শুরমা ফারর খবর ছিলটি জবানে ছিলটর খবর
Related Articles
ꠛꠣꠋꠟꠣꠖꠦꠡ ꠌꠟꠣ ꠝꠢꠣꠝꠣꠞꠤꠞ ꠜꠦꠇꠍꠤꠘꠞ ꠚꠁꠟ ꠡꠦꠌ꠆ꠌꠣꠡꠦꠛꠤ ꠢꠤꠡꠣꠛꠦ ꠐ꠆ꠞꠣꠀꠟ ꠘꠤꠛꠣ ꠛꠣꠋꠟꠣꠖꠦꠡꠞ ꠌꠤꠘꠣ ꠞꠣꠡ꠆ꠐ꠆ꠞꠖꠥꠔ⁕
ꠓꠣꠇꠣꠔ ꠌꠤꠘꠣ ꠖꠥꠔꠣꠛꠣꠡꠞ ꠒꠦꠙꠥꠐꠤ ꠌꠤꠚ ꠅꠛ ꠝꠤꠡꠘ ꠢꠥꠀꠟꠋ ꠁꠀꠘꠦ ꠎꠣꠘꠣꠁꠍꠘ ꠌꠤꠘꠞ ꠛꠣꠘꠣꠁꠟ ꠜꠦꠇꠍꠤꠘ ꠛꠣꠋꠟꠣꠖꠦꠡ ꠐꠦꠡ꠆ꠐ ꠐ꠆ꠞꠣꠀꠟ ꠚꠁꠟ ꠡꠦꠌ꠆ꠌꠣꠡꠦꠛꠤ ꠢꠤꠡꠣꠛꠦ ꠌꠤꠘꠣ ꠞꠣꠡ꠆ꠐ꠆ꠞꠖꠥꠔ ꠟꠤ ꠎꠤꠝꠤꠋ ꠁ ꠜꠦꠇꠍꠤꠘ ꠔꠣꠘ ꠉꠔ꠆ꠞ ꠘꠤꠛꠣ⁕ ꠀꠞ ꠖꠥꠍꠞꠣ ꠛꠦꠈꠔꠤ ꠢꠤꠡꠣꠛꠦ ꠒꠦꠙꠥꠐꠤ ꠌꠤꠚ ꠅꠛ ꠝꠤꠡꠘ ꠢꠥꠀꠟꠋ ꠁꠀꠘ ꠡꠦꠌ꠆ꠌꠣꠡꠦꠛꠤ ꠢꠤꠡꠣꠛꠦ ꠜ꠆ꠎꠣꠇꠡꠤꠘꠐꠣ ꠔꠣꠘ ꠉꠔ꠆ꠞ ꠘꠤꠛꠣ⁕ ꠌꠤꠘꠞ ꠞꠣꠡ꠆ꠐ꠆ꠞꠖꠥꠔ ꠀꠞ ꠒꠦꠙꠥꠐꠤ ꠌꠤꠚ ꠅꠛ ꠝꠤꠡꠘꠞ ꠁ ꠡꠣꠅꠡꠤ ꠈꠣꠝꠞ ꠖꠣꠄ ꠔꠣꠞꠣ ꠚꠡꠋꠡꠣꠞ ꠎꠥꠁꠉꠉ⁕
ꠌꠤꠘꠞ ꠛꠣꠘꠣꠁꠟ ꠁ ꠜꠦꠇꠍꠤꠘꠞ ꠚꠦꠎ – ꠕ꠆ꠞꠤ ꠐ꠆ꠞꠣꠀꠟ ꠛꠣꠋꠟꠣꠖꠦꠡ ꠌꠣꠟꠣꠘꠤꠞ ꠃꠚꠞ ꠘꠤꠔꠤꠉꠔ ꠅꠘꠥꠝꠥꠖꠘ ꠖꠤꠍꠦ ꠛꠤꠄꠝꠀꠞꠍꠤ⁕ ꠛꠣꠋꠟꠣꠖꠦꠡ ꠍꠣꠠꠣꠅ ꠀꠞꠛ ꠀꠝꠤꠞꠣꠔꠅ ꠔꠣꠞꠣꠞ ꠖꠦꠡ ꠌꠤꠘꠞ ꠚꠦꠎ-ꠕ꠆ꠞꠤ ꠐ꠆ꠞꠣꠀꠟꠞ ꠅꠘꠥꠝꠥꠖꠘ ꠖꠤꠍꠦ⁕ ꠄꠍꠣꠠꠣ ꠌꠤꠘꠦ ꠎꠣꠘꠣꠁꠍꠦ ꠁ ꠜꠦꠇꠍꠤꠘ ꠡꠚꠟ ꠚꠝꠣꠘꠤꠔ ꠅꠁꠟꠦ ꠢꠈꠟꠞ ꠀꠉꠦ ꠔꠣꠞꠣ ꠛꠣꠋꠟꠣꠖꠦꠡꠞꠦ ꠁꠉꠥ ꠖꠤꠛ⁕
