শুরমা ফারর খবর ছিলটি জবানে ছিলটর খবর
ꠉꠦꠍꠦ d ꠚꠦꠛꠥꠀꠞꠤ ꠓꠣꠈꠣꠞ ꠝꠥꠢꠣꠝ꠆ꠝꠖꠚꠥꠞ ꠖꠣ ꠒꠦꠁꠟꠤ ꠁꠡ꠆ꠐꠣꠞꠞ ꠖꠣꠁꠔ꠆ꠔꠡꠤꠟ ꠈꠟꠝꠖꠣꠞ ꠡꠂꠅꠖ ꠀꠡꠚꠣꠇꠥꠟ ꠢꠇ ꠀꠞ ꠔꠣꠘ ꠛꠃ ꠔꠣꠘꠤꠀ ꠈꠘ꠆ꠖꠇꠣꠞꠞ ꠛꠣꠡꠣ ꠚꠞꠤꠀ ꠔꠣꠞꠣꠞ ꠚꠥꠞꠥ ꠈꠣꠝꠟꠣꠚꠥꠞꠤꠞ ꠝꠃꠔ ꠅꠁꠍꠦ ⁕
ꠍꠄ ꠝꠣꠡ ꠀꠉꠦꠅ ꠡꠣꠔ ꠛꠍꠞꠤ ꠄꠈ ꠚꠥꠞꠥ ꠈꠣꠝꠟꠣꠚꠥꠞꠤ ꠛꠣꠡꠣ ꠔꠘꠦ ꠚꠣꠟ ꠝꠣꠞꠤꠌ꠆ꠌꠤꠟ ⁕ ꠞꠈꠔꠣꠞꠈ꠆ꠔꠤ ꠢꠣꠟꠔ ꠅꠁꠟꠦꠅ ꠘꠍꠤꠛꠞ ꠎꠥꠞꠦ ꠛꠣꠍꠤꠀ ꠞꠄ ꠚꠦꠞꠖꠃꠍꠤ ꠘꠣꠝꠞ ꠢꠃ ꠚꠥꠞꠤꠉꠥꠔꠣ ⁕ ꠢꠤ ꠊꠐꠘꠣꠅ ꠝꠣꠝꠟꠣꠅ ꠅꠁꠍꠤꠟ ⁕ ꠍꠄ ꠝꠣꠡ ꠚꠣꠞꠁꠔꠦ ꠘꠣ ꠚꠣꠞꠁꠔꠦ ꠢꠤꠞꠛꠣꠞ ꠀꠞꠦꠈ ꠀꠚꠦꠞꠔꠣ ꠈꠣꠝꠟꠣꠚꠥꠞꠤ ꠄꠇꠤ ꠛꠣꠡꠣ ꠔꠘꠦ ꠚꠣꠟ ꠝꠣꠞꠦ ⁕ ꠔꠄ ꠁ ꠚꠤꠞꠔꠤ ꠀꠞ ꠈꠣꠝꠞꠚꠥꠞꠤꠀ ꠔꠈꠖꠤꠞ ꠛꠣꠟꠣ ꠀꠍꠤꠟ ꠘꠣ ⁕ ꠀꠐ ꠔꠣꠟꠣ ꠔꠘꠦ ꠚꠣꠟ ꠝꠣꠞꠤ ꠄꠈ ꠔꠣꠟꠣꠞ ꠉꠦꠞꠦꠎꠞ ꠒꠣꠟꠣꠁꠞ ꠃꠚꠞꠦ ꠚꠞꠤꠎꠣꠄ ꠚꠘ꠆ꠒ ꠛꠍꠞꠤ ꠙ꠆ꠞꠤꠔꠤ ꠃꠞꠣꠋ ⁕ ꠀꠡꠚꠣꠔꠣꠟ ꠟꠁꠀ ꠉꠦꠟꠦꠅ ꠒꠤꠃꠐꠤꠞ ꠒꠣꠈꠔꠞꠦ ꠎꠣꠘ ꠉꠦꠍꠦꠉꠤ ꠈꠁꠀ ꠎꠣꠘꠣꠁꠘ ⁕
ꠍꠄ ꠝꠣꠡꠞ ꠛꠦꠛꠗꠣꠘꠦ ꠚꠞꠚꠞ ꠇꠤꠟꠣꠘ ꠖꠥꠁ ꠀꠚꠦꠞꠔꠣ ꠈꠣꠝꠟꠣꠚꠥꠞꠤꠞ ꠟꠉꠦ ꠄꠇꠤ ꠊꠐꠘꠣ ꠊꠐꠟ, ꠁꠇꠣꠘ ꠟꠁꠀ ꠝꠥꠢꠥꠞꠔꠦ ꠅꠘꠟꠣꠁꠘ ꠝꠣꠔꠣꠝꠣꠔꠤ ꠡꠥꠞꠥ ꠅꠄ ꠀꠞ ꠝꠣꠟꠤꠇꠞ ꠛꠤꠀꠚꠣꠞꠦ ꠚꠍ꠆ꠘ ꠃꠑꠦ — “ꠁꠋꠟꠤꠡ ꠚꠔ꠆ꠞꠤꠇꠣ ꠒꠦꠁꠟꠤ ꠁꠡ꠆ꠐꠣꠞꠞ ꠖꠣꠁꠔ꠆ꠔꠡꠤꠟ ꠈꠟꠝꠖꠣꠞ ꠀꠡꠚꠣꠇꠥꠟ ꠢꠇꠞ ꠛꠣꠡꠣꠞ ꠜꠦꠔꠞꠦ ꠇꠤꠔꠣ ꠃ ꠄꠝꠘ ꠊꠐꠘꠣ ꠊꠐꠦꠞ ꠎꠦ ꠚꠥꠞꠥ ꠈꠣꠝꠟꠣꠚꠥꠞꠤꠘ ꠀꠐ ꠔꠣꠟꠣ ꠔꠘꠦ ꠚꠣꠟ ꠝꠣꠞꠣꠞ ꠡꠤꠖ꠆ꠖꠣꠘ꠆ꠔ ꠘꠤꠔꠈꠞꠤ ꠛꠣꠁꠖ꠆ꠖ ꠅꠞ ? ꠛꠣꠡꠣꠔ ꠇꠤꠔꠣ ꠔꠣꠞꠣꠞꠦ ꠡꠣꠞꠤꠞꠤꠇ, ꠝꠣꠘꠡꠤꠇ ꠀꠞꠘꠣꠄ ꠎꠃꠘ ꠘꠤꠞ꠆ꠎꠣꠔꠘ ꠉꠞꠣ ꠅꠞ ꠘꠤ ? ꠘꠣ ꠚꠥꠞꠥꠔ꠆ꠔꠣꠁꠘ꠆ꠔꠞꠦ ꠚꠣꠟꠣꠁ ꠖꠦꠅꠀ ꠅꠁꠞ ?”
ꠛꠣꠖꠦ V ꠚꠦꠛꠥꠀꠞꠤ ꠡꠂꠅꠖ ꠀꠡꠚꠣꠇꠥꠟ ꠢꠇ ꠀꠞ ꠔꠣꠘ ꠛꠃ ꠔꠣꠘꠤꠀ ꠈꠘ꠆ꠖꠇꠣꠞꠞꠦ ꠚꠥꠟꠤꠡꠦ ꠄꠞꠦꠡ꠆ꠐ ꠈꠞꠦ ⁕ ꠄꠞꠛꠣꠖꠦ ꠔꠣꠞꠣꠞꠦ ꠞꠤꠝꠣꠘ꠆ꠒꠅ ꠚꠣꠐꠣꠘꠤ ꠅꠄ ⁕ ꠅꠘꠟꠣꠁꠘꠅ ꠝꠣꠘꠡꠦ ꠎꠣꠘꠣꠁꠘ, “ꠄꠞ ꠀꠉꠦꠅ ꠔꠣꠞꠣꠞ ꠄꠈ ꠈꠣꠝꠟꠣꠚꠥꠞꠤ ꠛꠣꠡꠣ ꠔꠘꠦ ꠚꠞꠤꠀ ꠎꠦꠎꠣꠔ ꠎꠈꠝ ꠅꠁꠍꠟꠣ ⁕ ꠎꠦꠁꠘ ꠘꠤꠢꠔ ꠅꠁꠍꠂꠘ, ꠔꠣꠁꠘ ꠄꠈꠎꠘ ꠍꠣ ꠛꠣꠉꠣꠘꠤꠞ ꠚꠥꠞꠤ ⁕
ꠀꠞꠛꠣꠄ, ꠎꠣꠞꠣ ꠖꠣꠁ ꠔꠣꠞꠣ ꠡꠝꠣꠎꠞ ꠃꠚꠞ ꠔꠣꠟꠣꠞ ꠝꠣꠘꠥꠡ ⁕ ꠙ꠆ꠞꠜꠣꠛꠡꠣꠟꠤ ꠡꠣꠋꠛꠣꠖꠤꠇ ⁕
ꠘꠤꠢꠔꠞ ꠊꠐꠘꠣꠄ ꠝꠣꠝꠟꠣ ꠅꠁꠍꠦ ⁕ ꠔꠄ ꠍꠣꠁꠞꠛꠣꠄ ꠢꠤꠟꠣꠘ ꠇꠥꠘꠥ ꠡꠣꠞꠣ ꠡꠛ꠆ꠖ ꠘꠣꠁ ⁕ ꠘꠣꠁ ꠇꠥꠘꠥ ꠀꠘ꠆ꠖꠥꠟꠘ ⁕ ꠅꠘꠟꠣꠁꠘꠅ ꠝꠣꠘꠡꠦ ꠀꠚꠍꠥꠍ ꠈꠞꠤꠀ ꠟꠦꠈꠂꠘ, ꠜꠥꠇ꠆ꠔꠜꠥꠉꠤ ꠇꠥꠘ ꠡꠤꠟ꠆ꠙꠚꠔꠤ ꠇꠤ ꠘꠣꠞꠤꠛꠣꠖꠤ ꠅꠁꠟꠦ ꠘꠤꠡ꠆ꠌꠄ ꠀꠘ꠆ꠖꠥꠟꠘ ꠎꠝꠤ ꠎꠤꠔ ⁕
ꠅꠘꠇꠦ ꠀꠞ ꠁ ꠘꠣꠞꠤꠞ ꠅꠗꠤꠇꠣꠞ, ꠉꠞꠤꠛꠞ ꠅꠗꠤꠇꠣꠞ ꠟꠁꠀ ꠝꠥꠇ ꠇꠥꠟꠔꠣ ꠘꠣꠄ ꠔꠕꠣꠈꠕꠤꠔ ꠘꠣꠞꠤꠛꠣꠖꠤꠘ꠆ꠔꠦ ⁕
ꠚꠍ꠆ꠘ ꠈꠞꠣꠞꠅ ꠈꠦꠃ ꠘꠣꠁ ꠎꠦ ꠛꠣꠡꠣ ꠁꠇꠣꠘ ꠔꠘꠦ ꠛꠣꠞ ꠛꠣꠞ ꠈꠣꠝꠟꠣꠚꠥꠞꠤꠘ ꠖꠥꠘ ꠔꠟꠦ ꠚꠞꠤ ꠎꠣꠞ?”
ꠎꠣꠘꠣ ꠎꠣꠄ, “ꠝꠥꠟꠤꠛꠣꠎꠣꠞꠞ ꠈꠝꠟꠉꠘ꠆ꠎꠞ ꠝꠤꠞꠔꠤꠋꠉꠣ ꠍꠣ-ꠛꠣꠉꠣꠘꠞ ꠛꠣꠡꠤꠘ꠆ꠖꠣ ꠔꠣꠞꠣ ⁕ ꠙ꠆ꠞꠤꠔꠤ ꠀꠍꠤꠟ ꠍꠣꠁꠞ ꠜꠣꠁꠛꠘꠤꠞ ꠝꠣꠏꠦ ꠡꠛ ꠚꠥꠞꠥ ⁕ ꠕꠣꠘꠤꠅ ꠄꠈ ꠁꠡ꠆ꠇꠥꠟꠅ ꠍꠣꠁꠞ ꠇꠦꠟꠣꠍ ꠚꠞ꠆ꠎꠘ꠆ꠔ ꠔꠣꠁ ꠛꠦꠐꠤ ꠚꠞꠣꠟꠦꠈꠣ ꠈꠞꠦ ⁕ ꠅꠜꠣꠛꠞ ꠖꠣꠄ ꠁ ꠛꠄꠡꠅ ꠓꠣꠈꠣꠔ ꠚꠥꠐꠚꠞꠝꠣꠁꠡꠤ ꠈꠣꠝꠅ ꠖꠦꠃꠀ ꠅꠁꠍꠤꠟ ꠔꠣꠁ ꠛꠦꠐꠤꠞꠦ ⁕ ꠢꠤꠇꠣꠘ ꠔꠘꠦ ꠙ꠆ꠞꠤꠔꠤ ꠚꠤꠞꠍꠦ ꠟꠣꠡ ꠅꠁꠀ ⁕”
ꠙ꠆ꠞꠤꠔꠤꠞ ꠝꠃꠔꠞ ꠛꠣꠖꠦ ꠔꠣꠁꠞ ꠚꠞꠤꠛꠣꠞꠦ ꠁꠘꠍꠣꠚ ꠀꠞ ꠝꠥꠘꠣꠍꠤꠛ ꠚꠣꠃꠀꠞ ꠀꠡꠣꠄ ꠖꠣꠁꠘ꠆ꠔꠞ ꠛꠤꠞꠥꠖ꠆ꠖꠦ ꠄꠈ ꠝꠣꠘꠥꠟꠋꠉꠞ ꠈꠞꠦ ⁕ 1৩ ꠚꠦꠛꠥꠀꠞꠤ ꠖꠥꠀꠞꠤꠀ ꠀꠞꠅ b ꠖꠤꠘꠞ ꠞꠤꠝꠣꠘ꠆ꠒ ꠝꠘ꠆ꠎꠥꠞ ꠈꠞꠣ ꠅꠄ ꠖꠣꠁꠘ꠆ꠔꠞ ⁕
ꠝꠣꠝꠟꠣꠞ ꠔꠖꠘ꠆ꠔꠈꠣꠞꠤ ꠛꠦꠐꠣꠁꠘ꠆ꠔꠦ ꠀꠖꠣꠟꠔꠞꠦ ꠎꠣꠘꠣꠁꠘ ꠎꠦ ꠀꠡꠚꠣꠇꠥꠟ ꠀꠞ ꠔꠣꠘꠤꠀ ꠖꠄꠎꠘ ꠃ ꠍꠣꠟꠣꠇꠤ ꠈꠞꠤꠀ ꠛꠃꠔ ꠚꠍ꠆ꠘ ꠄꠞꠣꠁꠀ ꠉꠦꠍꠂꠘ ꠉꠤ, ꠎꠦꠉꠔꠤꠇꠦ ꠙ꠆ꠞꠤꠔꠤ ꠃꠞꠣꠋ ꠢꠔ꠆ꠔꠣꠞ ꠀꠍꠟꠤ ꠈꠣꠞꠘ ꠄꠛꠔꠞꠤꠅ ꠛꠣꠈꠞꠣ ꠡꠝ꠆ꠜꠛ ꠅꠁꠍꠦ ꠘꠣ ⁕ ꠔꠣꠞꠣ ꠀꠞꠅ ꠎꠣꠘꠣꠁꠘ ꠎꠦ ꠊꠐꠘꠣꠞ ꠛꠣꠖ ꠔꠘꠦ ꠄꠉꠥ ꠜꠤꠒꠤꠅ ꠇꠦꠝꠦꠞꠣꠞ ꠝꠦꠝꠥꠞꠤ ꠇꠣꠞ꠆ꠒ ꠅꠈꠘꠤꠝꠣ ꠔꠥꠇꠣꠁꠀ ꠝꠤꠟꠦꠞ ꠘꠣ ⁕
ꠈꠣꠝꠞꠚꠥꠞꠤ ꠙ꠆ꠞꠤꠔꠤ ꠃꠞꠣꠋꠅꠞ ꠝꠃꠔꠞ ꠊꠐꠘꠣꠄ ꠎꠣꠝꠣꠁꠛꠃꠞ ꠎꠞꠤꠔ ꠕꠣꠈꠣ ꠞꠢꠁꠡ꠆ꠡꠎꠘꠈ ꠀꠞ ꠀꠞꠅ ꠔꠖꠘ꠆ꠔꠞ ꠟꠣꠉꠤꠘ 10 ꠖꠤꠘꠞ ꠞꠤꠝꠣꠘ꠆ꠒ ꠍꠣꠃꠀ ꠅꠁꠟꠦ ꠇꠥꠟꠟꠦ b ꠖꠤꠘꠞ ꠝꠘ꠆ꠎꠥꠞ ꠈꠞꠣ ꠅꠄ ⁕
