শুরমা ফারর খবর ছিলটি জবানে ছিলটর খবর
Related Articles
ꠡꠥꠎꠣꠘꠉꠞ ꠉꠣꠋꠉꠅ ꠒꠥꠛꠤꠀ ꠍꠣꠍꠣ-ꠜꠣꠔꠤꠎꠣꠞ ꠝꠃꠔ ꠅꠁꠍꠦ⁕ ꠝꠋꠉꠟꠛꠣꠞ ꠝꠣꠖꠣꠘ ৪ꠐꠣ ꠛꠣꠄ ꠃꠚꠤꠎꠤꠟꠣꠞ ꠜꠣꠄꠘꠣ ꠁꠘꠤꠅꠘꠞ ꠟꠇ꠆ꠇꠤꠚꠥꠞ ꠉꠣꠅ ꠁ ꠊꠐꠘꠣ ꠊꠐꠦ⁕
ꠘꠤꠢꠔ ꠖꠄꠎꠘ ꠅꠁꠟꠣ- ꠓꠣꠇꠣ ꠛꠣꠋꠟꠣ ꠇꠟꠦꠎꠞ ꠅꠘꠣꠞ꠆ꠍ ꠖꠥꠍꠞꠣ ꠛꠞ꠆ꠡꠞ ꠅꠞ꠆ꠕꠘꠤꠔꠤ ꠛꠤꠡꠅ ꠚꠠꠣ ꠅ ꠕꠣꠘꠤꠅ ꠟꠇ꠆ꠇꠤꠚꠥꠞ ꠉꠣꠅꠞ ꠀꠛꠥꠟ ꠇꠣꠟꠣꠝ ꠀꠎꠣꠖꠞ ꠚꠥꠀ ꠞꠣꠛ꠆ꠛꠤ ꠢꠣꠍꠣꠘ (২৩) ꠀꠞ ꠄꠇꠤ ꠉꠣꠅꠞ ꠎꠣꠝꠣꠟ ꠢꠥꠡꠦꠘꠞ ꠚꠥꠀ ꠕꠣꠘꠤꠅ ꠉꠥꠙꠣꠟꠚꠥꠞ ꠡꠞꠈꠣꠞꠤ ꠙ꠆ꠞꠣꠕꠝꠤꠇ ꠛꠤꠖ꠆ꠖꠣꠟꠅꠞ ꠚꠣꠍ ꠇꠦꠟꠣꠍꠞ ꠍꠣꠔ꠆ꠞ ꠟꠤꠅꠘ ꠢꠥꠡꠦꠘ (১২)⁕
ꠡꠥꠎꠣꠘꠉꠞ ꠕꠣꠘꠣꠞ ꠅꠚꠤꠍꠣꠞ ꠁꠘꠌꠣꠞ꠆ꠎ (ꠔꠖꠘ꠆ꠔ) ꠢꠣꠖꠤꠃꠟ ꠁꠍꠟꠣꠝꠦ ꠎꠣꠘꠣꠁꠘ, ꠝꠋꠉꠟꠛꠣꠞ ꠝꠣꠖꠣꠘꠦ ꠛꠣꠠꠤꠞ ꠚꠤꠍꠞ ꠉꠣꠋꠉꠅ ꠉꠥꠍꠟ ꠈꠞꠣꠔ ꠎꠣꠄ ꠔꠣꠞꠣ⁕ ꠉꠣꠋꠉ ꠟꠣꠝꠤꠀ ꠢꠣꠔꠣꠞ ꠘꠣ ꠎꠣꠘꠣꠄ ꠔꠣꠞꠣ ꠀꠞ ꠚꠣꠠ ꠃꠑꠔ ꠚꠣꠞꠍꠦ ꠘꠣ⁕ ꠍꠣꠁꠞ ꠛꠣꠄ ꠛꠃꠔ ꠔꠥꠇꠣꠔꠥꠇꠤꠞ ꠛꠣꠖꠦ ꠢꠣꠁꠘꠎꠣ ৬ꠐꠣ ꠛꠣꠄ ꠉꠣꠋꠉꠞ ꠚꠣꠠ ꠔꠘꠦ ꠔꠣꠞꠣꠞ ꠟꠣꠡ ꠃꠖ꠆ꠗꠣꠞ ꠈꠞꠁꠘ ꠈꠦꠡ ꠇꠥꠐꠥꠝꠦ⁕ ꠁ ꠊꠐꠘꠣꠄ ꠄꠟꠣꠇꠣꠞ ꠝꠣꠁꠘꠡꠞ ꠎꠣꠘꠅ ꠀꠈ-ꠀꠈꠤ ꠈꠞꠦꠞ⁕
