ꠀꠝꠞꠣ ꠍꠤꠟꠦꠐꠤꠞꠣ ꠛꠣꠋꠉꠣꠟꠤ ꠛꠃꠔꠦ ꠝꠘꠦ ꠈꠞꠤ • ꠁꠔꠣ ꠡꠔ꠆ꠔꠤ ꠘꠣꠄ।
ꠈꠣꠞꠘ
1. ꠍꠤꠟꠐ ꠛꠣꠋꠟꠣ ꠙ꠆ꠞꠖꠦꠡꠦꠞ ꠅꠋꠡ ꠀꠍꠤꠟꠘꠣ। ꠍꠤꠟꠐ ꠛꠤꠜꠣꠉ ꠀꠍꠟꠧ ꠀꠡꠣꠝ ꠙ꠆ꠞꠖꠦꠡꠦꠞ ꠟꠉꠦ। ꠍꠤꠟꠐꠤ ꠅꠈꠟ ꠀꠍꠟꠣ ꠅꠡꠝꠤꠀ ꠀꠞ ꠍꠤꠟꠐꠤꠘꠔꠦ ꠛꠣꠞꠞ ꠅꠘ꠆ꠌꠟꠞ ꠝꠣꠘꠥꠡꠞꠦ ꠒꠣꠈꠔꠣ ꠛꠦꠋꠉꠟꠤ ꠈꠁꠀ। ꠁꠔꠣ ꠍꠣꠠꠣꠅ
ꠀꠝꠞꠣꠞ ꠛꠣꠚ ꠖꠣꠖꠣꠄ ꠍꠤꠟꠐ ꠇꠥꠘꠥ ꠛꠣꠋꠉꠣꠟꠤ ꠅꠚꠤꠍꠣꠞ ꠇꠤ ꠝꠣꠘꠥ ꠖꠦꠈꠟꠦ ꠛꠦꠋꠉꠟꠤ ꠈꠁꠔꠣ। ꠀꠝꠞꠣ ꠍꠤꠟꠐꠤꠘ ꠏꠦ ꠛꠣꠋꠉꠣꠟꠤ ꠘꠣꠄ ꠀꠝꠞꠣꠞ ꠛꠣꠚ ꠖꠣꠖꠣ ꠔꠘꠦ ꠡꠤꠇ꠆ꠞꠤꠔ।
2. ꠝꠣꠔ ꠀꠞ ꠢꠞꠚ ꠀꠟꠣꠖꠣ। ꠄꠈ ꠏꠣꠔꠤ ꠅꠁꠟꠦ ꠝꠣꠔ ꠀꠞ ꠢꠞꠚ ꠖꠥꠁ ꠟꠣꠈꠣꠘ ꠅꠁꠔꠧ ꠖꠥꠘ।
3. ꠍꠤꠟꠐꠤ ꠀꠍꠣꠞ ꠀꠍꠞꠘ ꠛꠣꠋꠉꠣꠟꠤ ꠔꠘꠦ ꠀꠟꠣꠖꠣ।
4. ꠡꠣꠝꠣꠏꠤꠇ ꠞꠤꠔꠤ ꠘꠤꠔꠤ ꠏꠦꠝꠘ ꠀꠝ ꠈꠣꠑꠣꠟꠤ ꠁꠍꠔꠣꠞꠤ ꠄ ꠛꠣꠋꠉꠣꠟꠤ ꠔꠘꠦ ꠀꠟꠣꠖꠣ।
5.ꠜꠃꠉꠧꠟꠤꠇ ꠜꠣꠛꠦ ꠍꠤꠟꠐꠞ ꠅꠛꠍꠕꠣꠘ ꠏꠦꠉꠥ ꠛꠣꠋꠉꠣꠟꠤ ꠏꠣꠔꠤ ꠔꠘꠦ ꠢꠞꠣꠁꠟ • ꠏꠦꠈꠣꠘ ꠖꠦꠈꠣꠞꠝꠔ।
6. ꠍꠣꠞꠤꠔ꠆ꠞꠤꠇ ꠅꠁꠛ꠆ꠛꠣꠡ ꠅ ꠈꠣꠘꠤꠞ ꠅꠁꠛ꠆ꠛꠣꠡ ꠛꠣꠋꠉꠣꠟꠤ ꠏꠣꠔꠤ ꠔꠘꠦ ꠛꠃꠔ ꠝꠥꠇꠣꠄ ꠀꠟꠣꠖꠣ।
7. ꠖꠥ ꠄꠇ꠆ꠇꠣꠘ ꠛꠦꠔꠤꠇ꠆ꠞꠝ ꠍꠣꠠꠣ ꠍꠤꠟꠐꠤꠘ ꠄꠛꠧ ꠛꠣꠋꠉꠣꠟꠤꠘꠔꠞ ꠟꠉꠦ ꠛꠤꠀ ꠡꠣꠖꠤꠔ ꠏꠠꠣꠄ ꠘꠣ। ꠈꠣꠞꠘ ꠄꠈ ꠏꠣꠔꠤ ꠅꠁꠟꠦ ꠅꠡꠥꠛꠤꠗꠣ ꠅꠀꠞ ꠈꠕꠣ ꠀꠍꠤꠟ ꠘꠣ।
8. ꠍꠤꠟꠐꠤꠘ꠆ꠔꠞ ꠁꠔꠤꠀꠡ • ꠅꠂꠔꠤꠎ꠆ꠎ • ꠡꠋꠁꠍꠇ꠆ꠞꠤꠔꠤ ꠛꠣꠋꠉꠣꠟꠤꠘꠔꠞ ꠔꠣꠇꠤ ꠀꠟꠣꠖꠣ।
ꠛꠤꠡ꠆ꠡꠔ ꠖꠡ ꠀꠏꠣꠞ ꠎꠘꠡꠁꠋꠇꠣꠞ ꠄꠈꠣꠘ ꠏꠣꠔꠤ ꠔꠣꠞ ꠛꠂꠡꠤꠡ꠆ꠐ ꠗꠞꠤꠞꠣꠇꠤ ꠛꠤꠡ꠆ꠡꠞ ꠝꠣꠘꠌꠤꠔ꠆ꠞꠔ ꠑꠤꠇꠤ ꠕꠣꠈꠔꠧ ꠚꠣꠞꠦ। ꠀꠝꠞꠣ ꠖꠥꠘ ꠚꠣꠞꠔꠣꠝ ꠘꠣ। ꠀꠅꠇ꠆ꠇꠣ ꠖꠥꠁ ꠇꠥꠐꠤ ꠍꠤꠟꠐꠤ ꠀꠝꠞꠣ ꠄꠉꠥ ꠏꠣꠔꠤ ꠡꠔ꠆ꠔꠣ ꠟꠂꠀ ꠛꠣꠋꠟꠣꠖꠦꠡ ꠄꠘꠒꠤꠀ ꠡꠢ ꠢꠇ꠆ꠇꠟ ꠖꠦꠡꠞ ꠝꠣꠘꠌꠤꠔ꠆ꠞꠔ ꠚꠔꠤꠡ꠆ꠐꠤꠔ ꠅꠁ। ꠀꠠꠣꠈꠣꠟꠤ ꠅꠀ ꠍꠤꠟꠐ ꠏꠣꠔꠤꠞꠦ ꠘꠄꠀ ꠍꠣꠃꠍꠤꠞꠤꠞ ꠉꠦꠍꠦ ꠔꠥꠟꠤꠀ ꠗꠞꠣ ꠢꠈꠟ ꠍꠤꠟꠐꠤꠘ꠆ꠔꠞ ꠖꠣꠁꠔ꠆ꠔ।
Tags ꠍꠤꠟꠐꠤ ꠘꠣꠉꠞꠤ ꠝꠥꠝꠤꠘꠥꠟ ꠢꠇ
Check Also
ꠍꠤꠟꠐ ꠡꠣꠢꠤ ꠁꠖꠉꠣꠔ ꠚꠛꠤꠔ꠆ꠞ ꠁꠖꠥꠟ ꠚꠤꠔꠞꠞ ꠝꠥꠟ ꠎꠝꠣꠔ ꠚꠞꠣ ꠅꠄ
ꠍꠤꠟꠐꠞ ꠄꠔꠤꠎ꠆ꠎꠀꠟꠣ ꠡꠣꠢꠤ ꠁꠖꠉꠣꠢ ꠝꠅꠖꠣꠘꠅ ꠚꠛꠤꠔ꠆ꠞ ꠁꠖꠥꠟ ꠚꠤꠔꠞꠞ ꠝꠥꠟ ꠎꠝꠣꠔ ꠚꠞꠣ ꠅꠄ ⁕ ꠛꠤꠞꠥꠡꠥꠔꠛꠣꠞ (11 …