Home / ꠖꠦꠡꠞ ꠈꠛꠞ / ꠍꠤꠐꠣꠉꠣꠋ ꠝꠌ꠆ꠌꠤꠖ ꠔꠘꠦ ꠛꠣꠈꠞꠤꠀ ꠚꠛꠣꠡꠤ ꠄꠈ ꠛꠤꠄꠘꠙꠤ ꠘꠦꠔꠣꠞꠦ ꠚꠤꠐꠤꠀ ꠈꠣꠔꠟ

ꠍꠤꠐꠣꠉꠣꠋ ꠝꠌ꠆ꠌꠤꠖ ꠔꠘꠦ ꠛꠣꠈꠞꠤꠀ ꠚꠛꠣꠡꠤ ꠄꠈ ꠛꠤꠄꠘꠙꠤ ꠘꠦꠔꠣꠞꠦ ꠚꠤꠐꠤꠀ ꠈꠣꠔꠟ

ꠍꠤꠐꠣꠉꠣꠋ ꠝꠌ꠆ꠌꠤꠖ ꠔꠘꠦ ꠛꠣꠈꠞꠤꠀ ꠚꠛꠣꠡꠤ ꠄꠈ ꠛꠤꠄꠘꠙꠤ ꠘꠦꠔꠣꠞꠦ ꠚꠤꠐꠤꠀ ꠇꠥꠘ

ꠍꠤꠐꠣꠉꠣꠋꠉꠞ ꠞꠣꠃꠎꠣꠘ ꠎꠥꠝ꠆ꠝꠣꠞ ꠘꠝꠣꠎ ꠚꠠꠣꠔ ꠀꠁꠀ ꠕꠣꠘꠤꠅ ꠀꠃꠀꠝꠤ ꠟꠤꠉ ꠘꠦꠔꠣꠈꠞ꠆ꠝꠤꠘ꠆ꠔꠞ ꠀꠔ ꠝꠣꠁꠞꠗꠂꠞꠞ ꠡꠤꠇꠣꠞ ꠅꠁꠀ ꠝꠣꠞꠣ ꠉꠦꠍꠂꠘ ꠝꠥꠢꠣꠝ꠆ꠝꠖ ꠝꠥꠍꠣ ꠘꠣꠝꠞ ꠄꠈꠎꠘ ꠚꠛꠣꠡꠤ ꠛꠤꠄꠘꠙꠤ ꠘꠦꠔꠣ ⁕

ꠡꠥꠇ꠆ꠇꠥꠞꠛꠣꠞ ꠎꠥꠝ꠆ꠝꠣꠞ ꠘꠝꠣꠎꠞ ꠛꠣꠖꠦ ꠞꠣꠃꠎꠣꠘ ꠙꠃꠞꠡꠜꠣꠞ ꠡꠣꠔ ꠟꠝ꠆ꠛꠞ ꠃꠀꠞ꠆ꠒꠞ ꠓꠦꠃꠀ ꠢꠣꠎꠤꠚꠣꠞꠣ ꠄꠟꠣꠇꠣꠔ ꠁ ꠊꠐꠘꠣꠈꠣꠘ ꠊꠐꠦ ⁕ ꠝꠣꠞꠤꠟꠣꠃꠀ ꠝꠥꠢꠣꠝ꠆ꠝꠖ ꠝꠥꠍꠣ (b☽) ꠕꠣꠘꠤꠅ ꠝ꠆ꠞꠤꠔ ꠇꠛꠤꠞ ꠀꠢꠝꠖꠞ ꠚꠥꠀ ⁕ ꠖꠥꠁ ꠚꠥꠞꠥꠔ꠆ꠔꠣꠞ ꠛꠣꠚ ꠝꠥꠍꠣ ꠅꠝꠣꠘ ꠅꠀꠁꠟꠎꠣ ꠅꠋꠡꠞ ꠛꠤꠄꠘꠙꠤꠞ ꠡꠢ ꠡꠜꠣꠚꠔꠤ ꠀꠍ꠆ꠟꠣ ⁕

ꠝꠥꠍꠣ ꠞꠣꠃꠎꠣꠘ ꠛꠤꠄꠘꠙꠤꠞ ꠞꠣꠎꠘꠤꠔꠤꠔ ꠉꠤꠀꠡ ꠇꠣꠖꠦꠞ ꠌꠃꠗꠥꠞꠤꠞ ꠍꠣꠙꠥꠞ꠆ꠐꠣꠞ ꠈꠁꠀ ꠍꠤꠘꠚꠞꠤꠍꠄꠁ ⁕ ꠍꠣꠁꠞꠖꠟꠤꠅ ꠎꠥꠐ ꠡꠞꠈꠣꠞ ꠉꠖꠤꠔꠘꠦ ꠟꠣꠝꠣꠞ ꠛꠣꠖꠦ ꠔꠣꠁꠘ ꠝꠤꠒꠤꠟꠤꠡ꠆ꠑꠞꠞ ꠖꠦꠡ ꠅꠝꠣꠘ ꠎꠣꠁꠘꠉꠤ ⁕ ꠄꠞꠛꠣꠖ ꠔꠘꠦ ꠕꠣꠘꠤꠅ ꠀꠃꠀꠝꠤ ꠟꠤꠉ ꠘꠦꠔꠣꠇꠞ꠆ꠝꠤꠘ꠆ꠔꠞ ꠒꠞꠦ ꠔꠣꠁꠘ ꠀꠞ ꠄꠟꠣꠇꠣꠔ ꠚꠣꠞꠣ ꠖꠤꠍꠂꠘ ꠘꠣ ⁕

ꠖꠦꠈꠞꠣꠁꠘ꠆ꠔꠞ ꠛꠞꠣꠔꠦ ꠎꠣꠘꠣ ꠉꠦꠍꠦ, ꠝꠥꠍꠣ ꠛꠃꠔꠔꠣ ꠟꠥꠇꠣꠁ ꠍꠣꠚꠣꠁꠀ ꠛꠤꠞꠥꠡꠥꠁꠔꠛꠣꠞ ꠞꠣꠁꠔ ꠘꠤꠎ ꠛꠣꠠꠤꠔ ꠎꠣꠁꠘ ⁕ ꠡꠥꠇ꠆ꠇꠥꠞꠛꠣꠞ ꠖꠥꠁꠚꠞꠤ ꠛꠣꠟꠣ ꠛꠣꠠꠤꠞ ꠝꠌ꠆ꠌꠤꠖꠅ ꠎꠥꠝ꠆ꠝꠣꠞ ꠘꠝꠣꠎ ꠚꠞꠣꠔ ꠉꠦꠟꠦ ꠕꠣꠘꠤꠅ ꠀꠃꠁꠝꠤ ꠟꠤꠉꠞ ꠈꠈꠎꠘ ꠘꠦꠔꠣꠈꠞ꠆ꠝꠤꠄ ꠔꠣꠘꠞꠦ ꠖꠦꠇꠤ ꠟꠣꠄ ⁕ ꠝꠥꠍꠣ ꠘꠝꠣꠎ ꠚꠞꠤꠀ ꠛꠣꠞꠂꠔꠦꠃ ꠀꠃꠀꠝꠤ ꠟꠤꠉꠞ ꠄꠈ ꠘꠦꠔꠣꠞ ꠚꠥꠍꠞꠥꠋꠉꠤꠄ 10-1Γ ꠉꠥ ꠛꠦꠐꠣꠁꠘ꠆ꠔꠦ ꠔꠣꠘꠞ ꠃꠚꠞꠦ ꠢꠣꠝꠟꠣ ꠈꠞꠦ ꠀꠞ ꠛꠦꠇꠥꠝꠣꠞ ꠟꠣꠈꠣꠘ ꠚꠤꠐꠣ ꠖꠦꠄ ⁕ ꠚꠤꠐꠣꠞ ꠍꠥꠐꠦ ꠔꠣꠁꠘ ꠚꠤꠐ ꠅꠁꠀ ꠚꠞꠤ ꠞꠁꠘ ⁕ ꠛꠣꠖꠦ ꠕꠣꠘꠤꠅ ꠝꠣꠘꠥꠡꠈꠟꠦ ꠔꠣꠘꠞꠦ ꠃꠖ꠆ꠖꠣꠞ ꠈꠞꠤꠀ ꠃꠚꠎꠤꠟꠣ ꠡꠣꠁꠍ꠆ꠔ ꠇꠝꠙ꠆ꠟꠦꠇ꠆ꠍ ꠟꠁꠀ ꠉꠦꠟꠦ ꠒꠣꠈꠔꠣꠞꠦ ꠔꠣꠘ ꠝꠃꠔ ꠅꠁꠉꠦꠍ ꠈꠞꠤꠀ ꠎꠣꠘꠣꠄ ⁕

ꠇꠥꠘ ꠅꠃꠀ ꠝꠥꠍꠣꠞ ꠜꠣꠁ ꠔꠃꠚꠤꠇꠥꠟꠦ ꠛꠣꠋꠟꠣ ꠚꠔ꠆ꠞꠤꠇꠣ ꠝꠣꠘꠛꠎꠝꠤꠘꠞꠦ ꠈꠁꠘ, ‘ꠝꠞ ꠜꠣꠁꠄ ꠉꠤꠀꠡ ꠇꠣꠖꠦꠞꠞ ꠟꠉꠦ ꠞꠣꠎꠘꠤꠔꠤ ꠈꠞꠔꠣ ⁕ ꠛꠤꠄꠘꠙꠤ ꠡꠞꠈꠣꠞꠦ ꠈꠝꠔꠣ ꠍꠣꠠꠣꠞ ꠛꠣꠖꠦꠃ ꠔꠣꠁꠘ ꠅꠝꠣꠘ ꠉꠦꠍꠟꠣꠉꠤ ⁕

ꠄꠞꠝꠣꠏꠦ ꠔꠣꠁꠘ ꠈꠈꠛꠣꠞ ꠖꠦꠡ ꠀꠁꠟꠦꠅ ꠄꠟꠣꠇꠣꠔ ꠀꠁꠍꠟꠣ ꠘꠣ ⁕ ꠢꠣꠐꠢꠣꠎꠣꠞꠤꠞ ꠢꠃꠞ ꠛꠣꠠꠤꠔ ꠞꠁꠔꠣ ⁕ ꠄꠈ ꠝꠣꠡ ꠀꠉꠦ ꠔꠣꠁꠘ ꠖꠦꠡ ꠀꠁꠟꠣ ⁕ ꠡꠣꠝꠘꠞ ☽ ꠔꠣꠞꠤꠇ ꠔꠣꠘꠞ ꠢꠤꠛ꠆ꠛꠣꠞ ꠅꠝꠣꠘ ꠎꠣꠃꠀꠉꠤꠞ ꠈꠕꠣ ꠀꠍꠤꠟ ⁕ ‘ꠇꠤꠘ꠆ꠔꠥꠇ ꠁ ꠘꠡ꠆ꠐ ꠞꠣꠎꠘꠤꠔꠤ ꠔꠣꠘꠞꠦ ꠛꠣꠍꠔ ꠖꠤꠟ ꠘꠣ ⁕’

ꠔꠣꠁꠘ ꠀꠞꠅ ꠎꠣꠘꠣꠁꠘ, ‘ꠛꠤꠞꠥꠡꠥꠔꠛꠣꠞ ꠝꠥꠁ ꠝꠞ ꠜꠣꠁꠞꠦ ꠟꠁꠀ ꠄꠟꠣꠇꠣꠞ ꠀꠃꠀꠝꠤ ꠟꠤꠉ ꠘꠦꠔꠣ ꠡꠣꠢꠎꠣꠢꠣꠘ ꠁꠇꠛꠣꠟꠞ ꠟꠉꠦ ꠔꠣꠘꠞ ꠡꠢꠞꠞ ꠅꠚꠤꠡ ꠉꠤꠀ ꠖꠦꠈꠣ ꠈꠞꠍꠤꠟꠣꠝ ⁕ ꠔꠣꠘꠞꠦ ꠝꠞ ꠜꠣꠁꠄ ꠈꠁꠍ꠆ꠟ, ꠔꠣꠁꠘ ꠀꠁꠎꠈꠥ ꠛꠣꠛꠣꠞ ꠈꠄꠛꠞ ꠎꠤꠀꠞꠔ ꠈꠞꠣꠔ ꠄꠟꠣꠇꠣꠔ ꠎꠣꠁꠛꠣ ⁕ ꠔꠣꠘꠞꠦ ꠎꠦꠘ ꠢꠦꠁꠘ ꠙ꠆ꠞꠐꠦꠇꠡꠘ ꠖꠦꠁꠘ ⁕ ꠝꠞ ꠜꠣꠁꠞꠦ ꠔꠣꠁꠘ ꠈꠕꠣ ꠅ ꠖꠤꠍꠟꠣ ⁕ ꠀꠞ ꠅꠘꠦ ꠢꠥꠘꠟꠣꠝ ꠔꠣꠘ ꠢꠥꠇꠥꠝꠦꠃ ꠀꠎꠇꠦ ꠎꠥꠝ꠆ꠝꠣꠞ ꠘꠝꠣꠎꠞ ꠛꠣꠖꠦ ꠜꠣꠁꠞꠦ ꠚꠤꠐꠤꠀ ꠝꠣꠞꠤꠟꠣꠃꠀ ꠅꠁꠉꠦꠍꠦ ⁕ ꠔꠄ ꠄꠁꠘ (ꠡꠣꠢꠎꠣꠢꠣꠘ ꠁꠇꠛꠣꠟ) ꠁ ꠊꠐꠘꠣꠔ ꠢꠥꠇꠥꠝꠖꠣꠞꠤ ꠈꠞꠍꠂꠘ ꠘꠤ-ꠘꠣ ꠝꠥꠁ ꠘꠤꠌ꠆ꠌꠤꠔ ꠘꠣꠄ ⁕’

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …