শুরমা ফারর খবর ছিলটি জবানে ছিলটর খবর
Related Articles
ꠎꠦꠔꠣ ꠝꠣꠔ “ꠀꠉꠥꠘꠦ ꠢꠤꠎꠦ ꠘꠣ ꠀꠞ ꠚꠣꠘꠤꠄ ꠜꠤꠎꠦ ꠘꠣ”
ꠟꠦꠈꠞꠣ : ꠍꠤꠟꠦꠐꠤ ꠍꠣꠍꠣ [সিলেটি চাচা]
ꠚꠣꠞꠣ ꠉꠚ ꠖꠦꠃꠀꠞ ꠄꠈꠐꠣ ꠡꠤꠝꠣ ꠕꠣꠇꠣ ꠖꠞꠈꠣꠞ ⁕ ꠎꠦꠔꠣ ꠝꠣꠔ “ꠀꠉꠥꠘꠦ ꠢꠤꠎꠦ ꠘꠣ ꠀꠞ ꠚꠣꠘꠤꠄ ꠜꠤꠎꠦ ꠘꠣ” ꠁꠔꠣ ꠝꠣꠔ ꠝꠣꠔꠤꠀ ꠝꠣꠘꠥꠡꠦ ꠇꠤꠔꠣ ꠀꠞꠣꠝ ꠚꠣꠄ !? ꠉꠦꠍꠦ ꠈꠣꠁꠟ ꠛꠤꠀꠟꠦ ꠀꠝꠞꠣꠞ ꠉꠣꠃꠞ ꠚꠦꠃꠔꠣ ꠝꠥꠞꠛ꠆ꠛꠤ ꠄꠈꠎꠘꠦ ꠝꠡꠎꠤꠖꠞ ꠝꠦꠀꠍꠣꠛꠞ ꠟꠉꠦ ꠉꠚ ꠈꠞꠞꠣ ⁕ ꠉꠚ ꠈꠞꠔꠦ ꠈꠞꠔꠦ ꠎꠥꠡꠞ ꠐꠦꠟꠣꠄ ꠃꠐꠤꠀ ꠈꠁꠞꠣ, “ꠀꠝꠞꠣ ꠢꠥꠞꠥ ꠔꠣꠈꠔꠦ ꠈꠐ꠆ꠐꠣꠞ ꠝꠣꠏꠦ ꠈꠁꠘ ꠒꠥꠛꠣꠁꠀ ꠉꠞꠥꠞ ꠖꠥꠗ ꠈꠣꠁꠍꠤ ⁕ ꠀꠞ ꠅꠈꠘꠇꠥꠞ ꠎꠛꠣꠘꠣꠞ ꠝꠣꠘꠡꠦ ꠈꠣꠃꠀꠞ ꠟꠣꠉꠤ ꠖꠥꠗ ꠚꠣꠁꠞꠣ ꠘꠣ ⁕”
ꠀꠝꠤ ꠄꠈꠛꠣꠞ ꠔꠣꠘꠞꠦ ꠎꠤꠇꠣꠁꠔꠣꠝ ꠀꠍꠟꠣꠝ, ꠔꠥꠝꠤ ꠇꠤꠔꠣ ꠉꠣꠝꠟꠣꠔ ꠝꠥꠇ ꠟꠣꠉꠣꠁꠀ ꠖꠥꠗ ꠈꠣꠁꠔꠣꠄ ꠘꠤ ? ꠈꠣꠞꠘ ꠈꠁꠘ ꠒꠥꠛꠣꠁꠀ ꠖꠥꠗ ꠈꠣꠃꠀꠞ ꠝꠔ ꠅꠔ ꠛꠠ ꠈꠐ꠆ꠐꠣ ꠀꠝꠤ ꠎꠤꠛꠘꠦꠅ ꠖꠦꠈꠍꠤ ꠘꠣ ⁕
ꠇꠤꠘ꠆ꠔꠥ ꠍꠣꠍꠣꠄ ꠝꠦꠀꠍꠣꠛꠞ ꠡꠣꠝꠘꠦ ꠔꠣꠘꠞꠦ ꠡꠞꠝ ꠖꠤꠟꠣꠝ ꠘꠣ ⁕ ꠔꠣꠁꠘ ꠀꠝꠣꠞ ꠓꠋꠉꠤꠀ ꠘꠣꠄ, ꠎꠖꠤ ꠀꠝꠣꠞ ꠓꠋꠉꠤꠀ ꠅꠁꠔꠣ ꠔꠣꠁꠟꠦ ꠟꠦꠋꠐꠣ ꠈꠞꠤ ꠍꠥꠔꠞꠣ ꠟꠣꠉꠣꠁꠀ ꠚꠣꠞꠣ ꠉꠚ ꠢꠤꠇꠣꠁꠟꠣꠝ ꠅꠘꠦ ⁕ ꠛꠣꠍꠤꠍꠁꠘ ꠔꠣꠁꠘ ⁕
