Breaking News
Home / ꠖꠦꠡꠞ ꠈꠛꠞ / ꠡꠣꠗꠣꠞꠘ ꠝꠣꠘꠡꠦ ꠇꠤꠔꠣ ꠈꠣꠁꠔꠧ ꠈꠃꠇꠣ ꠡꠞꠈꠣꠞ: ꠅꠝꠞ ꠍꠣꠘꠤ

ꠡꠣꠗꠣꠞꠘ ꠝꠣꠘꠡꠦ ꠇꠤꠔꠣ ꠈꠣꠁꠔꠧ ꠈꠃꠇꠣ ꠡꠞꠈꠣꠞ: ꠅꠝꠞ ꠍꠣꠘꠤ

ꠛꠣꠋꠟꠣꠖꠦꠡꠞ ꠄꠈ ꠡꠝꠄꠇꠥꠞ ꠚꠤꠟꠤꠝ ꠀꠞ ꠐꠤꠜꠤꠞ ꠘꠣꠄꠅꠇ ꠅꠝꠞ ꠍꠣꠘꠤꠄ ꠔꠣꠘ ꠚꠞꠤꠇꠇꠤꠔꠧ ꠚꠦꠍꠛꠥꠇꠧ ꠈꠣꠘꠤꠖꠣꠘꠤꠞ ꠛꠟꠘ ꠖꠣꠝꠞꠦ ꠁꠡꠣꠞꠣ ꠈꠞꠤꠀ ꠉꠦꠍꠦꠈꠣꠁꠟ ꠞꠁꠛꠣꠞꠦ (1V ꠍꠦꠚꠐꠦꠝ꠆ꠛꠞ) ꠄꠈꠣꠘ ꠙꠥꠍ꠆ꠐ ꠈꠞꠂꠘ। ꠏꠦꠏꠣꠉꠣꠔ ꠔꠣꠁꠘ ꠟꠤꠝ ꠖꠦꠁꠘ, ‘ꠡꠣꠗꠣꠞꠘ ꠝꠣꠘꠡꠦ ꠇꠤꠔꠣ ꠈꠣꠁꠔꠧ ꠈꠃꠇꠣ ꠡꠞꠈꠣꠞ। ꠈꠣꠘꠤꠞ ꠐꠥꠇꠣ ꠖꠤꠟꠣꠃꠇꠣ, ꠀꠝꠞꠣ ꠇꠤꠔꠣ ꠈꠣꠁꠔꠣꠝ—ꠀꠞ ꠚꠣꠞꠞꠣꠝ ꠘꠣ ꠛꠣ ꠞꠣꠡꠐ꠆ꠞ।’

ꠛꠣꠖꠦ ꠔꠣꠘ ꠙꠥꠍ꠆ꠐ ꠁꠇꠐꠣ ꠜꠣꠁꠞꠣꠟ ꠅꠁꠏꠣꠄ। ꠔꠣꠘ ꠁ ꠙꠥꠍ꠆ꠐꠞ ꠛꠣꠖ ꠔꠘꠦ ꠘꠣꠘꠣꠘ ꠝꠤꠒꠤꠀ ꠉꠥꠁꠐ ꠅꠈꠟꠦ ꠏꠣꠘꠔꠧ ꠍꠣꠄ ꠔꠣꠁꠘ ꠁꠇꠣꠘ ꠇꠦꠘꠦ ꠈꠁꠍꠟꠣ।

ꠚꠦꠍꠛꠥꠇ ꠔꠘꠦ

ꠝꠣꠔꠣꠞ ꠈꠣꠟꠧ ꠅꠝꠞ ꠍꠣꠘꠤꠄ ꠏꠣꠘꠣꠁꠘ, ‘ꠖꠥꠇꠟꠣꠉꠣꠞ ꠅꠁꠟꠦꠅ ꠢꠣꠍꠣ, ꠀꠟꠟꠣꠄ ꠀꠝꠒꠣꠞꠦ ꠁꠟꠤꠡ ꠝꠣꠍ ꠖꠤꠍꠂꠘ। ꠏꠦꠔꠣ ꠚꠟꠣꠘꠤ ꠟꠣꠉꠦ ꠘꠣ। ꠛꠃꠔꠔꠣ ꠉꠣꠏꠤꠚꠥꠞꠞ ꠡꠣꠟꠛꠘꠞ ꠟꠣꠈꠣꠘ। ꠀꠝꠞꠣ ꠖꠄꠏꠘ ꠞꠥꠏꠉꠣꠞ, ꠅꠃ ꠀꠝꠒꠣꠞꠦꠃ ꠏꠥꠖꠤꠘ ꠅꠔꠧ ꠢꠤꠡꠣꠛ ꠈꠞꠤꠀ ꠍꠟꠣ ꠟꠣꠉꠦ, ꠔꠦ ꠀꠞ ꠁ ꠖꠦꠡꠞ ꠡꠣꠗꠣꠞꠘ ꠝꠣꠘꠥꠡꠣꠁꠘ ꠇꠤ ꠢꠣꠟꠔꠧ ꠞꠁꠍꠦ! ꠜꠣꠛꠟꠦꠃ ꠏꠦꠘ ꠇꠤꠔꠣ ꠇꠤꠔꠣ ꠈꠞꠦ। ꠖꠝ ꠛꠘ꠆ꠗ ꠅꠁꠀ ꠀꠁꠅꠄ। ꠄꠈꠡꠝꠄꠇꠥ ꠚꠣꠋꠉꠣꠡ ꠝꠣꠍ ꠀꠍꠟꠧ ꠉꠞꠤꠛ ꠉꠥꠞꠣꠛꠣꠞ ꠈꠣꠘꠤ। ꠢꠍꠔꠣ। ꠅꠃ ꠚꠣꠋꠉꠣꠡꠞ ꠖꠣꠝꠃ ꠅꠘꠦ ꠈꠛꠏꠣꠞ ꠛꠣꠠꠣ, ꠇꠦꠏꠤ Γ00 ꠐꠦꠈꠣꠞ ꠃꠚꠞꠦ। ꠁꠛꠣꠄ ꠁꠟꠤꠡ ꠇꠟꠤꠈꠣꠔꠣ ꠉꠤꠀ ꠛꠥꠟꠦ ꠄꠈ ꠀꠟꠤ ꠚꠣꠃꠀ ꠏꠣꠄ ꠄꠈ ꠀꠏꠣꠞ ꠐꠦꠈꠣꠞ ꠜꠤꠔꠞꠦ। ꠏꠦ ꠁꠟꠤꠡꠞ ꠏꠘ꠆ꠝ ꠀꠝꠞꠣꠞ ꠅꠘꠧ, ꠁꠔꠣ ꠔ ꠀꠝꠞꠣ ꠚꠥꠐꠤꠝꠣꠍꠞ ꠖꠣꠝꠦ ꠚꠣꠁꠔꠣꠝ ꠀꠍꠟꠣꠝ, ꠢꠣꠍꠣ ꠘꠣ ꠘꠤ। ꠇꠤꠘꠔꠥꠇ ꠅꠁꠞꠧ ꠇꠤꠔꠣ, ꠁꠟꠤꠡꠞ ꠖꠣꠝ ꠏꠦꠘꠦ ꠀꠉꠥꠁꠘ, ꠀꠔ ꠖꠦꠃꠀ ꠏꠣꠄ ꠃ ꠘꠣ! ꠀꠝꠒꠣꠞ ꠖꠦꠡꠞ ꠞꠣꠎꠡꠣꠢꠤꠞ ꠀꠝ ꠏꠥꠖꠤꠘ ꠀꠝꠞꠤꠇꠣꠔ Γ0 ꠒꠟꠣꠞ ꠖꠤ ꠇꠤꠘꠣ ꠟꠣꠉꠦ, ꠔꠦ ꠝꠣꠘꠤꠀ ꠟꠃꠀ ꠏꠣꠄ। ꠈꠣꠞꠘ, ꠀꠝꠞꠤꠇꠣꠔ ꠉꠤꠀ ꠈꠣꠁꠞꠣꠝ। ꠁꠔꠣ ꠡꠣꠛꠣꠛꠤꠇ, ꠁꠇꠣꠘ ꠛꠥꠏꠣꠃ ꠏꠣꠄ। ꠇꠤꠘꠔꠥꠇ ꠛꠤꠡꠄꠈꠣꠘ ꠛꠤꠟꠇꠥꠟ ꠁꠟꠣꠘ ꠘꠣꠄ ꠏꠦ ꠀꠝꠞꠣ ꠇꠤꠌ꠆ꠌꠥ ꠛꠥꠏꠤ ꠘꠣ। ꠡꠣꠗꠤꠘ ꠞꠣꠡꠐꠞ ꠛꠣꠡꠤꠘꠖꠣ ꠢꠤꠡꠣꠛꠦ ꠡꠣꠗꠣꠞꠘ ꠇꠤꠘꠣꠞ ꠔꠃꠚꠤꠇꠞ ꠝꠣꠏꠦ ꠏꠦꠔꠣ ꠞꠥꠏ ꠖꠞꠈꠣꠞꠤ ꠏꠤꠘꠤꠡꠣꠁꠘ ꠀꠝꠒꠣꠞ ꠚꠣꠁꠛꠣꠞ ꠈꠕꠣ, ꠁꠔꠣꠁꠘ ꠈꠛꠏꠣꠞ ꠛꠣꠠꠣ। ꠁꠟꠣꠘ ꠖꠥꠘ!’

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …