শুরমা ফারর খবর ছিলটি জবানে ছিলটর খবর
Related Articles
ꠓꠣꠈꠣ-ꠍꠤꠟꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠚꠥꠞ) ꠖꠥꠁ ꠛꠠ ꠉꠣꠠꠤꠞ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠎꠦꠉꠔꠤꠇꠦ ꠀꠐꠎꠘꠞ ꠝꠃꠔ ꠅ ꠅꠘ꠆ꠔꠔ ☽0 ꠎꠘ ꠎꠈꠝꠤ
ꠀꠁꠎ ꠛꠤꠀꠘꠦ ꠍꠤꠟꠦꠐꠞ ꠖꠇ꠆ꠇꠤꠘ ꠡꠥꠞꠝꠣꠞ ꠞꠡꠤꠖꠚꠥꠞ ꠄꠟꠣꠇꠣꠔ ꠓꠣꠈꠣ-ꠍꠤꠟꠐ ꠝꠦꠁꠘ ꠞꠣꠍꠔꠣꠔ ꠖꠥꠁ ꠛꠠ ꠉꠣꠠꠤꠞ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠟꠣꠉꠟꠦ ꠀꠐꠎꠘꠞ ꠝꠃꠔ ꠅꠄ ꠀꠞ ꠅꠘ꠆ꠔꠔ ☽0 ꠎꠘ ꠎꠈꠝꠤ ꠅꠀꠞ ꠈꠛꠞ ꠚꠣꠅꠀ ꠉꠦꠍꠦ ⁕
ꠀꠁꠎ Γd/0Γ/Γ0Γ1 ꠡꠥꠇ꠆ꠇꠥꠞꠛꠣꠞ ꠅꠃ ꠖꠥꠞꠊꠐꠘꠣ ꠊꠐꠍꠦ ⁕ ꠎꠣꠘꠣ ꠉꠦꠍꠦ, ꠓꠣꠈꠣ ꠕꠣꠇꠤ ꠍꠣꠠꠤꠀ ꠀꠃꠀ ꠟꠘ꠆ꠒꠘ ꠄꠇ꠆ꠍꠙꠦꠞꠦꠍꠞ ꠄꠈ ꠛꠠ ꠉꠣꠠꠤꠞ ꠟꠉꠦ ꠍꠤꠟꠐ ꠕꠣꠇꠤ ꠍꠣꠠꠤꠀ ꠎꠣꠃꠀ ꠓꠣꠈꠣꠛꠣꠄ ꠄꠘꠣ ꠚꠞꠤꠛꠢꠘꠞ ꠄꠈ ꠛꠠ ꠉꠣꠠꠤꠞ ꠝꠥꠇꠣꠝꠥꠇꠤ ꠐꠇ꠆ꠇꠞ ꠅꠄ, ꠎꠣꠔꠦ ꠖꠄ ꠉꠣꠠꠤꠞ ꠀꠉꠛꠣꠎꠥ ꠜꠣꠋꠉꠤꠀ ꠍꠦꠞꠣꠛꠦꠞꠣ ꠅꠁꠉꠦꠍꠦ ꠀꠞ ꠖꠄ ꠉꠣꠠꠤꠞ ꠒꠣꠁꠛꠣꠞ ꠟꠉꠦ ꠟꠉꠦ ꠝꠣꠞꠣ ꠉꠦꠍꠁꠘ ꠈꠞꠤꠀ ꠔꠣꠘꠤꠅ ꠝꠣꠘꠞ ꠉꠦꠍꠕꠣꠇꠤ ꠢꠥꠘꠣ ꠉꠦꠍꠦ ⁕
ꠖꠥꠞꠊꠐꠘꠣꠞ ꠛꠣꠖꠈꠣꠘꠃ ꠚꠥꠟꠤꠡ ꠉꠤꠀ ꠍꠣꠁꠞꠎꠘꠞ ꠟꠣꠡ ꠃꠖ꠆ꠖꠣꠞ ꠈꠞꠤꠀ ꠄꠝ’ꠄ’ꠎꠤ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎꠞ ꠟꠣꠡꠊꠞꠅ ꠚꠣꠑꠣꠁꠍꠁꠘ ⁕ ꠛꠣꠖꠦ ꠀꠡꠚꠣꠔꠣꠟ ꠘꠦꠃꠀꠞ ꠚꠕꠅ ꠀꠞꠅ ꠡꠣꠔꠎꠘꠞ ꠝꠃꠔ ꠅꠁꠍꠦ ꠈꠞꠤꠀ ꠈꠛꠞ ꠚꠣꠃꠀ ꠉꠦꠍꠦ ⁕
ꠈꠛꠞ ꠢꠥꠘꠣꠞ ꠛꠣꠖꠦ ꠔꠣꠘꠤꠅ ꠅꠈꠟꠞ ꠟꠉꠦ ꠟꠉꠦ ꠚꠥꠟꠤꠡ ꠀꠞ ꠚꠣꠄꠀꠞ ꠍꠣꠞꠜꠤꠍꠞ ꠈꠞꠝꠤ ꠅꠈꠟꠦ ꠃꠖ꠆ꠖꠣꠞ ꠈꠣꠝ ꠍꠣꠟꠣꠁꠍꠁꠘ ⁕
ꠀꠞꠅ ꠎꠣꠘꠣꠉꠦꠍꠦ ꠎꠈꠝꠤꠀ ꠅꠈꠟꠞ ꠝꠣꠏꠦ ꠀꠞꠅ ꠛꠃꠔꠎꠘ ꠄꠈꠛꠣꠞꠦ ꠉꠥꠞꠥꠔꠞ ꠎꠈꠝꠤꠀ ⁕
ꠖꠥꠞꠊꠐꠘꠣꠞ ꠛꠣꠖꠦ ꠓꠣꠈꠣ-ꠍꠤꠟꠐ ꠝꠦꠁꠘ ꠚꠕꠞ ꠉꠣꠠꠤ ꠎꠣꠃꠀ ꠀꠃꠀ ꠈꠔ ꠡꠝꠄ ꠛꠘ꠆ꠖ ꠀꠍ꠆ꠟ, ꠔꠄ ꠅꠘꠦ ꠡꠣꠛꠣꠛꠤꠇ ꠅꠁꠍꠦ ⁕
