শুরমা ফারর খবর ছিলটি জবানে ছিলটর খবর
Related Articles
ꠏꠋꠉꠟꠞ ꠈꠣꠘꠖꠣꠔ ꠉꠣꠋꠉꠞ ꠚꠣꠠꠧ ꠄꠈ ꠚꠣꠐꠣꠄ ꠘꠤꠔ ꠊꠣꠡ ꠈꠣꠘꠤꠔ ꠏꠣꠁꠔꠧ ⁕ ꠇꠤꠘꠔꠥꠇ ꠁꠉꠥꠄ ꠢꠣꠔꠞꠣꠘꠤ ꠘꠣ ꠏꠣꠘꠣꠄ ꠉꠣꠋꠉꠞ ꠢꠤ ꠚꠣꠠꠧ ꠏꠣꠁꠔꠧ ꠚꠣꠞꠔꠧ ꠘꠣ ⁕ ꠈꠣꠟꠤ ꠢꠤ ꠚꠣꠠꠞ ꠊꠣꠡ ꠖꠦꠇꠤꠀ ꠟꠤꠟꠇꠣꠁꠔꠧ ꠀꠞ ꠀꠚꠍꠥꠍ ꠈꠞꠔꠧ ⁕ ꠄꠈ ꠚꠤꠞꠣ ꠄꠅꠔ ꠝꠣꠁꠀ ꠖꠤꠘꠧ ꠉꠣꠋ ꠅꠈꠣꠘ ꠢꠥꠇꠣꠁꠀ ꠚꠣꠘꠤ ꠄꠈꠦꠞꠦ ꠝꠥꠞꠧ ꠉꠤꠀ ꠟꠣꠉꠟꠧ ⁕ ꠚꠣꠐꠣꠄ ꠝꠘꠦ ꠝꠘꠦ ꠈꠁꠟꠧ ꠅꠃ ꠃ ꠡꠥꠏꠥꠉ ꠏꠣꠄ ꠉꠣꠋ ꠚꠣꠠ ꠅꠁꠀ ꠢ ꠚꠣꠠꠧ ꠉꠤꠀ ꠊꠣꠡ ꠈꠣꠅꠀꠞ ⁕ ꠢꠣꠍꠣꠞ ꠛꠥꠟ ꠢꠣꠍꠣ ꠚꠣꠐꠣꠄ ꠉꠣꠋ ꠚꠣꠠ ꠅꠁꠀ ꠀꠞ ꠚꠣꠠꠧ ꠉꠤꠀ ꠝꠘꠞ ꠡꠥꠇꠦ ꠈꠣꠘꠤꠔ ꠟꠣꠉꠟꠧ। ꠇꠥꠝꠘꠦꠖꠤ ꠏꠦ ꠢꠣꠁꠘ꠆ꠎꠣ ꠅꠁꠀ ꠀꠁꠟꠧ ꠁꠇꠣꠘ ꠔꠣꠞ ꠇꠤꠀꠟ ꠃ ꠀꠍꠤꠟ ꠘꠣ ⁕ ꠛꠤꠚꠖꠧ ꠚꠠꠤꠀ ꠢꠘ ꠃ ꠢꠦ ꠝꠦ ꠝꠦ ꠈꠞꠔꠧ ꠕꠣꠈꠦ ꠀꠞ ꠞꠣꠁꠔ ꠈꠣꠐꠣꠁꠔꠦ ꠛꠣꠁꠖ꠆ꠖ ꠅꠄ ⁕ ꠀꠘ꠆ꠖꠣꠞ ꠉꠥꠘ꠆ꠖꠣꠁꠞ ꠈꠣꠟꠤ ꠄꠈꠣꠋ ꠉꠣꠔ ꠚꠣꠁꠀ ꠢꠘꠧ ꠞꠣꠔꠇꠥꠞ ꠟꠣꠉꠤꠘ ꠔꠣꠘꠔꠤꠔ ꠟꠄ ⁕ ꠀꠡꠟꠦ ꠢꠦ ꠏꠦꠘꠧ ꠐꠣꠁ ꠟꠁꠍꠤꠟ, ꠁꠉꠥ ꠀꠍꠤꠟ ꠛꠣꠉꠞ ꠀꠍ꠆ꠔꠣꠘꠣ! ꠞꠣꠁꠔ ꠛꠣꠊꠦ ꠀꠁꠀ ꠖꠦꠈꠦ ꠔꠣꠞ ꠀꠍ꠆ꠔꠣꠘꠣ ꠈꠦꠉꠥꠄ ꠖꠈꠟ ꠈꠞꠤꠀ ꠞꠣꠇꠤ ꠖꠤꠍꠦ ⁕ ꠛꠣꠊꠦ ꠏꠤꠇꠣꠄ ‘ꠀꠝꠣꠞ ꠊꠞꠧ ꠇꠤꠉꠥ ꠛꠦ?’
ꠃꠔ꠆ꠔꠞꠦ ꠚꠣꠐꠣꠄ ꠇꠤꠔꠣ ꠈꠁꠔꠧ ꠚꠄꠟꠣ ꠄꠈꠔꠤꠟ ꠜꠣꠛꠦ ⁕ ꠛꠣꠖꠦ ꠏꠥꠀꠚ ꠖꠦꠄ-
ꠍꠥꠍꠤ ꠝꠥꠇ ꠉꠥꠍꠤ ꠖꠣꠠꠤ
ꠊꠘꠊꠘ ꠝꠥꠇ ꠟꠣꠠꠤ
ꠡꠤꠋꠢꠞ ꠛꠣꠉꠘꠣ ꠘꠞꠢꠞꠤꠖꠣꠡ
ꠀꠐꠣꠞꠧ ꠛꠣꠊ ꠚꠣꠁꠟꠦ ꠔꠃ ꠈꠞꠤ ꠉꠦꠞꠣꠡ⁕
ꠛꠣꠊꠞ ꠔ ꠁꠇꠣꠘ ꠢꠥꠘꠤꠀ ꠈꠟꠟꠣꠔ ꠛꠣꠏ ꠚꠠꠣꠞ ꠉꠔꠤ ⁕ ꠏꠦ ꠉꠔꠤꠇꠦ ꠛꠣꠊꠦ ꠏꠣꠘꠞ ꠒꠞꠦ ꠖꠦꠄ ꠖꠃꠠ! ꠀꠞ ꠀꠈꠟ ꠈꠣꠐꠣꠁꠀ ꠚꠣꠐꠣ ꠏꠣꠘꠦ ꠛꠣꠍꠤꠏꠣꠄ!
