Home / ꠖꠦꠡꠞ ꠈꠛꠞ / ‘ꠙ꠆ꠞꠒꠣꠇ꠆ꠐꠤꠜ ꠞꠝꠣꠖꠣꠘ’ ꠍꠣꠋꠉꠤꠘꠣꠝꠦ ꠍꠦꠝꠤꠘꠣꠞꠅ ꠍꠣꠔ꠆ꠞꠟꠤꠉꠞ ꠢꠣꠝꠟꠣ

‘ꠙ꠆ꠞꠒꠣꠇ꠆ꠐꠤꠜ ꠞꠝꠣꠖꠣꠘ’ ꠍꠣꠋꠉꠤꠘꠣꠝꠦ ꠍꠦꠝꠤꠘꠣꠞꠅ ꠍꠣꠔ꠆ꠞꠟꠤꠉꠞ ꠢꠣꠝꠟꠣ

ꠢꠣꠝꠟꠣꠞ ꠡꠤꠇꠣꠞ ©ꠔꠥꠛꠣꠁꠟ

ꠉꠦꠍꠦꠈꠣꠁꠟ ꠛꠥꠗꠛꠣꠞ (1৩ ꠝꠣꠞ꠆ꠌ) ꠖꠥꠁꠚꠞ ꠚꠘꠦ ꠖꠥꠁꠐꠣ ꠛꠣꠄ ꠓꠣꠜꠣꠞ ꠀꠁꠘ ꠛꠤꠜꠣꠉꠞ ꠚꠞꠥꠀꠁꠘ꠆ꠔꠦ ‘ꠙ꠆ꠞꠒꠣꠇ꠆ꠐꠤꠜ ꠞꠝꠣꠖꠣꠘ [প্রোডাক্টিভ রমাদান]’ ꠍꠣꠋꠉꠤꠘꠣꠝꠦ ꠚꠛꠤꠔ꠆ꠞ ꠝꠣꠢꠦ ꠞꠝꠎꠣꠘꠞꠦ ꠈꠣꠝꠅ ꠟꠣꠉꠣꠁꠀ ꠀꠟ꠆ꠟꠣꠞ ꠖꠤꠖꠣꠞ ꠟꠣꠜ, ꠅꠘ꠆ꠔꠞ ꠔꠣꠇꠅꠀ ꠚꠄꠖꠣ, ꠁꠍꠟꠣꠝꠤ ꠁꠟꠤꠝ ꠀꠞ ꠡꠛꠎꠣꠔꠤ ꠚꠍ꠆ꠔꠥꠔꠤꠞ ꠛꠤꠡꠄ ꠄꠉꠥ ꠍꠦꠝꠤꠘꠣꠞꠞ ꠁꠘ꠆ꠔꠦꠎꠣꠝ ꠈꠞꠍꠤꠟ ꠔꠣꠞꠣ ⁕ ꠛꠋꠉꠛꠘ꠆ꠗꠥ ꠐꠣꠅꠀꠞ ꠝꠌ꠆ꠌꠤꠖꠅ ꠏꠥꠢꠞꠞ ꠘꠝꠣꠎꠞ ꠛꠣꠖꠦ ꠁꠇꠐꠣ ꠡꠥꠞꠥ ꠅꠁꠟꠦ ꠀꠟꠥꠍꠘꠣ ꠍꠟꠣꠈꠣꠟꠤꠘ ꠡꠣꠢꠛꠣꠉ ꠕꠣꠘꠣ ꠍꠣꠔ꠆ꠞꠟꠤꠉꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠔꠣꠅꠢꠤꠖꠥꠟ ꠁꠍꠟꠣꠝ ꠡꠥꠎꠘ ꠀꠞ ꠓꠣꠜꠣ ꠍꠣꠔ꠆ꠞꠟꠤꠉ ꠍꠦꠇ꠆ꠞꠦꠐꠣꠞꠤ ꠡꠂꠇꠔꠞ ꠢꠥꠇꠥꠝꠦꠍꠟꠣꠁꠘ꠆ꠔꠞ ꠘꠦꠔꠣꠉꠤꠞꠤꠄ ꠢꠣꠝꠟꠣ ꠡꠥꠞꠥ ꠅꠄ ⁕ ꠢꠣꠝꠟꠣꠔ ꠘꠦꠔꠣꠉꠤꠞꠤ ꠈꠞꠣ ꠍꠣꠔ꠆ꠞꠟꠤꠉ ꠘꠦꠔꠣ ꠡꠥꠎꠘ ꠓꠣꠈꠣ ꠝꠢꠣꠘꠉꠞ ꠖꠇ꠆ꠇꠤꠘ ꠡꠣꠈꠣ ꠍꠣꠔ꠆ꠞꠟꠤꠉꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠡꠎꠟ ꠇꠥꠘ꠆ꠒꠥꠞ ꠢꠥꠇꠥꠝꠦꠍꠟ꠆ꠞꠣ ꠀꠞ ꠕꠣꠘꠤꠅꠜꠣꠛꠦ ‘ꠐꠥꠇꠣꠁ ꠘꠦꠔꠣ’ ꠘꠣꠝꠦ ꠚꠞꠤꠍꠤꠔ ⁕ ꠍꠣꠔ꠆ꠞꠟꠤꠉꠞ ꠔꠥꠞꠣ ꠡꠘ꠆ꠔ꠆ꠞꠣꠡꠤꠘ꠆ꠔꠦ ꠛꠦꠇꠥꠝꠣꠞ ꠟꠣꠈꠣꠘ ꠢꠣꠝꠟꠣ ꠍꠣꠟꠣꠁꠀ ꠚꠞꠥꠀꠁꠘ꠆ꠔꠞꠦ ꠛꠦꠡꠦꠛꠣ ꠎꠈꠝ ꠈꠞꠤꠟꠣꠄ ⁕ ꠁ ꠊꠐꠘꠣꠄ ꠅꠘ꠆ꠔꠔ V ꠎꠘ ꠚꠞꠥꠀꠁꠘ꠆ꠔꠦ ꠡꠣꠋꠊꠣꠔꠤꠇ ꠍꠐ ꠚꠣꠁꠟꠣꠁꠘ ⁕ ꠄꠘꠔꠣꠘꠞ ꠝꠣꠏꠦ ৩ ꠎꠘꠞ ꠅꠛꠍ꠆ꠕꠣ ꠛꠦꠉꠔꠤꠇ ⁕ ꠎꠦꠔꠣ ꠊꠐꠘꠣꠞ ꠘꠣꠘꠣꠘ ꠍꠤꠍꠤꠐꠤꠜꠤ ꠚꠥꠐꠦꠎ ꠜꠣꠁꠞꠣꠟ ꠅꠄ ꠚꠞꠦ ⁕ ꠁ ꠎꠣꠟꠤꠝꠤ ꠊꠐꠘꠣꠞ ꠛꠣꠖꠦ ꠡꠣꠞꠣꠖꠦꠡꠅ ꠎꠘꠞꠥꠡ ꠖꠦꠈꠣ ꠖꠦꠄ ⁕ ꠝꠣꠘꠡꠦ ꠙꠥꠡ꠆ꠐ ꠈꠞꠤꠀ ꠎꠣꠘꠣꠁꠘ, ꠓꠣꠈꠣ ꠜꠣꠞꠍꠤꠐꠤꠞ ꠍꠣꠈꠞꠤꠀꠘꠈꠟꠞ ꠕꠣꠈꠣꠞ ꠖꠟꠣꠘꠅ ꠛꠋꠉꠛꠘ꠆ꠗꠥ ꠐꠣꠅꠀꠞꠞ ꠝꠍꠎꠤꠖꠞ ꠄꠈ ꠇꠥꠘꠣꠔ ꠀꠔꠦꠉꠘꠣ ꠈꠈꠎꠘ ꠚꠞꠥꠀꠄ ꠞꠝꠎꠣꠘ ꠟꠁꠀ ꠀꠟꠥꠍꠘꠣ ꠈꠞꠍꠤꠟ, ꠔꠣ ꠅ ꠎꠥꠟꠥꠝꠛꠣꠎ ꠈꠈ ꠍꠣꠔ꠆ꠞꠟꠤꠉ ꠡꠘ꠆ꠔ꠆ꠞꠣꠡꠤꠘ꠆ꠔꠞ ꠛꠞꠖꠣꠡ꠆ꠔ ꠅꠁꠍꠦ ꠘꠣ ⁕ ꠅꠕꠌ ꠓꠣꠜꠣ ꠇꠦꠝ꠆ꠙꠣꠍꠅ ꠢꠞꠢꠣꠝꠦꠡꠣ ꠢꠈꠟꠞ ꠢꠋꠇꠦ ꠇꠘꠍꠣꠞ꠆ꠐ, ꠚꠢꠦꠟꠣ ꠛꠂꠡꠣꠇ, ꠚꠥꠎꠣ, ꠞꠦꠉ ꠒꠦ, ꠘꠣꠍ-ꠉꠣꠘꠞ ꠊꠐꠣꠈꠞꠤꠀ ꠅꠘꠥꠡ꠆ꠐꠣꠘꠣꠁꠘ ꠅꠄ ⁕ ꠜꠣꠞꠍꠤꠐꠤꠘ꠆ꠔ ꠝꠥꠍꠟꠤꠝ ꠚꠞꠥꠀꠁꠘ꠆ꠔꠞ ꠉꠞꠥꠞ ꠉꠥꠍ꠆ꠔ ꠈꠣꠁꠟꠦꠅ ꠡꠝꠂꠡ꠆ꠡꠣ, ꠁꠍꠔꠣꠞ ꠝꠣꠢꠚꠤꠟ ꠈꠞꠟꠦꠅ ꠡꠝꠂꠡ꠆ꠡꠣ, ꠛꠐꠔꠟꠣꠔ ꠇꠥꠞꠀꠘ ꠢꠤꠈꠟꠦꠅ ꠡꠝꠂꠡ꠆ꠡꠣ ⁕

ꠢꠣꠝꠟꠣꠞ ꠡꠤꠇꠣꠞ ©ꠔꠥꠛꠣꠁꠟ

ꠁꠛꠣꠄ, ꠁ ꠡꠘ꠆ꠔ꠆ꠞꠣꠡꠤ ꠢꠣꠝꠟꠣꠞ ꠛꠣꠖꠦ ꠍꠃꠇꠦꠖꠦꠈꠣ ꠈꠈꠎꠘ ꠍꠣꠈꠞꠤꠀꠘꠦ ꠎꠣꠘꠣꠁꠘ, ꠀꠁꠘ ꠛꠤꠜꠣꠉꠞ 10-1☽ ꠎꠘ ꠚꠞꠥꠀꠄ ꠔꠣꠞꠣꠞ ꠛꠤꠜꠣꠉꠞ ꠝꠌ꠆ꠌꠤꠖꠅ ꠎꠣꠝꠣꠔꠦ ꠘꠝꠣꠎꠞ ꠢꠤꠟꠣꠘ ꠛꠦꠛꠍ꠆ꠕꠤ ꠘꠣ ꠕꠣꠈꠣꠞ ꠖꠣꠄ ꠘꠝꠣꠎ ꠚꠞꠣꠔ ꠛꠋꠉꠛꠘ꠆ꠗꠥ ꠐꠣꠅꠀꠞꠅ ꠀꠁꠘ ⁕ ꠁ ꠡꠝꠄ ꠔꠣꠞꠣ ꠘꠝꠣꠎ ꠛꠣꠖꠦ ꠞꠝꠏꠣꠘꠞ ꠉꠥꠞꠥꠔ꠆ꠔ ꠟꠁꠀ ꠀꠟꠥꠍꠘꠣ ꠈꠞꠔꠣ ꠍꠣꠁꠟꠦ ꠀꠈꠐꠣꠁ ꠖꠦꠁꠘ ꠛꠋꠉꠛꠘ꠆ꠗꠥ ꠐꠣꠅꠀꠞ ꠇꠟ꠆ꠟꠣꠘ ꠡꠝꠤꠔꠤꠞ ꠡꠜꠣꠚꠔꠤ ꠡꠤꠞꠣꠎꠥꠟ ꠢꠇꠦ ⁕ ꠔꠣꠁꠘ ꠟꠤꠝ ꠖꠦꠁꠘ, ‍‘ꠁꠘꠅ ꠁꠎꠣꠔꠤ ꠙ꠆ꠞꠉ꠆ꠞꠣꠝ ꠁꠘ꠆ꠔꠦꠎꠣꠝ ꠈꠞꠣ ꠌꠦꠘ꠆ꠍꠦꠟꠞ ꠀꠞ ꠙ꠆ꠞꠇ꠆ꠐꠞ ꠔꠘꠦ ꠘꠤꠡꠦꠗ ꠈꠞꠣ ꠀꠍꠦ’ ⁕ ꠁ ꠛꠣꠟꠣ ꠚꠞꠥꠀꠁꠘ ꠍꠦꠘ꠆ꠐ꠆ꠞꠣꠟ ꠝꠌ꠆ꠌꠤꠖꠞ ꠛꠣꠄ ꠎꠣꠁꠔꠣ ꠍꠣꠁꠟꠦ ꠉꠦꠁꠐꠞ ꠝꠥꠇꠅ ꠍꠣꠔ꠆ꠞꠟꠤꠉꠞ ꠢꠣꠝꠟꠣꠞ ꠡꠤꠇꠣꠞ ꠅꠁꠘ ꠄꠁꠘꠔꠣꠁꠘ ⁕ ꠔꠣꠞꠣꠞꠦ ꠞꠣꠡ꠆ꠔꠣꠔ ꠚꠣꠟꠣꠁꠀ ꠛꠦꠗꠥꠝ ꠇꠤꠟ-ꠐꠥꠡꠤ ꠀꠞ ꠟꠣꠑꠤ ꠖꠤꠀ ꠝꠣꠞ꠆ꠔ ꠕꠣꠈꠦ ꠍꠣꠔ꠆ꠞꠟꠤꠉꠞ ꠘꠦꠔꠣꠈꠞ꠆ꠝꠤꠘ꠆ꠔꠦ ⁕ ꠉꠦꠐꠤꠞ ꠖꠣꠁꠔ꠆ꠔꠔ ꠕꠣꠈꠣ ꠖꠣꠞꠥꠀꠘꠦ ꠉꠦꠁꠐ ꠛꠘ꠆ꠗ ꠈꠞꠤꠀ ꠖꠤꠟꠣꠁꠟꠦ ꠔꠣꠞꠣ ꠘꠣꠘꠣꠘ ꠛꠣꠄ ꠖꠃꠠꠣꠖꠃꠠꠤ ꠈꠞꠤꠀ ꠢꠞꠔꠣ ꠕꠣꠈꠂꠘ ⁕ ꠛꠣꠖꠦ ꠈꠈꠎꠘꠦ ꠇꠥꠘꠥꠝꠘ꠆ꠔꠦ ꠉꠦꠁꠐ ꠖꠤꠀ ꠢꠣꠝꠣꠁꠀ ꠛꠋꠉꠛꠘ꠆ꠗꠥ ꠐꠣꠅꠀꠞꠞ ꠘꠣꠘꠣꠘ ꠚ꠆ꠟꠃꠞꠅ ꠐꠣꠁ ꠟꠁꠀ ꠘꠤꠎꠞꠦ ꠞꠇ꠆ꠇꠣ ꠈꠞꠂꠘ ⁕

ꠢꠣꠝꠟꠣꠞ ꠡꠤꠇꠣꠞ ©ꠔꠥꠛꠣꠁꠟ

ꠎꠥꠟꠥꠝꠞ ꠡꠤꠇꠣꠞ ꠀꠁꠘ ꠛꠤꠜꠣꠉꠞ ꠚꠄꠟꠣ ꠚꠤꠞꠣꠞ ꠄꠈꠎꠘ ꠚꠞꠥꠀꠄ ꠟꠤꠝ ꠖꠦꠁꠘ, ꠀꠝꠒꠣꠞ ꠀꠁꠘ ꠛꠤꠜꠣꠉꠞ ꠝꠌ꠆ꠌꠤꠖꠅ ꠎꠣꠝꠣꠔꠦ ꠘꠣꠝꠣꠎꠞ ꠢꠤꠟꠣꠘ ꠛꠦꠛꠍ꠆ꠕꠣ ꠘꠣ ꠕꠣꠈꠣꠄ ꠀꠝꠞꠣ ꠛꠋꠉꠛꠘ꠆ꠗꠥ ꠐꠣꠅꠀꠞꠞ ꠝꠌ꠆ꠌꠤꠖꠅ ꠘꠣꠝꠣꠎ ꠚꠠꠤ ⁕ ꠄꠞꠛꠣꠖꠦ ꠀꠝꠒꠣꠞ ꠝꠣꠍ꠆ꠐꠣꠞ꠆ꠍꠞ ꠄꠈ ꠛꠠ ꠜꠣꠁ ꠞꠝꠏꠣꠘꠅ ꠇꠤꠟꠣꠘ ꠁꠛꠣꠖꠔ ꠚꠣꠟꠘ ꠈꠞꠟꠦ ꠜꠣꠟꠣ ꠅꠄ, ꠅꠔꠣ ꠟꠁꠀ ꠄꠈꠔꠤꠛꠂꠟ ꠝꠣꠔꠣꠔ ꠀꠍ꠆ꠟꠣ ⁕ ꠛꠣꠖꠦ ꠈꠣꠝꠟꠣ ꠡꠝꠤꠔꠤꠞ ꠡꠜꠣꠚꠔꠤꠄ ꠀꠝꠞꠣꠞꠦ ꠁꠘ ꠔꠘꠦ ꠢꠞꠤ ꠎꠣꠁꠛꠣꠞ ꠖꠣꠄ ꠈꠁꠘ ⁕ ꠁ ꠛꠣꠟꠣ ꠀꠝꠞꠣ ꠛꠣꠞꠂꠀ ꠉꠦꠐꠤꠔ ꠀꠃꠀꠞ ꠟꠉꠦ ꠟꠉꠦ ꠡꠢꠤꠖ ꠝꠤꠘꠣꠞꠞ ꠛꠣꠄ ꠔꠘꠦ ৩0/b0 ꠎꠘ ꠍꠣꠔ꠆ꠞꠟꠤꠉꠞ ꠘꠦꠔꠣꠈꠞ꠆ꠝꠤ ꠀꠁꠀ ꠀꠝꠒꠣꠞ ꠃꠚꠞꠦ ꠀꠈꠔꠣꠗꠞꠤ ꠢꠣꠝꠟꠣ ꠈꠞꠦ ⁕ ꠀꠝꠒꠣꠞ ꠛꠃꠔꠦ ꠃ ꠍꠐ ꠚꠣꠁꠍꠦ ⁕ ꠔꠣꠞꠣ ꠖꠥꠁ-ꠔꠤꠘꠎꠘꠞꠦ ꠔ ꠞꠣꠡ꠆ꠔꠣꠔ ꠚꠣꠟꠣꠁꠀ ꠃꠡ꠆ꠐꠣ, ꠇꠤꠟ, ꠐꠥꠡꠤ ꠝꠣꠞ꠆ꠔ ꠕꠣꠈꠦ ⁕ ꠛꠋꠉꠛꠘ꠆ꠗꠥ ꠢꠟ ꠀꠞ ꠎꠡꠤꠝꠃꠖ꠆ꠖꠤꠘ ꠢꠟ ꠍꠣꠔ꠆ꠞꠟꠤꠉꠞ ꠖꠥꠉꠥꠞꠦ ꠝꠥꠁ ꠍꠤꠘꠔꠣꠝ ꠚꠣꠞꠍꠤ, ꠔꠄ ꠔꠣꠞꠣꠞ ꠘꠣꠝ ꠎꠣꠘꠤ ꠘꠣ ⁕

ꠔꠣꠁꠘ ꠀꠞꠅ ꠈꠁꠘ, ꠁ ꠛꠣꠟꠣ ꠡꠛꠦ ꠎꠦ ꠎꠦꠝꠘꠦꠖꠥ ꠚꠣꠞꠍꠦ ꠜꠣꠉꠤꠀ ꠛꠣꠍꠣꠞ ꠌꠦꠡ꠆ꠐꠣ ꠈꠞꠍꠤ ⁕ ꠀꠝꠣꠞ ꠛꠘ꠆ꠗꠥ ꠁ ꠖꠟꠣꠘꠅ ꠍꠣꠛꠟꠦꠐ ꠕꠣꠈꠦ, ꠝꠥꠘ ꠔꠣꠞ ꠅꠘꠅ ꠔꠣꠘꠔꠤꠔ ꠟꠁꠍꠤ ⁕ ꠚꠣꠍ꠆ꠐ ꠁꠀꠞꠅ ꠚꠠꠤ, ꠅꠔ ꠈꠣꠞꠣꠚ ꠢꠣꠟꠣꠔꠅ ꠎꠦ ꠚꠞꠝꠥ ꠛꠥꠏꠔꠣꠝ ꠃ ꠚꠣꠞꠍꠤ ꠘꠣ ⁕ ꠘꠝꠣꠎ ꠚꠠꠣꠔ ꠀꠁꠀ ꠎꠥꠖꠤꠘ ꠀꠝꠒꠣꠞ ꠃꠚꠞꠦ ꠢꠣꠝꠟꠣ ꠈꠞꠣ ꠅꠄ, ꠔꠦ ꠜꠣꠞꠍꠤꠐꠤꠞ ꠜꠤꠔꠞꠦ ꠚꠞꠥꠀꠁꠘ꠆ꠔꠞ ꠘꠤꠞꠣꠚꠔ꠆ꠔꠣ ꠇꠤꠀꠘꠅ?

ꠢꠣꠝꠟꠣꠞ ꠡꠤꠇꠣꠞ। ©DOAM ꠛꠣꠋꠟꠣ

ꠛꠥꠄꠐꠞ ꠖꠦꠡꠚꠦꠝꠤꠇ ꠚꠞꠥꠀ ꠀꠛꠞꠣꠞ ꠚꠣꠢꠣꠖꠞꠦ ꠇꠥꠘ ꠇꠤ ꠀꠉꠞ ꠛꠣꠞꠞ ꠘꠣꠘꠣꠘ ꠇꠥꠈꠣꠝꠞ ꠟꠣꠈꠣꠘ ꠁ ꠛꠣꠞꠇꠥꠅ ꠍꠣꠔ꠆ꠞꠟꠤꠉꠞ ꠁ ꠎꠥꠟꠥꠝꠤꠞꠦ ꠎꠣꠁꠎ ꠈꠞꠛꠣꠞ ꠖꠣꠄ ꠖꠥꠡ ꠈꠞꠤꠀ ꠃꠚꠔꠣ ꠔꠣꠞꠣꠞꠦ ꠀꠞꠛꠣꠞ ꠡꠤꠛꠤꠞ ꠈꠁꠀ ꠍꠣꠔ꠆ꠞꠟꠤꠉꠞ ꠡꠘꠔ꠆ꠞꠣꠡꠤ ꠈꠣꠝꠞꠦ ꠝꠣꠘꠤꠀ ꠟꠃꠞꠣꠁꠘ꠆ꠔꠦ ꠙꠥꠡ꠆ꠐ ꠖꠤꠔ ꠕꠣꠈꠦ ⁕ ꠎꠦꠉꠔꠤꠇꠦ ꠖꠦꠡꠚꠦꠝꠤꠇ ꠢꠈꠟ ꠝꠣꠘꠡꠦ ꠁꠔꠣꠞ ꠈꠦꠍꠣꠈꠦꠍꠤ ꠘꠤꠘ꠆ꠖꠣ ꠎꠣꠘꠣꠁꠘ ⁕ ꠁ ꠎꠣꠟꠤꠝꠤ ꠊꠐꠘꠣꠞ ꠛꠣꠖꠦ ꠒ. ꠀꠍꠤꠚ ꠘꠎꠞꠥꠟꠦ ꠔꠣꠘ ꠚꠦꠍꠛꠥꠇ ꠔꠘꠦ ꠙꠥꠡ꠆ꠐ ꠈꠞꠤꠀ ꠁꠔꠣ ꠡꠘ꠆ꠒꠣꠝꠤꠞ ꠊꠐꠘꠣꠞꠦ ꠚꠃꠎꠖꠣꠞꠤ ꠅꠚꠞꠣꠗ ꠈꠁꠀ ꠘꠤꠘ꠆ꠖꠣ ꠎꠣꠘꠣꠁꠘ ꠀꠞ ꠚꠞꠥꠀꠁꠘ꠆ꠔꠞ ꠟꠉꠦ ꠕꠣꠇꠤꠀ ꠚꠔꠤꠛꠣꠖ ꠈꠞꠣꠞ ꠈꠕꠣ ꠎꠣꠘꠣꠁꠘ ⁕ ꠀꠞ ꠡꠤꠛꠤꠞ ꠈꠁꠀ ꠍꠣꠔ꠆ꠞ ꠅꠗꠤꠇꠣꠞ, ꠍꠣꠔ꠆ꠞꠖꠟ, ꠍꠣꠔ꠆ꠞ ꠁꠃꠘꠤꠅꠘ ꠇꠤ ꠛꠣꠡꠖ’ꠞ ꠃꠚꠞꠦ ꠍꠣꠔ꠆ꠞꠟꠤꠉꠞ ꠎꠥꠟꠥꠝ-ꠞꠦꠎꠤꠟꠤ ꠡꠋꠛꠤꠛꠣꠗꠘꠞ ꠇꠥꠘ ꠀꠁꠘꠞ ꠝꠣꠏꠦ ꠀꠍꠦ ꠔꠣꠁꠘ ꠎꠣꠘꠔꠣ ꠍꠣꠁꠘ ꠀꠞ ꠖꠦꠡꠛꠣꠡꠤꠞ ꠐꠣꠁꠘ ꠛꠤꠍꠣꠞ ꠖꠦꠁꠘ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …