ꠎꠤ’ꠀꠁ ꠡꠤꠇ꠆ꠞꠤꠔꠤ ꠚꠣꠁꠍꠦ ꠝꠥꠟꠤꠛꠣꠎꠣꠞꠞ ꠀꠉꠞ-ꠀꠔ꠆ꠔꠞꠦ

ꠝꠥꠟꠤꠛꠣꠎꠣꠞꠞ ꠛꠠꠟꠦꠈꠣ ꠃꠚꠎꠤꠟꠣ ꠀꠉꠞ ꠀꠞ ꠀꠔ꠆ꠔꠞꠞ ꠟꠣꠉꠤꠘ ꠘꠣꠝꠈꠞꠣ ⁕ ꠁꠇꠣꠘꠞ ꠁ ꠡꠤꠟ꠆ꠚꠞ ꠘꠣꠝ ꠖꠦꠡ ꠍꠣꠠꠣꠁꠀ ꠘꠥ ꠀꠁꠎ ꠜꠤꠘꠖꠦꠡ ꠅ ꠍꠤꠔ꠆ꠞꠤꠀ ꠢꠣꠞꠍꠦ ⁕

ꠝꠣꠘ ꠀꠞ ꠀꠍꠟꠤꠀꠉꠥꠘꠦ ꠡꠦꠞꠣ ꠁ ꠃꠚꠎꠤꠟꠣꠞ ꠖꠟꠣ ꠡꠥꠘꠣ ꠈꠃꠀ ꠖꠥꠁ ꠍꠤꠎ ꠀꠉꠞ ꠀꠞ ꠀꠔ꠆ꠔꠞ ⁕ ꠁ ꠚꠤꠞꠔꠤ ꠜꠃꠉꠟꠤꠇ ꠘꠤꠡꠣꠘꠤ (ꠎꠤ’ꠀꠁ) ꠍꠤꠎ ꠢꠤꠡꠣꠛꠦ ꠡꠤꠇ꠆ꠞꠤꠔꠤ ꠚꠣꠁꠟ꠆ꠟ ꠝꠥꠟꠤꠛꠣꠎꠣꠞꠞ ꠀꠉꠞ ꠀꠞ ꠀꠔ꠆ꠔꠞꠦ ⁕

ꠝꠥꠟꠜꠤꠛꠣꠎꠣꠞꠞ ꠀꠉꠞ, ꠀꠔ꠆ꠔꠞ ꠍꠣꠠꠣꠅ ꠛꠣꠋꠟꠣꠖꠦꠡꠞ ꠀꠞꠅ ꠍꠣꠁꠞꠉꠥ ꠎꠤꠘꠤꠡꠦ ꠡꠣꠄ ꠚꠣꠁꠟ꠆ꠌꠦ ꠁꠀꠖ꠆ꠞꠣ ⁕ ꠎꠦꠉꠥꠁꠘ ꠟꠁꠀ ꠛꠣꠋꠟꠣꠖꠦꠡꠞ ꠝꠘꠏꠥꠞ ꠅꠃꠀ ꠎꠤ’ꠀꠁ ꠍꠤꠎꠞ ꠡꠁꠋꠇꠣ Γ8 ꠉꠥ ꠅꠁꠉꠦꠟ ⁕

1Γ ꠚꠦꠛꠥꠀꠞꠤ (ꠡꠝꠛꠣꠞ) ꠁ ꠍꠣꠁꠞꠉꠥ ꠎꠤꠘꠤꠡꠞꠦ ꠛꠣꠋꠟꠣꠖꠦꠡꠞ ꠜꠃꠉꠟꠤꠇ ꠘꠤꠡꠣꠘꠤ (ꠎꠤ’ꠀꠁ) ꠍꠤꠎ ꠢꠤꠡꠣꠛꠦ ꠉꠍꠤꠀ ꠟꠁꠀ ꠎꠣꠞ꠆ꠘꠣꠟ ꠍꠣꠚꠣꠘꠤ ꠅꠄ ⁕

ꠡꠋꠡ꠆ꠟꠤꠡ꠆ꠐ ꠡꠥꠔ꠆ꠞꠦ ꠎꠣꠘꠣ ꠎꠣꠄ, Γ00৩ ꠡꠣꠟ ꠛꠣꠋꠟꠣꠖꠦꠡꠞ ꠁ ꠈꠣꠝꠞ ꠖꠣꠄ ꠖꠣꠁꠔ꠆ꠔ ꠚꠣꠃꠀ ꠡꠤꠟ꠆ꠙ ꠝꠘ꠆ꠔ꠆ꠞꠘꠣꠟꠄꠞ ꠀꠃꠔꠣꠗꠤꠘ ꠙꠦꠐꠦꠘ꠆ꠐ, ꠒꠤꠎꠣꠁꠘ ꠀꠞ ꠐ꠆ꠞꠦꠒ ꠝꠣꠞ꠆ꠇꠍ ꠅꠗꠤꠖꠚꠔꠞ (ꠒꠤꠙꠤꠒꠤꠐꠤ) ꠎꠣꠔ꠆ꠞꠣ ꠡꠥꠞꠥ ꠈꠞꠦ ⁕

ꠛꠞ꠆ꠔꠝꠣꠘꠇꠥ ꠁꠉꠥꠞꠦ ꠙꠦꠐꠦꠘ꠆ꠐ, ꠡꠤꠟ꠆ꠙ-ꠘꠇꠡꠣ ꠅ ꠐ꠆ꠞꠦꠒ ꠝꠣꠞ꠆ꠇꠍ ꠅꠗꠤꠖꠚꠔꠞ (ꠒꠤꠙꠤꠒꠤꠐꠤ) ꠘꠣꠝ ꠖꠦꠃꠀ ꠅꠁꠍꠦ ⁕ ꠡꠤꠟ꠆ꠙ ꠝꠘ꠆ꠔ꠆ꠞꠘꠣꠟꠄꠞ ꠃꠖ꠆ꠖꠥꠉꠦ  ꠜꠃꠉꠟꠤꠇ ꠘꠤꠡꠣꠘꠤ ꠍꠤꠎ (ꠞꠦꠎꠤꠡꠐ꠆ꠞꠦꠡꠘ ꠀꠞ ꠡꠥꠞꠇ꠆ꠇꠣ) ꠀꠁꠘ, Γ01৩ ꠚꠣꠡ ꠅꠄ ⁕ ꠄꠞ ꠖꠥꠁ ꠚꠤꠞꠣ ꠛꠣꠖꠦ ꠜꠃꠉꠟꠤꠇ ꠘꠤꠡꠣꠘꠤ ꠍꠤꠎ ꠛꠤꠗꠤꠝꠣꠟꠣ, Γ01☽ ꠙ꠆ꠞꠘꠄꠅꠘ ꠈꠞꠣ ꠅꠄ ⁕

Γ01d ꠡꠣꠟꠅ ꠎꠣꠝꠖꠣꠘꠤ ꠡꠣꠠꠤꠞꠦ ꠛꠣꠋꠟꠣꠖꠦꠡꠅ ꠚꠁꠟ ꠇꠥꠘꠥ ꠎꠤ’ꠀꠁ ꠍꠤꠎ ꠢꠤꠡꠣꠛꠦ ꠝꠘꠏꠥꠞ ꠈꠞꠣ ꠅꠄ ⁕ ꠛꠣꠖꠦ ꠡꠤꠇ꠆ꠞꠤꠔꠥ ꠚꠣꠁꠍꠦ ꠀꠞꠅ Γ0 ꠐꠣ ꠍꠤꠎꠣꠁꠘ ⁕

ꠎꠤ-ꠀꠁ ꠎꠤꠘꠤꠡꠣꠁꠘ ꠅꠉꠥꠁꠘ ꠅꠁꠟ— ꠎꠣꠝꠖꠣꠘꠤ, ꠁꠟꠤꠡꠣ, ꠌꠣꠙꠣꠁꠘꠛꠣꠛꠉꠘ꠆ꠎꠞ ꠇꠤꠞꠡꠣꠚꠣꠔꠤ ꠀꠝ, ꠓꠣꠈꠣꠁꠀ ꠝꠡꠟꠤꠘ ꠡꠣꠞꠤ, ꠞꠣꠎꠡꠣꠢꠤ ꠍꠤꠟꠤꠇ, ꠞꠣꠎꠡꠣꠢꠤ-ꠌꠣꠙꠣꠁꠘꠛꠣꠛꠉꠘ꠆ꠎꠞ ꠚꠎꠟꠤ ꠀꠝ, ꠛꠤꠎꠄꠚꠥꠞꠞ ꠡꠣꠖꠣ ꠝꠣꠐꠤ, ꠞꠋꠚꠥꠞꠞ ꠡꠔꠞꠘ꠆ꠎꠤ, ꠈꠣꠟꠤꠎꠤꠞꠣ ꠍꠣꠃꠟ, ꠖꠤꠘꠣꠎꠚꠥꠞꠞ ꠚꠣꠐꠣꠞꠤꠜꠥꠉ ꠍꠣꠃꠟ, ꠛꠠ ꠁꠍꠣ, ꠍꠣꠐꠤ (ꠡꠤꠔꠟ ꠚꠣꠐꠤ), ꠛꠉꠥꠠꠣꠞ ꠖꠁ, ꠡꠦꠞꠚꠥꠞꠞ ꠔꠥꠟꠡꠤꠝꠣꠟꠣ ꠗꠣꠘ, ꠌꠣꠙꠣꠁꠘꠛꠣꠛꠉꠘ꠆ꠎꠞ ꠟꠦꠋꠞꠣ ꠀꠝ, ꠌꠣꠙꠣꠁꠘꠛꠣꠛꠉꠘ꠆ꠎꠞ ꠀꠡ꠆ꠤꠘꠣ ꠀꠝ, ꠘꠣꠐꠥꠞꠞ ꠈꠣꠍꠣꠉꠥꠟ꠆ꠟꠣ, ꠛ꠆ꠟꠣꠇ ꠛꠦꠋꠉꠟ ꠍꠣꠉꠟ, ꠐꠣꠋꠉꠣꠁꠟꠞ ꠚꠥꠠꠣꠛꠣꠠꠤꠞ ꠍꠝꠍꠝ, ꠇꠥꠝꠤꠟ꠆ꠟꠣꠞ ꠞꠡꠝꠣꠟꠣꠁ ꠀꠞ ꠇꠥꠡ꠆ꠐꠤꠅꠣꠞ ꠔꠤꠟꠞ ꠈꠣꠎꠣ ⁕

ꠁꠀꠖ꠆ꠞꠣ ꠝꠘꠎꠥꠞ ꠅꠃꠀ ৩ꠐꠣ ꠍꠤꠎ ꠐꠣꠋꠉꠣꠁꠟ ꠡꠣꠠꠤ, ꠘꠞꠡꠤꠋꠖꠤꠞ ꠅꠝ꠆ꠞꠤꠔꠡꠣꠉꠞ ꠈꠟꠣ ꠀꠞ ꠉꠥꠚꠣꠟꠉꠘ꠆ꠎꠞ ꠞꠡꠉꠥꠟ꠆ꠟꠣꠞ ꠝꠘꠎꠥꠞꠞ ꠇꠙꠤ ꠀꠞ ꠎꠣꠞ꠆ꠘꠣꠟ ꠉꠦꠍꠦ ꠢꠣꠚꠔꠣꠔ ꠚꠗꠣꠘꠝꠘ꠆ꠔ꠆ꠞꠤ ꠡꠦꠈ ꠢꠣꠍꠤꠘꠣꠞ ꠀꠔ ꠔꠥꠟꠤꠀ ꠖꠦꠁꠘ ꠡꠤꠟ꠆ꠚꠝꠘ꠆ꠔ꠆ꠞꠤ ꠘꠥꠞꠥꠟ ꠝꠎꠤꠖ ꠝꠣꠢꠝꠥꠖ ꠢꠥꠝꠣꠁꠃꠘ ꠀꠞ ꠡꠤꠟ꠆ꠚ ꠝꠘ꠆ꠔ꠆ꠞꠘꠣꠟꠄꠅꠞ ꠍꠤꠘꠤꠅꠞ ꠍꠦꠇ꠆ꠞꠦꠐꠣꠞꠤ ꠎꠣꠇꠤꠀ ꠍꠥꠟꠔꠣꠘꠣꠄ ⁕ ꠉꠦꠍꠦ ꠡꠝꠛꠣꠞ b ꠐꠣ ꠎꠤ’ꠀꠁ ꠍꠤꠎꠞ ꠎꠣꠞ꠆ꠘꠣꠟ ꠍꠣꠚꠤꠀ ꠀꠃꠀꠄ ꠡꠛꠔꠣꠄ ꠅꠘꠥꠝꠥꠖꠤꠔ ꠎꠤ’ꠀꠁ ꠍꠤꠎꠞ ꠡꠁꠋꠇꠣ ꠅꠁꠍꠦ Γ8 ꠐꠣ ⁕ ꠄꠍꠣꠠꠣ ꠀꠞꠅ ꠖꠥꠖꠤꠐꠣ ꠎꠤꠘꠤꠡꠣꠁꠘ ꠎꠤ’ꠀꠁ ꠍꠤꠎ ꠢꠤꠡꠣꠛꠦ ꠅꠘꠥꠝꠥꠖꠘꠞ ꠟꠣꠉꠤꠘ ꠛꠣꠞꠍꠣꠞ ⁕ ꠢꠤꠉꠥꠁꠘ ꠅꠁꠟ ꠉꠤꠀ ꠎꠣꠝꠣꠟꠚꠥꠞꠞ ꠘꠇꠡꠤ ꠈꠦꠕꠣ ꠀꠞ ꠎꠡꠥꠞꠞ ꠈꠦꠎꠥꠞꠤ ꠉꠥꠠ ⁕ ꠅꠃ ꠢꠣꠚꠔꠣꠔ ꠁ ꠖꠥꠁꠐꠣ ꠍꠤꠎꠞ ꠎꠣꠞ꠆ꠘꠣꠟ ꠍꠣꠚꠣ ꠛꠥꠟꠦ ꠅꠁꠔ ꠚꠣꠞꠦ ⁕