Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠀꠝꠞꠣꠞ ꠛꠣꠠꠤ ꠞꠦ ꠜꠣꠁ ꠡꠥꠞꠝꠣ ꠉꠣꠋꠉꠞ ꠚꠣꠞꠅ

ꠀꠝꠞꠣꠞ ꠛꠣꠠꠤ ꠞꠦ ꠜꠣꠁ ꠡꠥꠞꠝꠣ ꠉꠣꠋꠉꠞ ꠚꠣꠞꠅ

ꠉꠤꠔ: ꠀꠝꠞꠣꠞ ꠛꠣꠠꠤ ꠞꠦ ꠜꠣꠁ ꠡꠥꠞꠝꠣ ꠉꠣꠋꠉꠞ ꠚꠣꠞꠅ

ꠟꠦꠈꠞꠣ: ꠝꠔꠤꠃꠞ ꠞꠢꠝꠣꠘ ꠈꠣꠟꠦꠖ [Motiur Rahman Khaled]

ꠀꠝꠞꠣꠞ ꠛꠣꠠꠤ ꠞꠦ ꠜꠣꠁ
ꠡꠥꠞꠝꠣ ꠉꠣꠋꠉꠞ ꠚꠣꠞꠅ
ꠈꠣꠟꠘꠤ ꠝꠘꠥ ꠇꠥꠡꠤꠀꠞꠣ ꠘꠖꠤ
ꠀꠍꠦ ꠢꠣꠅꠞ ꠛꠣꠅꠞ ꠅ ꠅ ꠅ

ꠡꠣꠢꠏꠟꠣꠟ ꠅꠞ ꠡꠣꠢꠚꠞꠣꠘ ꠅꠞ
ꠚꠥꠘ꠆ꠘꠜꠥꠝꠤ ꠁꠇꠣꠘ
ꠃꠍꠣꠃꠍꠣ ꠚꠣꠢꠣꠠ ꠀꠍꠦ
ꠀꠍꠦ ꠍꠣꠞ ꠛꠣꠉꠣꠘ
ꠛꠤꠍꠘꠣꠈꠣꠘ꠆ꠖꠤ ꠀꠍꠦ ꠖꠦꠈꠛꠣꠄ ꠡꠥꠘ꠆ꠖꠞ
ꠎꠣꠚꠟꠋ ꠞꠣꠔꠣꠞꠉꠥꠟꠦ ꠏꠥꠠꠣꠄ ꠅꠘ꠆ꠔꠞ
ꠡꠝꠄ ꠚꠣꠁꠟꠦ ꠊꠥꠞꠤꠀ ꠏꠣꠁꠅ
ꠟꠣꠟꠣꠞꠈꠣꠟꠞ ꠚꠣꠞꠅ

ꠝꠣꠗꠛꠇꠥꠘ꠆ꠒꠞ ꠏꠞꠘꠣ ꠖꠦꠈꠛꠣꠄ
ꠏꠝꠏꠝꠣꠁꠀ ꠚꠠꠦ
ꠟꠣꠃꠀꠍꠠꠣ ꠛꠘꠞ ꠜꠤꠔꠞꠦ
ꠏꠣꠄꠘꠣ ꠈꠦꠃ ꠒꠞꠦ
ꠝꠣꠗꠛꠙꠥꠞ ꠟꠦꠇ ꠀꠞ ꠖꠦꠈꠛꠣꠄ ꠢꠣꠝꠢꠣꠝ
ꠏꠟꠓꠥꠚꠞ ꠀꠘꠣꠞꠡꠞ ꠖꠦꠡ ꠏꠥꠠꠤ ꠘꠣꠝ
ꠢꠣꠈꠣꠟꠥꠇꠤꠞ ꠢꠣꠅꠞ ꠞꠦ ꠜꠣꠁ
ꠖꠦꠈꠤꠅ ꠈꠔ ꠛꠠ

cc: Wikimedia Commons

ꠏꠣꠖꠥꠈꠣꠐꠣ ꠘꠖꠤ ꠖꠦꠈꠛꠣꠄ
ꠐꠣꠋꠉꠥꠀꠞ ꠢꠣꠅꠞ ꠀꠞꠅ
ꠢꠣꠍꠘ ꠞꠣꠍꠣ ꠊꠥꠝꠣꠁ ꠞꠁꠍꠁꠘ
ꠖꠦꠈꠣꠞ ꠢꠣꠅꠞꠞ ꠚꠣꠞꠅ
ꠍꠟꠔꠤ ꠘꠖꠤꠞ ꠚꠣꠘꠤ ꠍꠈꠍꠈ ꠈꠞꠦ
ꠇꠞꠤꠝꠞ ꠉꠣꠘ ꠡꠛꠞ ꠝꠘꠐꠣ ꠜꠞꠦ
ꠘꠣꠅ ꠅꠞ ꠉꠟꠁꠔ ꠛꠁꠀ ꠔꠥꠝꠤ
ꠛꠦꠠꠣꠁꠅ ꠡꠘꠤꠞ ꠢꠣꠅꠞꠅ।

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …