Home / ꠍꠤꠟꠐ / ꠖꠇ꠆ꠇꠤꠘ ꠡꠥꠞꠝꠣꠞ ꠛꠍꠔꠣꠛꠘ꠆ꠖꠤ ꠟꠣꠡ ꠁꠇꠐꠣ ꠀꠁꠘꠎꠤꠛꠤ ꠡꠅꠈꠞꠤ ꠡꠣꠝꠤꠝꠞ

ꠖꠇ꠆ꠇꠤꠘ ꠡꠥꠞꠝꠣꠞ ꠛꠍꠔꠣꠛꠘ꠆ꠖꠤ ꠟꠣꠡ ꠁꠇꠐꠣ ꠀꠁꠘꠎꠤꠛꠤ ꠡꠅꠈꠞꠤ ꠡꠣꠝꠤꠝꠞ

ꠖꠇ꠆ꠇꠤꠘ ꠡꠥꠞꠝꠣꠞ ꠡꠤꠟꠣꠝ ꠗꠧꠙꠣꠊꠣꠐꠧꠞ ꠍꠠꠈꠧꠞ ꠈꠣꠘ꠆ꠖꠣꠔ ꠛꠍꠔꠣꠔ ꠜꠞꠣ ꠎꠦ ꠟꠣꠡ ꠐꠣ ꠙꠣꠅꠀ ꠉꠦꠍꠦ, ꠁꠇꠐꠣ ꠁꠃꠘꠥꠍ ꠀꠢꠝꠖ ꠡꠣꠝꠤꠝꠧꠞ⁕ ꠔꠣꠁꠘ ꠟꠣꠉꠣ ꠃꠙꠎꠤꠟꠣꠞ ꠉꠢꠞꠙꠥꠞ ꠖꠔ꠆ꠔꠙꠥꠞ ꠉꠣꠅꠞ ꠀꠛ꠆ꠖꠥꠟ ꠀꠟꠤꠞ ꠚꠥꠀ⁕ ꠙꠦꠡꠣꠄ ꠀꠍꠟꠣ ꠀꠁꠘꠎꠤꠛꠤꠞ ꠡꠅꠈꠣꠞꠤ⁕ ꠛꠣꠠꠤ ꠛꠣꠟꠣꠉꠁꠘꠎꠞ ꠉꠢꠞꠙꠥꠞꠞ ꠖꠔ꠆ꠔꠙꠥꠞ ꠅꠁꠟꠦꠅ ꠅꠘ꠆ꠔꠔ ১০/১২ ꠛꠞꠍ ꠗꠞꠤ ꠔꠣꠁꠘ ꠍꠤꠟꠦꠐ ꠍꠤꠐꠤꠞ ꠈꠣꠘ꠆ꠖꠣꠞ ꠛꠠꠡꠣꠟꠣ ꠘꠄꠀꠛꠣꠎꠣꠞ ꠄꠟꠣꠇꠣꠔ ꠕꠣꠈꠁꠘ⁕ ꠀꠡꠟꠦ ꠇꠤꠔꠣꠞ ꠖꠣꠄ ꠁꠟꠣꠘ ꠘꠤꠡꠋꠡꠜꠣꠛꠦ ꠡꠣꠝꠤꠝꠞꠦ ꠇꠥꠘ ꠈꠞꠣ ꠅꠁꠍꠦ ꠅꠈꠘꠧ ꠘꠤꠌꠌꠤꠔ ꠅꠀ ꠉꠦꠍꠦ ꠘꠣ⁕ ꠉꠦꠍꠦ ꠈꠣꠁꠟ ꠛꠤꠞꠡꠁꠔꠛꠣꠞ ꠞꠣꠔꠇꠥ ꠎꠣꠘꠣꠎꠣ ꠛꠣꠖꠦ ꠉꠢꠞꠙꠥꠞꠞ ꠖꠔ꠆ꠔꠙꠥꠞ ꠉꠣꠅꠞ ꠛꠣꠠꠤꠔ ꠔꠣꠘꠞꠦ ꠈꠄꠛꠞ ꠖꠦꠅꠀ ꠅꠁꠍꠦ⁕ ꠁꠖꠤꠇꠦ ꠔꠣꠘꠞꠦ ꠈꠦꠘꠦ ꠝꠣꠞꠣ ꠅꠁꠟ ꠁ ꠞꠁꠡꠡ ꠅꠈꠘꠧ ꠅꠎꠣꠘꠣ⁕ ꠙꠥꠟꠤꠡꠦ ꠈꠦꠃꠞꠦ ꠗꠞꠔꠧ ꠅ ꠙꠣꠞꠍꠦ ꠘꠣ⁕

