শুরমা ফারর খবর ছিলটি জবানে ছিলটর খবর
Related Articles
ꠈꠝꠛꠧ ২০২০-২১ ꠅꠞ꠆ꠕꠛꠞꠍꠞ ꠚꠍꠔꠣꠛꠤꠔ ꠛꠣꠎꠦꠐ ꠚꠦꠡ ꠈꠞꠍꠁꠘ ꠅꠞ꠆ꠕꠝꠘ꠆ꠔ꠆ꠞꠤ ꠀ ꠢ ꠝ ꠝꠥꠍꠔꠚꠣ ꠇꠣꠝꠣꠟꠦ⁕ ꠔꠣꠁꠘ ꠀꠁꠎ ꠛꠤꠞꠡꠁꠔꠛꠣꠞ ꠝꠣꠖꠣꠘꠦ ৩ꠐꠣꠔ ꠎꠣꠔꠤꠅ ꠡꠋꠡꠖꠧꠞ ꠘꠄꠀ ꠅꠞ꠆ꠕꠛꠞꠍꠞ ꠛꠣꠎꠦꠐ ꠙꠦꠡ ꠈꠞꠟꠣ⁕
ꠖꠣꠝ ꠈꠝꠔꠧ ꠚꠣꠞꠦ ꠎꠦꠔꠣ ꠎꠤꠘꠤꠡꠞ… ꠚꠍꠔꠣꠛꠤꠔ ꠛꠣꠎꠦꠐꠧ ꠖꠦꠡꠤ ꠢꠁꠞꠧ ꠔꠦꠟꠧꠞꠦ ꠝꠥꠁꠟ꠆ꠟ ꠢꠋꠎꠧꠎꠘ ꠇꠞ (ꠝꠥꠢꠇ) ꠕꠣꠇꠤ ꠝꠣꠚ ꠖꠦꠅꠀ ꠅꠁꠍꠦ⁕ ꠡꠥꠘꠣ ꠀꠝꠖꠣꠘꠤꠔ ꠝꠥꠢꠇ ꠝꠣꠚ⁕ ꠅꠐꠧꠝꠥꠛꠣꠁꠟ, ꠚꠤꠞꠤꠎ ꠄꠍꠤꠞ ꠟꠣꠉꠤ ꠝꠥꠢꠇ ꠝꠣꠚ⁕ ꠒꠤꠐꠣꠞꠎꠦꠘ꠆ꠐꠞ ꠈꠣꠍꠣꠝꠣꠟꠞ ꠃꠚꠞꠦ ꠡꠥꠟ꠆ꠇ ꠈꠝꠣꠘꠤꠞ ꠚꠎꠔꠣꠛ ꠖꠦꠅꠀ ꠅꠁꠍꠦ⁕ ꠍꠦꠘꠤꠐꠣꠞꠤ ꠘꠦꠙꠇꠤꠘ ꠀꠞ ꠒꠣꠀꠙꠣꠞꠞ ꠈꠣꠍꠣꠝꠣꠟ ꠀꠝꠖꠣꠘꠤꠔ ꠞꠦꠀꠔꠤ ꠡꠥꠛꠤꠗꠣ ꠛꠣꠠꠣꠘꠧ ꠅꠁꠛ⁕ ꠁꠍꠚꠣꠔ ꠡꠤꠟ꠆ꠙꠞ ꠞꠤꠚ꠆ꠞꠣꠇ꠆ꠐꠞꠤ ꠍꠤꠝꠦꠘ꠆ꠐꠞ ꠃꠚꠞ ꠔꠘꠦ ꠡꠥꠟ꠆ꠇ ꠈꠝꠣꠘꠤ ꠅꠁꠛꠧ⁕ ꠄꠟꠙꠤꠎꠤ ꠍꠤꠟꠤꠘ꠆ꠒꠣꠞꠞ ꠖꠣꠝ ꠈꠝꠔ ꠚꠣꠞꠦ⁕
ꠞꠦꠚ꠆ꠞꠤꠎꠣꠞꠦꠐꠞ ꠀꠞ ꠄꠍꠤꠞ ꠈꠣꠍꠣꠝꠣꠟ ꠀꠝꠖꠣꠘꠤꠔ ꠎꠣꠞꠤ ꠞꠦꠀꠔꠤ ꠡꠥꠛꠤꠗꠣ ꠛꠣꠠꠣꠘꠤ ꠅꠞ⁕ ꠖꠣꠝ ꠛꠣꠠꠔꠧ ꠚꠣꠞꠦ ꠎꠦꠔꠣ ꠎꠤꠘꠤꠡꠞ… ꠛꠣꠎꠦꠐ ꠇꠤꠍꠥ ꠎꠤꠘꠤꠡꠞ ꠡꠥꠟ꠆ꠇ ꠛꠣꠠꠣꠘꠤꠞ ꠚꠍꠔꠣꠛ ꠖꠦꠅꠀꠄ ꠎꠦꠔꠣ ꠎꠤꠘꠤꠡꠞ ꠖꠣꠝ ꠛꠣꠠꠛꠧ⁕ ꠄꠍꠤ ꠟꠘ꠆ꠌꠞ ꠐꠤꠇꠦꠐꠞ ꠈꠞꠍ ꠛꠣꠠꠛ⁕ ꠀꠉꠞ ৫ ꠚꠣꠞꠍꠦꠘꠐ ꠔꠘꠦ ꠛꠣꠠꠣꠁꠀ ꠅꠈꠘ ১০ ꠚꠣꠞꠍꠦꠘ꠆ꠐ ꠈꠞꠣꠞ ꠚꠡ꠆ꠔꠣꠛ ꠈꠞꠣ ꠅꠁꠍꠦ⁕
ꠌꠣꠞ꠆ꠐꠣꠞ꠆ꠒ ꠛꠤꠝꠣꠘ ꠀꠞ ꠢꠦꠟꠤꠇꠣꠚꠐꠣꠞꠞ ꠜꠣꠠꠣꠞ ꠃꠚꠞꠦ ꠡꠝ꠆ꠙꠥꠞꠇ ꠡꠥꠟ꠆ꠇ ২৫ ꠚꠣꠞꠍꠦꠘ꠆ꠐ ꠔꠘꠦ ৩০ ꠚꠣꠞꠍꠦꠘ꠆ꠐ ꠈꠞꠣꠞ ꠚꠡ꠆ꠔꠣꠛ ꠈꠞꠣ ꠅꠁꠍꠦ⁕ ꠢꠣꠎꠉꠥꠎꠞ ꠎꠤꠘꠤꠡꠞ ꠃꠚꠞꠦ ꠡꠝ꠆ꠙꠥꠞꠇ ꠡꠥꠟ꠆ꠇ ৫ ꠔꠘꠦ ১০ ꠚꠣꠞꠍꠦꠘ꠆ꠐ ꠈꠞꠣꠞ ꠚꠡ꠆ꠔꠣꠛ ꠈꠞꠣ ꠅꠁꠍꠦ⁕ ꠚꠤꠀꠎ ꠀꠝꠖꠣꠘꠤꠔ ꠔꠥꠞꠣ ꠡꠥꠟ꠆ꠇ ꠀꠞꠧꠚ ꠅꠁꠛꠧ⁕ ꠚꠣꠞꠘꠤꠌꠣꠞ ꠇꠤꠘꠣꠔ ꠝꠥꠢꠇ ꠛꠣꠠꠍꠦ⁕
৫ ꠔꠘꠦ ꠡꠣꠠꠦ ৭ ꠚꠣꠞꠍꠦꠘ꠆ꠐ ꠈꠞꠣ ꠅꠁꠍꠦ⁕ ꠝꠥꠛꠣꠁꠟ ꠚꠧꠘ ꠝꠣꠔꠣꠞ ꠃꠚꠞꠦ ꠇꠞ ꠛꠣꠠꠍꠦ⁕ ꠇꠣꠞ ꠀꠞ ꠎꠤꠙ ꠞꠦꠎꠤꠍ꠆ꠐ꠆ꠞꠦꠡꠘ ꠡꠥꠖ꠆ꠖꠣ ꠛꠤꠀꠞꠐꠤꠄ ꠚꠖꠔ꠆ꠔ ꠅꠁꠘꠣꠘ꠆ꠘ ꠡꠣꠞ꠆ꠜꠤꠡ ꠚꠤꠞ ꠃꠚꠞꠦ ꠡꠝ꠆ꠙꠥꠞꠇ ꠡꠥꠟ꠆ꠇ ১০ ꠚꠣꠞꠍꠦꠘ꠆ꠐ ꠔꠘꠦ ꠛꠣꠠꠣꠁꠀ ১৫ ꠚꠣꠞꠍꠦꠘ꠆ꠐ ꠈꠞꠣꠞ ꠚꠡ꠆ꠔꠣꠛ ꠈꠞꠣ ꠅꠁꠍꠦ⁕ ꠍꠤꠞꠣꠝꠤꠇꠞ ꠍꠤꠋꠇ ꠛꠦꠍꠤꠘꠧꠞ ꠃꠚꠞꠦ ১০ ꠚꠣꠞꠍꠦꠘ꠆ꠐ ꠡꠝ꠆ꠙꠥꠞꠇ ꠡꠥꠟ꠆ꠇ ꠀꠞꠧꠚ ꠈꠞꠣ ꠅꠁꠍꠦ⁕ ꠝꠗꠥꠞ ꠛꠣꠟ꠆ꠇ ꠀꠝꠖꠣꠘꠤ ꠡꠥꠟ꠆ꠇ ꠛꠣꠠꠦꠞ⁕ ꠛꠤꠖꠦꠡꠤ ꠝꠗꠥꠞ ꠖꠣꠝ ꠅ ꠛꠣꠠꠛꠧ⁕
