1৩ ꠝꠣꠞ꠆ꠌ ꠓꠣꠈꠣ ꠜꠣꠞꠍꠤꠐꠤꠞ (ꠓꠣꠜꠣ) ꠀꠁꠘ ꠛꠤꠜꠣꠉꠞ ꠚꠞꠥꠀꠁꠘ꠆ꠔꠦ ‘ꠙ꠆ꠞꠒꠣꠇ꠆ꠐꠤꠜ ꠞꠝꠣꠖꠣꠘ ꠍꠣꠋꠉꠤꠘꠣꠝꠦ ꠄꠉꠥ ꠍꠦꠝꠤꠘꠣꠞꠞ ꠁꠘ꠆ꠔꠦꠎꠣꠝ ꠈꠞꠟꠦ ꠡꠣꠢꠛꠣꠉ ꠕꠣꠘꠣ ꠍꠣꠔ꠆ꠞꠟꠤꠉꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠔꠣꠅꠢꠤꠖꠥꠟ ꠁꠍꠟꠣꠝ ꠡꠥꠎꠘ ꠀꠞ ꠓꠣꠜꠣ ꠍꠣꠔ꠆ꠞꠟꠤꠉ ꠍꠦꠇ꠆ꠞꠦꠐꠣꠞꠤ ꠡꠂꠇꠔꠞ ꠢꠥꠇꠥꠝꠦꠍꠟꠣꠁꠘ꠆ꠔꠞ ꠘꠦꠔꠣꠉꠤꠞꠤꠄ ꠢꠣꠝꠟꠣ ꠈꠞꠤꠀ ꠔꠣꠞꠣꠞꠦ ꠛꠦꠡꠦꠛꠣ ꠎꠈꠝ ꠈꠞꠤꠟꠣꠄ ⁕ ꠛꠣꠖꠦ ꠁ ꠢꠣꠝꠟꠣꠞ ꠚꠔꠤꠛꠣꠖꠦ ꠓꠣꠜꠣꠞ ꠀꠁꠘ ꠛꠤꠜꠣꠉꠞ ꠡꠣꠗꠣꠞꠘ ꠚꠞꠥꠀꠁꠘ꠆ꠔꠦ ꠄꠈ ꠝꠣꠘꠥꠟꠋꠉꠞ ꠀꠞ ꠒꠤꠍꠤ ꠛꠞꠣꠛꠞ ꠄꠈ ꠁꠀꠖꠘꠣꠝꠣ ꠚꠣꠐꠣꠄ ⁕ ꠒ. ꠀꠍꠤꠚ ꠘꠎꠞꠥꠟꠦ ꠎꠣꠘꠣꠁꠘ ꠡꠤꠛꠤꠞ ꠐꠦꠉ ꠖꠤꠀ ꠚꠞꠥꠀꠁꠘ꠆ꠔꠞꠦ ꠢꠣꠝꠟꠣ ꠚꠃꠎꠖꠣꠞꠤ ꠅꠚꠞꠣꠗ ⁕
ꠀꠞꠛꠣꠄ ꠀꠞꠇꠥꠘꠥ ꠝꠣꠡ꠆ꠐꠞꠈꠟꠞꠦ ꠘꠣ ꠖꠦꠈꠣ ꠉꠦꠟꠦꠅ ꠡꠣꠗꠣꠞꠘ ꠚꠞꠥꠀꠁꠘ꠆ꠔꠞ ꠟꠉꠦ ꠡꠣꠝꠤꠟ ꠅꠁꠀ ꠚꠔꠤꠛꠣꠖ ꠈꠞꠂꠘ ꠒ. ꠀꠍꠤꠚ ꠘꠎꠞꠥꠟꠦ ⁕ ꠎꠦꠝꠟꠣꠘ ꠔꠣꠁꠘ ꠁ ꠡꠘ꠆ꠒꠣꠝꠤ ꠊꠐꠘꠣꠞ ꠛꠣꠖꠦ ꠔꠣꠘ ꠚꠦꠍꠛꠥꠇ ꠀꠁꠒꠤ ꠔꠘꠦ ꠟꠣꠝ꠆ꠙꠣ ꠄꠈꠣꠘ ꠙꠥꠡ꠆ꠐ ꠖꠤꠀ ꠟꠤꠝ ꠖꠤꠍꠟꠣ—
‘ꠀꠁꠎꠇꠥ ꠇꠤꠔꠣ ꠅꠁꠉꠦꠟ ꠓꠣꠈꠣ ꠜꠣꠞꠍꠤꠐꠤꠔ?
ꠓꠣꠈꠣ ꠜꠣꠞꠍꠤꠐꠤꠞ ꠛꠋꠉꠛꠘ꠆ꠗꠥ ꠐꠣꠅꠀꠞ ꠍꠣꠈꠞꠤꠀꠘꠈꠟꠞ ꠖꠣꠄ ꠛꠞꠣꠖ꠆ꠖꠚꠣꠃꠀ ⁕ ꠅꠁꠟꠦꠅ, ꠞꠃꠀꠞ ꠡꠋꠇꠐꠞ ꠖꠣꠄ ꠁꠘ ꠞꠣꠎ꠆ꠎꠤꠞ ꠚꠞꠥꠀꠁꠘ ꠜꠣꠠꠣ ꠕꠣꠈꠂꠘ ⁕ ꠎꠦꠘꠔꠣꠘꠞ ꠄꠉꠥ ꠅꠋꠡ ꠃ ꠅꠁꠟꠣ ꠀꠁꠘ ꠛꠤꠜꠣꠉꠞ ꠚꠞꠥꠀꠁꠘ ⁕
ꠞꠥꠎꠣꠞ ꠝꠣꠡ (1৩ ꠝꠣꠞ꠆ꠌ) ꠀꠁꠎꠇꠥ ꠔꠣꠞꠣ ꠈꠈꠎꠘꠞ ꠃꠖ꠆ꠖꠥꠉꠦ ‘ꠙ꠆ꠞꠒꠣꠇ꠆ꠐꠤꠜ ꠞꠝꠖꠣꠘ’ ꠘꠣꠝꠦ ꠗꠞ꠆ꠝꠤꠅ ꠡꠜꠣ ꠁꠘ꠆ꠔꠦꠎꠣꠝꠞ ꠈꠕꠣ ꠀꠍꠤꠟ ꠐꠣꠅꠀꠞ ꠁꠇꠐꠣꠞ ꠝꠌ꠆ꠌꠤꠖ ⁕ ꠇꠤꠘ꠆ꠔꠥꠇ ꠢꠤꠇꠣꠘꠞ ꠡꠝꠤꠔꠤꠄ ꠔꠣꠞꠣꠞꠦ ꠡꠣꠄ ꠘꠣ ꠖꠤꠟꠦ ꠔꠣꠞꠣ ꠐꠣꠅꠀꠞ ꠔꠘꠦ ꠛꠣꠞꠂꠀ ꠎꠣꠄ ꠉꠤꠀ ⁕
ꠁ ꠛꠣꠟꠣ ꠝꠐꠞꠍꠣꠁꠇꠦꠟ ꠖꠤꠀ ꠀꠃꠀ ꠍꠣꠔ꠆ꠞꠟꠤꠉꠞ ꠈꠈ ꠘꠦꠔꠣꠈꠞ꠆ꠝꠤꠄ ꠔꠣꠞꠣꠞ ꠃꠚꠞꠦ ꠍꠣꠚꠦ ꠢꠣꠝꠟꠣ ꠈꠞꠦ ⁕ ꠎꠦꠈꠐꠣꠄ ꠀꠁꠘ ꠛꠤꠜꠣꠉꠞ ꠚꠞꠥꠀ ꠞꠣꠍꠦꠟ ꠀꠞ ꠔꠥꠞ꠆ꠎ ꠡꠢ ꠈꠈꠎꠘ ꠎꠈꠝ ꠅꠄ, ꠞꠣꠍꠦꠟꠞ ꠀꠍ꠆ꠔꠣ ꠝꠥꠇ ꠛꠦꠔꠣꠁꠀ ꠞꠈ꠆ꠔꠣꠈ꠆ꠔ ꠅꠁꠎꠣꠄ ⁕
ꠁ ꠎꠣꠟꠤꠝꠤ ꠢꠣꠝꠟꠣꠞ ꠇꠥꠘꠥ ꠛꠤꠍꠣꠞ ꠅꠁꠛ ꠈꠞꠤꠀ ꠝꠘ ꠅꠄ ꠘꠣ ⁕ ꠃꠟ꠆ꠐꠣ ꠄꠞ ꠝꠣꠏꠦꠃ ꠍꠣꠔ꠆ꠞꠟꠤꠉꠞ ꠈꠦꠃꠈꠦꠃ ꠈꠃꠀ ꠡꠥꠞꠥ ꠈꠞꠤꠟꠍꠦ ꠎꠦ ꠜꠤꠇꠐꠤꠝꠈꠟꠦ ‘ꠡꠤꠛꠤꠞ’ ꠈꠞꠦ ⁕ ꠎꠔꠈꠣꠘ ꠎꠣꠘꠟꠣꠝ, ꠁꠇꠣꠘ ꠗꠥꠝ ꠀꠘ꠆ꠖꠥ ꠛꠄꠀꠘ ꠄꠈꠣꠘ ⁕ ꠔꠄ ꠁ ꠀꠘ꠆ꠖꠥ ꠐꠦꠉ ꠟꠣꠉꠣꠁꠀ ꠎꠥꠟꠥꠝꠤꠞꠦ ꠚꠣꠔꠟꠣꠘꠤ ꠇꠤ ꠎꠣꠁꠎ ꠈꠞꠛꠣꠞ ꠞꠣꠎꠘꠤꠔꠤ ꠁꠖꠦꠡꠅ ꠘꠄꠀ ꠇꠥꠘꠔꠣ ꠘꠣꠄ ⁕ ꠉꠦꠍꠦ ꠖꠡ-ꠛꠣꠞ ꠚꠤꠞꠣ ꠁ ꠞꠣꠎꠘꠤꠔꠤꠞ ꠡꠤꠇꠣꠞ ꠅꠁꠍꠦ ꠛꠤꠞꠥꠗꠤ ꠖꠟꠞ ꠛꠃꠔ ⁕
—————–
ꠅꠃꠇ ꠎꠦꠍꠣꠔꠣ, ꠍꠣꠔ꠆ꠞꠟꠤꠉ, ꠜꠣꠞꠍꠤꠐꠤ ꠚꠡꠣꠡꠘ, ꠖꠦꠡꠞ ꠛꠤꠍꠣꠞ ꠛꠦꠛꠍ꠆ꠕꠣ- ꠀꠚꠘꠣꠁꠘ꠆ꠔꠞ ꠐꠣꠁꠘ ꠝꠞ ꠔꠥꠞꠣ ꠍꠥꠀꠟ ꠀꠍꠦ⁕
1) ꠝꠣꠁꠞꠈꠣꠃꠞꠣꠁꠘ꠆ꠔ ꠎꠥꠖꠤꠘ ꠢꠣꠍꠣꠃ ꠡꠤꠛꠤꠞ-ꠅꠞ ꠡꠖꠂꠡ꠆ꠡꠅ ꠅꠁꠔ, ꠔꠣꠞꠣꠞ ꠇꠤꠔꠣ ꠗꠞ꠆ꠝ ꠚꠣꠟꠘꠞ ꠡꠣꠋꠛꠤꠗꠣꠘꠤꠇ ꠅꠗꠤꠇꠣꠞ ꠘꠣꠁ ꠘꠤ? ꠗꠞ꠆ꠝꠤꠅ ꠝꠣꠢꠚꠤꠟ ꠈꠞꠣꠞ ꠉꠔꠤꠇꠦ ꠔꠣꠞꠣꠞꠦ ꠝꠣꠁꠞ ꠈꠣꠃꠀ ꠟꠣꠉꠛ- ꠁꠇꠣꠘ ꠇꠤꠔꠣ ꠖꠦꠡꠞ ꠡꠋꠛꠤꠗꠣꠘ ꠇꠤ ꠇꠥꠘ ꠀꠁꠘ ꠅꠞ ꠝꠣꠏꠦ ꠀꠍꠦ?
Γ) ꠈꠦꠉꠉꠦ ꠡꠤꠛꠤꠞ ꠈꠞꠦ, ꠇꠤ ꠎꠋꠉꠤ ꠡꠋꠉꠑꠘꠞ ꠡꠖꠂꠡ꠆ꠡ ꠓꠣꠟꠣꠅꠜꠣꠛꠦ ꠁ ꠘꠣꠟꠤꠡ ꠈꠞꠤꠀ ꠝꠣꠁꠞꠗꠂꠞꠞ ꠅꠗꠤꠇꠣꠞ ꠇꠤꠔꠣ ꠍꠣꠔ꠆ꠞꠟꠤꠉꠞꠦ ꠈꠦꠃ ꠖꠤꠍꠦ ꠘꠤ? ꠎꠥꠖꠤꠘ ꠅ ꠖꠤꠀ ꠕꠣꠈꠦ, ꠔꠦ ꠇꠤꠔꠣ ꠁꠔꠣ ꠀꠘꠣꠝꠔ ꠃ ꠛꠦꠀꠁꠘꠤ ꠘꠣꠄ ꠘꠤ?
৩) ꠉꠦꠎꠦ ꠈꠈꠚꠤꠞꠣ ꠗꠞꠤ ꠍꠣꠔ꠆ꠞ ꠅꠗꠤꠇꠣꠞ, ꠍꠣꠔ꠆ꠞꠖꠟ, ꠍꠣꠔ꠆ꠞ ꠁꠃꠘꠤꠅꠘ, ꠛꠣꠡꠖꠞ ꠛꠃꠔꠞꠦꠅ ꠚꠤꠐꠤꠍꠦ ꠍꠣꠔ꠆ꠞꠟꠤꠉꠦ ⁕ ꠎꠣꠞꠦ ꠇꠥꠡꠤ ꠚꠤꠐꠣꠘꠤꠞ ꠅꠗꠤꠇꠣꠞ ꠖꠦꠡꠞ ꠚꠥꠟꠤꠡꠞ ꠃ ꠘꠣꠁ, ꠍꠣꠔ꠆ꠞꠟꠤꠉꠞꠅ ꠕꠣꠈꠣꠞ ꠡꠝ꠆ꠜꠣꠛꠘꠣ ꠘꠣꠁ ⁕ ꠔꠦ ꠖꠥꠘ ꠄꠈꠦꠞ ꠚꠞ ꠄꠈ ꠁꠔꠣ ꠚꠃꠎꠖꠣꠞꠤ ꠅꠚꠞꠣꠗꠞ ꠟꠣꠉꠤ ꠙ꠆ꠞꠣꠄ 90 ꠛꠣꠐ ꠈꠦꠔ꠆ꠞꠦ ꠔꠣꠞꠣꠞ ꠇꠥꠘꠥ ꠛꠤꠍꠣꠞ ꠈꠞꠣ ꠅꠞ ꠘꠣ?
ꠀꠞꠈꠣꠘ ꠚꠍ꠆ꠘ ꠡꠛꠞ ꠖꠣꠄ ⁕ ꠀꠝꠞꠣꠞ ꠀꠁꠘ ꠛꠤꠜꠣꠉꠞ ꠚꠥꠀꠁꠘ꠆ꠔꠞꠦ ꠇꠤꠔꠣ ꠢꠣꠍꠣꠃ ꠡꠤꠛꠤꠞ ꠜꠣꠛꠤꠀ ꠝꠣꠞꠣ ꠅꠃꠍꠦ, ꠘꠣ ꠗꠞ꠆ꠝꠍꠞ꠆ꠍꠣꠞ ꠈꠣꠞꠘꠦ? ꠎꠥꠖꠤꠘ ꠁꠟꠣꠘ ꠅꠄ ꠔꠦ ꠁꠔꠣ ꠇꠤꠔꠣꠞ ꠞꠣꠎꠘꠤꠔꠤ, ꠁꠔꠣꠞ ꠀꠡꠟ ꠝꠔꠟꠛ ꠃ ꠛꠣ ꠇꠤꠔꠣ?
————-
ꠒꠞꠜꠄ ꠚꠣꠟꠣꠁꠀ ꠅꠁꠟꠦꠅ ꠞꠣꠍꠦꠟ ꠁꠔꠣꠞꠦ ꠚꠤꠐꠣꠞ ꠚꠔꠤꠛꠣꠖ ꠀꠁꠘ ꠛꠤꠜꠣꠉꠞ ꠟꠉꠦꠚꠞꠥꠀꠁꠘ꠆ꠔꠦ ꠈꠞꠍꠦ ⁕ ꠔꠄ ꠈꠣꠟꠤ ꠀꠁꠘ ꠛꠤꠜꠣꠉ ꠘꠤ, ꠓꠣꠜꠣꠞ ꠡꠛ ꠚꠞꠥꠀꠁꠘ꠆ꠔꠞ ꠃꠍꠤꠔ ꠁꠔꠣ ꠢꠣꠝꠟꠣꠞ ꠎꠥꠁꠔꠦꠎꠣꠟꠣꠄ ꠚꠔꠤꠛꠣꠖ ꠈꠞꠣ ⁕ ꠡꠛ ꠝꠣꠡ꠆ꠐꠞꠈꠟꠞ ꠅ ꠔ ꠀꠞꠅ ꠛꠦꠡꠤ ꠈꠞꠤꠀ ꠃꠍꠤꠔ ⁕
ꠔꠣꠞꠣ ꠈꠦꠃ ꠎꠥꠖꠤ ꠘꠣ ꠈꠞꠦ, ꠔꠦ ꠝꠥꠁ ꠈꠞꠝꠥ ⁕
ꠀꠞ ꠎꠛꠣꠘ ꠖꠤꠞꠣꠝ, ꠜꠛꠤꠡ꠆ꠡꠔꠦ ꠍꠣꠔ꠆ꠞꠟꠤꠉ ꠄꠈꠖ꠆ꠖꠤꠘ ꠜꠤꠇ꠆ꠐꠤꠝ ꠅꠁꠟꠦ ꠁꠔꠣꠞꠅ ꠚꠔꠤꠛꠣꠖ ꠈꠞꠝꠥ ꠅꠟꠣꠘ ⁕’