শুরমা ফারর খবর ছিলটি জবানে ছিলটর খবর
Related Articles
ꠟꠦꠈꠣ: ꠎꠥꠟꠦꠢꠣ ꠛꠦꠉꠝꠞ ꠚꠦꠁꠍꠛꠥꠇ ꠔꠘꠦ—
ꠇꠥꠘ ꠝꠔꠦ ꠀꠁꠎ ꠀꠝꠣꠞ ꠊꠥꠝꠦ ꠗꠞꠦꠞ ꠘꠣ। ꠄꠞ ꠟꠣꠉꠤ ꠀꠚꠘꠣꠞꠣꠞꠦ ꠄꠈꠐꠣ ꠀꠉꠞ ꠀꠝꠟꠤ ꠇꠤꠌ꠆ꠌꠣ ꠈꠁꠀꠞ। ꠈꠡ꠆ꠐ ꠈꠞꠤ ꠢꠥꠘꠃꠇꠇꠣ।
ꠄꠈ ꠖꠎ꠆ꠎꠣꠟ ꠢꠠꠤ ꠀꠍꠟꠣ। ꠚꠥꠀꠞ ꠛꠃꠞꠦ ꠈꠣꠘꠤꠔ ꠛꠠ ꠍꠣꠔꠣꠁꠔꠣ। ꠚꠥꠀꠞ ꠛꠃꠞ ꠎꠣꠘ ꠎꠣꠞꠉꠤ ꠝꠣꠍ ꠈꠣꠁꠛꠣꠞ ꠟꠣꠉꠤ। ꠇꠥꠘ ꠝꠔꠦ ꠈꠣꠁꠛꠣꠞ ꠚꠕ ꠘꠣꠁ। ꠄꠞ ꠝꠣꠏꠦ ꠢꠠꠤ ꠉꠦꠍꠁꠘ ꠚꠥꠇꠞꠤꠔ ꠉꠥꠍꠟ ꠈꠞꠣꠔ। ꠄꠞ ꠝꠣꠏꠦ ꠖꠤ ꠛꠃꠄ ꠡꠛ ꠝꠣꠍ ꠔꠥꠟꠤꠀ ꠈꠣꠁꠟꠣꠍꠦ। ꠉꠥꠍꠟ ꠔꠘꠦ ꠀꠁꠀ ꠢꠠꠤ ꠛꠁꠍꠁꠘ ꠈꠣꠘꠤꠔ। ꠛꠃꠄ ꠈꠣꠟꠤ ꠝꠣꠍꠞ ꠡꠤꠞꠣ ꠖꠤ ꠜꠣꠔ ꠖꠤꠍꠦ। ꠢꠠꠤꠄ ꠈꠁꠘ ꠈꠣꠟꠤ ꠡꠤꠞꠣ ꠖꠤ ꠜꠣꠔ ꠖꠤꠟꠦ ꠝꠣꠍ ꠇꠤꠔꠣ ꠅꠁꠟ। ꠛꠃꠄ ꠈꠄ ꠝꠣꠍ ꠢꠇ꠆ꠇꠟꠐꠤ ꠚꠣꠁꠔꠣ ꠜꠣꠋꠉꠤꠀ ꠚꠣꠘꠤꠔ ꠉꠦꠍꠁꠘ ꠉꠤ। ꠢꠠꠤ ꠇꠁꠘ,
ꠀꠝꠣꠞꠦ ꠛꠥꠎꠣꠁꠍ ꠘꠣ ꠉ ꠝꠣꠁ
ꠄꠝꠘꠦ ꠀꠞ ꠢꠦꠝꠘꠦ।
ꠚꠣꠁꠔꠟꠣ ꠜꠣꠋꠉꠤ ꠝꠣꠍ ꠉꠦꠟꠦꠉꠤ
ꠡꠤꠞꠣ ꠞꠁꠟ ꠈꠦꠝꠘꠦ?
