Breaking News
Home / ꠍꠤꠟꠐ / ꠁꠃꠘꠦꠍꠇꠥꠞ ꠛꠤꠡ꠆ꠡ ꠞꠥꠍꠥꠝꠣꠁꠀ ꠐꠥꠇꠣꠔ ꠔꠣꠘ ꠚꠣꠁꠍꠦ ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠖꠟꠣꠘꠣꠁꠘ

ꠁꠃꠘꠦꠍꠇꠥꠞ ꠛꠤꠡ꠆ꠡ ꠞꠥꠍꠥꠝꠣꠁꠀ ꠐꠥꠇꠣꠔ ꠔꠣꠘ ꠚꠣꠁꠍꠦ ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠖꠟꠣꠘꠣꠁꠘ

ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐ (©ꠘꠦꠐ ꠔꠘꠦ)

ꠍꠤꠟꠐꠞ ꠚꠥꠞꠣꠘꠣ ꠄꠈꠣꠘ ꠀꠔꠦꠈꠟꠝꠦ ꠢꠤꠇꠣꠞ ꠚꠔꠤꠡꠐꠣꠘ • ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠖꠟꠣꠘꠣꠁꠘ ꠁꠃꠘꠦꠍꠇꠥꠞ ꠛꠤꠡ꠆ꠡ ꠞꠥꠍꠥꠝꠣꠁꠀ ꠐꠥꠇꠣꠔ ꠔꠣꠘ ꠚꠣꠁꠍꠦ ⁕ ꠏꠦꠈꠣꠘ ꠟꠁꠀ ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠙ꠆ꠞꠤꠘꠍꠤꠙꠣꠟ • ꠝꠥꠢꠣꠝ꠆ꠝꠖ ꠞꠤꠢꠣꠘ ꠃꠖ꠆ꠖꠤꠘ ꠍꠣꠞꠦ ꠄꠈꠣꠘ ꠙꠥꠡ꠆ꠐ ꠖꠦꠁꠘ ⁕ Sylhet Polytechnic Institute ꠅꠞ ꠚꠦꠁꠍꠛꠥꠇ ꠙꠦꠁꠎ ꠔꠘꠦ ꠙꠥꠡ꠆ꠐ ꠈꠞꠤꠀ ꠏꠦꠈꠣꠘ ꠈꠃꠀ ꠅꠄ ⁕
ꠙ꠆ꠞꠤꠘꠍꠤꠙꠣꠟ ꠍꠣꠞꠞ ꠙꠥꠡ꠆ꠐ ꠔꠘꠦ ꠏꠣꠘꠣ ꠏꠣꠄ:

ꠖꠞꠈꠣꠍ꠆ꠔ (ꠍꠛꠤ ©ꠘꠦꠐ ꠔꠘꠦ)

”ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠖꠟꠣꠘꠣꠁꠘ꠆ꠔꠦ ꠁꠃꠘꠦꠍꠇꠥꠞ ꠛꠤꠡ꠆ꠡ ꠞꠥꠍꠥꠝꠣꠁꠀ ꠐꠥꠇꠣꠔ ꠔꠣꠘ ꠚꠣꠁꠍꠦ ⁕ ꠝꠞ ꠢꠈꠟ ꠖꠥꠍ꠆ꠔ • ꠡꠢꠈꠞ꠆ꠝꠤ • ꠛꠣꠟꠣꠍꠣꠃꠞꠣ • ꠝꠢꠛ꠆ꠛꠔꠞ • ꠈꠦꠡꠇꠥꠐꠥꠝ • ꠀꠠꠤꠚꠠ ꠢꠈꠟꠞꠦ ꠝꠥꠁ ꠏꠣꠘꠣꠁꠔꠣꠝ ꠚꠣꠞꠤꠀꠞ ꠉꠔꠤꠇꠦ ꠇꠥꠡꠤꠟꠣꠉꠦꠞ ꠏꠦ ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐꠞ ꠖꠟꠣꠘꠣꠁꠘ (1959 ꠚꠤꠞꠣꠔ ꠛꠣꠘꠣꠁꠟ) ꠘꠈꠡꠣꠉꠣꠞ ꠝꠥꠎꠢꠣꠞꠥꠟ ꠁꠍꠟꠣꠝꠞ ꠒꠤꠏꠣꠁꠘ ꠈꠞꠣ ꠁꠃꠘꠦꠍꠇꠥꠞ ꠛꠤꠡ꠆ꠡ ꠞꠥꠍꠥꠝꠣꠁꠀ ꠐꠥꠇꠣꠔ ꠉꠍꠤꠀ ꠟꠃꠀ ꠅꠁꠍꠦ ⁕ ꠈꠃꠀ ꠟꠣꠉꠦ • ‘ꠝꠥꠎꠢꠣꠞꠥꠟ ꠁꠍꠟꠣꠝꠞ ꠘꠈꠡꠣꠈꠣꠝ, ꠖꠇꠘꠞ ꠄꠡꠤꠀꠞ ꠀꠗꠥꠘꠤꠇ ꠀꠘ꠆ꠖꠥꠟꠘꠅ ꠏꠦꠏꠣꠔ ꠈꠣꠝꠣꠁꠀꠞꠣ ꠛꠘ꠆ꠌꠦ ⁕ ꠁ ꠉꠍꠤꠀ ꠟꠃꠀꠈꠣꠘ ꠛꠃꠔ ꠁꠎ꠆ꠎꠔꠞ • ꠀꠞ ꠁ ꠖꠟꠣꠘꠣꠁꠘꠔꠦ ꠘꠈꠡꠣꠈꠣꠝꠞ ꠡꠣꠘꠡꠃꠇꠔ ꠀꠞ ꠡꠣꠋꠁꠍꠇ꠆ꠞꠤꠔꠤꠇ ꠈꠖꠞꠞ ꠉꠣꠘ ꠉꠣꠄ ⁕ ꠘꠈꠡꠣꠉꠣꠞ ꠝꠥꠎꠢꠣꠞꠥꠟ ꠁꠍꠟꠣꠝꠦ ꠇꠟꠘꠤ ꠡꠣꠡꠘꠞ ꠛꠣꠖꠞ ꠏꠝꠣꠘꠣꠔ ꠛꠣꠋꠟꠣꠖꠦꠡꠞ ꠟꠣꠈꠣꠘ ꠉꠞꠝꠤ ꠖꠦꠡꠣꠁꠘ꠆ꠔꠞ ꠟꠣꠉꠤꠘ ꠄꠉꠥ ꠀꠗꠥꠘꠤꠇ ꠘꠈꠡꠣꠖꠣꠞꠤ ꠝꠣꠔ ꠝꠣꠘꠣꠁꠘꠤꠍꠂꠘ ⁕ ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐ ꠔꠣꠘ ꠅꠝꠟꠣꠘꠥ ꠄꠈꠣꠘ ꠀꠉꠥꠀꠁꠟ ꠈꠣꠝ⁕ ꠁꠇꠣꠘ ꠈꠃꠀꠞ ꠀꠞ ꠖꠞꠈꠣꠞ ꠘꠣꠁ ꠏꠦ ꠁꠇꠣꠘꠞ ꠖꠦꠈꠜꠣꠟ ꠘꠤꠌ꠆ꠌꠤꠔ ꠈꠞꠣ ꠀꠝꠞꠣꠞ ꠡꠣꠋꠁꠍꠇ꠆ꠞꠤꠔꠤꠇ ꠚꠞꠤꠍꠄ ꠀꠞ ꠞꠥꠍꠥꠝꠞ ꠟꠣꠉꠤ ꠏꠠꠥꠞꠤ ⁕ ꠝꠞ ꠁꠇꠤꠘ ꠀꠍꠦ ꠏꠦ ꠁꠃꠘꠦꠍꠇꠥ ꠃꠀꠟ꠆ꠒ ꠢꠦꠞꠤꠐꠦꠎ ‘ꠖꠤ ꠀꠞ꠆ꠇꠤꠐꠦꠇꠌꠣꠞꠣꠟ ꠃꠀꠞ꠆ꠇ’ ꠅꠞ ꠏꠤꠝꠝꠣꠄ ꠐꠥꠇꠣꠔ ꠡꠦꠞꠣ ꠅꠁꠛ ⁕”

ꠍꠤꠟꠦꠐ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐ ꠍꠣꠠꠣꠅ ꠁ ꠐꠥꠇꠣꠔ ꠀꠞꠅ ꠍꠣꠁꠞ ꠐꠣ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐ ꠞꠁꠍꠦ – ꠛꠉꠥꠞꠣ • ꠛꠞꠤꠡꠣꠟ • ꠙꠣꠛꠘꠣ ꠀꠞ ꠞꠋꠚꠥꠞ ꠙꠟꠤꠐꠦꠇꠘꠤꠇ ꠁꠘꠤꠍꠐꠤꠐꠤꠃꠐ ⁕ ꠍꠤꠟꠦꠐ ꠡꠥꠖ꠆ꠖꠣ ꠁ ꠚꠣꠍ ꠉꠥ ꠙꠟꠤꠐꠦꠇꠘꠤꠇ ꠝꠥꠎꠢꠣꠞꠥꠟ ꠁꠍꠟꠣꠝꠞ ꠘꠈꠡꠣꠄ ꠝꠣꠘꠣꠁꠟ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …