শুরমা ফারর খবর ছিলটি জবানে ছিলটর খবর
Related Articles
ꠀꠞꠛ ꠀꠞꠤꠝꠞꠣꠔꠞ ꠁꠍꠇꠥꠟ ꠉ꠆ꠞꠦꠎꠥꠄꠡꠘ ꠎꠦ ꠘꠣꠝꠈꠞꠣ ꠚꠟꠣꠚꠟ ꠅꠞ꠆ꠎꠘ ꠈꠞꠍꠦ ꠖꠥꠁ ꠛꠣꠋꠟꠣꠖꠦꠡꠤ ꠜꠣꠁꠄ⁕ ꠀꠟ ꠀꠁꠘ-ꠅ ꠕꠣꠈꠣ ꠁ ꠖꠥꠁ ꠚꠠꠣꠢꠤꠇꠞꠣ ꠝꠥꠢꠣꠝ꠆ꠝꠖ ꠀꠚꠎꠣꠟ ꠢꠥꠍꠣꠁꠘ ꠀꠞ ꠀꠢꠝꠦꠖ ꠀꠎꠝꠟ ꠢꠥꠍꠣꠁꠘ⁕
ꠔꠣꠞꠣ ꠀꠟ ꠀꠁꠘꠦ ꠎꠣ-ꠇꠦꠞ ꠄꠟꠣꠇꠣꠔ ꠕꠣꠈꠣ ꠝꠍꠤꠖꠞ ꠁꠝꠣꠝꠍꠣꠛ ꠅ ꠈꠔꠤꠛ ꠝꠣꠅꠟꠣꠘꠣ ꠀꠛ꠆ꠖꠥꠡ ꠡꠢꠤꠖꠞ ꠚꠥꠀꠁꠘ⁕ ꠍꠤꠟꠐꠞ ꠎꠇꠤꠉꠁꠘꠎꠞ ꠎꠣꠝꠥꠞꠣꠁꠟ ‘ꠛꠠ ꠛꠣꠠꠤ’ ꠔꠣꠞꠣꠞ ꠉꠣꠅꠞ ꠛꠣꠠꠤ⁕ ꠍꠤꠟꠐ ꠍꠤꠐꠤꠞꠟꠛꠅ ꠡꠣꠢꠙꠞꠣꠘ ꠃꠙꠡꠢꠞ ꠄꠟꠣꠇꠣꠔ ꠔꠣꠞꠣꠞ ꠛꠣꠡꠣ ꠀꠍꠦ⁕
ꠡꠝꠛꠣꠞ (১৩ ꠎꠥꠟꠣꠁ) ꠅꠘꠟꠣꠁꠘꠞ ꠝꠣꠗ꠆ꠖꠝꠦ ꠔꠣꠞꠣ ꠉ꠆ꠞꠦꠎꠥꠄꠡꠘ ꠡꠘꠖ ꠚꠣꠄ⁕ ꠄꠞ ꠀꠉꠦ ꠉꠦꠍꠦ ২৯ ꠎꠥꠘ ꠔꠣꠞꠣꠞ ꠉ꠆ꠞꠦꠎꠥꠄꠡꠘ ꠅꠘꠥꠡ꠆ꠑꠤꠔ ꠅꠄ⁕ ꠖꠥꠘꠤꠀꠎꠥꠠꠤ ꠇꠞꠘꠣ ꠙꠞꠤꠍꠕꠤꠔꠤꠞ ꠖꠣꠄ ꠜꠣꠞ꠆ꠌꠥꠀꠟꠤ ꠉ꠆ꠞꠦꠎꠥꠄꠡꠘ ꠅꠘꠥꠡ꠆ꠑꠣꠘ ꠈꠞꠣ ꠅꠄ⁕
ꠀꠚꠎꠣꠟ ꠀꠞ ꠀꠎꠝꠟ-ꠅꠞ ꠘꠣꠝꠈꠞꠣ ꠈꠣꠝꠞ ꠖꠣꠄ ꠔꠣꠞꠣꠞ ꠀꠛ꠆ꠛꠣ ꠀꠛ꠆ꠖꠥꠡ ꠡꠢꠤꠖ ꠀꠞ ꠀꠝ꠆ꠝꠣ ꠍꠣꠟꠦꠢꠣ ꠛꠦꠉꠝ ꠎꠦ ꠇꠥꠡꠤ⁕
ꠀꠚꠎꠣꠟ ꠀꠞ ꠀꠎꠝꠟ-ꠅꠞ ꠎꠘ꠆ꠝꠤꠍꠁꠘ ꠀꠟ ꠀꠁꠘ ꠡꠢꠞ⁕ ꠢꠈꠣꠘꠃ ꠛꠠ ꠅꠀ⁕ ꠔꠣꠞꠣ ꠖꠄꠅ ꠜꠣꠁ ꠇꠥꠞꠀꠘꠦ ꠢꠣꠚꠦꠎ⁕ ꠙꠣꠌ ꠜꠣꠁ ꠛꠘꠤꠞ ꠝꠣꠏꠦ ꠝꠥꠢꠣꠝ꠆ꠝꠖ ꠀꠚꠎꠟ ꠢꠥꠍꠣꠁꠘ ꠢꠈꠟꠞ ꠛꠠ ꠀꠞ ꠀꠢꠝꠦꠖ ꠀꠎꠝꠟ ꠔꠤꠘ ꠟꠝ꠆ꠛꠞ⁕
ꠀꠚꠎꠟ ꠀꠞ ꠀꠎꠝꠟꠦ ꠈꠁꠘ, ꠀꠞꠛ ꠀꠝꠤꠞꠣꠔ ꠁꠘꠤꠜꠣꠞꠍꠤꠐꠤꠔ ꠜꠞ꠆ꠔꠤ ꠅꠁ ꠔꠣꠞꠣ ꠃꠌ꠆ꠌꠡꠤꠇ꠆ꠇꠣ ꠘꠤꠔꠣ ꠍꠣꠁꠘ।
