শুরমা ফারর খবর ছিলটি জবানে ছিলটর খবর
Related Articles
২৬ꠡꠦ ꠝꠣꠞ꠆ꠌ ꠡꠥꠇ꠆ꠇꠥꠞꠛꠣꠞ ꠌꠣꠄꠘꠣ ꠡꠝꠅ ꠞꠣꠁꠔ ৯ ꠐꠣꠔ ꠛꠣꠋꠟꠣꠖꠦꠡ-ꠌꠣꠄꠘꠣ ꠁꠃꠕ ꠁꠡ꠆ꠐꠥꠒꠦꠘ꠆ꠐ ꠄꠍꠍꠤꠄꠡꠘ (ꠛꠤꠍꠤꠅꠀꠁꠄꠍꠄ) ꠛꠣꠋꠟꠣꠖꠦꠡꠞ ꠝꠢꠣꠘ ꠡꠣꠗꠤꠘꠔꠣꠞ ꠚꠂꠘ꠆ꠌꠣꠡ ꠛꠍꠞꠤ ꠚꠣꠟꠘ ꠀꠞ BCYSA ꠇꠝꠤꠃꠘꠤꠐꠤ ꠄꠅꠀꠞ꠆ꠓ-২০২১ ꠅꠘꠥꠡ꠆ꠑꠣꠘ ꠚꠣꠟꠘ ꠈꠞꠍꠦ⁕
ꠅꠘꠥꠡ꠆ꠑꠣꠘꠞ ꠝꠥꠟ ꠝꠦꠝꠣꠘ ꠢꠤꠡꠣꠛꠦ ꠀꠍ꠆ꠟꠣ ꠓꠣꠈꠣ ꠛꠤꠡ꠆ꠡꠛꠤꠖ꠆ꠖꠤꠟꠄꠞ ꠎꠘꠡꠁꠋꠇꠣ ꠛꠤꠉꠉꠣꠘ ꠛꠤꠜꠣꠉꠞ ꠙꠚꠦꠍꠣꠞ ꠒꠇ꠆ꠐꠞ ꠝꠥꠢꠣꠝ꠆ꠝꠖ ꠝꠁꠘꠥꠟ ꠁꠍꠟꠣꠝ (ꠙꠤ.ꠄꠁꠌ.ꠒꠤ, ꠙꠤꠇꠤꠋ ꠛꠤꠡ꠆ꠡꠛꠤꠖ꠆ꠖꠣꠟꠄ, ꠌꠤꠘ), ꠛꠤꠡꠦꠡ ꠝꠦꠝꠣꠘ ꠢꠤꠡꠣꠛꠦ ꠀꠍ꠆ꠟꠣ ꠛꠣꠋꠟꠣꠖꠦꠡꠅ ꠕꠣꠈꠣ ꠌꠣꠄꠘꠤꠎ ꠖꠥꠔꠣꠛꠣꠡꠞ ꠇꠣꠟꠌꠣꠞꠣꠟ ꠡꠦꠇꠡꠘꠞ ꠚꠣꠡ꠆ꠐ ꠡꠦꠇ꠆ꠞꠦꠐꠣꠞꠤ ꠝꠤꠍ ꠎꠥꠟꠤꠅꠣ ꠁ’ꠃ ꠏꠥ⁕ ꠄꠁꠘ꠆ꠔꠣꠁꠘ ꠛꠣꠖꠦꠅ ꠀꠍ꠆ꠟꠣ ꠄꠍꠍꠤꠄꠡꠘꠞ ꠡꠜꠣꠚꠔꠤ ꠄ. ꠄ. ꠄꠝ. ꠝꠥꠎꠣꠢꠤꠖ, ꠄꠍꠍꠤꠄꠡꠘꠞ ꠚꠔꠤꠡꠐꠣꠔꠣ ꠡꠜꠣꠚꠔꠤ ꠒꠇ꠆ꠐꠞ ꠝꠥ. ꠡꠣꠢꠣꠛ ꠃꠟ ꠢꠇ, ꠄꠍꠍꠤꠄꠡꠘꠞ ꠅꠁꠘ꠆ꠘꠣꠁꠘ꠆ꠘ ꠡꠖꠁꠡ꠆ꠡ, ꠃꠚꠖꠦꠡ꠆ꠐꠣ ꠅꠈꠟ, ꠡꠣꠗꠣꠞꠘ ꠡꠖꠁꠡ꠆ꠡ ꠀꠞ ꠌꠤꠘ ꠚꠠꠣꠟꠦꠈꠣ ꠈꠞꠣ ꠛꠣꠋꠟꠣꠖꠦꠡꠤ ꠡꠣꠗꠣꠞꠘ ꠚꠠꠥꠀꠁꠘ⁕
ꠅꠘꠥꠡ꠆ꠑꠣꠘꠞ ꠚꠂꠟ ꠅꠞꠗꠦꠈꠅ ꠡꠣꠗꠤꠘꠔꠣꠞ ꠚꠁꠘ꠆ꠌꠣꠡ ꠛꠍꠞꠤ ꠚꠣꠟꠘ ꠀꠞ ꠖꠥꠍꠞꠣ ꠅꠞ꠆ꠗꠦꠈꠅ BCYSA ꠇꠝꠤꠃꠘꠤꠐꠤ ꠄꠃꠀꠞ꠆ꠒ ২০২১ ꠚꠣꠅꠞꠣꠁꠘꠔꠞ ꠘꠣꠝ ꠈꠅꠀ ꠅꠄ⁕
ꠚꠣꠍꠉꠥ ꠇꠦꠐꠣꠉꠞꠤꠔ ꠄꠈꠦꠈ ꠈꠞꠤ ꠎ’ꠁ ꠅꠈꠟꠞ ꠘꠣꠝ ꠈꠂꠘ, ꠒ. ꠝꠥ. ꠡꠣꠢꠣꠛꠥꠟ ꠢꠇ, ꠒꠣ. ꠘꠣꠎꠝꠥꠍ ꠍꠣꠇꠤꠛ, ꠎꠥꠟꠤꠀ ꠁ’ꠃ ꠏꠥ, ꠙꠚꠦꠍꠣꠞ ꠒ. ꠝꠥꠢꠣꠝ꠆ꠝꠖ ꠝꠣꠁꠘꠥꠟ ꠁꠍꠟꠣꠝ ꠀꠞ ꠄ. ꠄ. ꠄꠝ. ꠝꠥꠎꠣꠢꠤꠖ⁕ ꠁꠡꠝꠄ BCYSA-ꠅꠞ ꠀꠃꠐꠁꠍ꠆ꠐꠦꠘ꠆ꠒꠤꠋ ꠜꠟꠦꠘ꠆ꠐꠤꠀꠞ ꠚꠥꠞꠥꠡꠇꠣꠞ ꠚꠣꠁꠘ ꠀꠇꠤꠛ ꠁꠞꠚꠣꠘꠦ⁕ ꠔꠣꠁꠘ ꠌꠤꠘ ꠎꠣꠁꠛꠣꠞ ꠀꠉꠦ ꠄꠈꠡꠝꠄꠇꠥ ꠍꠤꠟꠐꠞ ꠝꠤꠞꠣꠛꠣꠎꠣꠞꠞ ꠡꠣꠢꠎꠣꠟꠣꠟ ꠎꠣꠝꠤꠀ ꠁꠍꠟꠣꠝꠤꠀ ꠁꠍ꠆ꠇꠥꠟ ꠄꠘ꠆ꠒ ꠇꠟꠦꠎꠞ ꠚꠠꠥꠀ ꠀꠍꠟꠣ⁕
