Breaking News
Home / ꠖꠦꠡꠞ ꠈꠛꠞ / ꠀꠘꠦ-ꠎꠣꠘꠦ ꠀꠞ ꠘꠄꠀ ꠚꠤꠞꠣ

ꠀꠘꠦ-ꠎꠣꠘꠦ ꠀꠞ ꠘꠄꠀ ꠚꠤꠞꠣ

ꠖꠦꠈꠔꠦ ꠖꠦꠈꠔꠦ ꠍꠇꠥꠞ ꠚꠟꠈꠦ ꠁ ꠚꠤꠞꠣꠅ ꠉꠦꠟꠉꠤ ⁕ ꠡꠣꠝꠘꠞ ꠚꠤꠞꠣ ꠡꠛꠞ ꠛꠣꠟꠣ ꠃ ꠈꠣꠐꠃꠇ ⁕ ꠖꠥꠀ ꠈꠞꠤ ⁕ ꠚꠍ꠆ꠝꠞ ꠘꠄꠀꠚꠤꠞꠣ ꠚꠣꠟꠘ ꠈꠞꠣꠔ ꠉꠤꠀ ꠀꠗꠣꠞꠣꠔꠇꠥꠞ ꠀꠝ꠆ꠟ ꠚꠞꠤꠛꠦꠡ, ꠚꠡꠥꠚꠣꠇꠤ ꠀꠞ ꠛꠣꠁꠌ꠆ꠌꠣꠈꠣꠁꠌ꠆ꠌꠣ ꠅ ꠛꠦꠝꠣꠞꠤ ꠝꠣꠘꠡꠞ ꠎꠦꠘ ꠈꠔꠤ ꠘꠣ ꠅꠄ ꠡꠛꠦ ꠇꠤꠀꠟ ꠞꠣꠇꠤ ⁕ ꠈꠣꠞꠘ ꠕꠣꠞꠐꠤ ꠚꠣꠍ꠆ꠐ ꠘꠣꠁꠐ ꠚꠣꠟꠘ ꠀꠞ ꠀꠔꠡꠛꠣꠎꠤꠞ ꠛꠋꠉꠥꠟꠟꠣꠄ ꠚꠞꠔꠦꠈ ꠛꠣꠞꠇꠥ ꠢꠥꠘꠣ ꠎꠣꠄ ꠘꠣꠘꠣꠘ ꠛꠤꠚꠔꠔꠤꠞ ꠈꠕꠣ ⁕

ꠘꠄꠀ ꠚꠤꠞꠣ (ꠍꠛꠤ ©ꠚꠦꠁꠍꠛꠥꠇ)

ꠔꠣꠈ ꠟꠣꠉꠣꠘꠤꠞ ꠝꠔꠘ ꠍꠣꠖꠤꠖ ꠝꠤꠛꠎꠣꠟꠞ ꠒꠤꠎꠣꠁꠘꠦ ꠀꠈꠣ ꠃꠚꠞꠞ ꠅꠃ ꠡꠥꠘ꠆ꠖꠞ ꠍꠛꠤꠈꠣꠘꠔꠣ ꠖꠤꠀ Sylheti Lyce-ꠄ Syloti Language Development Organisation ꠚꠦꠁꠍꠛꠥꠇ ꠉꠥꠁꠐ ꠄꠈ ꠙꠥꠡ꠆ꠐ ꠘꠄꠀ ꠚꠤꠞꠣ ꠝꠥꠛꠣꠞꠇ ꠎꠣꠘꠣꠁꠘ- ꠖꠥꠘꠤꠀꠁꠞ ꠢꠈꠟ ꠍꠤꠟꠐꠤꠞꠦ ꠚꠍꠤꠝꠤ ꠘꠄꠀꠚꠤꠞꠣꠞ ꠍꠣꠟꠣꠝ ⁕ ꠘꠄꠀ ꠁ ꠀꠞꠝ꠆ꠜꠤ ꠄꠈ ꠘꠄꠀ ꠚꠔꠣ ꠅꠁꠀ ꠀꠃꠇ ⁕ ꠁ ꠚꠤꠞꠣ ꠀꠝꠞꠣ ꠢꠈꠟꠞ ꠖꠣꠄ ꠇꠣꠝꠤꠀꠛꠤꠞ ꠛꠣꠢꠣꠞ ꠅꠃꠇ ⁕
ꠎꠤꠀꠃꠇ ꠝꠣꠁꠜꠥꠝ ꠍꠤꠟꠐ, ꠎꠤꠀꠃꠇ ꠝꠣꠁꠝꠣꠔ ꠍꠤꠟꠐꠤ ⁕

ꠔꠣꠘ ꠟꠉꠦ ꠀꠝꠒꠣꠅ ꠘꠄꠀꠚꠤꠞꠣꠞ ꠝꠥꠛꠣꠞꠇ ꠎꠣꠘꠣꠁ ꠢꠉꠟꠞꠦ ⁕ ꠀꠝꠒꠣꠞ ꠟꠉꠦ ꠕꠣꠈꠣꠞ ꠖꠣꠄ, ꠚꠣꠄ ꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠖꠣꠄ ꠡꠛꠞ ꠐꠣꠁꠘ ꠡꠥꠇꠥꠞ ꠀꠖꠣꠄ ꠈꠞꠤ ⁕ ꠍꠤꠟꠐꠤ ꠝꠣꠔ ꠟꠁꠀ ꠈꠣꠝ ꠈꠞꠞꠣ ꠅꠈꠟꠞ ꠚꠞꠣꠝꠤꠡꠦ ꠀꠝꠒꠣꠞ ꠍꠣꠁꠐ ꠔꠘꠦ ꠀꠍꠔꠦ ꠀꠍꠔꠦ  [] ꠛꠣꠖ ꠖꠤꠀ ꠅ-ꠇꠣꠞ ꠀꠟꠣ ꠡꠛ꠆ꠖꠣꠁꠘ ꠛꠣꠃꠇ꠆ꠇꠞꠣ ꠅꠁꠛ, ꠎꠦꠢꠦꠔꠥ ꠁꠇꠐꠣ ꠈꠣꠍ ꠍꠤꠟꠐꠤ ꠇꠥꠘꠥ ꠅꠇ꠆ꠇꠞ ꠘꠣꠄ ⁕

ꠀꠞꠅ ꠖꠦꠈꠇ꠆ꠇꠣ: Γ0Γb ꠚꠤꠞꠣꠞ ꠚꠣꠘꠎꠤ

ꠄꠞꠝꠣꠏꠦ ꠀꠚꠘꠣꠞꠣꠞ ꠚꠞꠣꠝꠤꠡꠦ ꠉꠦꠍꠦ ꠍꠄꠝꠣꠡ ꠀꠝꠞꠣ ꠛꠃꠔ ꠀꠙꠒꠦꠁꠐ ꠈꠞꠍꠤ ꠀꠉꠞ ꠚꠣꠔꠣꠁꠘ ⁕ ꠛꠃꠔ ꠚꠣꠔꠣꠁꠘ ꠀꠝꠞꠣ ꠛꠣꠘꠤꠀꠟꠤꠍꠤ ꠘꠄꠀ ꠈꠞꠤꠀ ꠀꠞꠛꠣꠞ ꠍꠣꠚꠣꠘꠤꠞ ꠟꠣꠉꠤ ⁕ ꠀꠞꠅ ꠢꠣꠟꠘꠣꠉꠣꠖ ꠍꠟꠦꠞ ⁕ ꠟꠉꠦ ꠕꠣꠇꠤꠀ ꠡꠣꠖ ꠖꠤꠛꠣ ⁕ ꠄꠝꠘꠇꠤ ꠍꠤꠟꠐꠤ ꠁꠇꠐꠣ ꠐꠣꠘꠐꠥꠘꠣꠟꠣ ꠝꠣꠔ (tonal language) ꠅꠃꠀꠄ ꠀꠝꠞꠣ ꠛꠣꠋꠟꠣ ꠛꠣꠘꠣꠘ ꠞꠤꠔꠤ ꠘꠣ ꠉꠍꠤꠀ ꠢꠣꠞꠣ ꠖꠥꠘꠤꠀꠎꠥꠠꠤ ꠞꠃꠀ ꠍꠤꠟꠐꠤꠘ꠆ꠔꠞ ꠈꠕꠣ ꠇꠤꠀꠟ ꠞꠣꠇꠤꠀ ꠀꠁꠙꠤꠄ ꠜꠤꠔꠔꠤꠇ ꠟꠦꠈꠞꠣꠝ ⁕ ꠎꠣꠔꠦ ꠀꠎꠣꠞꠦ ꠀꠎꠣꠞꠦ ꠌꠣꠁꠘꠤꠎ ꠍꠛꠤꠀꠟꠣ ꠢꠞꠚ ꠕꠣꠈꠟꠦꠅ ꠌꠤꠘꠣ ꠝꠣꠔꠞꠦ ꠎꠦ ꠟꠣꠈꠣꠘ ꠙꠤꠘꠤꠘ ꠖꠤꠀ ꠛꠣꠟꠣꠝꠘꠔꠦ ꠚꠠꠣ ꠀꠞ ꠢꠥꠘꠣ ꠎꠣꠄ, ꠀꠝꠒꠣꠞ ꠝꠣꠁꠞꠝꠣꠔ ꠍꠤꠟꠐꠤꠅ ꠅꠟꠣꠘ ꠎꠣꠁꠛ ꠄꠈꠖꠤꠘ ⁕ ꠎꠥꠖꠤꠘ ꠅ ꠛꠣ ꠀꠞꠅ ꠚꠣꠍ-ꠡꠣꠔ ꠚꠤꠞꠣ ꠟꠣꠉꠤꠎꠤꠔ ꠚꠣꠞꠦ ⁕ ꠄꠞꠛꠣꠖꠦꠅ ꠀꠝꠞꠣ ꠘꠤꠞꠣꠡ ꠘꠣꠄ ⁕ ꠀꠝꠞꠣ ꠟꠣꠉꠤꠀ ꠃ ꠕꠣꠈꠝꠥ ⁕ ꠀꠚꠘꠣꠞꠣꠅ ꠡꠣꠝꠤꠟ ꠅꠃꠇꠣ ꠀꠝꠞꠣꠞ ꠢꠈꠟꠦꠝꠤꠟꠤ ꠈꠣꠝꠞ ꠗꠥꠞꠅ ⁕

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …