শুরমা ফারর খবর ছিলটি জবানে ছিলটর খবর
Related Articles
ꠌꠞ꠆ꠎꠣꠙꠖ-ꠞ ꠍꠤꠟꠐꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ ꠈꠞꠍꠁꠘ ꠝꠥꠇꠔꠣꠞ ꠀꠢꠝꠦꠖ ꠍꠣꠛꠦ।
ꠌꠞ꠆ꠎꠣꠙꠖ ꠝꠥꠟꠔ ꠛꠥꠖ꠆ꠗ ꠗꠞꠝꠞ ꠚꠁꠖ꠆ꠖ ꠇꠤꠔꠣꠛ। ꠢꠞꠙ꠆ꠞꠡꠣꠖ ꠡꠣꠍꠔ꠆ꠞꠤꠄ ꠘꠦꠙꠣꠟ ꠔꠘꠦ ꠁ ꠇꠤꠔꠣꠛꠈꠣꠘ ꠚꠣꠁꠍꠟꠣ। ꠌꠞ꠆ꠎꠣꠙꠖꠞ ꠝꠣꠔ ꠁꠍꠚꠡꠐ ꠘꠣꠄ, ꠔꠥꠠꠣ ꠛꠥꠏꠣ ꠎꠣꠄ ꠔꠦ ꠔꠥꠠꠣꠘ ꠘꠣ। ꠄꠞ ꠖꠣꠄ ꠁꠇꠐꠣꠞ ꠝꠣꠔꠞꠦ “ꠢꠣꠁꠘꠎꠣꠛꠣꠟꠣꠞ ꠝꠣꠔ” ꠈꠀ ꠅꠄ। ꠁꠇꠣꠘꠞꠦ ꠍꠤꠟꠐꠤ, ꠀꠢꠝꠤꠀ, ꠛꠣꠋꠟꠣ ꠡꠥꠖ꠆ꠖꠣ ꠛꠃꠔ ꠝꠣꠔ ꠅꠈꠟꠞ ꠝꠣꠁ ꠝꠘꠈꠞꠣ ꠅꠄ। ꠌꠞ꠆ꠎꠣꠙꠖ ꠟꠁꠀ ꠛꠃꠔ ꠉꠛꠦꠡꠘꠣ ꠅꠁꠍꠦ। ꠛꠃꠔ ꠝꠣꠔꠈꠕꠣꠄ ꠎꠦ ꠌꠞ꠆ꠎꠣꠙꠖꠞ ꠔꠞꠎꠝꠣ ꠅꠁꠍꠦ, ꠁꠔꠣ ꠝꠥꠟꠔ ꠔꠤꠛ꠆ꠛꠔꠤ ꠌꠞ꠆ꠎꠣꠙꠖꠞ ꠎꠣꠞ꠆ꠝꠣꠘ ꠔꠞꠎꠝꠣ ꠔꠘꠦ ꠀꠁꠍꠦ। ꠁꠈꠣꠘ ꠎꠦ ꠍꠤꠟꠐꠤ ꠝꠣꠔꠦ ꠟꠦꠈꠣ ꠅꠁꠍꠦ, ꠁꠔꠣ ꠝꠥꠢꠣꠝ꠆ꠝꠖ ꠀꠍꠣꠖ꠆ꠖꠞ ꠀꠟꠤ ꠍꠣꠛꠦ ꠔꠣꠘ ꠉꠛꠦꠡꠘꠣ ꠛꠁ ‘ꠌꠞ꠆ꠎꠣꠙꠖꠦ ꠍꠤꠟꠐꠤ ꠜꠣꠡꠣ”ꠞ ꠝꠣꠏꠦ ꠔꠥꠟꠤꠀ ꠗꠞꠍꠁꠘ। ꠍꠤꠟꠐꠤ ꠝꠣꠔ ꠖꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ ꠈꠞꠍꠁꠘ ꠝꠥꠇꠔꠣꠞ ꠀꠢꠝꠦꠖ ꠍꠣꠛꠦ। ꠔꠣꠘ ꠉꠛꠦꠡꠘꠣꠗꠞ꠆ꠝꠤ ꠟꠦꠈꠣ ꠘꠤꠍꠦꠖꠤ ꠖꠦꠅꠀ ꠅꠁꠟ:
ꠌꠞ꠆ꠎꠣꠙꠖ-১ (Charyapad-1)
————————–
ꠍꠣꠔ꠆ꠞ ꠎꠛꠣꠘꠣꠔ ꠢꠤꠇꠍꠤꠟꠣꠝ – ‘ ꠢꠘ꠆ꠒꠦ ꠉꠘ꠆ꠒꠦꠌ꠆ꠌꠟꠣ ꠉꠌ꠆ꠌꠟꠦ ꠉꠌ꠆ꠌ ‘ – ꠅꠞ꠆ꠕ-ꠐꠞ꠆ꠕ ꠎꠣꠘꠤ ꠘꠣ⁕ ꠡꠑꠤꠇ ꠃꠌ꠆ꠌꠣꠞꠤꠔ ꠅꠁꠟ ꠇꠤ ꠘꠣ ꠔꠣꠅ ꠇꠁꠔꠣꠝ ꠙꠣꠞꠔꠣꠝ ꠘꠣꠄ⁕ ꠔꠅ ꠟꠣꠁꠘꠐꠣ ꠝꠘ ꠞꠁꠍꠦ⁕
ꠛꠣꠋꠟꠣ ꠡꠣꠁꠔ꠆ꠔꠞ ꠀꠖꠤꠞꠥꠙ ꠇꠁꠀ ꠛꠣꠋꠟꠣꠜꠣꠡꠤꠞꠣ ꠖꠣꠛꠤ ꠇꠞꠁꠘ⁕ ꠀꠞ ꠇꠥꠘꠥ ꠇꠥꠘꠥ ꠜꠣꠡꠣꠜꠣꠡꠤꠅꠈꠟꠦꠅ ꠔꠣꠞꠣꠞ ꠡꠣꠁꠔ꠆ꠔꠞ ꠀꠖꠤꠞꠥꠙ ꠇꠁꠘ⁕ ꠍꠤꠟꠐꠤ ꠜꠣꠡꠣꠞ ꠉꠛꠦꠡꠇ ꠝꠥꠢꠣꠝ꠆ꠝꠖ ꠀꠍꠣꠖ꠆ꠖꠞ ꠀꠟꠤꠄ ꠝꠘ ꠇꠞꠁꠘ ꠌꠞ꠆ꠎꠣꠙꠖ ꠍꠤꠟꠐꠤ ꠜꠣꠡꠣꠞ ꠡꠣꠁꠔ꠆ꠔꠞ ꠀꠖꠤ ꠘꠝꠥꠘꠣ⁕
ꠝꠎꠣꠞ ꠛꠤꠡꠄ!
ꠎꠦ ꠜꠣꠡꠣꠄ ꠌꠞ꠆ꠎꠣꠙꠖ ꠟꠦꠈꠣ ꠅꠁꠍꠦ, ꠔꠦ ꠁ-ꠜꠣꠡꠣ ꠛꠥꠏꠣ ꠉꠦꠟ ꠛꠃꠔ ꠜꠣꠡꠣꠞ ꠝꠣ!
