শুরমা ফারর খবর ছিলটি জবানে ছিলটর খবর
Related Articles
ꠢꠈꠟꠞꠦ ꠍꠣꠟꠣꠝ, ꠀꠖꠣꠛ ꠀꠞ ꠖꠥꠀ ꠖꠤꠀ ꠀꠝꠞꠣꠞ ꠍꠤꠟꠐꠤ ꠝꠣꠔꠦ ꠡꠥꠞꠝꠣ ꠚꠣꠞꠞ ꠈꠛꠞ ꠅꠘꠟꠣꠁꠘꠅ ꠍꠣꠟꠥ ꠈꠞꠟꠣꠘ।
ꠀꠁꠃꠇ꠆ꠇꠣ ꠝꠣꠄꠀꠞ ꠢꠈꠟ ꠍꠤꠟꠐꠤꠘ!
ꠏꠥꠉꠞ ꠔꠣꠟꠦ ꠛꠃꠔ꠆ꠔꠣ ꠛꠖꠟꠤ ꠏꠣꠄ। ꠄꠈ ꠡꠝꠄꠇꠥꠞ ꠈꠣꠉꠏꠧ ꠍꠣꠚꠣꠁꠟ ꠚꠔꠞꠤꠇꠣ ꠅꠘꠦ ꠝꠥꠛꠣꠁꠟ, ꠇꠝꠙꠤꠃꠐꠣꠞ ꠇꠤ ꠒꠤꠎꠤꠐꠣꠟ ꠛꠃꠔ ꠏꠠꠤꠀꠄ ꠚꠠꠣ ꠏꠣꠄ। ꠏꠦꠉꠔꠤꠇꠦ ꠍꠤꠟꠐꠤꠘ꠆ꠔꠞ ꠈꠕꠣ ꠍꠤꠘ꠆ꠔꠣ ꠈꠞꠤ ꠅꠘꠟꠣꠁꠘꠞ ꠇꠥꠟꠣ ꠎꠣꠘꠟꠣꠔ ꠍꠤꠟꠐꠤ ꠏꠛꠣꠘꠦ ꠅꠘꠦ ꠍꠤꠟꠐꠤ ꠈꠛꠞ ꠍꠣꠚꠣꠘꠤ ꠅꠁꠟꠧ। ꠏꠣꠔꠦ ꠏꠦꠍꠣꠄ, ꠏꠦꠍꠣ ꠏꠣꠉꠣ ꠔꠘꠦ ꠟꠦꠇꠤꠀ ꠚꠣꠐꠣꠁꠔꠣ ꠀꠞ ꠚꠠꠔꠣ ꠚꠣꠞꠂꠘ। ꠀꠚꠘꠣꠞꠣꠞ ꠟꠦꠈꠣ ꠏꠥꠉꠏꠥꠉ ꠗꠞꠤ ꠍꠤꠟꠐꠤꠘ꠆ꠔꠞ ꠉꠦꠍꠦ ꠏꠤꠔꠣ ꠞꠁꠛꠧ; ꠡꠥꠇ-ꠖꠥꠇꠞ ꠈꠕꠣ, ꠀꠡꠤ-ꠇꠥꠡꠤꠞ ꠝꠣꠔ, ꠇꠤꠌ꠆ꠌꠣ, ꠍꠤꠟ꠆ꠟꠈ, ꠚꠁ ꠇꠤ ꠉꠚꠉꠤꠔꠤꠌ꠆ꠌꠣ। ꠏꠦꠔꠣꠃ ꠖꠤꠛꠣ!
ꠀꠚꠘꠣꠞ ꠀꠝꠣꠞ ꠝꠣꠁꠞꠝꠣꠔ, ꠍꠤꠟꠐꠤ ꠏꠛꠣꠘꠞ ꠟꠣꠉꠤ ꠀꠚꠘꠣꠞ ꠈꠣꠝ ꠄꠈ ꠍꠤꠠꠤ ꠔꠘꠦ ꠀꠞ ꠍꠤꠠꠤ ꠐꠣꠁꠘ ꠚꠃꠍꠤ ꠏꠣꠁꠛꠧ। ꠏꠣꠞꠣ ꠀꠚꠘꠣꠞꠣꠞꠦ ꠈꠣꠍ ꠍꠤꠟꠐꠤ ꠢꠤꠡꠣꠛꠦ ꠁꠀꠖ ꠈꠞꠛꠧ। ꠇꠤ, ꠍꠤꠟꠐꠤꠚꠣꠘꠣ (ꠍꠤꠟꠐꠤ ꠘꠣ ꠅꠁꠀꠅ ꠍꠤꠟꠐꠤ ꠝꠣꠔ ꠇꠤ ꠍꠤꠟꠐꠞ ꠟꠣꠉꠤ ꠚꠣꠘꠣꠚꠤꠟ꠆ꠟꠣ ꠅꠁꠀ ꠈꠣꠝ ꠈꠞꠞꠣ, ꠏꠦꠟꠣꠘ- ꠁꠍꠐꠤꠜꠦꠘ ꠛꠤ ꠙ꠆ꠟꠦꠐꠘꠣꠞ [Steven B Plettner] ꠅꠞꠚꠦ ꠔꠣꠏꠥꠟ ꠀꠡꠤꠇ [Tazul Ashik], ꠍꠥ ꠟꠄꠅꠒ ꠃꠁꠟꠤꠀꠝ [James Lioyd William], ꠎꠦꠝ꠆ꠍ ꠟꠄꠅꠒ ꠃꠁꠟꠤꠀꠝ [James Lioyd William], ꠝꠣꠞꠤ ꠕꠣꠃꠐ [Marie Thaut] ꠡꠁꠔꠦ ꠀꠞꠧ ꠛꠃꠔ) ꠢꠤꠡꠣꠛꠦ ꠍꠤꠟꠐꠤꠘ꠆ꠔꠞ ꠝꠘ ꠏꠣꠉꠣ ꠚꠣꠁꠛꠣ, ꠖꠥꠀ ꠚꠣꠁꠛꠣ। ꠈꠟꠟꠣꠔ ꠕꠣꠈꠛꠧ ꠝꠣꠘꠤꠀꠟꠣꠞ ꠚꠣꠉꠠꠤ। ꠀꠞ ꠀꠚꠘꠣꠞꠣꠞꠦ ꠟꠁꠀ ꠜꠛꠤꠡ꠆ꠡꠔ ꠍꠣꠃꠍꠤꠠꠤꠄ ꠝꠣꠔꠣꠝꠣꠔꠤ ꠈꠞꠛꠧ।
