শুরমা ফারর খবর ছিলটি জবানে ছিলটর খবর
Related Articles
ꠒꠣꠟꠥꠞ ꠛꠃꠄ ꠏꠣꠝꠣꠁꠞ ꠐꠦꠈꠣ ꠈꠞꠍ ꠈꠞꠤ ꠛꠣꠚꠞ ꠛꠣꠠꠤꠞ ꠘꠣꠝ ꠚꠑꠇꠣꠄ 🤔
ꠒꠣꠟꠥꠞ ꠛꠃꠄ ꠛꠣꠚꠞ ꠛꠣꠠꠤꠔ ꠉꠦꠟꠦ ꠅꠞ꠆ꠕꠣꠔ ꠘꠣꠁꠅꠞ ꠉꠦꠟꠦ ꠀꠅꠀꠞ ꠡꠝꠄ ꠢꠣꠠꠤ, ꠛꠦꠟꠣꠃꠏ, ꠍꠦꠘ꠆ꠒꠦꠟ ꠡꠢ ꠀꠛꠤꠏꠣꠛꠤ ꠀꠞꠧ ꠛꠃꠔ ꠈꠞꠍꠚꠣꠔꠤ ꠈꠞꠤꠀ ꠀꠘꠁꠘ⁕ ꠛꠠ ꠉꠥꠀꠟ ꠝꠣꠍꠞ ꠚꠦꠐꠤ ꠜꠣꠏꠣ ꠖꠤꠀ, ꠖꠦꠡꠤ ꠒꠤꠝꠥꠠꠣ ꠝꠥꠞꠉꠤꠞ ꠉꠥꠡ꠆ꠔ ꠜꠥꠘꠣꠞ ꠟꠉꠦ ꠛꠤꠞꠁꠘ ꠜꠣꠔꠞ ꠝꠍꠣꠅ ꠀꠘꠁꠘ ⁕ ꠢꠞꠥꠔꠣꠞ ꠟꠣꠉꠤ ꠚꠦꠘ꠆ꠐ ꠡꠣꠞ꠆ꠐ ꠡꠢ ꠒꠣꠟꠥꠞ ꠟꠣꠉꠤꠅ ꠔꠚꠘ ꠄꠈ ꠈꠣꠘ ꠀꠘꠁꠘ⁕
ꠏꠣꠘꠁꠘꠤ?
ꠒꠣꠟꠥꠞ ꠛꠃꠄ ꠁꠔꠣ ꠈꠣꠞ ꠐꠦꠈꠣ ꠖꠤꠀ ꠈꠞꠍ ꠈꠞꠁꠘ?
ꠘꠣ ꠏꠣꠘꠁꠘꠘꠣ⁕
ꠏꠣꠘꠔꠣ’ꠃꠛꠣ ꠇꠤꠟꠣꠘ? ꠔꠣꠞꠣ ꠏꠖꠤ ꠇꠥꠘꠉꠥꠄ ꠘꠣ ꠈꠁꠘ⁕
-ꠒꠣꠟꠥꠞ ꠛꠃꠄ ꠛꠣꠚꠞ ꠛꠣꠠꠤ ꠕꠣꠇꠤ ꠀꠁꠀ ꠈꠁꠛꠣ, ꠀꠛ꠆ꠛꠣꠄ ꠗꠣꠘ ꠛꠦꠍꠤꠀ ꠁꠔꠣ ꠟꠁꠀ ꠖꠤꠍꠁꠘ⁕
ꠚꠞꠔꠦꠈ ꠛꠣꠞ, ꠘꠣꠁꠅꠞ ꠉꠦꠟꠦꠅ ꠅꠟꠣꠘ ꠈꠞꠍꠚꠣꠔꠤ ꠀꠄ, ꠏꠦꠈꠘꠣꠁꠘ ꠒꠣꠟꠥꠞ ꠢꠃꠠꠦ ꠗꠣꠘ ꠛꠦꠍꠤꠀ ꠖꠤꠍꠁꠘ⁕
ꠛꠃꠔ ꠍꠤꠘ꠆ꠔꠣ ꠗꠣꠞꠣ ꠈꠞꠤꠀ, ꠒꠣꠟꠥꠄ ꠁ ꠛꠍꠞ ꠗꠣꠘ ꠈꠦꠔ ꠈꠞꠍꠦꠘꠣ, ꠏꠝꠤ ꠛꠣꠘ꠆ꠗꠣ ꠖꠤꠟꠣꠁꠍꠦ⁕
ꠒꠣꠟꠥꠞ ꠏꠝꠤ ꠝꠤꠞꠣꠡ ꠛꠣꠘ꠆ꠗꠣ ꠖꠦꠅꠀꠞ ꠛꠣꠖꠦ ꠏꠣ ꠅꠃꠀꠞ ꠔꠣ ꠅꠁꠍꠦ⁕ ꠅꠞ꠆ꠕꠣꠔ ꠁꠛꠣꠞꠇꠥꠞ ꠚꠥꠞꠣꠐꠣ ꠛꠍꠞ ꠀꠉꠘ ꠝꠣꠁꠀ, ꠜꠣꠖꠧ ꠝꠣꠁꠀ, ꠁꠍꠔꠣꠞꠤ ꠢꠈꠟꠔꠣ ꠛꠘ꠆ꠗ ꠅꠁꠉꠦꠍꠦ⁕
ꠝꠣꠄꠀꠞ ꠚꠣꠑꠇ,
ꠁꠔꠣ ꠡꠥꠗꠥ ꠒꠣꠟꠥꠞ ꠛꠃꠄ ꠈꠞꠦ ꠘꠤ? ꠘꠣ ꠀꠞꠧ ꠀꠍꠁꠘ…