ꠖꠇ꠆ꠇꠤꠘ ꠡꠥꠞꠝꠣ ꠃꠙꠎꠤꠟꠣꠞ ꠡꠤꠟꠣꠝ ꠗꠧꠙꠣꠊꠣꠐꠧꠞ ꠍꠠꠇꠞ ꠈꠣꠘ꠆ꠖꠣꠔ ꠉꠦꠍꠦ ꠛꠥꠗꠛꠣꠞ ꠛꠤꠀꠟ ৩ꠐꠣꠞ ꠛꠣꠄ ꠛꠍꠔꠣꠔ ꠚꠦꠍꠣꠁꠟ ꠅꠛꠍꠕꠣꠄ ꠟꠣꠡꠐꠣ ꠃꠖ꠆ꠗꠣꠞ ꠈꠞꠦ ꠙꠥꠟꠤꠡ⁕ ꠖꠟꠣ ꠞꠋꠉꠞ ꠄꠉꠥ ꠛꠍꠔꠣꠞ ꠜꠤꠔꠞꠦ ꠟꠣꠡ ꠔꠁꠀ ꠃꠚꠞꠦ ꠍꠣꠁꠐ꠆ꠐꠣ ꠈꠦꠠ ꠖꠦꠅꠀ ꠀꠍꠤꠟ⁕ ꠟꠧꠇꠣꠟ ꠝꠣꠘꠡꠦ ꠛꠤꠡꠄꠐꠣ ꠛꠥꠏꠔꠣ ꠚꠣꠞꠤꠀ ꠙꠥꠟꠤꠡꠞꠦ ꠈꠛꠞ ꠖꠦꠁꠘ⁕ ꠛꠣꠖꠦ ꠙꠥꠟꠤꠡꠦ ꠉꠤꠀ ꠟꠣꠡꠐꠣ ꠃꠖ꠆ꠗꠣꠞ ꠈꠞꠦ⁕ ꠟꠣꠡꠞ ꠞꠤꠙꠧꠞ꠆ꠐ ꠛꠣꠘꠣꠘꠤꠞ ꠡꠝꠄ ꠖꠦꠈꠣ ꠎꠣꠄ ꠟꠣꠡꠞ ꠝꠥꠈ ꠀꠞ ꠈꠟ꠆ꠟꠣꠔ ꠝꠣꠞꠤꠞ ꠌꠤꠘ꠆ꠘ⁕ ꠛꠣꠖꠦ ꠙꠥꠟꠤꠡꠦ ꠝꠄꠘꠣꠔꠖꠘ꠆ꠔꠞ ꠟꠣꠉꠤ ꠟꠣꠡꠞꠦ ꠅꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎꠞ ꠚꠞꠦꠘꠍꠤꠇ ꠝꠦꠒꠤꠍꠤꠘ ꠛꠤꠜꠣꠉꠞ ꠝꠞ꠆ꠉꠧ ꠙꠣꠑꠣꠄ⁕ ꠚꠄꠟꠣꠛꠣꠄ ꠟꠣꠡꠐꠣ ꠅꠁꠉꠉꠣꠔꠘꠣꠝꠣ ꠅꠁꠟꠦꠅ ꠞꠣꠁꠔ ꠙꠞꠤꠌꠄ ꠝꠤꠟꠦ⁕ ꠝꠥꠞꠖꠣꠞ ꠇꠥꠐꠥꠝꠈꠦꠡꠦ ꠈꠁꠘ, ꠙꠦꠡꠣꠄ ꠀꠁꠘꠎꠤꠛꠤ ꠡꠅꠇꠣꠞꠤ ꠁꠃꠘꠥꠍ ꠀꠢꠝꠖ ꠡꠣꠝꠤꠝ ꠉꠦꠍꠦ ꠡꠝꠛꠣꠞ ꠞꠣꠁꠔ ꠓꠣꠇꠣꠔ ꠎꠣꠁꠛꠣꠞ ꠖꠣꠄ ꠛꠣꠠ ꠕꠣꠇꠤ ꠛꠣꠞꠁꠘ⁕ ꠄꠞ ꠛꠣꠖꠔꠘꠦꠅ ꠔꠣꠁꠘ ꠀꠞꠣꠈꠣꠟꠤ⁕ ꠔꠣꠁꠘ ꠍꠤꠟꠦꠐ ꠀꠖꠣꠟꠔꠞ ২ ꠟꠝ꠆ꠛꠞ ꠛꠣꠞ ꠢꠟꠞ ꠀꠁꠘꠎꠤꠛꠤ ꠡꠅꠇꠣꠞꠤ ꠡꠦꠒꠧ ꠛꠁꠔꠣ⁕ ꠡꠋꠡꠣꠞ ꠎꠤꠛꠘ ꠔꠣꠘ ꠛꠃ, ৩ ꠚꠥꠀ ꠀꠞ ꠄꠇ ꠚꠥꠞꠤ ꠀꠍꠦ⁕

ꠝꠥꠞꠖꠣꠞ ꠛꠃ ꠟꠣꠇꠤ ꠛꠦꠉꠝꠞ ꠛꠞꠣꠔ ꠖꠤꠀ ꠇꠥꠐꠥꠝꠈꠦꠡꠦ ꠈꠁꠘ, ꠀꠞꠣꠈꠣꠟꠤꠞ ꠖꠤꠘ ꠞꠣꠁꠔ ১০ ꠐꠣꠔ ꠛꠣꠡꠣ ꠔꠘꠦ ꠛꠣꠞꠁꠘ⁕ ꠡꠣꠠꠦ ১০ꠐꠣꠔ ꠀꠝ꠆ꠛꠞꠈꠣꠘꠣ ꠔꠣꠘ ꠢꠥꠞꠥ ꠜꠣꠁ ꠢꠧꠡꠣꠁꠘꠞ ꠟꠉꠦ ꠖꠦꠈꠣ ꠈꠞꠤ ꠇꠤꠍꠥ ꠇꠣꠉꠎ ꠀꠞ ꠈꠣꠝ ꠛꠥꠏꠣꠁꠀ ꠖꠦꠁꠘ⁕ ꠚꠞꠦ ꠞꠣꠁꠔ ꠀꠞꠛꠣꠞ ꠔꠣꠘ ꠛꠃꠞ ꠟꠉꠦ ꠚꠧꠘꠦ ꠝꠣꠔ ꠅꠁꠟꠦ ꠝꠥꠞꠖꠣ ꠡꠣꠝꠤꠝꠦ ꠈꠁꠘ, ꠎꠣꠞꠣꠞ ꠈꠣꠝꠦ ꠎꠣꠁꠞꠣ, ꠔꠣꠞꠣ ꠚꠦꠞꠣꠁꠜꠦꠐ ꠉꠣꠠꠤ ꠟꠁꠀ ꠀꠁꠞꠧ ꠀꠞ ꠎꠣꠟꠣꠟꠙꠥꠞ ꠞꠧꠒꠅ ꠀꠍꠦ⁕ ꠡꠣꠝꠤꠝꠦ ꠅꠚꠦꠇ꠆ꠡꠣ ꠈꠞꠞꠣ⁕ ꠞꠣꠁꠔ ꠡꠣꠠꠦ ১২ꠐꠣ ꠛꠣꠄ ꠀꠞꠛꠣꠞ ꠡꠣꠝꠤꠝ ꠔꠣꠘ ꠛꠃꠞꠦ ꠚꠧꠘ ꠖꠤꠀ ꠎꠣꠘꠣꠁꠘ, ꠔꠣꠘ ꠉꠣꠠꠤ ꠓꠣꠇꠣꠞ ꠟꠣꠉꠤ ꠚꠕ ꠖꠤꠍꠦ⁕ ꠞꠣꠁꠔ ꠖꠦꠠꠐꠣꠔ ꠔꠣꠘ ꠛꠃꠄ ꠀꠞꠛꠣꠞ ꠚꠧꠘ ꠖꠤꠀ ꠝꠧꠛꠣꠁꠟ ꠛꠘ꠆ꠗ ꠚꠣꠁꠘ⁕

ꠄꠞꠛꠣꠖ ꠔꠘꠦꠅ ꠡꠣꠝꠤꠝ ꠀꠞꠣꠈꠣꠟꠤ⁕ ꠀꠞꠛꠣꠄ ꠝꠥꠛꠣꠁꠟ ꠛꠘ꠆ꠗ ꠚꠣꠁꠀ ꠁꠃꠘꠥꠍ ꠀꠢꠝꠖ ꠡꠣꠝꠤꠝꠞꠦ ꠔꠥꠇꠣꠘꠤꠔ ꠛꠣꠞꠁꠘ ꠇꠥꠐꠥꠝꠈꠦꠡ⁕ ꠖꠇ꠆ꠇꠤꠘ ꠡꠥꠞꠝꠣꠞ ꠃꠔ꠆ꠔꠞ ꠡꠤꠟꠣꠝ ꠗꠧꠙꠣꠊꠣꠐ ꠄꠟꠣꠇꠣ ꠔꠘꠦ ꠙꠥꠟꠤꠡꠦ ꠛꠍꠔꠣꠜꠞꠣ ꠄꠇꠐꠣ ꠟꠣꠡ ꠃꠖ꠆ꠗꠣꠞ ꠇꠞꠍꠦ ꠢꠥꠘꠤꠀ ꠔꠣꠞꠣ ꠅꠃ ꠕꠣꠘꠣꠔ ꠎꠧꠉꠣꠎꠧꠉ ꠈꠞꠁꠘ⁕ ꠝꠥꠞꠖꠣꠞ ꠜꠣꠁ ꠢꠧꠍꠣꠁꠘ ꠀꠢꠝꠖ, ꠜꠣꠉꠘꠣ ꠀꠟꠤ ꠁꠝꠞꠣꠘ ꠡꠁꠔꠦ ꠇꠥꠐꠥꠝꠈꠦꠡꠦ ꠅꠍꠝꠣꠘꠤ ꠝꠦꠒꠤꠇꠦꠟ ꠅꠞ ꠝꠞ꠆ꠉ ꠉꠤꠀ ꠟꠣꠡ ꠡꠘꠣꠇ꠆ꠔ ꠈꠞꠁꠘ ꠅꠃ ꠟꠣꠡꠐꠣ ꠁꠃꠘꠥꠍ ꠀꠢꠝꠖ ꠡꠣꠝꠤꠝꠞ⁕ ꠁꠃꠘꠥꠍ ꠀꠢꠝꠖ ꠡꠣꠝꠤꠝ ꠄꠈꠎꠘ ꠀꠁꠘꠎꠤꠛꠤꠞ ꠡꠅꠇꠣꠞꠤ⁕ ꠔꠣꠘ ꠇꠣꠞ꠆ꠒ ꠟꠝ꠆ꠛꠞ ১৩১১⁕ ꠛꠃꠔ ꠖꠤꠘ ꠔꠘꠦ ꠔꠣꠁꠘ ꠍꠤꠟꠦꠐ ꠡꠤꠐꠤꠞ ꠈꠣꠘ꠆ꠖꠣꠔ ꠛꠠꠡꠣꠟꠣ ꠘꠄꠀꠛꠣꠎꠣꠞ ꠄꠟꠣꠇꠣꠔ ꠕꠣꠈꠔꠣ⁕ ꠘꠝ꠆ꠞꠜꠖ꠆ꠞ ꠀꠞ ꠄꠇꠎꠘ ꠜꠣꠟꠣ ꠝꠣꠘꠥꠡ ꠢꠤꠡꠣꠛꠦ ꠄꠟꠣꠇꠣꠔ ꠔꠣꠘ ꠎꠦ ꠙꠞꠤꠌꠤꠄ⁕ ꠅꠃ ꠝꠣꠘꠥꠡꠐꠣ ꠁꠟꠣꠘ ꠘꠤꠡꠋꠡꠜꠣꠛꠦ ꠈꠥꠘ ꠅꠁꠛꠣ ꠈꠦꠃ ꠛꠤꠡ꠆ꠛꠣꠡ ꠈꠞꠔꠣ ꠚꠣꠞꠞꠣ ꠘꠣ⁕ ꠙꠣꠞꠤꠛꠣꠞꠤꠇ ꠡꠥꠔꠞꠦ ꠎꠣꠘꠣ ꠎꠣꠄ, ꠀꠁꠘꠎꠤꠛꠤꠞ ꠡꠅꠇꠣꠞꠤ ꠢꠤꠡꠣꠛꠦ ꠁꠃꠘꠥꠍ ꠀꠢꠝꠖ ꠡꠣꠝꠤꠝ ꠀꠁꠘꠎꠤꠛꠤꠘ꠆ꠔꠞ ꠉꠦꠍꠦ ꠡꠣꠁꠎ꠆ꠎ ꠘꠤꠔ ꠀꠅꠀꠔ ꠛꠃꠔ꠆ꠞꠦ ꠡꠣꠁꠎ꠆ꠎ ꠡꠎꠥꠉꠤꠔꠣ ꠈꠞꠔꠣ⁕

ꠟꠉꠦ ꠀꠖꠣꠟꠔ ꠡꠋꠡꠤꠟꠤꠡ꠆ꠐ ꠛꠤꠡꠄ ꠎꠦꠟꠣꠘ- ꠉꠣꠠꠤꠞ ꠟꠣꠁꠍꠦꠘ꠆ꠍ ꠈꠞꠣꠡꠢ ꠛꠃꠔ꠆ꠔꠣꠞ ꠟꠉꠦ ꠔꠣꠁꠘ ꠎꠞꠤꠔ ꠀꠍꠟꠣ⁕ ꠛꠃꠔ ꠖꠤꠘ ꠔꠘꠦ ꠈꠣꠝ ꠈꠞꠟꠦꠅ ꠈꠦꠃꠞ ꠟꠉꠦ ꠔꠣꠘ ꠡꠝ꠆ꠙꠞ꠆ꠇ ꠈꠣꠞꠣꠙ ꠅꠁꠍꠦ ꠘꠣ⁕ ꠚꠥꠟꠤꠡꠦ ꠔꠖꠘ꠆ꠔ ꠈꠞꠦꠞ ꠈꠦꠘꠦ ꠔꠣꠘꠞꠦ ꠝꠣꠞꠣ ꠅꠁꠟ⁕

Rate this post

About surmafarorkhobor

Check Also

ꠃꠍꠝꠣꠘꠤ ꠝꠦꠒꠤꠇꠦꠟꠞ ꠢꠋꠇꠦ ꠞꠦꠡ꠆ꠐꠥꠞꠦꠘ꠆ꠐ ꠝꠣꠟꠤꠇꠞꠦ ꠡꠘ꠆ꠒꠣꠁꠘ꠆ꠔꠞ ꠢꠣꠝꠟꠣ

ꠍꠤꠟꠐ ꠘꠉꠞꠤꠞ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟꠞ ꠢꠋꠇꠦ ꠞꠦꠡ꠆ꠐꠥꠞꠦꠘ꠆ꠐ ꠄꠉꠥꠔ ꠢꠣꠝꠟꠣ ꠈꠞꠦ ꠈꠈꠉꠥ ꠏꠣꠘ꠆ꠒꠥꠝꠣꠟꠦ ⁕ ꠁ …