ꠃꠑ ꠚꠔꠣ ꠈꠣꠅ [উঠো ফতা খাও]
ꠄ ꠄꠍ ꠌꠃꠗꠥꠞꠤ [এ এস চৌধুরী]
ꠃꠑ-ꠞꠦ ꠜꠣꠁ, ꠃꠑ-ꠞꠦ ꠛꠁꠘ
ꠈꠣꠅ-ꠞꠦ ꠔꠥꠝꠞꠣ ꠚꠔꠣ,
ꠝꠍꠤꠖ ꠕꠣꠇꠤ ꠒꠣꠇꠤꠞꠣ ꠎꠦ
ꠢꠥꠘꠞꠣꠄ ꠘꠤ— ꠢꠤ ꠈꠕꠣ?
ꠘꠣꠁꠞꠦ ꠡꠝꠄ ꠜꠣꠁ ꠛꠁ’ꠘꠦꠞꠣ
ꠈꠁꠞꠣ ꠝꠥꠀꠎ꠆ꠎꠤꠘꠦ,
ꠈꠣꠁꠀ-ꠖꠣꠁꠀ ꠝꠍꠤꠖꠅ ꠀꠅ
ꠀꠟ꠆ꠟꠣꠢ ꠞꠍꠥꠟ ꠍꠤꠘꠦ—
ꠎꠤꠇꠤꠞ ꠈꠞꠅ ꠇꠥꠞꠣꠘ ꠚꠠꠅ
ꠕꠣꠈꠅ ꠄꠛꠣꠖꠔꠦ,
ꠇꠑꠤꠘ ꠢꠣꠡꠞ ꠡꠢꠎ ꠅꠁꠛ
ꠘꠣ ꠀꠐꠇꠤꠛꠣ ꠚꠕꠦ—
ꠢꠣꠞꠣ ꠎꠤꠛꠘ ꠊꠥꠝꠣꠁ-ꠟꠣꠄ-ꠔ
ꠀꠁꠟ-ꠡꠦꠝꠤ ꠈꠞꠤ,
ꠀꠡꠟ ꠊꠥꠝ ꠔ ꠈꠄ-ꠛ’ꠞꠦꠔꠦ
ꠎꠈꠘ ꠎꠣꠁꠛꠣ ꠝꠞꠤ —
ꠔꠈꠘ ꠔ ꠀꠞ ꠒꠣꠈꠣꠞ ꠝꠣꠘꠥꠡ
ꠚꠣꠁꠔꠣꠄ ꠘꠣꠞꠦ ꠇꠥꠎꠤ,
ꠎꠤꠘ꠆ꠖꠦꠉꠤꠐꠣ ꠕꠣꠈꠔꠦ ꠞꠦ ꠜꠣꠁ
ꠉꠠꠤꠀ ꠟꠅ ꠚꠥꠘꠎꠤ॥