শুরমা ফারর খবর ছিলটি জবানে ছিলটর খবর
Related Articles
ꠄꠈꠡꠝꠄꠞ ꠛꠃꠔ ꠞꠐꠣꠁꠟ ꠉꠐꠘꠣ ꠡꠣꠜꠣꠞꠞ ꠜꠣꠋꠉꠤꠀ ꠚꠠꠣ ꠛꠤꠟꠒꠤꠋꠉ ꠞꠣꠘꠣ ꠙꠣꠟꠣꠎꠣꠞ ꠝꠣꠟꠤꠇ ꠀꠛꠖꠥꠟ ꠈꠣꠟꠦꠇ ꠉꠔꠈꠣꠁꠟ (৪ꠎꠥꠘ) ꠛꠤꠞꠧꠡꠁꠔꠛꠣꠞ ꠛꠤꠀꠘꠦ ꠝꠣꠞꠣ ꠉꠦꠍꠁꠘ⁕ ꠀꠛꠖꠥꠟ ꠈꠣꠟꠦꠇꠞ ꠇꠥꠐꠥꠝꠈꠦꠡꠦ ꠎꠣꠘꠣꠁꠍꠁꠘ, ꠉꠔ ꠞꠁꠛꠣꠞ (৩১ ꠝꠦ) ꠔꠣꠘꠞ ꠖꠝꠣ (ꠡ꠆ꠛꠣꠡꠇꠡ꠆ꠐ)ꠅꠁꠟꠦ ꠔꠣꠘꠞꠦ ꠡꠣꠜꠣꠞꠞ ꠄꠘꠣꠝ ꠝꠦꠒꠤꠇꠦꠟ ꠇꠟꠦꠎ ꠢꠣꠡꠙꠣꠔꠣꠟꠧ ꠘꠦꠅꠀ ꠅꠁꠍꠤꠟ ꠜꠞꠔꠤ ꠈꠞꠤꠀ ꠅꠡꠥꠗ ꠈꠞꠣꠘꠤꠞ ꠟꠣꠉꠤ ⁕ ꠇꠤꠘ꠆ꠔꠥ ꠀꠡꠚꠣꠔꠣꠟꠞ ꠇꠔꠞꠤꠚꠇꠇꠦ ꠔꠣꠘꠞꠦ ꠜꠞꠔꠤ ꠘꠣ ꠈꠞꠤꠀ ꠇꠞꠧꠘꠣ ꠐꠦꠡꠐ ꠈꠞꠣꠞ ꠈꠔꠣ ꠈꠁꠀ ꠖꠦꠄ⁕ ꠉꠔ ꠡꠝꠛꠣꠞ (১ ꠎꠥꠘ) ꠄꠘꠣꠝ ꠝꠦꠒꠤꠇꠦꠟ ꠇꠟꠦꠎ ꠔꠣꠘꠞ ꠘꠝꠥꠘꠣ ꠘꠦꠅ ⁕
ꠇꠤꠘ꠆ꠔꠥ ꠘꠝꠥꠘꠣꠞ ꠞꠤꠎꠣꠟ꠆ꠐ ꠚꠣꠅꠀꠞ ꠀꠉꠦꠁ ꠉꠔ (৪ꠎꠥꠘ) ꠛꠤꠞꠡꠁꠔꠛꠣꠞ ꠛꠤꠀꠘꠦ ꠔꠣꠁꠘ ꠝꠣꠞꠣ ꠉꠦꠍꠁꠘ⁕ ꠡꠣꠜꠣꠞ ꠃꠚꠎꠤꠟꠣ ꠡꠣꠁꠍꠔꠧ ꠅ ꠚꠞꠤꠛꠣꠞ ꠚꠞꠤꠇꠟꠚꠘꠣ ꠇꠞꠝꠇꠞꠔꠣ ꠡꠣꠅꠦꠝꠥꠟ ꠢꠥꠖꠣꠄ ꠈꠁꠍꠁꠘ, ꠀꠛ꠆ꠖꠥꠟ ꠈꠣꠟꠦꠇꠞ ꠇꠞꠧꠘꠣ ꠚꠎꠦꠐꠤꠜ ꠀꠍꠟꠧ ꠛꠟꠤꠀ ꠄꠘꠣꠝ ꠝꠦꠒꠤꠇꠦꠟ ꠎꠣꠘꠣꠁꠍꠁꠘ⁕ ꠢꠈꠟꠦꠃ ꠎꠣꠘꠁꠘ,ꠡꠣꠔ ꠛꠌꠌꠞ ꠀꠉꠦ ২০১৩ ꠡꠣꠟꠞ ২৪ ꠄꠚꠞꠤꠟ ꠡꠣꠜꠣꠞꠞ ꠞꠣꠘꠣ ꠙꠣꠟꠣꠎꠣ ꠛꠤꠟꠒꠤꠋ ꠜꠣꠋꠉꠤꠀ ꠝꠞꠍꠟꠣ ১ ꠢꠣꠎꠣꠞ ১৩৬ ꠎꠘ ꠝꠣꠘꠥꠡ⁕ ꠀꠞ ꠛꠠ ꠀꠈꠣꠞꠞ ꠎꠈꠝꠤꠀ ꠅꠁꠀ ꠚꠋꠉꠥ ꠅꠁꠍꠟꠣ ꠀꠞꠧ ꠙꠦꠞꠣꠄ ১ ꠢꠣꠎꠣꠞ ১৬৯ ꠎꠘ⁕ ꠁ ꠊꠐꠘꠣꠅ ꠝꠧꠐ ꠔꠤꠘꠐꠣ ꠇꠦꠁꠍ ꠅꠁꠍꠤꠟ⁕
ꠄꠞ ꠝꠣꠎꠦ ꠄꠈꠐꠣ ꠚꠥꠟꠤꠡꠦ ꠈꠞꠍꠟꠣ ꠄꠈꠐꠣ ꠅꠛꠢꠦꠟꠣꠄ ꠇꠥꠘ (ꠅꠛꠢꠦꠟꠣꠎꠘꠤꠔ ꠝꠤꠞꠔꠥ ⁕ꠀꠞꠈꠐꠣ ꠛꠤꠟꠒꠤꠋ ꠛꠣꠘꠣꠘꠤꠞ ꠀꠁꠘ ꠘꠣ ꠝꠣꠘꠣ ꠈꠞꠍꠤꠟ ꠞꠣꠎꠗꠣꠘꠤ ꠃꠘꠘꠅꠘ ꠇꠞꠔꠤꠚꠇꠇ (ꠞꠣꠎꠃꠇ)⁕ ꠀꠞ ꠔꠤꠘꠘꠝꠞ ꠇꠦꠁꠍ ꠈꠞꠣ ꠅꠁꠍꠤꠟ ꠖꠥꠞꠘꠤꠔꠤ ꠖꠝꠘ ꠇꠝꠤꠡꠘ (ꠖꠥꠖꠇ) ꠛꠤꠟꠒꠤꠋ ꠛꠣꠘꠣꠘꠤ -ꠡꠋꠇꠣꠞꠣꠘꠔ ꠖꠥꠞꠘꠤꠔꠤ ꠘꠤꠅꠣ, ꠀꠞ ꠄꠁꠡꠛ ꠇꠦꠍꠞ ꠀꠡꠣꠝꠤ ꠀꠍꠟꠣ ꠀꠛ꠆ꠖꠥꠟ ꠈꠣꠟꠦꠇ⁕
