Home / ꠍꠤꠟꠐꠞ ꠡꠣꠁꠔ꠆ꠔ / ꠊꠣꠐꠞ ꠛꠤꠟꠣꠁ-2 (ꠔꠞꠎꠝꠣ ꠚꠁꠖ꠆ꠖ) : ꠀꠛꠥ ꠍꠣꠁꠖ

ꠊꠣꠐꠞ ꠛꠤꠟꠣꠁ-2 (ꠔꠞꠎꠝꠣ ꠚꠁꠖ꠆ꠖ) : ꠀꠛꠥ ꠍꠣꠁꠖ

ꠊꠣꠐꠞ ꠛꠤꠟꠣꠁ

ꠔꠞꠎꠝꠣ: ꠀꠛꠥ ꠍꠣꠁꠖ

 

ꠄꠉꠥ ꠉꠣꠍꠞ ꠔꠟꠦ ꠉꠤꠀ

ꠝꠃꠞ ꠍꠣꠈ ꠖꠦꠈꠛꠣꠄ

ꠛꠦꠋ ꠘꠥ ꠕꠣꠈꠦ ꠄꠉꠥ

ꠢꠣꠞꠤꠛꠂꠟ ꠟꠥꠇꠣꠁ ꠟꠣꠇꠣꠁ⁕

ꠢꠦ ꠎꠦ ꠍꠣꠟꠣꠈ ꠍꠔꠥꠞ

ꠛꠘ꠆ꠗꠥꠁꠘꠅ ꠔꠛ ꠀꠍꠦ ꠖꠥꠞ ꠖꠥꠞ

ꠉꠤꠀ ꠔꠣꠞꠦ ꠈꠞꠤꠅ ꠔꠥꠝꠤ ꠎꠤꠇꠣ

ꠈꠂꠟꠦꠅ ꠈꠂꠔ ꠚꠣꠞꠦ, ꠖꠤꠇ-ꠐꠤꠇ ꠝꠥꠇꠣ⁕

 

ꠒꠣꠁꠘ-ꠛꠣꠅ, ꠒꠣꠁꠘ-ꠛꠣꠅ,

ꠔꠣꠁꠘ ꠅꠟꠣꠘ ꠚꠣꠟꠣꠁ ꠚꠣꠅ

ꠔꠥꠇꠣꠁꠀ ꠛꠣꠈꠞꠣꠔ

ꠛꠤꠟꠣꠁ ꠢꠉꠥꠞ ꠎꠣꠔꠚꠣꠔ⁕

ꠡꠦꠡꠝꠦꠡ ꠉꠦꠟꠣ ꠔꠣꠁ

ꠟꠣꠝ꠆ꠙꠣ ꠉꠣꠍꠞ ꠔꠟꠦꠖꠤ

ꠝꠃꠞ ꠍꠣꠈ ꠀꠈꠔꠣ

ꠚꠠꠤ ꠘꠤ ꠎꠣꠄ ꠒꠥꠟ꠆ꠟꠥꠔꠔꠤ⁕

 

ꠄꠉꠥ ꠛꠦꠋ ꠝꠣꠐꠤꠞ ꠔꠟ ꠔꠘꠦ

ꠎꠤꠇꠣꠁꠟ ꠔꠣꠘꠞꠦ

“ꠔꠥꠝꠤ ꠘꠤ ꠢꠦꠁꠘ, ꠎꠦ

ꠔꠥꠇꠣꠞ ꠀꠞ ꠚꠕꠦꠚꠕꠦ ꠊꠥꠞꠦ?”

“ꠈꠂꠟ ꠝꠞ ꠛꠘ꠆ꠗꠥ- ꠍꠣꠘ꠆ꠌꠠꠣꠄ

ꠔꠥꠝꠤ ꠛꠥꠟꠤ ꠛꠤꠟꠣꠁ ꠄꠉꠥ ꠔꠥꠇꠣꠁꠞꠣꠄ?”

ꠀꠋꠇꠦꠟꠦ ꠈꠂꠟꠣ ꠔꠣꠞꠦ

“ꠅꠄ, ꠅꠄ ꠞꠦ!”

 

ꠝꠣꠐꠤꠞ ꠔꠟꠣ ꠔꠘꠦ ꠛꠣꠞꠂꠟ ꠛꠦꠋ

ꠉꠥꠟꠣꠛꠤ ꠖꠦꠈꠔꠦ, ꠈꠞꠤ ꠊꠦꠋ, ꠊꠦꠋ!

ꠢꠦ ꠔꠣꠘꠞꠦ ꠈꠂꠟ

ꠔꠥꠇꠣꠅ ꠅꠟꠣꠘ ꠈꠦꠃ

ꠛꠤꠟꠣꠁꠞ ꠇꠥꠎ ꠚꠣꠁꠔꠦ

ꠔꠣꠘꠞꠦ ꠟꠉꠦ ꠟꠃ⁕

 

ꠀꠐꠣ ꠖꠤꠟꠣ ꠔꠣꠁꠘ ꠀꠠꠣ ꠎꠋꠟꠣ ꠖꠤ

ꠉꠣꠍꠚꠣꠟꠣ ꠛꠣꠖꠦ ꠈꠝꠤ ꠉꠦꠟ ꠉꠤ⁕

ꠢꠍꠔꠣ ꠎꠤꠘꠤꠡ ꠘꠥ ꠉꠣꠍ ꠈꠣꠐꠣ ꠞꠦ, ꠜꠣꠁ

ꠚꠡꠥꠁꠘ꠆ꠔꠞ ꠟꠣꠉꠤ ꠀꠁꠎ ꠊꠥꠝꠞ ꠎꠦꠉꠣ ꠘꠣꠁ⁕

 

“ꠀꠟ꠆ꠟꠣ ꠞꠦ ꠛꠣ! ꠛꠘꠞꠦ ꠛꠣꠍꠣꠅ⁕”

ꠖꠥꠀ ꠈꠞꠟꠣ, “ꠚꠡꠥꠁꠘ꠆ꠔꠞꠦ ꠐꠤꠇꠣꠅ⁕”

ꠡꠣꠝꠘꠞ ꠚꠕ ꠚꠠꠦ ꠃꠍꠣ ꠃꠍꠣ ꠊꠣꠡ

ꠉꠦꠟꠣ ꠀꠐꠤꠀ ꠍꠣꠁꠀ ꠀꠡꠚꠣꠡ,

ꠅꠄꠔ ꠛꠤꠟꠣꠁꠉꠥ ꠕꠣꠈꠛ ꠈꠣꠘ꠆ꠖꠣ-ꠈꠣꠍꠣ

ꠕꠣꠈꠔ ꠅꠔ꠆ꠔ ꠚꠣꠞꠦ ꠀꠞꠛꠣꠞ ꠊꠣꠐꠞ ꠚꠦꠐꠘꠣ ꠛꠣꠄ⁕

 

ꠚꠌ꠆ꠌꠤꠝ ꠊꠣꠐ ꠁꠉꠥ ꠈꠔꠎꠦ ꠖꠥꠞ

ꠛꠂꠟꠣ ꠔꠣꠁꠘ ꠢꠘ, ꠈꠔꠎꠦ ꠝꠗꠥꠞ!

ꠈꠞꠦꠖꠤ ꠔꠣꠁꠘ ꠀꠈꠔꠣ ꠊꠣꠠ ꠚꠤꠞꠣꠁꠟꠣ

ꠝꠣꠘꠥꠡꠞ ꠘꠥ ꠝꠥꠇ ꠄꠈꠣꠘ ꠔꠣꠁꠘ ꠖꠦꠇꠤꠟꠤꠟꠣ⁕

 

“ꠇꠤꠔꠣ ꠈꠞꠞꠣ ꠛꠣ?”

ꠎꠤꠇꠣꠁꠟꠣ ꠔꠣꠁꠘ

“ꠛꠤꠟꠣꠁ ꠘꠥ ꠄꠉꠥ ꠔꠥꠇꠣꠁꠞꠣꠝ

ꠈꠃꠍꠣꠁꠘ ꠇꠤꠟꠣꠘ ꠚꠣꠁꠘ?”

ꠅꠃ ꠛꠤꠟꠣꠁꠞꠦ ꠝꠥꠁ ꠖꠦꠈ꠆ꠍꠟꠣꠝ

ꠛꠃꠔ ꠀꠉꠦ ꠄꠈꠖꠤꠘ

ꠔꠥꠇꠣꠁꠀ ꠘꠥ ꠀꠁꠍꠤ ꠅꠘ

ꠅꠃ ꠎꠋꠟꠣꠞ ꠁ ꠘꠤꠘ!

 

“ꠈꠣꠞ ꠈꠕꠣ ꠈꠂꠞꠣꠄ ꠛꠣ,

ꠢꠦ ꠘꠤ ꠙꠉꠦꠀꠘ?”

ꠇꠥꠘꠔꠣ ꠘꠣ ꠛꠥꠏꠤꠀ

ꠍꠣꠍꠣꠄ ꠈꠟ꠆ꠟꠣ ꠈꠣꠎꠥꠀꠁꠘ⁕

ꠁ ꠛꠤꠟꠣꠁ ꠇꠥꠀꠞ ꠡꠝꠄ

ꠀꠄ ꠀꠞ ꠎꠣꠄ⁕

ꠜꠣꠟꠣ ꠈꠞꠤꠀ ꠔꠣꠞꠦ

ꠖꠦꠈꠣ ꠘꠥ ꠛꠣ ꠖꠣꠄ⁕

 

ꠇꠥꠡꠤ ꠝꠘꠦ ꠀꠋꠇꠦꠟꠦ

ꠟꠣꠉꠟꠣ ꠚꠣꠟꠣꠟꠤꠔ

ꠡꠤꠞꠤ ꠖꠤꠀ ꠃꠑꠂꠘ ꠔꠣꠁꠘ

ꠐꠤꠟꠟꠣꠞ ꠐꠥꠟꠟꠤꠔ⁕

ꠄꠈꠎꠥꠠꠣ ꠘꠤꠟꠉꠤꠞꠤ ꠚꠣꠈꠤꠞ ꠟꠣꠈꠣꠘ

ꠛꠦꠈꠞꠤꠄ ꠎꠦꠟꠣꠘ ꠔꠥꠇꠣꠄ ꠊꠣꠐꠞ ꠛꠣꠅ-ꠒꠣꠁꠘ⁕

 

ꠢꠤꠛꠣꠟꠣ ꠊꠥꠝꠞ ꠐꠣꠁꠝ ꠀꠍ꠆ꠟ

ꠛꠦꠐꠣꠄ ꠇꠦꠝꠦꠞꠣꠞ ꠚꠣꠘ꠆ꠖ ꠛꠥꠀꠁꠟ

ꠊꠣꠐꠞ ꠛꠤꠟꠣꠁ ꠎꠦꠟꠣꠘ ꠚꠐꠥ ꠃꠑꠤꠎꠣꠄ⁕

ꠔꠣꠁꠘ ꠊꠥꠝꠣꠁꠀ ꠃꠑꠟꠣ

ꠚꠣꠘ꠆ꠖꠦꠖꠤ ꠍꠣꠁꠟꠣ

ꠟꠥꠇꠣꠁꠟ ꠛꠤꠟꠣꠁ ꠖꠦꠇꠤꠀ ꠝꠘ ꠇꠥꠡ ꠅꠁꠎꠣꠄ⁕

 

ꠛꠣꠖꠦ ꠄꠈ ꠢꠣꠚꠦ ꠖꠦꠄ

ꠜꠣꠋꠉꠤꠀ ꠔꠣꠘ ꠊꠥꠝ

ꠛꠥꠏꠟꠣ, ꠁꠔꠣ ꠀꠍꠤꠟ ꠡꠚꠘ

ꠔꠄ, ꠀꠡꠣ ꠛꠣꠘꠟꠣ ꠄꠈꠖꠤꠘ ꠅꠄ ꠎꠦꠘꠦ ꠚꠥꠞꠘ⁕

 

ꠊꠣꠐꠞ ꠛꠤꠟꠣꠁ ꠄꠉꠥ ꠇꠣꠟꠚꠘꠤꠇ ꠈꠣꠁꠘꠤ⁕ ꠁ ꠇꠤꠌ꠆ꠌꠣꠔ ꠀꠋꠇꠦꠟ ꠍꠦꠘꠒꠤ ꠄꠈ ꠞꠁꠡ꠆ꠡꠝꠄ ꠛꠤꠟꠣꠁ ꠔꠥꠇꠣꠘꠤꠔ ꠎꠣꠁꠘ ꠙꠌ꠆ꠌꠤꠝ ꠊꠣꠐ⁕ ꠁ ꠇꠤꠌ꠆ꠌꠣ ꠁꠇꠐꠣ ꠡꠘ꠆ꠖꠦꠡ ꠇꠣꠖꠥꠞ, ꠚꠣꠇꠞꠤꠔꠤꠇ ꠚꠤꠟꠤꠝ ꠛꠣꠘꠣꠅꠞꠣ ꠀꠞ ꠛꠦꠠꠣꠅꠞꠣꠞ ꠛꠣꠍ꠆ꠔꠛ ꠎꠤꠛꠘꠞ ꠅꠜꠤꠉ꠆ꠉꠔꠣꠞ ꠍꠣꠄꠀꠄ ꠟꠦꠈꠣ⁕ ꠙꠌ꠆ꠌꠤꠝ ꠊꠣꠐ ꠜꠣꠞꠔꠞ ꠄꠉꠥ ꠚꠥꠞꠣꠘꠣ ꠐꠤꠟꠟꠣ ꠀꠞ ꠛꠃꠔ ꠀꠍꠣꠘꠈ ꠎꠘ꠆ꠔꠥ ꠎꠣꠘꠥꠀꠞꠞ ꠛꠣꠡꠣ⁕ ꠔꠣꠘ ꠃꠖ꠆ꠖꠦꠡ꠆ꠡ ꠛꠘꠥꠀ ꠎꠘ꠆ꠔꠥ ꠎꠣꠘꠥꠀꠞ ꠞꠇ꠆ꠇꠣ ꠀꠞ ꠝꠣꠘꠥꠡꠞꠦ ꠁꠔꠣ ꠐꠤꠇꠣꠘꠤꠞ ꠖꠣꠄ ꠀꠉ꠆ꠞꠢꠤ ꠈꠞꠣ⁕ ꠔꠣꠁꠘ ꠄꠛ ꠙꠉꠦꠀꠘ ꠔꠥꠇꠣꠁꠞꠣ⁕

 

ꠝꠥꠟ ꠟꠦꠈꠣ:  ꠊꠣꠐꠞ ꠛꠤꠟꠣꠁ – StoryWeaver

ꠍꠤꠟꠐꠤꠔꠦ ꠄꠈꠐꠣ ꠔꠞꠎꠝꠣ ꠚꠁꠖ꠆ꠖꠞ ꠚꠂꠟꠉꠣꠟꠣ⁕ ꠛꠣꠇꠤꠉꠣꠟꠣ ꠡꠣꠝꠘꠦꠖꠤ ꠀꠞ⁕ ꠚꠄꠟꠣ ꠙꠣꠐ ꠚꠠꠔꠦ ꠅꠁꠟꠦ ꠔꠟꠞ ꠟꠤꠘꠇ ꠎꠣꠅꠇꠣ…

ꠊꠣꠐꠞ ꠛꠤꠟꠣꠁ-১ (ꠔꠞꠎꠝꠣ ꠚꠁꠖ꠆ꠖ) : ꠀꠛꠥ ꠍꠣꠁꠖ

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ ꠢꠦꠟꠅ ꠇꠥꠟꠍꠥꠝꠣꠞ ꠝꠣ, ꠀꠝꠤ ꠈꠟꠤꠎꠣ ꠚꠍꠣ ꠛꠥꠠꠣ ꠛꠦꠐꠣꠄ “ꠡꠣꠞ꠆ꠕꠚꠞ” …