤꠘꠤꠗꠤ ꠢꠤꠡꠣꠛꠦ ꠈꠣꠝ ꠈꠞꠂꠘ ꠢꠛꠤꠉꠘ꠆ꠎꠞ ꠖ꠆ꠞꠤꠡ꠆ꠐꠤꠙꠣꠔ ꠚꠔ꠆ꠞꠤꠇꠣꠔ ⁕ ꠖꠂꠘꠤꠇ ꠎꠣꠟꠣꠟꠣꠛꠣꠖ ꠚꠔ꠆ꠞꠤꠇꠣꠔꠅ ꠔꠣꠁꠘ ꠘꠤꠎꠡ꠆ꠡ ꠈꠛꠞꠤꠀ ꠢꠤꠡꠣꠛꠦ ꠈꠣꠝ ꠈꠞꠍꠤꠟꠣ ⁕
ꠡꠣꠙ꠆ꠔꠣꠢꠤꠇ ꠍꠤꠟꠦꠐꠞ ꠡꠇꠣꠟ’ꠞ ꠄꠉ꠆ꠎꠤꠇꠤꠃꠐꠤꠜ ꠄꠒꠤꠐꠞ, ꠛꠣꠖꠦ ꠚꠦꠛꠥꠀꠞꠤ Γ001 ꠔꠘꠦ ꠖꠂꠘꠤꠇ ꠍꠤꠟꠦꠐꠞ ꠒꠣꠇ-ꠅꠞ ꠡꠣꠁꠔ꠆ꠔ ꠈꠟꠝꠖꠣꠞ, ꠛꠣꠖꠦ ꠛꠣꠞ꠆ꠔꠣ ꠈꠟꠝꠖꠣꠞꠞ ꠖꠣꠁꠔ꠆ꠔ ꠚꠣꠟꠘ ꠈꠞꠍꠂꠘ ⁕ ꠢꠦꠡꠦ ꠖꠂꠘꠤꠇ ꠍꠤꠟꠦꠐꠞ ꠒꠣꠇ ꠚꠔ꠆ꠞꠤꠇꠣꠞ ꠡꠣꠖꠖꠦꠃꠞꠣ-ꠈꠟꠝꠖꠣꠞ ꠢꠤꠡꠣꠛꠦ ꠖꠣꠁꠔ꠆ꠔꠔ ꠀꠍꠟꠣ ⁕ ꠔꠣꠁꠘ ꠚꠦꠛꠥꠀꠞꠤ Γ00Γ ꠔꠘꠦ ꠛꠣꠋꠟꠣꠖꠦꠡ ꠡꠋꠛꠣꠖ ꠡꠋꠍ꠆ꠕꠣ (ꠛꠣꠡꠡ)-ꠅꠞ ꠍꠤꠟꠐ ꠚꠔꠤꠘꠤꠗꠤꠞ ꠖꠣꠁꠔ꠆ꠔ ꠚꠣꠟꠘ ꠈꠞꠂꠘ ⁕ ꠍꠤꠟꠐꠞ ꠚꠁꠟ ꠅꠘꠟꠣꠁꠘ ꠖꠂꠘꠤꠇ ꠍꠤꠟꠦꠐ ꠍꠤꠚꠒꠤꠀ ꠒꠐꠇꠝ (ꠛꠣꠖꠦ ꠎꠦꠉꠥ ꠍꠤꠟꠦꠐ ꠄꠇ꠆ꠍꠙ꠆ꠞꠦꠍ ꠒꠐꠇꠝ ꠞꠣꠈꠣ ꠅꠄ), ꠀꠞ ꠅꠘꠟꠣꠁꠘ ꠐꠤꠜꠤ ꠍꠤꠟꠦꠐ ꠡꠥꠞꠝꠣ ꠐꠤꠜꠤ’ꠞ ꠎꠣꠔ꠆ꠞꠣ ꠔꠣꠘ ꠀꠔ ꠗꠞꠤꠀ ꠡꠥꠞꠥ ꠈꠞꠍꠤꠟ ⁕