ꠀꠡꠟꠦ ꠌꠞ꠆ꠎꠣꠙꠖ ꠇꠥꠘꠥ ꠡꠣꠁꠔ꠆ꠔ ꠘꠣꠅ⁕ ꠛꠃꠖ꠆ꠗ ꠗꠞ꠆ꠝꠞ ꠙꠤꠞꠣꠇꠤ ꠉꠣꠘ ⁕ ꠕꠥꠠꠣ ꠛꠥꠏꠣ ꠎꠣꠄ, ꠕꠥꠠꠣ ꠛꠥꠏꠣ ꠎꠣꠄ ꠘꠣ⁕ ꠀꠗꠣꠈꠣꠘ ꠌꠘ꠆ꠖꠘꠤ ꠀꠞ ꠀꠗꠣꠈꠣꠘ ꠀꠘ꠆ꠗꠣꠁꠞ⁕
ꠛꠃꠔ ꠜꠣꠡꠣꠄ ꠎꠦꠛꠟꠣ ꠀꠘꠥꠛꠣꠖ ꠇꠞꠣ ꠅꠁꠍꠦ, ꠍꠤꠟꠐꠤ ꠛꠣꠖ ꠕꠣꠇꠔ ꠇꠦꠘꠦ⁕ ꠀꠝꠤ ꠍꠤꠟꠐꠤ ꠜꠣꠡꠣꠄ ꠞꠥꠙꠣꠘ꠆ꠔꠞꠞ ꠌꠦꠡ꠆ꠐꠣ ꠇꠞꠟꠣꠝ⁕ ꠎꠦ ꠡꠛ꠆ꠖ ꠀꠝꠣꠞ ꠉꠦꠍꠦ ꠍꠤꠟꠐꠤ ꠝꠘ ꠅꠁꠍꠦ ꠁꠇꠐꠣ ꠎꠦꠟꠣꠞ ꠅꠟꠣ ꠞꠣꠇꠤ ꠖꠤꠍꠤ⁕
ꠝꠥꠟ ꠌꠞ꠆ꠎꠣ ꠟꠉꠦ ꠖꠤꠟꠣꠝ ꠘꠣ⁕ ꠅꠘ ꠟꠣꠁꠘ ꠜꠞꠣ ꠀꠍꠦ⁕ ꠀꠝꠣꠞ ꠐꠣꠁꠝ ꠟꠣꠁꠘꠧꠅ ꠡꠦꠅꠣꠞ ꠇꠞꠣ ꠀꠍꠦ⁕ ꠇꠦꠃ ꠌꠣꠁꠟꠦ ꠙꠠꠔꠣ ꠙꠣꠞꠛꠣ⁕
ꠁꠘꠧ ꠈꠣꠟꠤ ꠍꠤꠟꠐꠤ ꠜꠣꠡꠣꠄ ꠖꠤꠟꠣꠝ⁕
——— ꠟꠥꠁ ——–
ꠇꠣꠄꠀ ꠉꠣꠍꠞ ꠙꠣꠌꠉꠥ ꠒꠣꠟ
ꠌꠘ꠆ꠌꠟ ꠌꠤꠔ꠆ꠔꠔ ꠢꠣꠝꠣꠁꠍꠦ ꠇꠣꠟ ꠩
ꠖꠤꠠ ꠇꠞꠤꠅ ꠝꠢꠣꠡꠥꠈ ꠙꠞꠤꠝꠣꠘ
ꠟꠥꠁꠄ ꠇꠁꠘ, ꠉꠥꠞꠥꠞꠦ ꠙꠥꠍꠤꠀ ꠎꠣꠘ ꠩
ꠎꠣꠞꠣ ꠢꠣꠞꠣꠛꠁꠟ ꠇꠣꠇꠥꠔꠤ ꠇꠞꠦꠉ
ꠡꠥꠈꠦ ꠖꠥꠇ꠆ꠇꠦ ꠔꠣꠞꠣꠅ ꠘꠤꠌ꠆ꠌꠤꠔ ꠝꠞꠦ ꠩
ꠍꠣꠠꠤ ꠖꠤꠀ ꠢꠣꠎꠉꠥꠎꠞ ꠀꠡ
ꠜꠞ ꠇꠞ ꠉꠤꠀ ꠡꠥꠁꠘ꠆ꠘꠞ ꠙꠣꠡ ꠩
ꠟꠥꠁꠄ ꠇꠁꠘ… ꠀꠝꠣꠞ ꠟꠣꠉꠦꠘꠥ ꠝꠤꠑꠣ
ꠖꠦꠈꠤꠀ, ꠢꠥꠘꠤꠀ, ꠛꠥꠏꠤꠀ ꠛꠣꠁꠔꠦ ꠛꠁꠑꠣ꠩
