শুরমা ফারর খবর ছিলটি জবানে ছিলটর খবর
Related Articles
ꠟꠦꠈꠞꠣ: ꠢꠣꠔꠈꠞꠣꠞ ꠁꠔꠤꠀꠡ ꠀꠞ ꠈꠣꠘꠤꠞ ꠞꠥꠍꠥꠝ ꠟꠁꠀ Cmi Khaled-ꠄ Γ01V ꠚꠤꠞꠣꠞ Γd ꠀꠉꠡ꠆ꠐ The SYLOTTIs ꠀꠞ We SYLHETis ꠚꠦꠁꠍꠛꠥꠇ ꠉꠥꠁꠐꠅ ꠔꠟꠞ ꠡꠥꠘ꠆ꠖꠞ ꠡꠣꠘ꠆ꠖꠞ ꠙꠥꠡ꠆ꠐ ꠅꠈꠣꠘ ꠟꠦꠈꠍꠤꠟꠣ—
ꠀꠝꠞꠣ ꠈꠁ ꠢꠣꠔꠈꠞꠣ ꠛꠣ ꠡꠣꠔꠈꠞꠣ, ꠀꠞ ꠢꠦꠁꠘꠔꠣꠁꠘ ꠅꠁꠟꠣ ꠛꠂꠉ꠆ꠉꠣꠘꠤꠇ ꠪ ꠘꠣꠝ ꠖꠤꠍꠁꠘ ꠄꠈꠣꠘ ꠪ ꠖꠣꠋꠔ ꠢꠈꠟꠐꠤ ꠚꠠꠤ ꠎꠣꠁꠛꠣꠞ ꠎꠥꠉꠣꠠ ꠨ Citrus macroptera ⁕ ꠚꠦꠍ ꠝꠣꠞꠞꠣ ꠁꠋꠟꠤꠡ ꠅꠈꠟꠦ ꠢꠤꠞꠤꠛꠣꠞ ꠎꠦꠔꠣ ꠘꠣꠝ ꠖꠤꠍꠁꠘ ꠢꠤꠇꠣꠘꠅ ꠇꠥꠛ ꠄꠈꠐꠣ ꠡꠥꠛꠤꠖꠣꠞ ꠘꠣꠄ ⁕ ꠔꠣꠘꠔꠣꠘꠞ ꠖꠦꠅꠀ ꠘꠣꠝ Melanesian papeda ꠘꠣ ꠅꠁꠟꠦ wild orange ꠀꠞ ꠇꠥꠘꠔꠣ ꠘꠣ ꠚꠣꠞꠟꠦ cabuyao ⁕ ꠅꠣꠘ ꠁꠔꠣ ꠘꠣꠝ ꠜꠥꠟꠤꠀ ꠔꠣꠞꠣꠃ ꠣꠁꠘ Satkara ⁕ -ꠁꠉꠥꠞ ꠛꠥꠟꠦ ꠢꠤꠞꠤꠛꠣꠞ ꠚꠞꠤꠛꠣꠞꠅ ꠀꠍꠦ ꠪ ꠘꠣꠝ Rutaceae ꠨ ꠀꠞ Citrus ꠖꠟꠞ ꠖꠟꠛꠣꠎ ꠝꠦꠝ꠆ꠛꠞ ⁕ ꠁꠔꠣꠞ ꠛꠦꠞꠣꠍꠦꠞꠣ ꠛꠥꠎꠤꠀ ꠚꠣꠄꠖꠣ ꠘꠣꠁ ⁕ ꠁꠔꠣ ꠄꠈ ꠎꠣꠔꠞ ꠄꠈ ꠟꠦꠝ꠆ꠛꠥ ꠉꠣꠍ ꠪ ꠇꠥꠡꠛꠥ ꠀꠍꠦ ⁕ ꠈꠣꠁꠔꠦ ꠐꠦꠋꠉꠣ-ꠔꠤꠔ꠆ꠔꠣ ꠝꠤꠟꠣꠁꠟ ꠪ ꠀꠝꠞꠣ ꠍꠤꠟꠐꠤꠘꠔꠦ ꠞꠣꠘ꠆ꠗꠤꠀ ꠈꠣꠁ ꠪ ꠀꠍꠣꠞ ꠛꠣꠘꠣꠁ ⁕ ꠈꠣꠅꠀ ꠖꠞꠈꠣꠞ ꠈꠣꠁ ⁕ ꠅꠔ ꠖꠟ ꠨ ꠚꠞꠤꠛꠣꠞ ꠎꠣꠘꠤꠀ ꠇꠤꠔꠣ ꠅꠁꠔ ⁕ ꠢꠣꠔꠈꠞꠣ ꠔ ꠀꠞ ꠜꠥꠐ ꠒꠣꠈꠣꠔꠤꠞ ꠁꠟꠦꠇꠡꠘꠅ ꠈꠣꠠꠣ ꠅꠁꠔꠣ ꠘꠣꠄ ⁕
ꠈꠣꠐꠣ ꠜꠠꠔꠤ Γ0/Γ৫ ꠚꠥꠐ ꠟꠣꠝ꠆ꠛꠣ ꠉꠣꠍ ꠗꠞꠁꠘ ꠚꠣꠟ꠆ꠉꠥꠘꠅ ꠚꠥꠟ ꠅꠁꠀ ꠎꠂꠐ-ꠀꠓ ꠝꠣꠡꠅ ꠚꠟ ꠅꠁꠀ ꠛꠣꠞꠁꠘ — ꠅꠃ ꠅꠔꠈꠣꠘ ꠎꠣꠘꠟꠦꠃ ꠀꠝꠞꠣꠞ ꠈꠣꠁꠀ ꠎꠣꠅꠡꠞ ꠈꠣꠝ ꠍꠟꠛ ꠪ ꠀꠞ ꠘꠣ ꠎꠣꠘꠟꠦꠅ ꠁꠔꠣ ꠖꠥꠡ ꠅꠁꠔ ꠘꠣꠄ ⁕ ꠀꠞꠦꠇ ꠈꠣꠘ ꠛꠣꠞꠤꠇꠤ ꠈꠔꠣ ꠈꠁ ꠨ ꠀꠝꠞꠣ ꠈꠣꠁ ꠛꠦꠡꠤ ꠖꠦꠇꠤꠀ ꠢꠣꠔꠈꠞꠣꠞꠦ ꠛꠣꠘꠣꠁꠟꠣꠁꠍꠤ ꠍꠤꠟꠐꠤ ⁕ ꠝꠥꠟꠦ ꠔꠣꠘ ꠍꠣꠇꠤꠘ ꠙꠥꠡ꠆ꠐꠣꠚꠤꠡ ꠁꠘ꠆ꠒꠤꠀꠞ ꠀꠡꠣꠝ ꠨ ꠝꠦꠊꠣꠟꠎ ⁕ ꠅꠈꠘ ꠀꠝꠞꠣ ꠈꠣꠁ ꠖꠦꠇꠤꠀ ꠍꠤꠟꠐꠞ ꠎꠂꠘ꠆ꠔꠣꠚꠥꠞ ꠨ ꠉꠥꠀꠁꠘꠊꠣꠐ ꠨ ꠎꠣꠚꠟꠋ ꠨ ꠛꠤꠀꠘꠤꠛꠣꠎꠣꠞ ꠨ ꠉꠥꠟꠣꠚꠉꠘ꠆ꠎ ꠨ ꠍꠣꠔꠇ ꠨ ꠛꠠꠟꠦꠈꠣ ꠨ ꠇꠝ꠆ꠙꠣꠘꠤꠉꠘ꠆ꠎ ꠨ ꠍ꠆ꠞꠤꠝꠋꠉꠟ ꠨ ꠇꠥꠟꠣꠃꠠꠣ ꠀꠞ ꠈꠝꠟꠉꠘ꠆ꠎ ꠍꠣꠠꠣꠅ ꠀꠞꠅ ꠇꠥꠘꠥꠇꠥꠘꠥ ꠚꠣꠠ-ꠐꠤꠟ꠆ꠟꠣ ꠐꠣꠟ꠆ꠟꠣꠔ ꠚꠟꠣꠘꠤ ꠅꠞ ꠪ ꠄꠞꠚꠞꠦꠅ ꠇꠥꠘꠥꠛꠣꠞ ꠊꠣꠐꠔꠤ ꠚꠠꠟꠦ ꠈꠣꠍꠣꠔ ꠕꠣꠈꠣ ꠄꠘ꠆ꠒꠤꠀꠞ ꠝꠦꠊꠣꠟꠄ ꠨ ꠀꠡꠣꠝ ꠔꠣꠇꠤ ꠀꠘꠤꠟꠣꠅꠀ ꠎꠣꠄ ꠨ ꠔꠣꠞꠣꠅ ꠖꠤꠟꠣꠞ ꠫ ꠘꠣ-ꠃ ꠈꠞꠦꠘꠣ ꠪ ꠀꠞ ꠘꠣ ꠈꠞꠔꠃ ꠇꠤꠔꠣꠞ ꠟꠣꠉꠤ ꠨ ꠛꠤꠘꠣ ꠐꠦꠈꠣꠄ ꠔ ꠀꠘꠤꠀꠞ ꠘꠣ ⁕ ꠢꠣꠔꠈꠞꠣꠔ ꠜꠤꠐꠣꠝꠤꠘ ꠍꠤ ꠨ ꠇꠦꠟꠡꠤꠀꠝ ꠀꠞ ꠚꠍꠚꠞꠣꠜ ꠜꠣꠟꠣꠃ ꠀꠍꠦ ꠪ ꠀꠞ ꠅꠃꠡꠥꠗꠤ ꠉꠥꠘꠅ ꠇꠥꠛ ꠜꠣꠟꠣ ⁕ ꠀꠝꠤ ꠈꠣꠟꠤ ꠈꠣꠁꠔꠣꠝ ꠚꠣꠞꠤ ꠪ ꠞꠣꠘ꠆ꠗꠣꠞ ꠇꠥꠍꠇꠥꠘ꠆ꠔꠣ ꠇꠁꠔꠣꠝ ꠚꠣꠞꠔꠣꠝ ꠘꠣꠄ ⁕ ꠁꠔꠣ ꠈꠦꠃ ꠀꠡꠣ ꠈꠞꠁꠘ ꠘꠣ ꠎꠣꠘꠥ ꠪ ꠞꠣꠘ꠆ꠗꠣ • ꠞꠦꠍꠤꠙꠤ ꠖꠦꠃꠞꠣ ꠁꠔꠣ ꠀꠞꠈ ꠙꠣꠞ꠆ꠐꠤ ꠀꠍꠁꠘ ꠔꠣꠞꠣ ꠖꠤꠛꠣ ꠨ ꠀꠞ ꠖꠤꠔꠣ ꠘꠣ ꠇꠦꠘꠦ… ꠘꠣ ꠈꠣꠃꠀꠁꠀ ꠝꠦꠝꠣꠘꠖꠣꠞꠤ ꠈꠞꠣ ꠈꠦ ꠍꠣꠠꠦ ⁕ ꠢꠈꠟ ꠜꠣꠟꠣ ꠕꠣꠈꠃꠇ꠆ꠇꠣ — ꠜꠥꠟꠜꠣꠟ ꠇꠤꠌ꠆ꠌꠥ ꠟꠦꠈꠟꠦ • ꠛꠦꠀꠖꠛꠤ ꠕꠣꠈꠟꠦ ꠝꠣꠚ ꠈꠞꠤ ꠖꠤꠛꠣ ⁕
