ꠡꠘ꠆ꠔ꠆ꠞꠣꠡꠤ ꠉꠥꠡ꠆ꠑꠤꠘꠞꠦ ꠍꠣꠘꠖꠣ ꠘꠣ ꠖꠦꠃꠀꠄ ꠛꠣꠘ꠆ꠖꠞꠛꠣꠘꠞ ꠛꠣꠍ ꠍꠟꠣꠍꠟ ꠛꠘ꠆ꠗ

ꠚꠣꠢꠣꠠꠤ ꠅꠍ꠆ꠞꠖꠣꠞꠤ ꠡꠘ꠆ꠔ꠆ꠞꠣꠡꠤ ꠉꠥꠡ꠆ꠑꠤꠘꠞꠦ ꠍꠣꠘꠖꠣ ꠘꠣ ꠖꠦꠃꠀꠄ ꠛꠘ꠆ꠗ ꠅꠁꠉꠦꠍꠤꠟ ꠛꠣꠘ꠆ꠖꠞꠛꠣꠘꠞ ꠚꠣꠛꠟꠤꠇ ꠉꠣꠠꠤꠊꠥꠠꠣꠁꠘ ⁕ ꠘꠤꠞꠣꠚꠔ꠆ꠔꠣꠞ ꠟꠣꠉꠤꠘ ꠛꠣꠍ ꠍꠟꠣꠘꠤ ꠛꠘ꠆ꠗ ꠈꠞꠤ ꠖꠦꠁꠘ ꠉꠣꠠꠤꠊꠥꠠꠣꠁꠘ꠆ꠔꠞ ꠟꠉ꠆ꠉꠤꠘꠔꠦ ⁕

ꠉꠦꠍꠦ ꠝꠋꠉꠟꠛꠣꠞ d ꠚꠦꠛꠥꠀꠞꠤ ꠛꠤꠀꠘ ꠔꠘꠦ ꠛꠣꠘ꠆ꠖꠞꠛꠣꠘ-ꠕꠣꠘꠌꠤ ꠍꠠꠈ ꠛꠘ꠆ꠗ ꠞꠄ ꠚꠣꠛꠟꠤꠇ ꠉꠣꠠꠤꠊꠥꠠꠣꠁꠘ ꠍꠟꠣꠍꠟ ⁕ ꠎꠦꠉꠔꠤꠇꠦ ꠛꠦꠚꠦꠍꠅ ꠚꠞꠤꠎꠣꠁꠘ ꠡꠣꠗꠣꠞꠘ ꠎꠣꠔ꠆ꠞꠤ ꠡꠢ ꠚꠣꠈꠣꠃꠞꠣꠁꠘ ⁕

ꠉꠣꠠꠤꠊꠥꠠꠣꠁꠘ꠆ꠔꠞ ꠟꠉ꠆ꠉꠤꠘꠔꠦ ꠎꠣꠘꠣꠁꠘ, ꠉꠦꠍꠦ ꠈꠈꠖꠤꠘ ꠀꠉꠦ ꠚꠣꠢꠣꠠꠤ ꠅꠍ꠆ꠞꠖꠣꠞꠤ ꠡꠘ꠆ꠔ꠆ꠞꠣꠡꠤ ꠉꠥꠡ꠆ꠑꠤꠄ ꠕꠣꠘꠌꠤ ꠍꠠꠈꠞ ꠛꠣꠍ ꠝꠣꠟꠤꠇ ꠅꠈꠟꠞ ꠐꠣꠁꠘ ꠔꠘꠦ ꠚꠣꠍ ꠟꠣꠈ ꠐꠦꠈꠣ ꠍꠣꠘꠖꠣ ꠍꠣꠄ ⁕ ꠛꠣꠖꠦ ꠛꠣꠍ ꠝꠣꠟꠤꠇ ꠅꠈꠟꠦ ꠔꠣꠞꠣꠞ ꠉꠦꠍ ꠔꠘꠦ ꠈꠈꠖꠤꠘ ꠡꠝꠄ ꠘꠦꠁꠘ ⁕ ꠇꠤꠘ꠆ꠔꠥꠇ ꠡꠝꠄ ꠝꠔꠘ ꠍꠣꠘꠖꠣꠞ ꠐꠦꠈꠣ ꠘꠣ ꠖꠦꠃꠀꠄ ꠘꠣꠘꠣꠘ ꠎꠣꠔꠤ ꠢꠥꠝꠇꠤ-ꠗꠣꠝꠇꠤ ꠖꠤꠀ ꠀꠁꠍꠤꠟ ꠡꠘ꠆ꠔ꠆ꠞꠣꠡꠤ ꠉꠥꠡ꠆ꠑꠤꠞ ꠡꠖꠂꠡ꠆ꠡ ꠅꠈꠟꠦ ⁕ ꠉꠔꠤꠇꠦ ꠘꠤꠞꠣꠚꠔ꠆ꠔꠣꠞ ꠟꠣꠉꠤꠘ ꠛꠤꠀꠘ ꠝꠣꠘ꠆ꠔꠦ ꠛꠣꠍ ꠍꠟꠣꠘꠤ ꠛꠘ꠆ꠗ ꠈꠞꠤ ꠖꠦꠁꠘ ꠔꠣꠞꠣ ⁕

ꠁꠇꠣꠘ ꠟꠁꠀ ꠛꠣꠘ꠆ꠖꠞꠛꠣꠘ ꠛꠣꠍ ꠝꠣꠟꠤꠇ ꠡꠝꠤꠔꠤꠞ ꠎꠦꠘꠣꠞꠦꠟ ꠍꠦꠇꠞꠦꠐꠣꠞꠤ ꠝꠥ. ꠀꠟꠝꠦ ꠈꠁꠘ, ꠘꠤꠞꠣꠚꠔ꠆ꠔꠣꠞ ꠈꠣꠞꠘꠦ ꠉꠣꠠꠤꠊꠥꠠꠣꠁꠘ꠆ꠔꠞ ꠝꠦꠘꠔꠤꠅꠈꠟꠦ ꠝꠋꠉꠟꠛꠣꠞ ꠛꠤꠀꠘꠔꠥꠛꠣꠟꠣ ꠔꠘꠦ ꠕꠣꠘꠌꠤ ꠍꠠꠈꠅ ꠛꠣꠍ ꠍꠟꠣꠘꠤ ꠛꠘ꠆ꠗ ꠈꠞꠤ ꠟꠣꠁꠘ ⁕ ꠁ ꠛꠤꠡꠄ ꠚꠡꠣꠡꠘꠇꠦ ꠎꠣꠘꠣꠘꠤ ꠅꠄ, ꠔꠣꠞꠣꠞ ꠡꠤꠖ꠆ꠖꠣꠘ꠆ꠔ ꠝꠥꠔꠣꠛꠦꠇ ꠚꠞꠞ ꠛꠦꠛꠍ꠆ꠔꠣ ꠟꠃꠀ ꠅꠁꠛ ⁕

ꠁꠛꠣꠄꠖꠤ ꠢꠣꠍꠣꠞꠇꠥꠞ ꠁ ꠊꠐꠘꠣ ꠘꠤꠌ꠆ꠌꠤꠔ ꠈꠞꠤꠀ ꠕꠣꠘꠌꠤ ꠃꠚꠎꠤꠟꠣ ꠘꠤꠞ꠆ꠛꠣꠢꠤ ꠇꠞ꠆ꠝꠇꠞ꠆ꠔꠣ ꠝꠥ. ꠝꠣꠝꠥꠘꠦ ꠈꠁꠘ, ꠚꠣꠢꠣꠠꠞ ꠡꠘ꠆ꠔ꠆ꠞꠣꠡꠤ ꠉꠥꠡ꠆ꠑꠤꠄ ꠍꠣꠘꠖꠣ ꠍꠣꠃꠀꠄ ꠉꠣꠠꠤꠊꠥꠠꠣꠁꠘ꠆ꠔꠞ ꠝꠦꠘꠔꠤꠅꠈꠟꠦ ꠕꠣꠘꠌꠤ ꠍꠠꠈ ꠛꠣꠍ ꠍꠟꠣꠍꠟ ꠛꠘ꠆ꠗ ꠈꠞꠤꠟꠣꠄ ⁕ ꠁ ꠛꠤꠀꠚꠣꠞꠦ ꠖꠞꠈꠣꠞꠤ ꠛꠦꠛꠍꠔꠣ ꠟꠃꠀ ꠅꠁꠛ ⁕