Breaking News
Home / ꠚꠛꠣꠡꠞ ꠈꠛꠞ / ꠎꠋꠉꠤ ꠢꠣꠝꠟꠣꠞ ꠒꠞꠦ ꠖꠤꠟ꠆ꠟꠤꠔ ꠢꠣꠁꠄꠟꠣꠞ꠆ꠐ ꠎꠣꠞꠤ

ꠎꠋꠉꠤ ꠢꠣꠝꠟꠣꠞ ꠒꠞꠦ ꠖꠤꠟ꠆ꠟꠤꠔ ꠢꠣꠁꠄꠟꠣꠞ꠆ꠐ ꠎꠣꠞꠤ

ꠌꠤꠘꠞ ꠟꠉꠦ ꠞꠦꠡꠣꠞꠦꠡꠤꠞ ꠝꠣꠏꠦ ꠞꠣꠎꠗꠣꠘꠤ ꠖꠤꠟ꠆ꠟꠤꠔ ꠢꠣꠁꠄꠟꠣꠞ꠆ꠐ ꠎꠣꠞꠤ ꠇꠞꠍꠦ ꠜꠣꠞꠔꠦ। ꠖꠦꠡꠐꠣꠞ ꠉꠥꠄꠘ꠆ꠖꠣ ꠇꠞ꠆ꠝꠇꠞꠔꠣꠄ ꠎꠦꠛꠟꠣ ꠞꠣꠎꠗꠣꠘꠤꠔ ꠎꠋꠉꠤ ꠢꠣꠝꠟꠣ ꠅꠁꠔ ꠚꠣꠞꠦ ꠈꠞꠤ ꠎꠣꠘꠣꠁꠘ, ꠢꠡꠝꠄ ꠁ ꠄꠟꠣꠞ꠆ꠐ ꠎꠣꠞꠤ ꠈꠞꠣ ꠅꠄ।

ꠜꠣꠞꠔꠞ ꠝꠤꠒꠤꠀꠒ ꠈꠀ ꠅꠄ ꠎꠝꠝꠥ-ꠇꠣꠡꠝꠤꠞ ꠔꠘꠦ ꠍꠠꠇ ꠚꠕꠦ ꠎꠋꠉꠤꠘ ꠖꠤꠟ꠆ꠟꠤꠔ ꠢꠣꠝꠣꠁꠍꠦ। ꠀꠞꠧ ꠢꠣꠝꠣꠁꠔ ꠍꠣꠞ। ꠛꠣꠍ, ꠐꠣꠈ ꠛꠣ ꠐꠦꠇꠍꠤꠔ ꠈꠞꠤ ꠁꠔꠣ ꠎꠋꠉꠤꠘ ꠖꠤꠟ꠆ꠟꠤꠔ ꠢꠣꠝꠣꠁꠍꠦ। ꠅꠔꠣꠞ ꠖꠣꠄ ꠎꠦꠍꠣ ꠛꠣꠟꠣ ꠛꠠ ꠅꠊꠐꠘ ꠊꠐꠤꠎꠤꠔ ꠚꠣꠞꠦ।ꠅꠔꠣ ꠔꠁꠔꠔ ꠚꠣꠅꠣꠞ ꠛꠣꠖꠦ ꠖꠤꠟ꠆ꠟꠤꠔ ꠈꠠꠣꠈꠞꠤ ꠎꠣꠞꠤ ꠈꠞꠣ ꠅꠄꠍꠦ।

ꠖꠤꠟ꠆ꠟꠤ ꠚꠥꠟꠤꠡꠦ ꠈꠄ, ꠇ꠆ꠞ꠆ꠞꠣꠁꠝ ꠛ꠆ꠞꠣꠘ꠆ꠌ ꠀꠞ ꠁꠍꠙꠦꠡꠤꠀꠟ ꠡꠦꠟꠞꠦ ꠛꠤꠡꠦꠡ ꠡꠔꠞꠇ ꠈꠞꠣ ꠅꠁꠍꠦ। ꠞꠣꠎꠎꠞ ১৫ ꠎꠤꠟꠣꠔ ꠚꠣꠐꠣꠁꠟ ꠅꠁꠍꠦ ꠍꠥꠠꠣꠘ꠆ꠔ ꠡꠔꠞꠇ ꠛꠣꠞ꠆ꠔꠣ। ꠖꠤꠟ꠆ꠟꠤ ꠡꠅꠞꠧꠞ ꠢꠈꠟ ꠛꠣꠍ ꠄꠡꠐꠦꠘ꠆ꠒ, ꠞꠦꠟ ꠁꠡꠐꠤꠡꠘ ꠀꠞ ꠛꠣꠎꠣꠞ ꠄꠟꠣꠇꠣꠔ ꠍꠥꠠꠣꠘ꠆ꠔ ꠡꠔꠞꠇꠔꠣ ꠎꠣꠞꠤ ꠅꠁꠍꠦ। ꠡꠅꠞꠧꠞ ꠢꠈꠟ ꠢꠥꠐꠦꠟ, ꠝꠥꠐꠦꠟ, ꠛꠣꠍ ꠄꠡꠐꠦꠘ꠆ꠒꠧ ꠔꠟ꠆ꠟꠣꠡꠤ ꠍꠟꠦꠞ।

ꠄꠍꠣꠠꠣ ꠞꠣꠎꠗꠣꠘꠤꠔ ꠢꠣꠝꠣꠘꠤꠞ ꠢꠈꠟ ꠙꠄꠘꠐꠧ ꠌꠦꠇ ꠙꠧꠍꠐ ꠛꠥꠀꠁꠍꠦ ꠚꠥꠟꠤꠡꠦ। ꠁꠔꠣ ꠎꠣꠉꠣꠔ ꠉꠣꠠꠤ ꠀꠐꠈꠣꠁꠀ ꠔꠟ꠆ꠟꠣꠡꠤ ꠈꠞꠣ ꠅꠞ। ꠛꠤꠡꠦꠡ ꠈꠞꠤ ꠇꠣꠡꠝꠤꠞꠤ ꠟꠝ꠆ꠛꠞ ꠙꠤꠟꠦꠁꠐ ꠟꠣꠉꠣꠘꠤ ꠉꠣꠠꠤꠔ ꠛꠦꠡꠤ ꠔꠟ꠆ꠟꠣꠡꠤ ꠍꠣꠟꠣꠞ ꠚꠥꠟꠤꠡꠦ।

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠚꠔꠤꠚꠤꠞꠣ ꠛꠣꠋꠟꠣꠖꠦꠡꠞ ꠀꠇꠣꠡ ꠡꠤꠝꠣꠞ ꠙꠦꠞꠣꠄ 100 ꠇꠥꠐꠤ ꠒꠟꠣꠞꠞ ꠃꠚꠞꠦ ꠟꠣꠜ ꠘꠦꠞꠉꠤ ꠄꠘ꠆ꠒꠤꠀꠄ

ꠀꠘ꠆ꠔꠞ꠆ꠎꠣꠔꠤꠇ ꠘꠤꠅꠝ ꠀꠘꠝꠣꠘ ꠎꠦꠍꠣ ꠖꠦꠡꠞ ꠀꠡꠝꠣꠘ ꠛꠣꠄ ꠀꠞ ꠖꠦꠡꠞ ꠛꠣꠘꠤꠎ꠆ꠎꠤꠇ ꠛꠤꠝꠣꠘ ꠛꠦꠛꠀꠞ ꠈꠞꠟꠦ ꠅꠘ꠆ꠔꠔ ꠚꠣꠍ …