ꠛꠃꠔ ꠛꠍꠞ ꠛꠣꠉꠣꠘ ꠅꠛꠍꠔꠣꠄ ꠕꠣꠇꠤꠀ ꠟꠥꠇꠣꠁ ꠟꠥꠇꠣꠁ ꠊꠞꠞ ꠝꠣꠘꠞ ꠈꠛꠞ ꠘꠤꠟꠦꠅ ꠛꠣꠠꠤꠔ ꠀꠁꠀ ꠚꠣꠠꠣ ꠝꠣꠞꠔꠣ ꠚꠣꠞꠍꠂꠘ꠆ꠘꠣ ꠛꠤꠀꠘꠤ ꠛꠣꠎꠣꠞ ꠃꠚꠎꠤꠟꠣꠞ ꠝꠥꠠꠤꠀ ꠁꠘꠤꠅꠘꠞ ꠀꠜꠋꠉꠤ ꠉꠣꠃꠞ ꠡꠚꠞ ꠃꠖ꠆ꠖꠤꠘꠞ ꠚꠥꠀ ꠀꠛꠥꠟ ꠇꠣꠟꠣꠝ ⁕
ꠚꠥꠟꠤꠡꠞ ꠎꠞꠤꠀꠄ ꠎꠣꠘꠣ ꠉꠦꠍꠦ 1999 ꠚꠤꠞꠣꠔ ꠀꠉꠞ ꠛꠤꠞꠥꠗꠞ ꠎꠦꠞ ꠖꠞꠤ ꠍꠣꠍꠣ-ꠜꠣꠔ꠆ꠔꠤꠃꠎꠣꠞ ꠝꠣꠁꠞ ꠈꠞꠣꠞ ꠡꠝꠄ ꠜꠣꠔ꠆ꠔꠤꠃꠎꠣꠞ ꠀꠔ ꠇꠥꠘ ꠅꠁꠘ ꠍꠣꠍꠣ ꠀꠎꠤꠞ ꠃꠖ꠆ꠖꠤꠘ ⁕ ꠁ ꠊꠐꠘꠣꠄ ꠎꠠꠤꠔ ꠜꠣꠔ꠆ꠔꠤꠃꠎꠣꠞ ꠚꠇ꠆ꠇꠞ ৫ ꠎꠘꠞꠦ ꠀꠡꠣꠝꠤ ꠈꠞꠤꠀ ꠛꠤꠀꠘꠤꠛꠣꠎꠣꠞ ꠕꠣꠘꠣꠔ ꠝꠣꠝꠟꠣ ꠈꠞꠣ ꠅꠄ ⁕
ꠚꠥꠟꠤꠡ ꠝꠣꠝꠟꠣꠞ ꠔꠖꠘ꠆ꠔ ꠈꠞꠤꠀ ꠍꠤꠟꠐꠞ ꠀꠖꠣꠟꠔꠅ ꠅꠜꠤꠎꠥꠉꠚꠔ꠆ꠞ ꠖꠣꠇꠤꠟ ꠈꠞꠁꠘ ⁕ ꠄꠞꠛꠣꠖꠦ Γ000 ꠚꠤꠞꠣꠔ ꠔꠣꠞ ꠛꠤꠞꠥꠖ꠆ꠖꠦ ꠀꠖꠣꠟꠔ ꠕꠣꠇꠤ ꠉꠦꠚꠔꠣꠞꠤ ꠚꠞꠥꠀꠘꠣ ꠎꠣꠞꠤ ꠅꠄ ⁕
ꠁ ꠝꠣꠝꠟꠣꠞ (ꠎꠤ’ꠀꠞ-181/99) ꠛꠣꠖꠛꠣꠇꠤ ꠀꠡꠣꠝꠤ ꠅꠈꠟ ꠎꠦꠟ ꠈꠣꠐꠤꠀ ꠛꠣꠞꠂꠍꠂꠘ, ꠀꠞ ꠄꠈꠎꠘ ꠝꠞꠤꠉꠦꠍꠂꠘ ⁕ ꠔꠛꠦ ꠊꠐꠘꠣꠞ ꠚꠞ ꠕꠣꠇꠤ ꠛꠣꠉꠣꠔ ꠀꠍꠟꠣ ꠜꠣꠔ꠆ꠔꠤꠃꠎꠣ ꠀꠛꠥꠟ ꠇꠣꠟꠣꠝ ⁕
ꠎꠣꠘꠣ ꠉꠦꠍꠦ, ꠟꠥꠇꠣꠁꠟ ꠈꠛꠞ ꠚꠣꠁꠀ ꠡꠝꠛꠣꠞ ꠛꠤꠀꠟꠦ ꠛꠠꠟꠦꠈꠣ ꠃꠚꠎꠤꠟꠣꠞ ꠛꠤꠍꠞꠣꠛꠘ꠆ꠖ ꠄꠟꠣꠇꠣꠞ ꠡꠥꠞꠝꠣ ꠒꠝꠈꠣ ꠔꠘꠦ ꠇꠣꠟꠣꠝꠞꠦ ꠉꠦꠚꠔꠣꠞ ꠈꠞꠣ ꠅꠄ ⁕ ꠍꠤꠟꠐꠞ ꠄꠒꠤꠡꠘꠣꠟ ꠚꠥꠟꠤꠡ ꠡꠥꠙꠣꠞ (ꠎꠇꠤꠉꠁꠘ ꠍꠣꠞꠇꠦꠟ) ꠡꠥꠖꠤꠙ꠆ꠔ ꠞꠣꠄ ꠀꠞ ꠅꠚꠤꠍꠣꠞ ꠁꠘꠌꠣꠞꠎ (ꠅꠍꠤ) ꠢꠤꠟ꠆ꠟꠥꠟ ꠞꠣꠄ’ꠞ ꠘꠤꠞꠖꠦꠡꠘꠣꠄ ꠇꠣꠟꠣꠝꠞꠦ ꠉꠦꠚꠔꠣꠞ ꠈꠞꠍꠂꠘ ꠛꠤꠀꠘꠤꠛꠣꠎꠣꠞ ꠕꠣꠘꠣꠞ ꠄ’ꠄꠍ’ꠀꠁ ꠎꠤꠔꠥ ꠝꠤꠀ ⁕
ꠛꠤꠀꠘꠤꠛꠣꠎꠣꠞ ꠕꠣꠘꠣꠞ ꠅꠚꠤꠍꠣꠞ ꠁꠘꠌꠣꠞꠎ (ꠅꠍꠤ) ꠢꠤꠟ꠆ꠟꠥꠟ ꠞꠣꠄ ꠈꠂꠍꠂꠘ, ꠀꠖꠣꠟꠔꠅ ꠁ ꠝꠣꠝꠟꠣꠞ ꠛꠤꠍꠣꠞ ꠍꠟꠦꠞ ⁕ ꠀꠝꠞꠣ ꠉꠦꠚꠔꠣꠞꠤ ꠚꠞꠥꠀꠘꠣꠞ ꠜꠤꠔ꠆ꠔꠤꠔꠦ ꠀꠡꠣꠝꠤ ꠉꠦꠚꠔꠣꠞ ꠈꠞꠍꠤ ⁕