Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠜꠦꠖꠇꠣꠄꠀ ꠙꠥꠕꠤꠞ ꠡꠥꠞꠥꠀꠔ (ꠀꠖꠟꠣ) ; ꠡꠣꠢ ꠍꠥꠚꠤ ꠀꠛꠖꠥꠟ ꠅꠢꠣꠛ ꠌꠃꠗꠥꠞꠤ

ꠜꠦꠖꠇꠣꠄꠀ ꠙꠥꠕꠤꠞ ꠡꠥꠞꠥꠀꠔ (ꠀꠖꠟꠣ) ; ꠡꠣꠢ ꠍꠥꠚꠤ ꠀꠛꠖꠥꠟ ꠅꠢꠣꠛ ꠌꠃꠗꠥꠞꠤ

ꠙꠞꠕꠝꠦ ꠡꠞꠘ ꠇꠞꠤ ꠀꠟꠟꠣ ꠘꠤꠞꠘꠎꠘ

ꠇꠣꠄꠀꠔꠦ ꠌꠦꠔꠘ ꠇꠁꠟꠦ ꠜꠞꠤꠀ ꠙꠛꠘ।।

ꠛꠤꠘ꠆ꠖꠥ ꠎꠟꠦ ꠛꠣꠘ꠆ꠖꠤꠟꠦ ꠇꠦꠝꠘ ꠙꠥꠔꠟꠣ

ꠝꠣꠐꠤꠞ ꠊꠞꠦ ꠞꠥꠢ ꠜꠞꠤ ꠇꠞꠤꠟꠦ ꠃꠎꠣꠟꠣ।।

ꠅꠘ꠆ꠗꠇꠣꠞ ꠜꠣꠋꠉꠤꠟ ꠌꠇ꠆ꠇꠥ ꠖꠣꠘ ꠖꠤꠀ

ꠄ ꠜꠛꠦꠞ ꠞꠋꠉ ꠖꠦꠇꠤ ꠌꠇ꠆ꠇꠥ ꠖꠣꠘ ꠙꠣꠁꠀ।।

ꠇꠞꠘꠅ ꠖꠤꠟ ꠗꠘꠤ ꠡꠛ ꠡꠥꠘꠤꠛꠣꠞ

ꠎꠛꠣꠘ ꠖꠣꠘ ꠍꠤꠞꠎꠤ ꠖꠤꠟ ꠝꠎꠣ ꠛꠥꠏꠤꠛꠣꠞ।

ꠀꠞꠅꠔ ꠍꠤꠚꠣꠔ ꠀꠟꠟꠣꠞ ꠎꠛꠣꠘꠦꠞ ꠝꠣꠏꠣꠞ

ꠎꠛꠣꠘꠦ ꠀꠞ ꠖꠤꠟꠦ ꠢꠄ ꠎꠤꠇꠤꠞ ꠀꠟꠟꠣꠞ।।

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …