শুরমা ফারর খবর ছিলটি জবানে ছিলটর খবর
Related Articles
ꠛꠣꠋꠟꠣꠖꠦꠡꠞ ꠞꠣꠡ꠆ꠐꠤꠅ ꠖꠥꠍꠞꠣ ꠍꠣꠋꠉꠞ ꠡꠝ꠆ꠝꠣꠘꠘꠣ ꠄꠇꠥꠡꠦ ꠚꠖꠇꠦ ꠡꠝ꠆ꠝꠣꠘꠤꠔ ꠅꠁꠟꠣ ꠍꠤꠟꠐꠞ ꠔꠤꠘ ꠉꠥꠘꠤꠀꠟꠣ ꠝꠣꠘꠥꠡ ⁕ ꠔꠣꠁꠘꠔꠣꠁꠘ ꠅꠁꠟꠤ ꠘꠣꠝꠤꠀꠟꠣ ꠉꠤꠔꠉꠣꠃꠞꠣ ꠛꠤꠖꠤꠔ ꠟꠣꠟ ꠖꠣꠡ (ꠝꠃꠔꠞꠛꠣꠖꠦ), ꠡꠥꠜ꠆ꠞ ꠖꠦꠛ ꠀꠞ ꠀꠛ꠆ꠞꠤꠔ꠆ꠔꠤꠔ ꠢꠛꠤꠉꠂꠘ꠆ꠎꠞ ꠞꠥꠙꠣ ꠌꠇ꠆ꠞꠛꠞ꠆ꠔꠤ ⁕
ꠉꠦꠍꠦ ꠝꠣꠡꠞ 1৩ ꠚꠦꠛꠥꠀꠞꠤ ꠝꠋꠉꠟꠛꠣꠞ ꠅꠎꠣꠔꠤ ꠝꠘ꠆ꠔ꠆ꠞꠤꠡꠣꠟꠣꠞ ꠄꠈ ꠈꠛꠞꠞ ꠐꠥꠇꠣꠔ ꠄꠇꠥꠡꠦ ꠚꠖꠇꠞ ꠟꠣꠉꠤꠘ ꠉꠍꠤꠀꠘꠦꠃꠞꠣꠁꠘ꠆ꠔꠞ ꠘꠣꠝ ꠄꠟꠣꠘ ꠈꠞꠣ ꠅꠁꠍꠤꠟ ⁕ ꠍꠤꠟꠐꠞ ꠔꠤꠘ ꠉꠥꠘꠤꠀꠟꠣ ꠝꠣꠘꠥꠡ ꠡꠢ ꠁꠚꠤꠞꠣ ꠡꠛꠔꠣꠄ Γ1 ꠎꠘ ꠛꠤꠡꠤꠡ꠆ꠐ ꠘꠣꠉꠞꠤꠇꠞꠦ ꠘꠣꠘꠣꠘ ꠝꠥꠇꠣꠄ ꠅꠛꠖꠣꠘꠞ ꠖꠣꠄ ꠍꠟꠔꠤ ꠚꠤꠞꠣ (Γ0Γb) ꠄꠇꠥꠡꠦ ꠚꠖꠇ ꠖꠦꠃꠀ ꠅꠁꠍꠦ ⁕
ꠔꠄ ꠡꠥꠜ꠆ꠞ ꠖꠦꠛꠞ “ꠄꠇꠥꠡꠦ ꠚꠖꠇ” ꠉꠥꠐ꠆ꠐꠣ ꠝꠣꠞꠣꠞ ꠈꠛꠞ ꠛꠣꠞꠘꠤꠞ ꠛꠣꠖ ꠔꠘꠦꠃ ꠛꠃꠔꠦ ꠛꠃꠔ ꠢꠣꠄꠘꠤꠀꠄ ꠈꠞꠤꠀ ꠙꠥꠡ꠆ꠐ ꠖꠦꠁꠘ ⁕ ꠎꠦꠔꠣ ꠙꠥꠡ꠆ꠐꠣꠁꠘ꠆ꠔꠞ ꠎꠥꠀꠚ ꠡꠥꠜ꠆ꠞ ꠖꠦꠛꠦ ꠔꠣꠁꠘ ꠘꠤꠎꠦꠅ ꠙꠥꠡ꠆ꠐ ꠈꠞꠤꠀ ꠎꠣꠘꠣꠁꠘ ⁕
ꠟꠥꠇ ꠚꠁꠖ꠆ꠖꠉꠣꠞ ꠅꠈꠟꠞ ꠞꠣꠎ꠆ꠎꠤꠞ ꠟꠥꠇꠉꠣꠘ ꠐꠣꠛꠣꠁꠀ ꠀꠞ ꠡꠥꠞ ꠟꠣꠉꠣꠘꠤꠞ ꠝꠣꠁꠖ꠆ꠖꠝꠦ ꠄꠈ ꠛꠦꠔꠣꠁꠀ ꠝꠤꠍꠣꠟ ꠉꠞꠍꠤꠟꠣ ꠡ꠆ꠞꠤ ꠛꠤꠖꠤꠔ ꠟꠣꠟ ꠖꠣꠡꠦ ⁕
ꠛꠤꠖꠤꠔ ꠟꠣꠟ 19৩8 ꠡꠣꠟꠞ 1☽ ꠎꠥꠘ ꠍꠤꠟꠐꠞ ꠡꠦꠈꠊꠣꠐ ꠘꠣꠝꠤꠀꠟꠣ ꠎꠝꠤꠖꠣꠞ ꠟꠣꠟ ꠚꠞꠤꠛꠣꠞ ꠎꠘ꠆ꠝꠤꠍꠟꠣ ⁕ ꠛꠤꠖꠤꠔ ꠟꠣꠟ ꠖꠣꠡ ꠛꠣꠋꠟꠣꠖꠦꠡꠤ ꠛꠣꠃꠟ ꠉꠣꠃꠞꠣ ꠀꠞ ꠡꠥꠞꠈꠣꠞ ⁕ ꠔꠣꠁꠘ ꠢꠣꠍꠘ ꠞꠣꠎꠣ, ꠞꠣꠗꠣꠞꠝꠘ ꠖꠔ꠆ꠔ, ꠀꠞ ꠉꠤꠀꠡ ꠃꠖ꠆ꠖꠤꠘ ꠡꠢ ꠛꠃꠔ ꠟꠥꠇꠡꠋꠉꠤꠔ ꠡꠤꠟ꠆ꠙꠤꠘ꠆ꠔꠞ ꠉꠣꠘꠞ ꠡꠥꠞ ꠈꠞꠍꠂꠘ ⁕
ꠔꠣꠁꠘ 19d0 ꠅꠞ ꠖꠡꠈꠞ ꠄꠈꠎꠘ ꠎꠣꠘꠥ ꠞꠦꠒꠤꠅꠔ ꠉꠣꠃꠞꠣ ⁕ ꠔꠣꠘꠞ ꠡꠥꠞꠈꠞꠣ ꠉꠣꠘꠞ ꠝꠣꠏꠦ ꠘꠣꠝꠖꠣꠞ ꠔꠥꠞꠣ ꠉꠣꠘꠣꠁꠘ ꠅꠁꠟ— “ꠇꠣꠞꠦ ꠖꠦꠈꠣꠛ ꠝꠘꠞ ꠖꠥꠇ꠆ꠇ ꠉ [কারে দেখাবো মনের দুঃখ গো]”, “ꠍꠤꠟꠦꠐ ꠙ꠆ꠞꠕꠝ ꠀꠎꠣꠘ ꠗꠘꠤ [সিলেট প্রথম আজান ধ্বনি]”, “ꠙ꠆ꠞꠣꠘ ꠇꠣꠘ꠆ꠖꠦ ꠝꠞ [প্রাণ কান্দে মোর]”, “ꠝꠞꠤꠟꠦ ꠇꠣꠘ꠆ꠖꠤꠍꠘꠦ ꠀꠝꠣꠞ ꠖꠣꠄ [মরিলে কান্দিসনে আমার দায়]”, “ꠡꠣꠗꠦꠞ ꠟꠣꠃ ꠛꠣꠘꠣꠁꠟ ꠝꠞꠦ ꠛꠂꠞꠣꠉꠤ [সাধের লাউ বানাইলো মোরে বৈরাগী]”, ꠀꠞ “ꠀꠝꠤ ꠇꠦꠝꠘ ꠇꠞꠦ ꠙꠔ꠆ꠞ ꠟꠤꠈꠤ [আমি কেমন করে পত্র লিখি]” ꠅꠔꠣꠁꠘ ⁕ ꠔꠣꠁꠘ ꠡꠤꠞꠣꠎꠃꠖ꠆ꠖꠃꠟꠣ সিরাজউদ্দৌলা, ꠖꠤꠙꠣꠘ꠆ꠔꠞ [দ্বীপান্তর], ꠔꠙꠡꠤ [তপসী], ꠙ꠆ꠞꠖꠤꠙꠡꠤꠈꠣ [প্রদীপশিখা], ꠛꠤꠡꠞ꠆ꠎꠘ [বিসর্জন], ꠀꠞ ꠡꠥꠞꠝꠣꠞ ꠛꠣꠇꠦ ꠛꠣꠇꠦ [সুরমার বাঁকে বাঁকে] ꠘꠣꠐꠈꠞ ꠉꠤꠔ ꠉꠣꠐꠣꠁꠀ ꠘꠤꠍꠂꠘ ⁕ ꠔꠣꠁꠘ “ꠘꠎꠞꠥꠟ ꠄꠇꠣꠒꠦꠝꠤ ꠚꠥꠞꠥꠡ꠆ꠇꠣꠞ” ꠀꠞ ꠇꠟꠤꠇꠣꠔ꠆ꠔꠣꠔ “ꠜꠣꠞꠔꠤꠅ ꠟꠧꠇ ꠡꠋꠛꠞ꠆ꠗꠘꠣ” ꠚꠣꠁꠘ ⁕ Γ01Γ ꠡꠣꠟꠞ 8 ꠅꠇ꠆ꠐꠥꠛꠞ ꠔꠣꠁꠘ ꠓꠣꠈꠣꠞ ꠁꠍ꠆ꠇꠄꠀꠞ ꠀꠡꠚꠣꠔꠣꠟ ꠢꠦꠡꠤꠝꠦꠡꠤ ꠖꠝ ꠚꠣꠟꠣꠁꠘ ⁕
