Breaking News
Home / ꠡꠣꠝꠘꠞ ꠚꠣꠔꠣ / Γ0Γb ꠚꠤꠞꠣꠞ ꠚꠣꠘꠎꠤ

Γ0Γb ꠚꠤꠞꠣꠞ ꠚꠣꠘꠎꠤ

Γ0Γb ꠚꠤꠞꠣꠞ ꠇꠦꠟꠦꠘ꠆ꠒꠣꠞ

ꠛꠦꠁꠟ ꠎꠣꠁꠔꠦꠃ ꠀꠍꠦ ⁕ ꠔꠣꠞꠦ ꠀꠈꠐꠣꠁꠀ ꠞꠣꠈꠣꠞ ꠉꠔꠤ ꠀꠍꠦ ꠈꠣꠞ? ꠢꠦ ꠔꠣꠞ ꠎꠣꠁꠔꠦꠃ ꠕꠣꠈꠛ ⁕ ꠔꠁꠀ ꠎꠣꠁꠛ ꠚꠣꠘꠎꠤꠞ ꠚꠣꠔꠣꠔ ꠎꠦꠎꠣꠔ ꠁꠀꠖꠉꠥꠎꠣꠞꠤ ⁕ ꠅꠟꠣꠘ ꠖꠦꠈꠔꠦ ꠖꠦꠈꠔꠦ ꠡꠥꠇꠦ-ꠖꠥꠇꠇꠦ ꠀꠞ ꠘꠣꠘꠣꠘ ꠊꠐꠘꠣꠞ ꠡꠣꠇ꠆ꠇꠤ ꠅꠁꠀ ꠀꠝꠒꠣꠞ ꠝꠣꠎꠔꠘꠦ Γ0Γ৩ ꠚꠤꠞꠣ ꠎꠣꠃꠀꠉꠤꠞ ꠚꠕꠅ ⁕ ꠀꠝꠒꠣꠞ ꠝꠣꠎꠔꠘꠦ ꠘꠣꠝꠤꠀꠟꠣ ꠛꠃꠔ ꠍꠤꠟꠐꠤ ꠝꠣꠘꠥꠡꠣꠁꠘ ꠛꠤꠖꠣꠄ ꠘꠤꠟꠣꠉꠤ ⁕ ꠛꠞꠍꠤꠝꠣ ꠀꠝꠒꠣ ꠈꠔꠔꠣ ꠚꠣꠁꠟꠣꠝ ꠀꠞ ꠈꠔꠔꠣ ꠀꠞꠣꠁꠟꠣꠝ, ꠢꠤꠡꠣꠛ ꠈꠞꠤꠀ ꠔ ꠀꠞ ꠡꠦꠡ ꠘꠣꠁ ⁕ ꠔꠄ, ꠀꠟ꠆ꠟꠣꠞ ꠐꠣꠁꠘ ꠖꠥꠀ ꠝꠣꠋꠉꠤ ꠢꠈꠟ ꠛꠟꠣꠝꠍꠤꠛꠔ ꠔꠘꠦ ꠢꠦꠚꠣꠏꠔ ꠈꠞꠤꠀ ꠘꠄꠀꠚꠤꠞꠣ ꠀꠟ꠆ꠟꠣꠄ ꠢꠈꠟꠞ ꠎꠤꠘ꠆ꠖꠦꠉꠤꠞꠦ ꠡꠥꠇ-ꠡꠣꠘꠔꠤ, ꠡꠣꠘꠡꠃꠇꠔ ꠀꠞ ꠗꠘꠖꠃꠟꠔ ꠖꠤ ꠎꠦꠘ ꠜꠞꠤꠀ ꠖꠦꠁꠘ ⁕ ꠁ ꠚꠤꠞꠣ ꠀꠝꠒꠣꠞ ꠎꠔ ꠘꠣꠚꠣꠃꠔꠤ ꠀꠍꠤꠟ, ꠛꠣꠖꠞ ꠚꠤꠞꠣ ꠎꠦꠘ ꠔꠣꠁꠘ ꠢꠈꠟꠔꠣꠞꠦ ꠚꠥꠞꠣ ꠈꠞꠤꠀ ꠖꠦꠁꠘ ⁕ ꠖꠥꠀ ꠈꠞꠤ ꠀꠃꠔꠤ ꠚꠤꠞꠣ ꠀꠟ꠆ꠟꠣꠄ ꠛꠦꠝꠣꠞꠣꠎꠣꠞ ꠔꠘꠦ ꠚꠣꠘꠣ ꠖꠤꠔꠣ ⁕ ꠀꠞ ꠈꠈꠖꠤꠘ ꠛꠣꠖꠦꠃ ꠚꠣꠘꠎꠤꠞ ꠚꠣꠔꠣ ꠃꠟꠐꠣꠁꠟꠦ Γ0Γb ꠚꠤꠞꠣ ꠀꠁꠀ ꠀꠎꠤꠞ ꠅꠁꠛ ⁕ ꠘꠄꠀꠚꠤꠞꠣꠞ ꠢꠣꠖꠤꠀ ꠢꠤꠡꠣꠛꠦ ꠡꠥꠞꠝꠣ ꠚꠣꠞꠞ ꠈꠛꠞꠞ ꠔꠞꠚ ꠔꠘꠦ ꠀꠚꠘꠣꠞꠣꠞ ꠖꠣꠄ ꠅꠃ ꠇꠦꠟꠦꠘ꠆ꠒꠣꠞ ꠈꠣꠘꠔꠣ ꠖꠦꠃꠀ ꠅꠁꠟ ⁕

ꠀꠚꠘꠣꠞꠣ ꠀꠝꠒꠣꠞ ꠀꠉꠞ ꠚꠣꠘꠎꠤꠘ ꠅ ꠍꠇ꠆ꠇꠞ ꠝꠣꠞꠤꠀ ꠖꠦꠇꠤꠀ ꠀꠁꠔ꠆ꠔꠣ ꠚꠣꠞꠂꠘ ꠅꠔ ꠝꠥꠖꠔ ꠗꠞꠤꠀ ꠁꠔꠣ ꠇꠤꠟꠣꠘ ꠛꠖꠟꠤꠀ ꠀꠞ ⁕ ꠉꠦꠍꠦ ꠚꠤꠞꠣꠁꠘ꠆ꠔꠞ, ꠈꠣꠍꠈꠞꠤ Γ0Γ0, Γ0Γ1 ꠀꠞ Γ0ΓΓ ꠅꠔꠣ ꠚꠤꠞꠣꠁꠘ꠆ꠔꠞ ꠚꠣꠘꠎꠤꠞ ꠟꠣꠈꠣꠘ ꠞꠥꠎꠣ ꠝꠣꠁꠀ ꠚꠣꠘꠎꠤꠘ ꠅ ꠚꠣꠁꠛꠣ ⁕ ꠞꠥꠎꠣ ꠝꠣꠁꠀ ꠚꠣꠘꠎꠤꠘ꠆ꠔ ꠍꠃꠇ ꠝꠦꠟꠣꠁꠟꠦ ꠖꠦꠈꠔꠣ ꠚꠣꠞꠛꠣ ꠍꠣꠘ꠆ꠖꠞ ꠝꠣꠡꠣꠁꠘ ꠇꠤꠟꠣꠘ ꠀꠉꠥꠀꠁꠍꠦ ꠚꠞꠔꠦꠈ ꠛꠣꠞꠇꠥ ⁕ ꠟꠉꠦ ꠅꠟꠖꠤꠀ ꠞꠋꠉ ꠖꠤ ꠀꠃꠔꠤ ꠚꠤꠞꠣꠞ ꠞꠥꠎꠣ ꠝꠣꠁꠀ ꠖꠤꠘ ꠅ ꠖꠦꠈꠣꠘꠤ ꠅꠁꠍꠦ ⁕ ꠎꠦ ꠎꠣꠉꠣꠔ ꠈꠍꠥꠀ ꠞꠋꠉ ꠖꠤꠀ ꠖꠄ ꠁꠖꠞ ꠍꠥꠐ꠆ꠐꠤꠘ ꠀꠞ ꠉꠥꠟꠣꠚꠤ ꠞꠋꠉ ꠖꠤꠀ ꠡꠥꠇꠇꠥꠞ-ꠡꠘꠤ ꠛꠣꠞꠇꠥꠞ ꠢꠣꠚꠔꠣꠁ ꠍꠥꠐ꠆ꠐꠤꠘ ꠖꠣꠉꠣꠘꠤ ꠅꠁꠍꠦ ⁕

Γ0Γ1 ꠚꠤꠞꠣꠞ 1b ꠄꠙ꠆ꠞꠤꠟ ꠀꠘ꠆ꠘꠣꠄ ꠚꠄꠟꠣ ꠛꠂꠡꠣꠉ ꠀꠞꠝ꠆ꠜ ꠅꠃꠀ ꠞꠥꠎꠣ ꠝꠣꠡ ꠟꠣꠄꠟꠣꠄ (Γ0ΓΓ, Γ0Γ৩ ꠚꠤꠞꠣꠞ ꠛꠣꠖꠦ) ꠅꠘꠦ Γ0Γb ꠚꠤꠞꠣꠔ ꠀꠁꠀ ꠚꠥꠞꠣ ꠃ ꠄꠈꠝꠣꠡ ꠀꠉꠥꠀꠁꠀ ꠝꠣꠞ꠆ꠌꠞ 1Γ ꠔꠣꠞꠤꠇ ꠔꠘꠦ ꠡꠥꠞꠥ ꠅꠁꠔ ꠚꠣꠞꠦ (ꠍꠣꠘ꠆ꠖ ꠖꠦꠈꠣꠞꠞ ꠃꠚꠞꠦ ꠜꠞ ꠈꠞꠦ) ⁕

ꠎꠣꠁ ꠅꠇ, ꠀꠝꠒꠣ ꠛꠃꠔ ꠇꠥꠡꠤ ꠀꠍꠤ ꠎꠦ ꠀꠚꠘꠣꠞꠣ ꠀꠝꠒꠣꠞ ꠟꠉꠦ ꠀꠍꠂꠘ, ꠀꠍꠟꠣ ꠀꠞ ꠍꠣꠝꠘꠦꠖꠤꠅ ꠕꠣꠈꠛꠣ ⁕ ꠀꠚꠘꠣꠞꠣꠞ ꠀꠈꠟꠤꠀ ꠝꠣꠔꠈꠕꠣ, ꠚꠞꠣꠝꠤꠡ ꠀꠞ ꠡꠣꠖ ꠖꠤꠀ ꠀꠝꠞꠣꠞꠦ ꠀꠉꠥꠀꠁꠀ ꠘꠤꠛꠣ ⁕ ꠡꠛꠞꠟꠣꠉꠤꠘ ꠍꠤꠟꠐꠤ ꠝꠣꠔꠞ ꠄꠈꠣꠘ ꠇꠥꠟꠣ ꠉꠤꠀꠘꠇꠥꠐꠣꠞ ꠟꠣꠈꠣꠘ ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞꠦ ꠝꠣꠘꠣꠘꠤꠔ ꠡꠣꠝꠤꠟ ꠅꠁꠛꠣ ⁕ ꠢꠇ꠆ꠇꠟꠞꠦ ꠀꠉꠥꠀꠘ ꠘꠄꠀꠚꠤꠞꠣ ꠝꠥꠛꠣꠞꠇ ⁕

5/5 - (4 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …